ధ్యానమ్ –
వాగీశా యస్య వదనే లక్ష్మీర్యస్య చ వక్షసి |
యస్యాస్తే హృదయే సంవిత్తం నృసింహమహం భజే ||
అథ స్తోత్రమ్ –
దేవతాకార్యసిద్ధ్యర్థం సభాస్తంభసముద్భవమ్ |
శ్రీనృసింహం మహావీరం నమామి ఋణముక్తయే || ౧ ||
లక్ష్మ్యాలింగిత వామాంకం భక్తానాం వరదాయకమ్ |
శ్రీనృసింహం మహావీరం నమామి ఋణముక్తయే || ౨ ||
ఆంత్రమాలాధరం శంఖచక్రాబ్జాయుధధారిణమ్ |
శ్రీనృసింహం మహావీరం నమామి ఋణముక్తయే || ౩ ||
స్మరణాత్ సర్వపాపఘ్నం కద్రూజవిషనాశనమ్ |
శ్రీనృసింహం మహావీరం నమామి ఋణముక్తయే || ౪ ||
సింహనాదేన మహతా దిగ్విదిగ్భయనాశనమ్ | [దిగ్దంతి]
శ్రీనృసింహం మహావీరం నమామి ఋణముక్తయే || ౫ ||
ప్రహ్లాదవరద శ్రీశం దైత్యేశ్వరవిదారణమ్ |
శ్రీనృసింహం మహావీరం నమామి ఋణముక్తయే || ౬ ||
క్రూరగ్రహైః పీడితానాం భక్తానామభయప్రదమ్ |
శ్రీనృసింహం మహావీరం నమామి ఋణముక్తయే || ౭ ||
వేదవేదాంతయజ్ఞేశం బ్రహ్మరుద్రాదివందితమ్ |
శ్రీనృసింహం మహావీరం నమామి ఋణముక్తయే || ౮ ||
ఇత్థం యః పఠతే నిత్యం ఋణమోచన సిద్ధయే | [సంజ్ఞితమ్]
అనృణో జాయతే శీఘ్రం ధనం విపులమాప్నుయాత్ || ౯ ||
సర్వసిద్ధిప్రదం నృణాం సర్వైశ్వర్యప్రదాయకమ్ |
తస్మాత్ సర్వప్రయత్నేన పఠేత్ స్తోత్రమిదం సదా || ౧౦ ||
ఇతి శ్రీనృసింహపురాణే ఋణమోచన శ్రీ నృసింహ స్తోత్రమ్ |