శ్రీగోపగోకులవివర్ధన నందసూనో
రాధాపతే వ్రజజనార్తిహరావతార |
మిత్రాత్మజాతటవిహారణ దీనబంధో
దామోదరాచ్యుత విభో మమ దేహి దాస్యమ్ || ౧ ||
శ్రీరాధికారమణ మాధవ గోకులేంద్ర-
సూనో యదూత్తమ రమార్చితపాదపద్మ |
శ్రీశ్రీనివాస పురుషోత్తమ విశ్వమూర్తే
గోవింద యాదవపతే మమ దేహి దాస్యమ్ || ౨ ||
గోవర్ధనోద్ధరణ గోకులవల్లభాద్య
వంశోద్భటాలయ హరేఽఖిలలోకనాథ |
శ్రీవాసుదేవ మధుసూదన విశ్వనాథ
విశ్వేశ గోకులపతే మమ దేహి దాస్యమ్ || ౩ ||
రాసోత్సవప్రియ బలానుజ సత్త్వరాశే
భక్తానుకంపితతవార్తిహరాధినామ |
విజ్ఞానధామ గుణధామ కిశోరమూర్తే
సర్వేశ మంగళతనో మమ దేహి దాస్యమ్ || ౪ ||
సద్ధర్మపాల గరుడాసన యాదవేంద్ర
బ్రహ్మణ్యదేవ యదునందన భక్తిదాన
సంకర్షణప్రియ కృపాలయ దేవ విష్ణో
సత్యప్రతిజ్ఞ భగవన్ మమ దేహి దాస్యమ్ || ౫ ||
గోపీజనప్రియతమ క్రియయైకలభ్య
రాధావరప్రియ వరేణ్య శరణ్యనాథ |
ఆశ్చర్యబాల వరదేశ్వర పూర్ణకామ
విద్వత్తమాశ్రయ ప్రభో మమ దేహి దాస్యమ్ || ౬ ||
కందర్పకోటిమదహారణ తీర్థకీర్తే
విశ్వైకవంద్య కరుణార్ణవతీర్థపాద |
సర్వజ్ఞ సర్వవరదాశ్రయకల్పవృక్ష
నారాయణాఖిలగురో మమ దేహి దాస్యమ్ || ౭ ||
బృందావనేశ్వర ముకుంద మనోజ్ఞవేష
వంశీవిభూషితకరాంబుజ పద్మనేత్ర |
విశ్వేశ కేశవ వ్రజోత్సవ భక్తివశ్య
దేవేశ పాండవపతే మమ దేహి దాస్యమ్ || ౮ ||
శ్రీకృష్ణస్తవరత్నమష్టకమిదం సర్వార్థదం శృణ్వతాం
భక్తానాం చ హితం హరేశ్చ నితరాం యో వై పఠేత్పావనమ్ |
తస్యాసౌ వ్రజరాజసూనురతులాం భక్తిం స్వపాదాంబుజే
సత్సేవ్యే ప్రదదాతి గోకులపతిః శ్రీరాధికావల్లభః || ౯ ||
ఇతి శ్రీమద్వల్లభాచార్యవిరచితం శ్రీకృష్ణాష్టకం |