ଶ୍ରୀଗଣେଶାୟ ନମଃ ॥
ଯଦବଧି ତବ ନୀରଂ ପାତକୀ ନୈତି ଗଙ୍ଗେ
ତଦବଧି ମଲଜାଲୈର୍ନୈବ ମୁକ୍ତଃ କଲୌ ସ୍ୟାତ୍ ।
ତବ ଜଲକଣିକାଽଲଂ ପାପିନାଂ ପାପଶୁଦ୍ଧୟୈ
ପତିତପରମଦୀନାଂସ୍ତ୍ୱଂ ହି ପାସି ପ୍ରପନ୍ନାନ୍ ॥ ୧॥
ତବ ଶିବଜଲଲେଶଂ ବାୟୁନୀତଂ ସମେତ୍ୟ
ସପଦି ନିରୟଜାଲଂ ଶୂନ୍ୟତାମେତି ଗଙ୍ଗେ ।
ଶମଲଗିରିସମୂହାଃ ପ୍ରସ୍ଫୁଣ୍ଟତି ପ୍ରଚଣ୍ଡାସ୍ତ୍ୱୟି
ସଖି ବିଶତାଂ ନଃ ପାପଶଙ୍କା କୁତଃ ସ୍ୟାତ୍ ॥ ୨॥
ତବ ଶିବଜଲଜାଲଂ ନିଃସୃତଂ ଯର୍ହି
ଗଙ୍ଗେ ସକଲଭୁବନଜାଲଂ ପୂତପୂତଂ ତଦାଽଭୂତ୍ ।
ଯମଭଟକଲିବାର୍ତା ଦେବି ଲୁପ୍ତା ଯମୋଽପି
ବ୍ୟଧିକୃତବରଦେହାଃ ପୂର୍ଣକାମାଃ ସକାମାଃ ॥ ୩॥
ମଧୁମଧୁବନପୂଗୈ ରତ୍ନପୂଗୈର୍ନୃପୂଗୈର୍-
ମଧୁମଧୁବନପୂଗୈର୍ଦେବପୂଗୈଃ ସପୂଗୈଃ ।
ପୁରହରପରମାଙ୍ଗେ ଭାସି ମାୟେବ ଗଙ୍ଗେ ଶମୟସି
ବିଷତାପଂ ଦେବଦେବସ୍ୟ ବନ୍ଦ୍ୟମ୍ ॥ ୪॥
ଚଲିତଶଶିକୁଲାଭୈରୁତ୍ତରଙ୍ଗୈସ୍ତରଙ୍ଗୈର୍-
ଅମିତନଦନଦୀନାମଙ୍ଗସଙ୍ଗୈରସଙ୍ଗୈଃ ।
ବିହରସି ଜଗଦଣ୍ଡେ ଖଣ୍ଡଂୟତୀ ଗିରୀନ୍ଦ୍ରାନ୍ ରମୟସି
ନିଜକାନ୍ତଂ ସାଗରଂ କାନ୍ତକାତେ ॥ ୫॥
ତବ ପରମହିମାନଂ ଚିତ୍ତବାଚାମମାନଂ
ହରିହରବିଧିଶତ୍ର୍କା ନାପି ଗଙ୍ଗେ ବିଦନ୍ତି ।
ଶ୍ରୁତିକୁଲମଭିଧତ୍ତେ ଶଙ୍କିତଂ ତଂ ଗୁଣାନ୍ତଂ
ଗୁଣଗଣସୁବିଲାପୈର୍ନେତି ନେତୀତି ସତ୍ୟମ୍ ॥ ୬॥
ତବ ନୁତିନତିନାମାନ୍ୟପ୍ୟଘଂ ପାବୟନ୍ତି ଦଦତି
ପରମଶାନ୍ତିଂ ଦିବ୍ୟଭୋଗାନ୍ ଜନାନାମ୍ ।
ଇତି ପତିତଶରଣ୍ୟେ ତ୍ୱାଂ ପ୍ରପନ୍ନୋଽସ୍ମି
ମାତର୍ଲଲିତତରତରଙ୍ଗେ ଚାଙ୍ଗ ଗବେପ୍ରସୀଦ ॥ ୭॥
ଶୁଭତରକୃତୟୋଗାଦ୍ୱିଶ୍ୱନାଥ-
ପ୍ରସାଦାଦ୍ଭବହରବରବିଦ୍ୟାଂ ପ୍ରାପ୍ୟ କାଶ୍ୟାଂ ହି ଗଙ୍ଗେ ।
ଭଗବତି ତବ ତୀରେ ନୀରସାରଂ ନିପୀୟ
ମୁଦିତହୃଦୟକଞ୍ଜେ ନନ୍ଦସୂନୁଂ ଭଜେଽହମ୍ ॥ ୮॥
ଗଙ୍ଗାଷ୍ଟକମିଦଂ କୃତ୍ୱା ଭୁକ୍ତିମୁକ୍ତିପ୍ରଦଂ ନୃଣାମ୍ ।
ସତ୍ୟଜ୍ଞାନାନନ୍ଦତୀର୍ଥୟତିନା ସ୍ୱର୍ପିତଂ ଶିବେ ॥ ୯॥
ତେନ ପ୍ରଣାତୁ ଭଗବାନ୍ ଶିବୋ ଗଙ୍ଗାଧରୋ ବିଭୁଃ ।
କରୋତୁ ଶଙ୍କରଃ କାଶ୍ୟାଂ ଜନାନାଂ ସତତଂ ଶିବମ୍ ॥ ୧୦॥
ଇତି ସତ୍ୟଜ୍ଞାନାନନ୍ଦତୀର୍ଥୟତିନା ବିରଚିତଂ ଗଙ୍ଗାଷ୍ଟକଂ ସମ୍ପୂର୍ଣମ୍ ॥
Encoded and proofread by Dinesh Agarwal