బంధూకబంధురరుచిం కలధౌతభాసం
పంచాననం దురితవంచనధీరమీశమ్ |
పార్శ్వద్వయాకలితశక్తికటాక్షచారుం
నీలోత్పలార్చితతనుం ప్రణతోఽస్మి దేవమ్ || ౧ ||
కల్యాణవేషరుచిరం కరుణానిధానం
కందర్పకోటిసదృశం కమనీయభాసమ్ |
కాంతాద్వయాకలితపార్శ్వమఘారిమాద్యం
శాస్తారమేవ సతతం ప్రణతోఽస్మి నిత్యమ్ || ౨ ||
యో వా స్మరేదరుణకుంకుమపంకశోణ-
-గుంజాపినద్ధకచభారలసత్కిరీటమ్ |
శాస్తారమేవ సతతం స తు సర్వలోకాన్
విస్మాపయేన్నిజవిలోకనతో నితాంతమ్ || ౩ ||
పంచేషుకైటభవిరోధితనూభవం తం
ఆరూఢదంతిపరమాదృతమందహాసమ్ |
హస్తాంబుజైరవిరతం నిజభక్తహంసే-
-ష్వృద్ధిం పరాం హి దదతం భువనైకవంద్యమ్ || ౪ ||
గుంజామణిస్రగుపలక్షితకేశహస్తం
కస్తూరికాతిలకమోహనసర్వలోకమ్ |
పంచాననాంబుజలసత్ ఘనకర్ణపాశం
శాస్తారమంబురుహలోచనమీశమీడే || ౫ ||
పంచాననం దశభుజం ధృతహేతిదండం
ధారావతాదపి చ రూష్ణికమాలికాభిః |
ఇచ్ఛానురూపఫలదోఽస్మ్యహమేవ భక్తే-
-ష్విత్థం ప్రతీతవిభవం భగవంతమీడే || ౬ ||
స్మేరాననాద్భగవతః స్మరశాసనాచ్చ
మాయాగృహీతమహిలావపుషో హరేశ్చ |
యః సంగమే సముదభూత్ జగతీహ తాదృగ్
దేవం నతోఽస్మి కరుణాలయమాశ్రయేఽహమ్ || ౭ ||
యస్యైవ భక్తజనమత్ర గృణంతి లోకే
కిం వా మయః కిమథవా సురవర్ధకిర్వా |
వేధాః కిమేష నను శంబర ఏష వా కిం
ఇత్యేవ తం శరణమాశుతరం వ్రజామి || ౮ ||
ఇతి శ్రీ ధర్మశాస్తాష్టకమ్ |