కన్నెస్వామి గురుస్వామి నిను చూడగ వచ్చాము
కన్నులార నిన్ను చూడ నీ సన్నిధి కొస్తాము
ఎందుదాగి వున్నావయ్యో అయ్యప్పస్వామి |
తొందరగా రావేమయ్యో అయ్యప్పస్వామి. //కన్నె//
నలుబది రోజులు మేము దీక్షలన్నీ చేసాము
పంపానదినీ చేరి జలకములే ఆడేము
ఏకాంత వాసుడైతివో అయ్యప్పస్వామి
ఎరుమేలిలో దాగివుంటివో అయ్యప్పస్వామి //కన్నె//
కులమత భేదాలు లేని కలియుగ వరదుడవు నీవు
నీతీ నియమాలతోడ నీ సన్నిధి కొచ్చేము
వట్టి మాటలివి కావయ్యో అయ్యప్పస్వామి |
మెట్లకే దండాలయ్యో అయ్యప్పస్వామి
గురుడుకే దండాలయ్యో అయ్యప్పస్వామి
జ్యోతికే దండాలయ్యో అయ్యప్పస్వామి
మకర జ్యోతికే దండాలయ్యో అయ్యప్పస్వామి //కన్నె//