ఏమి శంకరా నీదు మహిమ ఏమి శంకరా |
ఎవ్వరీకి తెలియదాయె ఏమి శంకరా ఏమి|
పాలు కలిపిన పంచామృతము ఎంగిలంటివీ - శంకరా ॥ఏమి ॥
గంగజలము తెచ్చినీకు అభిషేకం చేతమంటే
గంగలో నున్న కప్ప, చేపల ఎంగిలంటివీ శంకరా ॥ ఏమి ॥
ఆవు పాలు తెచ్చినీకు అభిషేకం చేతమంటే
చిన్ని చిన్ని లేగదూడల ఎంగిలంటివీ శంకరా ॥ ఏమి ॥
పండ్లు ఫలములు తెచ్చినీకు నైవేద్యం చేతమంటే
చిన్ని చిన్ని రామచిలుకల ఎంగిలంటివీ - శంకరా ॥ ఏమి ॥
తుమ్మి పూలు తెచ్చినీకు తృప్తిగా పూజింతమంటే
కొమ్మకొమ్మకు కోటితుమ్మెదల ఎంగిలంటివీ - శంకరా ॥ ఏమి ॥
నారికేళము తెచ్చినీకు నైవేద్యం పెడదమంటే
అప్పుడైనా నీవు నన్ను ఒప్పుకొందువా - శంకరా ॥ ఏమి ॥