అన్నమయ్య కీర్తనలు :
మదముగప్పినమీద మగుడ నది గలదా ||
జడమతికి సహజమే సంసారయాతన యిది |
కడు నిందులో బరము గడియించవలెగాక |
తొడరి గాలప్పుడు తూర్పెత్తక తాను |
విడిచి మఱచిన వెనక వెదకితే గలదా ||
భవబంధునకు విధిపాపపుణ్యపులంకె |
తివిరి యిందునే తెలివి తెలుసుకోవలెగాక |
అవల వెన్నెలలోనే అల్లునేరే ళ్లింతే |
నివిరి నిన్నటివునికి నేటికి గలదా ||
దేహధారికి గలదే తెగనియింద్రియబాధ |
సాహసంబున భక్తి సాధించవలెగాక |
యిహలను శ్రీవేంకటేశుదాసులవలన |
వూహించి గతిగానక వొదిగితే గలదా ||