ஶ்ரீக³ணேஶாய நம꞉ ..
யத³வதி⁴ தவ நீரம்ʼ பாதகீ நைதி க³ங்கே³
தத³வதி⁴ மலஜாலைர்னைவ முக்த꞉ கலௌ ஸ்யாத் .
தவ ஜலகணிகா(அ)லம்ʼ பாபினாம்ʼ பாபஶுத்³த⁴யை
பதிதபரமதீ³னாம்ʼஸ்த்வம்ʼ ஹி பாஸி ப்ரபன்னான் .. 1..
தவ ஶிவஜலலேஶம்ʼ வாயுனீதம்ʼ ஸமேத்ய
ஸபதி³ நிரயஜாலம்ʼ ஶூன்யதாமேதி க³ங்கே³ .
ஶமலகி³ரிஸமூஹா꞉ ப்ரஸ்பு²ண்டதி ப்ரசண்டா³ஸ்த்வயி
ஸகி² விஶதாம்ʼ ந꞉ பாபஶங்கா குத꞉ ஸ்யாத் .. 2..
தவ ஶிவஜலஜாலம்ʼ நி꞉ஸ்ருʼதம்ʼ யர்ஹி
க³ங்கே³ ஸகலபு⁴வனஜாலம்ʼ பூதபூதம்ʼ ததா³(அ)பூ⁴த் .
யமப⁴டகலிவார்தா தே³வி லுப்தா யமோ(அ)பி
வ்யதி⁴க்ருʼதவரதே³ஹா꞉ பூர்ணகாமா꞉ ஸகாமா꞉ .. 3..
மது⁴மது⁴வனபூகை³ ரத்னபூகை³ர்ந்ருʼபூகை³ர்-
மது⁴மது⁴வனபூகை³ர்தே³வபூகை³꞉ ஸபூகை³꞉ .
புரஹரபரமாங்கே³ பா⁴ஸி மாயேவ க³ங்கே³ ஶமயஸி
விஷதாபம்ʼ தே³வதே³வஸ்ய வந்த்³யம் .. 4..
சலிதஶஶிகுலாபை⁴ருத்தரங்கை³ஸ்தரங்கை³ர்-
அமிதனத³நதீ³நாமங்க³ஸங்கை³ரஸங்கை³꞉ .
விஹரஸி ஜக³த³ண்டே³ க²ண்ட³ம்ʼயதீ கி³ரீந்த்³ரான் ரமயஸி
நிஜகாந்தம்ʼ ஸாக³ரம்ʼ காந்தகாதே .. 5..
தவ பரமஹிமானம்ʼ சித்தவாசாமமானம்ʼ
ஹரிஹரவிதி⁴ஶத்ர்கா நாபி க³ங்கே³ வித³ந்தி .
ஶ்ருதிகுலமபி⁴த⁴த்தே ஶங்கிதம்ʼ தம்ʼ கு³ணாந்தம்ʼ
கு³ணக³ணஸுவிலாபைர்னேதி நேதீதி ஸத்யம் .. 6..
தவ நுதினதிநாமான்யப்யக⁴ம்ʼ பாவயந்தி த³த³தி
பரமஶாந்திம்ʼ தி³வ்யபோ⁴கா³ன் ஜனானாம் .
இதி பதிதஶரண்யே த்வாம்ʼ ப்ரபன்னோ(அ)ஸ்மி
மாதர்லலிததரதரங்கே³ சாங்க³ க³வேப்ரஸீத³ .. 7..
ஶுப⁴தரக்ருʼதயோகா³த்³விஶ்வநாத²-
ப்ரஸாதா³த்³ப⁴வஹரவரவித்³யாம்ʼ ப்ராப்ய காஶ்யாம்ʼ ஹி க³ங்கே³ .
ப⁴க³வதி தவ தீரே நீரஸாரம்ʼ நிபீய
முதி³தஹ்ருʼத³யகஞ்ஜே நந்த³ஸூனும்ʼ ப⁴ஜே(அ)ஹம் .. 8..
க³ங்கா³ஷ்டகமித³ம்ʼ க்ருʼத்வா பு⁴க்திமுக்திப்ரத³ம்ʼ ந்ருʼணாம் .
ஸத்யஜ்ஞானானந்த³தீர்த²யதினா ஸ்வர்பிதம்ʼ ஶிவே .. 9..
தேன ப்ரணாது ப⁴க³வான் ஶிவோ க³ங்கா³த⁴ரோ விபு⁴꞉ .
கரோது ஶங்கர꞉ காஶ்யாம்ʼ ஜனானாம்ʼ ஸததம்ʼ ஶிவம் .. 10..
இதி ஸத்யஜ்ஞானானந்த³தீர்த²யதினா விரசிதம்ʼ க³ங்கா³ஷ்டகம்ʼ ஸம்பூர்ணம் ..
Encoded and proofread by Dinesh Agarwal