(తై.ఆ.౧.౦.౦)
ఓం భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ంస॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
ఓం శాన్తి॒: శాన్తి॒: శాన్తి॑: || ౧-౦-౦
ఓం భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ంస॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు |
ఆప॑మాపామ॒పః సర్వా”: |
అ॒స్మాద॒స్మాది॒తోఽముత॑: || ౧ || ౧-౧-౧
అ॒గ్నిర్వా॒యుశ్చ॒ సూర్య॑శ్చ |
స॒హ స॑oచరస్క॒రర్ద్ధి॑యా |
వా॒య్వశ్వా॑ రశ్మి॒పత॑యః |
మరీ”చ్యాత్మానో॒ అద్రు॑హః |
దే॒వీర్భు॑వన॒సూవ॑రీః |
పు॒త్ర॒వ॒త్వాయ॑ మే సుత |
మహానామ్నీర్మ॑హామా॒నాః |
మ॒హ॒సో మ॑హస॒స్స్వ॑: |
దే॒వీః ప॑ర్జన్య॒సూవ॑రీః |
పు॒త్ర॒వ॒త్వాయ॑ మే సుత || ౨ || ౧-౧-౨
అ॒పాశ్న్యు॑ష్ణిమ॒పా రక్ష॑: |
అ॒పాశ్న్యు॑ష్ణిమ॒పారఘమ్” |
అపా”ఘ్రా॒మప॑ చా॒వర్తిమ్” |
అప॑దే॒వీరి॒తో హి॑త |
వజ్ర॑o దే॒వీరజీ॑తాగ్‍శ్చ |
భువ॑నం దేవ॒సూవ॑రీః |
ఆ॒ది॒త్యానది॑తిం దే॒వీమ్ |
యోని॑నోర్ధ్వము॒దీష॑త |
శి॒వాన॒శ్శన్త॑మా భవన్తు |
ది॒వ్యా ఆప॒ ఓష॑ధయః |
సు॒మృ॒డీ॒కా సర॑స్వతి |
మా తే॒ వ్యో॑మ స॒oదృశి॑ || ౩ || ౧-౧-౩
స్మృతి॑: ప్ర॒త్యక్ష॑మైతి॒హ్యమ్” |
అను॑మానశ్చతుష్ట॒యమ్ |
ఏ॒తైరాది॑త్యమణ్డలమ్ |
సర్వై॑రేవ॒ విధా”స్యతే |
సూర్యో॒ మరీ॑చి॒మాద॑త్తే |
సర్వస్మా”ద్భువ॑నాద॒ధి |
తస్యాః పాకవి॑శేషే॒ణ |
స్మృ॒తం కా॑లవి॒శేష॑ణమ్ |
న॒దీవ॒ ప్రభ॑వాత్కా॒చిత్ |
అ॒క్షయ్యా”త్స్యన్ద॒తే య॑థా || ౪ || ౧-౨-౧
తాన్నద్యోఽభిస॑మాయ॒న్తి |
సో॒రుస్సతీ॑ న ని॒వర్త॑తే |
ఏ॒వన్నా॒నాస॑ముత్థా॒నాః |
కా॒లాస్స॑oవత్స॒రగ్గ్ శ్రి॑తాః |
అణుశశ్చ మ॑హశ॒శ్చ |
సర్వే॑ సమవ॒యన్త్రి॑తమ్ |
సతై”స్స॒ర్వైస్స॑మావి॒ష్టః |
ఊ॒రుస్స॑న్న ని॒వర్త॑తే |
అధిసంవత్స॑రం వి॒ద్యాత్ |
తదేవ॑ లక్ష॒ణే || ౫ || ౧-౨-౨
అణుభిశ్చ మ॑హద్భి॒శ్చ |
స॒మారూ॑ఢః ప్ర॒దృశ్య॑తే |
సంవత్సరః ప్ర॑త్యక్షే॒ణ |
నా॒ధిస॑త్వః ప్ర॒దృశ్య॑తే |
ప॒టరో॑ విక్లి॑ధః పి॒ఙ్గః |
ఏ॒తద్వ॑రుణ॒లక్ష॑ణమ్ |
యత్రైత॑దుప॒దృశ్య॑తే |
స॒హస్ర॑o తత్ర॒ నీయ॑తే |
ఏకగ్ంహి శిరో నా॑నా ము॒ఖే |
కృ॒త్స్నం త॑దృతు॒లక్ష॑ణమ్ || ౬ || ౧-౨-౩
ఉభయతస్సప్తే”న్ద్రియా॒ణి |
జ॒ల్పిత॑o త్వేవ॒ దిహ్య॑తే |
శుక్లకృష్ణే సంవ॑త్సర॒స్య |
దక్షిణవామ॑యోః పా॒ర్శ్వయోః |
తస్యై॒షా భవ॑తి |
శు॒క్రం తే॑ అ॒న్యద్య॑జ॒తం తే॑ అ॒న్యత్ |
విషు॑రూపే॒ అహ॑నీ॒ ద్యౌరి॑వాసి |
విశ్వా॒ హి మా॒యా అవ॑సి స్వధావః |
భ॒ద్రా తే॑ పూషన్ని॒హ రా॒తిర॒స్త్వితి॑ |
నాత్ర॒ భువ॑నమ్ |
న పూ॒షా | న ప॒శవ॑: |
నాదిత్యస్సంవత్సర ఏవ ప్రత్యక్షేణ ప్రియత॑మం వి॒ద్యాత్ |
ఏతద్వై సంవత్సరస్య ప్రియత॑మగ్ం రూ॒పమ్ |
యోఽస్య మహానర్థ ఉత్పత్స్యమా॑నో భ॒వతి |
ఇదం పుణ్యం కు॑రుష్వే॒తి |
తమాహర॑ణం ద॒ద్యాత్ || ౭ || ౧-౨-౪
సా॒క॒oజానాగ్॑o స॒ప్తథ॑మాహురేక॒జమ్ |
షడు॑ద్య॒మా ఋష॑యో దేవ॒జా ఇతి॑ |
తేషా॑మి॒ష్టాని॒ విహి॑తాని ధామ॒శః |
స్థా॒త్రే రే॑జన్తే॒ వికృ॑తాని రూప॒శః |
కో ను॑ మర్యా॒ అమి॑థితః |
సఖా॒ సఖా॑యమబ్రవీత్ |
జహా॑కో అ॒స్మదీ॑షతే |
యస్తి॒త్యాజ॑ సఖి॒విద॒గ్॒o సఖా॑యమ్ |
న తస్య॑ వా॒చ్యపి॑ భా॒గో అ॑స్తి |
యదీగ్॑o శృ॒ణోత్య॒లకగ్॑o శృణోతి || ౮ || ౧-౩-౧
న హి ప్ర॒వేద॑ సుకృ॒తస్య॒ పన్థా॒మితి॑ |
ఋ॒తురృ॑తునా ను॒ద్యమా॑నః |
విన॑నాదా॒భిధా॑వః |
షష్టిశ్చ త్రిగ్ంశ॑కా వ॒ల్గాః |
శు॒క్లకృ॑ష్ణౌ చ॒ షాష్టి॑కౌ |
సా॒రా॒గ॒వ॒స్త్రైర్జ॒రద॑క్షః |
వ॒స॒న్తో వసు॑భిస్స॒హ |
స॒oవ॒త్స॒రస్య॑ సవి॒తుః |
ప్రై॒ష॒కృత్ప్ర॑థ॒మః స్మృ॑తః |
అ॒మూనా॒దయ॑తేత్య॒న్యాన్ || ౯ || ౧-౩-౨
అ॒మూగ్‍శ్చ॑ పరి॒రక్ష॑తః |
ఏ॒తా వా॒చః ప్ర॑యుజ్య॒న్తే |
యత్రైత॑దుప॒దృశ్య॑తే |
ఏ॒తదే॒వ వి॑జానీ॒యాత్ |
ప్ర॒మాణ॑o కాల॒పర్య॑యే |
వి॒శే॒ష॒ణం తు॑ వక్ష్యా॒మః |
ఋ॒తూనా”o తన్ని॒బోధ॑త |
శుక్లవాసా॑ రుద్ర॒గణః |
గ్రీ॒ష్మేణా॑ఽఽవర్త॒తే స॑హ |
ని॒జహ॑న్పృథి॑వీగ్ం స॒ర్వామ్ || ౧౦ || ౧-౩-౩
జ్యో॒తిషా”ఽప్రతి॒ఖ్యేన॑ సః |
వి॒శ్వ॒రూ॒పాణి॑ వాసా॒గ్॒oసి |
ఆ॒ది॒త్యానా”o ని॒బోధ॑త |
సంవత్సరీణ॑o కర్మ॒ఫలమ్ |
వర్షాభిర్ద॑దతా॒గ్॒o సహ |
అదుఃఖో॑ దుఃఖచ॑క్షురి॒వ |
తద్మా॑ పీత ఇవ॒ దృశ్య॑తే |
శీతేనా”వ్యథ॑యన్ని॒వ |
రు॒రుద॑క్ష ఇవ॒ దృశ్య॑తే |
హ్లాదయతే” జ్వల॑తశ్చై॒వ |
శా॒మ్యత॑శ్చాస్య॒ చక్షు॑షీ |
యా వై ప్రజా భ్ర॑గ్గ్‍శ్య॒న్తే |
సంవత్సరాత్తా భ్ర॑గ్గ్‍శ్య॒న్తే |
యా॒: ప్రతి॑తిష్ఠ॒న్తి |
సంవత్సరే తాః ప్రతి॑తిష్ఠ॒న్తి |
వ॒ర్షాభ్య॑ ఇత్య॒ర్థః || ౧౧ || ౧-౩-౪
అక్షి॑దు॒:ఖోత్థి॑తస్యై॒వ |
వి॒ప్రస॑న్నే క॒నీని॑కే |
ఆఙ్క్తే చాద్గ॑ణం నా॒స్తి |
ఋ॒భూణా”o తన్ని॒బోధ॑త |
క॒న॒కా॒భాని॑ వాసా॒గ్॒oసి |
అ॒హతా॑ని ని॒భోద॑త |
అన్నమశ్నీత॑ మృజ్మీ॒త |
అ॒హం వో॑ జీవ॒నప్ర॑దః |
ఏ॒తా వా॒చః ప్ర॑యుజ్య॒న్తే |
శ॒రద్య॑త్రోప॒దృశ్య॑తే || ౧౨ || ౧-౪-౧
అభిధూన్వన్తోఽభిఘ్న॑న్త ఇ॒వ |
వా॒తవ॑న్తో మ॒రుద్గ॑ణాః |
అముతో జేతుమిషుము॑ఖమి॒వ |
సన్నద్ధాస్సహ ద॑దృశే॒ హ |
అపధ్వస్తైర్వస్తివ॑ర్ణైరి॒వ |
వి॒శి॒ఖాస॑: కప॒ర్దినః |
అక్రుద్ధస్య యోత్స్య॑మాన॒స్య |
క్రు॒ద్ధస్యే॑వ॒ లోహి॑నీ |
హేమతశ్చక్షు॑షీ వి॒ద్యాత్ |
అ॒క్ష్ణయో”: క్షిప॒ణోరి॑వ || ౧౩ || ౧-౪-౨
దుర్భిక్షం దేవ॑లోకే॒షు |
మ॒నూనా॑ముద॒కం గృ॑హే |
ఏ॒తా వా॒చః ప్ర॑వద॒న్తీః |
వై॒ద్యుతో॑ యాన్తి॒ శైశి॑రీః |
తా అ॒గ్నిః పవ॑మానా॒ అన్వై”క్షత |
ఇ॒హ జీ॑వి॒కామప॑రిపశ్యన్ |
తస్యై॒షా భవ॑తి |
ఇ॒హేహవ॑స్స్వత॒పసః |
మరు॑త॒స్సూర్య॑త్వచః |
శర్మ॑ స॒ప్రథా॒ ఆవృ॑ణే || ౧౪ || ౧-౪-౩
అతి॑తా॒మ్రాణి॑ వాసా॒గ్॒oసి |
అ॒ష్టివ॑జ్రిశ॒తఘ్ని॑ చ |
విశ్వే దేవా విప్ర॑హర॒న్తి |
అ॒గ్నిజి॑హ్వా అ॒సశ్చ॑త |
నైవ దేవో॑ న మ॒ర్త్యః |
న రాజా వ॑రుణో॒ విభుః |
నాగ్నిర్నేన్ద్రో న ప॑వమా॒నః |
మా॒తృక్క॑చ్చన॒ విద్య॑తే |
ది॒వ్యస్యైకా॒ ధను॑రార్త్నిః |
పృ॒థి॒వ్యామప॑రా శ్రి॒తా || ౧౫ || ౧-౫-౧
తస్యేన్ద్రో వమ్రి॑రూపే॒ణ |
ధ॒నుర్జ్యా॑మచ్ఛి॒నథ్స్వ॑యమ్ |
తది॑న్ద్ర॒ధను॑రిత్య॒జ్యమ్ |
అ॒భ్రవ॑ర్ణేషు॒ చక్ష॑తే |
ఏతదేవ శంయోర్బార్హ॑స్పత్య॒స్య |
ఏ॒తద్రు॑ద్రస్య॒ ధనుః |
రు॒ద్రస్య॑ త్వేవ॒ ధను॑రార్త్నిః |
శిర॒ ఉత్పి॑పేష |
స ప్ర॑వ॒ర్గ్యో॑ఽభవత్ |
తస్మా॒ద్యస్సప్ర॑వ॒ర్గ్యేణ॑ య॒జ్ఞేన॒ యజ॑తే |
రు॒ద్రస్య॒ స శిర॒: ప్రతి॑దధాతి |
నైనగ్॑o రు॒ద్ర ఆరు॑కో భవతి |
య ఏ॒వం వేద॑ || ౧౬ || ౧-౫-౨
అ॒త్యూ॒ర్ధ్వా॒క్షోఽతి॑రశ్చాత్ |
శిశి॑రః ప్ర॒దృశ్య॑తే |
నైవ రూపం న॑ వాసా॒గ్॒oసి |
న చక్షు॑: ప్రతి॒దృశ్య॑తే |
అ॒న్యోన్య॒o తు న॑ హిగ్గ్ స్రా॒తః |
స॒తస్త॑ద్దేవ॒లక్ష॑ణమ్ |
లోహితోఽక్ష్ణి శా॑రశీ॒ర్ష్ణిః |
సూ॒ర్యస్యో॑దయ॒నం ప్ర॑తి |
త్వం కరోషి॑న్యఞ్జ॒లికామ్ |
త్వ॒o కరో॑షి ని॒జాను॑కామ్ || ౧౭ || ౧-౬-౧
నిజానుకా మే”న్యఞ్జ॒లికా |
అమీ వాచముపాస॑తామి॒తి |
తస్మై సర్వ ఋతవో॑ నమ॒న్తే |
మర్యాదాకరత్వాత్ప్ర॑పురో॒ధామ్ |
బ్రాహ్మణ॑ ఆప్నో॒తి |
య ఏ॑వం వే॒ద |
స ఖలు సంవత్సర ఏతైస్సేనానీ॑భిస్స॒హ |
ఇన్ద్రాయ సర్వాన్కామాన॑భివ॒హతి |
స ద్ర॒ప్సః |
తస్యై॒షా భవ॑తి || ౧౮ || ౧-౬-౨
అవ॑ద్ర॒ప్సో అగ్॑oశు॒మతీ॑మతిష్ఠత్ |
ఇ॒యా॒నః కృ॒ష్ణో ద॒శభి॑: స॒హస్రై”: |
ఆవ॒ర్తమిన్ద్ర॒: శచ్యా॒ ధమ॑న్తమ్ |
ఉపస్నుహి తం నృమణామథ॑ద్రామి॒తి |
ఏతయైవేన్ద్రః సలావృ॑క్యా స॒హ |
అసురాన్ప॑రివృ॒శ్చతి |
పృథి॑వ్య॒గ్॒oశుమ॑తీ |
తామ॒న్వవ॑స్థితః సంవత్స॒రో ది॒వం చ॑ |
నైవం విదుషాఽఽచార్యా”న్తేవా॒సినౌ |
అన్యోన్యస్మై” ద్రుహ్యా॒తామ్ |
యో ద్రు॒హ్యతి |
భ్రశ్యతే స్వ॑ర్గాల్లో॒కాత్ |
ఇత్యృతుమ॑ణ్డలా॒ని |
సూర్యమణ్డలా”న్యాఖ్యా॒యికాః |
అత ఊర్ధ్వగ్ం స॑నిర్వ॒చనాః || ౧౯ || ౧-౬-౩
ఆరోగో భ్రాజః పటర॑: పత॒ఙ్గః |
స్వర్ణరో జ్యోతిషీమాన్॑ విభా॒సః |
తే అస్మై సర్వే దివమా॑తప॒న్తి |
ఊర్జం దుహానా అనపస్ఫుర॑న్త ఇ॒తి |
కశ్య॑పోఽష్ట॒మః |
స మహామేరుం న॑ జహా॒తి |
తస్యై॒షా భవ॑తి |
యత్తే॒ శిల్ప॑o కశ్యప రోచ॒నావ॑త్ |
ఇ॒న్ద్రి॒యావ॑త్పుష్క॒లం చి॒త్రభా॑ను |
యస్మి॒న్త్సూర్యా॒ అర్పి॑తాస్స॒ప్త సా॒కమ్ || ౨౦ || ౧-౭-౧
తస్మిన్రాజానమధివిశ్రయే॑మమి॒తి |
తే అస్మై సర్వే కశ్యపాజ్జ్యోతి॑ర్లభ॒న్తే |
తాన్సోమః కశ్యపాదధి॑నిర్ద్ధ॒మతి |
భ్రస్తాకర్మకృ॑దివై॒వమ్ |
ప్రాణో జీవానీన్ద్రియ॑జీవా॒ని |
సప్త శీర్ష॑ణ్యాః ప్రా॒ణాః |
సూర్యా ఇ॑త్యాచా॒ర్యాః |
అపశ్యమహమేతాన్త్సప్త సూ”ర్యాని॒తి |
పఞ్చకర్ణో॑ వాత్స్యా॒యనః |
సప్తకర్ణ॑శ్చ ప్లా॒క్షిః || ౨౧ || ౧-౭-౨ [౧౬*౩౩]
ఆనుశ్రవిక ఏవ నౌ కశ్య॑ప ఇ॒తి |
ఉభౌ॑ వేద॒యితే |
న హి శేకుమివ మహామే॑రుం గ॒న్తుమ్ |
అపశ్యమహమేతత్సూర్యమణ్డలం పరివ॑ర్తమా॒నమ్ |
గా॒ర్గ్యః ప్రా॑ణత్రా॒తః |
గచ్ఛన్త మ॑హామే॒రుమ్ |
ఏక॑o చాజ॒హతమ్ |
భ్రాజపటరపత॑ఙ్గా ని॒హనే |
తిష్ఠన్నా॑తప॒న్తి |
తస్మా॑ది॒హ తప్త్రి॑తపాః || ౨౨ || ౧-౭-౩
అ॒ముత్రే॒తరే |
తస్మా॑ది॒హాతప్త్రి॑తపాః |
తేషా॑మేషా॒ భవ॑తి |
స॒ప్త సూర్యా॒ దివ॒మను॒ప్రవి॑ష్టాః |
తాన॒న్వేతి॑ ప॒థిభి॑ర్దక్షి॒ణావాన్॑ |
తే అస్మై సర్వే ఘృతమా॑తప॒న్తి |
ఊర్జం దుహానా అనపస్ఫుర॑న్త ఇ॒తి |
సప్తర్త్విజస్సూర్యా ఇ॑త్యాచా॒ర్యాః |
తేషా॑మేషా॒ భవ॑తి |
స॒ప్త దిశో॒ నానా॑సూర్యాః || ౨౩ || ౧-౭-౪
స॒ప్త హోతా॑ర ఋ॒త్విజ॑: |
దేవా ఆదిత్యా॑ యే స॒ప్త |
తేభిస్సోమాభీరక్ష॑ణ ఇ॒తి |
తద॑ప్యామ్నా॒యః |
దిగ్భ్రాజః ఋతూ”న్ కరో॒తి |
ఏత॑యైవా॒వృతా సహస్రసూర్యతాయా ఇతి వై॑శంపా॒యనః |
తస్యై॒షా భవ॑తి |
యద్ద్యావ॑ ఇన్ద్ర తే శ॒తగ్ంశ॒తం భూమీ”: |
ఉ॒త స్యుః |
నత్వా॑ వజ్రిన్స॒హస్ర॒గ్॒o సూర్యా”: || ౨౪ || ౧-౭-౫
అనునజాతమష్ట రోద॑సీ ఇ॒తి |
నానాలిఙ్గత్వాదృతూనాం నానా॑సూర్య॒త్వమ్ |
అష్టౌ తు వ్యవసి॑తా ఇ॒తి |
సూర్యమణ్డలాన్యష్టా॑త ఊ॒ర్ధ్వమ్ |
తేషా॑మేషా॒ భవ॑తి |
చి॒త్రం దే॒వానా॒ముద॑గా॒దనీ॑కమ్ |
చక్షు॑ర్మి॒త్రస్య॒ వరు॑ణస్యా॒గ్నేః |
ఆప్రా॒ ద్యావా॑పృథి॒వీ అ॒న్తరి॑క్షమ్ |
సూర్య ఆత్మా జగతస్తస్థు॑షశ్చే॒తి || ౨౫ || ౧-౭-౬
క్వేదమభ్ర॑న్నివి॒శతే |
క్వాయగ్॑o సంవత్స॒రో మి॑థః |
క్వాహః క్వేయన్దే॑వ రా॒త్రీ |
క్వ మాసా ఋ॑తవ॒: శ్రితాః |
అర్ధమాసా॑ ముహూ॒ర్తాః |
నిమేషాస్తు॑టిభి॒స్సహ |
క్వేమా ఆపో ని॑విశ॒న్తే |
య॒దీతో॑ యాన్తి॒ సంప్ర॑తి |
కాలా అప్సు ని॑విశ॒న్తే |
ఆ॒పస్సూర్యే॑ స॒మాహి॑తాః || ౨౬ || ౧-౮-౧
అభ్రా”ణ్య॒పః ప్ర॑పద్య॒న్తే |
వి॒ద్యుత్సూర్యే॑ స॒మాహి॑తా |
అనవర్ణే ఇ॑మే భూ॒మీ |
ఇ॒యం చా॑సౌ చ॒ రోద॑సీ |
కిగ్గ్‍స్విదత్రాన్త॑రా భూ॒తమ్ |
యే॒నేమే వి॑ధృతే॒ ఉభే |
వి॒ష్ణునా॑ విధృ॑తే భూ॒మీ |
ఇ॒తి వ॑త్సస్య॒ వేద॑నా |
ఇరా॑వతీ ధేను॒మతీ॒ హి భూ॒తమ్ |
సూ॒య॒వ॒సినీ॒ మను॑షే దశ॒స్యే” || ౨౭ || ౧-౮-౨
వ్య॑ష్టభ్నా॒ద్రోద॑సీ॒ విష్ణ॑వే॒తే |
దా॒ధర్థ॑ పృథి॒వీమ॒భితో॑ మ॒యూఖై”: |
కిం తద్విష్ణోర్బ॑లమా॒హుః |
కా॒ దీప్తి॑: కిం ప॒రాయ॑ణమ్ |
ఏకో॑ య॒ద్ధార॑యద్దే॒వః |
రే॒జతీ॑ రోద॒సీ ఉ॑భే |
వాతాద్విష్ణోర్బ॑లమా॒హుః |
అ॒క్షరా”ద్దీప్తి॒రుచ్య॑తే |
త్రి॒పదా॒ద్ధార॑యద్దే॒వః |
యద్విష్ణో॑రేక॒ముత్త॑మమ్ || ౨౮ || ౧-౮-౩
అ॒గ్నయో॑ వాయ॑వశ్చై॒వ |
ఏ॒తద॑స్య ప॒రాయ॑ణమ్ |
పృచ్ఛామి త్వా ప॑రం మృ॒త్యుమ్ |
అ॒వమ॑o మధ్య॒మఞ్చ॑తుమ్ |
లో॒కఞ్చ॒ పుణ్య॑పాపా॒నామ్ |
ఏ॒తత్పృ॑చ్ఛామి॒ సంప్ర॑తి |
అ॒ముమా॑హుః ప॑రం మృ॒త్యుమ్ |
ప॒వమా॑నం తు॒ మధ్య॑మమ్ |
అ॒గ్నిరే॒వావ॑మో మృ॒త్యుః |
చ॒న్ద్రమా”శ్చతు॒రుచ్య॑తే || ౨౯ || ౧-౮-౪
అ॒నా॒భో॒గాః ప॑రం మృ॒త్యుమ్ |
పా॒పాస్స॑oయన్తి॒ సర్వ॑దా |
ఆభోగాస్త్వేవ॑ సంయ॒న్తి |
య॒త్ర పు॑ణ్యకృ॒తో జ॑నాః |
తతో॑ మ॒ధ్యమ॑మాయ॒న్తి |
చ॒తుమ॑గ్నిం చ॒ సంప్ర॑తి |
పృచ్ఛామి త్వా॑ పాప॒కృతః |
య॒త్ర యా॑తయ॒తే య॑మః |
త్వం నస్తద్బ్రహ్మ॑న్ ప్రబూ॒హి |
య॒ది వే”త్థాఽస॒తో గృ॑హాన్ || ౩౦ || ౧-౮-౫
క॒శ్యపా॑దుది॑తాస్సూ॒ర్యాః |
పా॒పాన్ని॑ర్ఘ్నన్తి॒ సర్వ॑దా |
రోదస్యోరన్త॑ర్దేశే॒షు |
తత్ర న్యస్యన్తే॑ వాస॒వైః |
తేఽశరీరాః ప్ర॑పద్య॒న్తే |
య॒థాఽపు॑ణ్యస్య॒ కర్మ॑ణః |
అపా”ణ్య॒పాద॑కేశా॒సః |
త॒త్ర తే॑ఽయోని॒జా జ॑నాః |
మృత్వా పునర్మృత్యుమా॑పద్య॒న్తే |
అ॒ద్యమా॑నాస్స్వ॒కర్మ॑భిః || ౩౧ || ౧-౮-౬
ఆశాతికాః క్రిమ॑య ఇ॒వ |
తతః పూయన్తే॑ వాస॒వైః |
అపై॑తం మృ॒త్యుం జ॑యతి |
య ఏ॒వం వేద॑ |
స ఖల్వైవ॑o విద్బ్రా॒హ్మణః |
దీ॒ర్ఘశ్రు॑త్తమో॒ భవ॑తి |
కశ్య॑ప॒స్యాతి॑థి॒స్సిద్ధగ॑మన॒స్సిద్ధాగ॑మనః |
తస్యై॒షా భవ॑తి |
ఆ యస్మి”న్థ్స॒ప్త వా॑స॒వాః |
రోహ॑న్తి పూ॒ర్వ్యా॑ రుహ॑: || ౩౨ || ౧-౮-౭
ఋషి॑ర్హ దీర్ఘ॒శ్రుత్త॑మః |
ఇన్ద్రస్య ఘర్మో అతి॑థిరి॒తి |
కశ్యపః పశ్య॑కో భ॒వతి |
యత్సర్వం పరిపశ్యతీ॑తి సౌ॒క్ష్మ్యాత్ |
అథాగ్నే॑రష్టపు॑రుష॒స్య |
తస్యై॒షా భవ॑తి |
అగ్నే॒ నయ॑ సు॒పథా॑ రా॒యే అ॒స్మాన్ |
విశ్వా॑ని దేవ వ॒యునా॑ని వి॒ద్వాన్ |
యు॒యో॒ధ్య॑స్మజ్జు॑హురా॒ణమేన॑: |
భూయిష్ఠాన్తే నమ ఉక్తిం వి॑ధేమే॒తి || ౩౩ || ౧-౮-౮
అగ్నిశ్చ జాత॑వేదా॒శ్చ |
సహోజా అ॑జిరా॒ప్రభుః |
వైశ్వానరో న॑ర్యాపా॒శ్చ |
ప॒ఙ్క్తిరా॑ధాశ్చ॒ సప్త॑మః
విసర్పేవాఽష్ట॑మోఽగ్నీ॒నామ్ |
ఏతేఽష్టౌ వసవః క్షి॑తా ఇ॒తి |
యథర్త్వేవాగ్నేరర్చిర్వర్ణ॑విశే॒షాః |
నీలార్చిశ్చ పీతకా”ర్చిశ్చే॒తి |
అథ వాయోరేకాదశపురుషస్యైకాదశ॑స్త్రీక॒స్య |
ప్రభ్రాజమానా వ్య॑వదా॒తాః || ౩౪ || ౧-౯-౧
యాశ్చ వాసు॑కివై॒ద్యుతాః |
రజతాః పరు॑షాః శ్యా॒మాః |
కపిలా అ॑తిలో॒హితాః |
ఊర్ధ్వా అవప॑తన్తా॒శ్చ |
వైద్యుత ఇ॑త్యేకా॒దశ |
నైనం వైద్యుతో॑ హిన॒స్తి |
య ఏ॑వం వే॒ద |
స హోవాచ వ్యాసః పా॑రాశ॒ర్యః |
విద్యుద్వధమేవాహం మృత్యుమై”చ్ఛమి॒తి |
న త్వకా॑మగ్ం హ॒న్తి || ౩౫ || ౧-౯-౨
య ఏ॑వం వే॒ద |
అథ గ॑న్ధర్వ॒గణాః |
స్వాన॒భ్రాట్ |
అఙ్ఘా॑రి॒ర్బంభా॑రిః |
హస్త॒స్సుహ॑స్తః |
కృశా॑నుర్వి॒శ్వావ॑సుః |
మూర్ధన్వాన్థ్సూ”ర్యవ॒ర్చాః |
కృతిరిత్యేకాదశ గ॑న్ధర్వ॒గణాః |
దేవాశ్చ మ॑హాదే॒వాః |
రశ్మయశ్చ దేవా॑ గర॒గిరః || ౩౬ || ౧-౯-౩
నైనం గరో॑ హిన॒స్తి |
య ఏ॑వం వే॒ద |
గౌ॒రీమి॑మాయ సలి॒లాని॒ తక్ష॑తీ |
ఏక॑పదీ ద్వి॒పదీ॒ సా చతు॑ష్పదీ |
అ॒ష్టాపదీ॒ నవ॑పదీ బభూ॒వుషీ” |
సహస్రాక్షరా పరమే వ్యో॑మన్ని॒తి |
వాచో॑ విశే॒షణమ్ |
అథ నిగద॑వ్యాఖ్యా॒తాః |
తాననుక్ర॑మిష్యా॒మః |
వ॒రాహవ॑స్సవత॒పసః || ౩౭ || ౧-౯-౪
వి॒ద్యున్మ॑హసో॒ ధూప॑యః |
శ్వాపయో గృహమేధా”శ్చేత్యే॒తే |
యే॒ చేమేఽశి॑మివి॒ద్విషః |
పర్జన్యాస్సప్త పృథివీమభివ॑ర్ష॒న్తి |
వృష్టి॑భిరి॒తి |
ఏతయైవ విభక్తివి॑పరీ॒తాః |
స॒ప్తభి॒ర్వాతై॑రుదీ॒రితాః |
అమూఁల్లోకానభివ॑ర్ష॒న్తి |
తేషా॑మేషా॒ భవ॑తి |
స॒మా॒నమే॒తదుద॑కమ్ || ౩౮ || ౧-౯-౫
ఉ॒చ్చైత్య॑వ॒చాహ॑భిః |
భూమి॑o ప॒ర్జన్యా॒ జిన్వ॑న్తి |
దివం జిన్వన్త్యగ్న॑య ఇ॒తి |
యదక్ష॑రం భూ॒తకృ॑తమ్ |
విశ్వే॑ దేవా ఉ॒పాస॑తే |
మ॒హర్షి॑మస్య గో॒ప్తారమ్” |
జ॒మద॑గ్ని॒మకు॑ర్వత |
జ॒మద॑గ్ని॒రాప్యా॑యతే |
ఛన్దో॑భిశ్చతురుత్త॒రైః |
రాజ్ఞ॒స్సోమ॑స్య తృ॒ప్తాస॑: || ౩౯ || ౧-౯-౬
బ్రహ్మ॑ణా వీ॒ర్యా॑వతా |
శి॒వా న॑: ప్ర॒దిశో॒ దిశ॑: |
తచ్ఛ॒oయోరావృ॑ణీమహే |
గా॒తుం య॒జ్ఞాయ॑ |
గా॒తుం య॒జ్ఞప॑తయే |
దైవీ”స్వ॒స్తిర॑స్తు నః |
స్వ॒స్తిర్మాను॑షేభ్యః |
ఊ॒ర్ధ్వం జి॑గాతు భేష॒జమ్ |
శన్నో॑ అస్తు ద్వి॒పదే” |
శమ్ చతు॑ష్పదే |
సోమపా ౩ అసోమపా ౩ ఇతి నిగద॑వ్యాఖ్యా॒తాః || ౪౦ || ౧-౯-౭
స॒హ॒స్ర॒వృది॑యం భూ॒మిః |
ప॒రం వ్యో॑మ స॒హస్ర॑వృత్ |
అ॒శ్వినా॑ భుజ్యూ॑ నాస॒త్యా |
వి॒శ్వస్య॑ జగ॒తస్ప॑తీ |
జాయా భూమిః ప॑తిర్వ్యో॒మ |
మి॒థున॑న్తా అ॒తుర్య॑థుః |
పుత్రో బృహస్ప॑తీ రు॒ద్రః |
స॒రమా॑ ఇతి॑ స్త్రీపు॒మమ్ |
శు॒క్రం వా॑మ॒న్యద్య॑జ॒తం వా॑మ॒న్యత్ |
విషు॑రూపే॒ అహ॑నీ॒ ద్యౌరి॑వ స్థః || ౪౧ || ౧-౧౦-౧
విశ్వా॒ హి మా॒యా అవ॑థః స్వధావన్తౌ |
భ॒ద్రా వా”o పూషణావి॒హ రా॒తిర॑స్తు |
వాసా”త్యౌ చి॒త్రౌ జగ॑తో ని॒ధానౌ” |
ద్యావా॑భూమీ చ॒రథ॑: స॒గ్॒o సఖా॑యౌ |
తావ॒శ్వినా॑ రా॒సభా”శ్వా॒ హవ॑o మే |
శు॒భ॒స్ప॒తీ॒ ఆ॒గతగ్॑o సూ॒ర్యయా॑ స॒హ |
త్యుగ్రో॑హ భు॒జ్యుమ॑శ్వినోదమే॒ఘే |
ర॒యిన్న కశ్చి॑న్మమృ॒వాం ౨ అవా॑హాః |
తమూ॑హథుర్నౌ॒భిరా”త్మ॒న్వతీ॑భిః |
అ॒న్త॒రి॒క్ష॒ప్రుడ్భి॒రపో॑దకాభిః || ౪౨ || ౧-౧౦-౨
తి॒స్రః క్షప॒స్త్రిరహా॑ఽతి॒వ్రజ॑ద్భిః |
నాస॑త్యా భు॒జ్యుమూ॑హథుః పత॒ఙ్గైః |
స॒ము॒ద్రస్య॒ ధన్వ॑న్నా॒ర్ద్రస్య॑ పా॒రే |
త్రి॒భీరథై”శ్శ॒తప॑ద్భి॒: షడ॑శ్వై॒: |
స॒వి॒తార॒o విత॑న్వన్తమ్ |
అను॑బధ్నాతి శామ్బ॒రః |
ఆపపూరుషమ్బ॑రశ్చై॒వ |
స॒వితా॑ఽరేప॒సో॑ భవత్ |
త్యగ్ం సుతృప్తం వి॑దిత్వై॒వ |
బ॒హుసో॑మ గి॒రం వ॑శీ || ౪౩ || ౧-౧౦-౩
అన్వేతి తుగ్రో వ॑క్రియా॒న్తమ్ |
ఆయసూయాన్త్సోమ॑తృప్సు॒షు |
స సంగ్రామస్తమో”ద్యోఽత్యో॒తః |
వాచో గాః పి॑పాతి॒ తత్ |
స తద్గోభిస్స్త్వా”ఽత్యేత్య॒న్యే |
ర॒క్షసా॑ఽనన్వి॒తాశ్చ॑ యే |
అ॒న్వేతి॒ పరి॑వృత్యా॒ఽస్తః |
ఏ॒వమే॒తౌ స్థో॑ అశ్వినా |
తే ఏ॒తే ద్యు॑:పృథి॒వ్యోః |
అహ॑రహ॒ర్గర్భ॑న్దధాథే || ౪౪ || ౧-౧౦-౪
తయో॑రే॒తౌ వ॒త్సావ॑హోరా॒త్రే |
పృ॒థి॒వ్యా అహ॑: |
ది॒వో రాత్రి॑: |
తా అవి॑సృష్ఠౌ |
దమ్ప॑తీ ఏ॒వ భ॑వతః |
తయో॑రే॒తౌ వ॒త్సౌ |
అ॒గ్నిశ్చా॑దిత్య॒శ్చ॑ |
రా॒త్రేర్వ॒త్సః |
శ్వే॒త ఆ॑ది॒త్యః |
అహ్నో॒ఽగ్నిః || ౪౫ || ౧-౧౦-౫
తా॒మ్రో అ॑రు॒ణః |
తా అవి॑సృష్టౌ |
దమ్ప॑తీ ఏ॒వ భ॑వతః |
తయో॑రే॒తౌ వ॒త్సౌ |
వృ॒త్రశ్చ॑ వైద్యు॒తశ్చ॑ |
అ॒గ్నేర్వృ॒త్రః |
వై॒ద్యుత॑ ఆది॒త్యస్య॑ |
తా అవి॑సృష్టౌ |
దమ్ప॑తీ ఏ॒వ భ॑వతః |
తయో॑రే॒తౌ వ॒త్సౌ || ౪౬ || ౧-౧౦-౬
ఉ॒ష్మా చ॑ నీహా॒రశ్చ॑ |
వృ॒త్రస్యో॒ష్మా |
వై॒ద్యు॒తస్య॑ నీహా॒రః |
తౌ తావే॒వ ప్రతి॑పద్యేతే |
సేయగ్ం రాత్రీ॑ గ॒ర్భిణీ॑ పు॒త్రేణ॒ సంవ॑సతి |
తస్యా॒ వా ఏ॒తదు॒ల్బణమ్” |
యద్రాత్రౌ॑ ర॒శ్మయ॑: |
యథా॒ గోర్గ॒ర్భిణ్యా॑ ఉ॒ల్బణమ్” |
ఏ॒వమే॒తస్యా॑ ఉ॒ల్బణమ్” |
ప్రజయిష్ణుః ప్రజయా చ పశుభి॑శ్చ భ॒వతి |
య ఏ॑వం వే॒ద |
ఏతముద్యన్తమపియ॑న్తం చే॒తి |
ఆదిత్యః పుణ్య॑స్య వ॒త్సః |
అథ పవి॑త్రాఙ్గి॒రసః || ౪౭ || ౧-౧౦-౭
ప॒విత్ర॑వన్త॒: పరి॒వాజ॒మాస॑తే |
పి॒తైషా”o ప్ర॒త్నో అ॒భిర॑క్షతి వ్ర॒తమ్ |
మ॒హస్స॑ముద్రం వరు॑ణస్తి॒రోద॑ధే |
ధీరా॑ ఇచ్ఛేకు॒ర్ధరు॑ణేష్వా॒రభమ్” |
ప॒వి॑త్రం తే॒ విత॑త॒o బ్రహ్మ॑ణ॒స్పతే” |
ప్రభు॒ర్గాత్రా॑ణి॒ పర్యే॑షి వి॒శ్వత॑: |
అత॑ప్తతనూ॒ర్న తదా॒మో అ॑శ్నుతే |
శృ॒తాస॒ ఇద్వహ॑న్త॒స్తత్సమా॑శత |
బ్ర॒హ్మా దే॒వానా”మ్ |
అస॑తస్స॒ద్యే తత॑క్షుః || ౪౮ || ౧-౧౧-౧
ఋష॑యస్స॒ప్తాత్రి॑శ్చ॒ యత్ |
సర్వేఽత్రయో అ॑గస్త్య॒శ్చ |
నక్ష॑త్రై॒శ్శంకృ॑తోఽవసన్ |
అథ॑ సవితు॒: శ్యావాశ్వ॒స్యాఽవర్తి॑కామస్య |
అ॒మీ య ఋక్షా॒ నిహి॑తాస ఉ॒చ్చా |
నక్త॒o దదృ॑శ్రే॒ కుహా॑చి॒ద్దివే॑యుః |
అద॑బ్ధాని॒ వరు॑ణస్య వ్ర॒తాని॑ |
వి॒చా॒కశ॑చ్చ॒న్ద్రమా॒ నక్ష॑త్రమేతి |
తత్స॑వి॒తుర్వరే”ణ్యమ్ |
భర్గో॑ దే॒వస్య॑ ధీమహి || ౪౯ || ౧-౧౧-౨
ధియో॒ యో న॑: ప్రచో॒దయా”త్ |
తత్స॑వి॒తుర్వృ॑ణీమహే |
వ॒యన్దే॒వస్య॒ భోజ॑నమ్ |
శ్రేష్ఠగ్॑oసర్వ॒ధాత॑మమ్ |
తుర॒o భగ॑స్య ధీమహి |
అపా॑గూహత సవితా॒ తృభీన్॑ |
సర్వా”న్ది॒వో అన్ధ॑సః |
నక్త॒న్యాన్య॑భవన్దృ॒శే |
అస్థ్య॒స్థ్నా సంభ॑విష్యామః |
నామ॒ నామై॒వ నా॒మ మే” || ౫౦ || ౧-౧౧-౩
నపుగ్‍ంస॑క॒o పుమా॒గ్॒ంస్త్ర్య॑స్మి |
స్థావ॑రోఽస్మ్యథ॒ జఙ్గ॑మః |
య॒జేఽయక్షి॒ యష్టా॒హే చ॑ |
మయా॑ భూ॒తాన్య॑యక్షత |
ప॒శవో॑ మమ॑ భూతా॒ని |
అనూబన్ధ్యోఽస్మ్య॑హం వి॒భుః |
స్త్రియ॑స్స॒తీః |
తా ఉ॑ మే పు॒గ్॒ంస ఆ॑హుః |
పశ్య॑దక్ష॒ణ్వాన్నవిచే॑తద॒న్ధః |
క॒విర్యః పు॒త్రస్స ఇ॒మా చి॑కేత || ౫౧ || ౧-౧౧-౪
యస్తా వి॑జా॒నాథ్స॑వి॒తుః పి॒తా స॑త్ |
అ॒న్ధో మణిమ॑విన్దత్ |
తమ॑నఙ్గులి॒రావ॑యత్ |
అ॒గ్రీ॒వః ప్రత్య॑ముఞ్చత్ |
తమజి॑హ్వా అ॒సశ్చ॑త |
ఊర్ధ్వమూలమ॑వాక్ఛా॒ఖమ్ |
వృ॒క్షం యో॑ వేద॒ సమ్ప్ర॑తి |
న స జాతు జన॑: శ్రద్ద॒ధ్యాత్ |
మృ॒త్యుర్మా॑ మార॒యాది॑తిః |
హసితగ్‍ం రుది॑తఙ్గీ॒తమ్ || ౫౨ || ౧-౧౧-౫
వీణా॑పణవ॒లాసి॑తమ్ |
మృ॒తఞ్జీ॒వం చ॑ యత్కి॒oచిత్ |
అ॒ఙ్గాని॑ స్నేవ॒ విద్ధి॑ తత్ |
అతృ॑ష్య॒గ్గ్॒స్తృష్య॑ ధ్యాయత్ |
అ॒స్మాజ్జా॒తా మే॑ మిథూ॒ చరన్॑ |
పుత్రో నిరృత్యా॑ వైదే॒హః |
అ॒చేతా॑ యశ్చ॒ చేత॑నః |
స॒ తం మణిమ॑విన్దత్ |
సో॑ఽనఙ్గులి॒రావ॑యత్ |
సో॒ఽగ్రీ॒వః ప్రత్య॑ముఞ్చత్ || ౫౩ || ౧-౧౧-౬
సోఽజి॑హ్వో అ॒సశ్చ॑త |
నైతమృషిం విదిత్వా నగ॑రం ప్ర॒విశేత్ |
య॑ది ప్ర॒విశేత్ |
మి॒థౌ చరి॑త్వా ప్ర॒విశేత్ |
తథ్సమ్భవ॑స్య వ్ర॒తమ్ |
ఆ॒తమ॑గ్నే ర॒థన్తి॑ష్ఠ |
ఏకా”శ్వమేక॒యోజ॑నమ్ |
ఏకచక్ర॑మేక॒ధురమ్ |
వా॒తధ్రా॑జిగ॒తిం వి॑భో |
న॒ రి॒ష్యతి॑ న వ్య॒థతే || ౫౪ || ౧-౧౧-౭
నా॒స్యాక్షో॑ యాతు॒ సజ్జ॑తి |
యచ్ఛ్వేతా”న్రోహి॑తాగ్‍ంశ్చా॒గ్నేః |
ర॒థే యు॑క్త్వాఽధి॒తిష్ఠ॑తి |
ఏకయా చ దశభిశ్చ॑ స్వభూ॒తే |
ద్వాభ్యామిష్టయే విగ్॑ంశత్యా॒ చ |
తిసృభిశ్చ వహసే త్రిగ్॑ంశతా॒ చ |
నియుద్భిర్వాయవిహితా॑ విము॒ఞ్చ || ౫౫ || ౧-౧౧-౮
ఆత॑నుష్వ॒ ప్రత॑నుష్వ |
ఉ॒ద్ధమాఽఽధ॑మ॒ సన్ధ॑మ |
ఆదిత్యే చన్ద్ర॑వర్ణా॒నామ్ |
గర్భ॒మాధే॑హి॒ యః పుమాన్॑ |
ఇ॒తస్సి॒క్తగ్‍ం సూర్య॑గతమ్ |
చ॒న్ద్రమ॑సే॒ రస॑ఙ్కృధి |
వారాదఞ్జన॑యాగ్రే॒ఽగ్నిమ్ |
య ఏకో॑ రుద్ర॒ ఉచ్య॑తే |
అ॒స॒oఖ్యా॒తాస్స॑హస్రా॒ణి |
స్మ॒ర్యతే॑ న చ॒ దృశ్య॑తే || ౫౬ || ౧-౧౨-౧
ఏ॒వమే॒తన్ని॑బోధత |
ఆమ॒న్ద్రైరి॑న్ద్ర॒ హరి॑భిః |
యా॒హి మ॒యూర॑రోమభిః |
మా త్వా కేచిన్నియేమురి॑న్న పా॒శినః |
ద॒ధ॒న్వేవ॒ తా ఇ॑హి |
మా మ॒న్ద్రైరి॑న్ద్ర॒ హరి॑భిః |
యా॒మి మ॒యూర॑రోమభిః |
మా మా కేచిన్న్యేమురి॑న్న పా॒శినః |
ని॒ధ॒న్వేవ॒ తాం ౨ ఇ॑మి |
అణుభిశ్చ మ॑హద్భి॒శ్చ || ౫౭ || ౧-౧౨-౨
ని॒ఘృష్వై॑రస॒మాయు॑తైః |
కాలైర్హరిత్వ॑మాప॒న్నైః |
ఇన్ద్రాయా॑హి స॒హస్ర॑యుక్ |
అ॒గ్నిర్వి॒భ్రాష్టి॑వసనః |
వా॒యుశ్శ్వేత॑సికద్రు॒కః |
స॒oవ॒థ్స॒రో వి॑షూ॒వర్ణై॑: |
నిత్యా॒స్తేఽనుచ॑రాస్త॒వ |
సుబ్రహ్మణ్యోగ్‍ం సుబ్రహ్మణ్యోగ్‍ం సు॑బ్రహ్మ॒ణ్యోమ్ |
ఇన్ద్రాగచ్ఛ హరివ ఆగచ్ఛ మే॑ధాతి॒థేః |
మేష వృషణశ్వ॑స్య మే॒నే || ౫౮ || ౧-౧౨-౩
గౌరావస్కన్దిన్నహల్యా॑యై జా॒ర |
కౌశికబ్రాహ్మణ గౌతమ॑బ్రువా॒ణ |
అ॒రు॒ణాశ్వా॑ ఇ॒హాగ॑తాః |
వస॑వః పృథివి॒క్షిత॑: |
అ॒ష్టౌ ది॒గ్వాస॑సో॒ఽగ్నయ॑: |
అగ్నిశ్చ జాతవేదా”శ్చేత్యే॒తే |
తామ్రాశ్వా”స్తామ్ర॒రథాః |
తామ్రవర్ణా”స్తథా॒ఽసితాః |
దణ్డహస్తా”: ఖాద॒గ్దతః |
ఇతో రుద్రా”: పరా॒ఙ్గతాః || ౫౯ || ౧-౧౨-౪
ఉక్తగ్గ్‍ స్థానం ప్రమాణఞ్చ॑ పుర॒ ఇత |
బృహ॒స్పతి॑శ్చ సవి॒తా చ॑ |
వి॒శ్వరూ॑పైరి॒హాగ॑తామ్ |
రథే॑నోదక॒వర్త్మ॑నా |
అ॒ప్సుషా॑ ఇతి॒ తద్ద్వ॑యోః |
ఉక్తో వేషో॑ వాసా॒గ్॒ంసి చ |
కాలావయవానామిత॑: ప్రతీ॒చ్యా |
వాసాత్యా॑ ఇత్య॒శ్వినోః |
కోఽన్తరిక్షే శబ్దఙ్క॑రోతీ॒తి |
వాసిష్ఠౌ రౌహిణో మీమాగ్॑ంసాఞ్చ॒క్రే |
తస్యై॒షా భవ॑తి |
వా॒శ్రేవ॑ వి॒ద్యుదితి॑ |
బ్రహ్మ॑ణ ఉ॒దర॑ణమసి |
బ్రహ్మ॑ణ ఉదీ॒రణ॑మసి |
బ్రహ్మ॑ణ ఆ॒స్తర॑ణమసి |
బ్రహ్మ॑ణ ఉప॒స్తర॑ణమసి || ౬౦ || ౧-౧౨-౫
అ॒ష్టయో॑నీమ॒ష్టపు॑త్రామ్ |
అ॒ష్టప॑త్నీమి॒మాం మహీ”మ్ |
అ॒హం వేద॒ న మే॑ మృత్యుః |
నచామృ॑త్యుర॒ఘాఽహ॑రత్ |
అ॒ష్టయో”న్య॒ష్టపు॑త్రమ్ |
అ॒ష్టప॑ది॒దమ॒న్తరి॑క్షమ్ |
అ॒హం వేద॒ న మే॑ మృత్యుః |
నచామృ॑త్యుర॒ఘాఽహ॑రత్ |
అ॒ష్టయో॑నీమ॒ష్టపు॑త్రామ్ |
అ॒ష్టప॑త్నీమ॒మూన్దివమ్” || ౬౧ || ౧-౧౩-౧
అ॒హం వేద॒ న మే॑ మృత్యుః |
నచామృ॑త్యుర॒ఘాఽఽహ॑రత్ |
సు॒త్రామా॑ణం మ॒హీమూ॒షు |
అది॑తి॒ర్ద్యౌరది॑తిర॒న్తరి॑క్షమ్ |
అది॑తిర్మా॒తా స పి॒తా స పు॒త్రః |
విశ్వే॑ దే॒వా అది॑తి॒: పఞ్చ॒జనా”: |
అది॑తిర్జా॒తమది॑తి॒ర్జని॑త్వమ్ |
అ॒ష్టౌ పు॒త్రాసో॒ అది॑తేః |
యే జా॒తాస్త॒న్వ॑: పరి॑ |
దే॒వాం ౨ ఉప॑ప్రైత్స॒ప్తభి॑: || ౬౨ || ౧-౧౩-౨
ప॒రా॒ మా॒ర్తా॒ణ్డమాస్య॑త్ |
స॒ప్తభి॑: పు॒త్రైరది॑తిః |
ఉప॒ప్రైత్పూ॒ర్వ్య॑o యుగమ్” |
ప్ర॒జాయై॑ మృ॒త్యవే త॑త్ |
ప॒రా॒ మా॒ర్తా॒ణ్డమాభ॑ర॒దితి॑ |
తాననుక్ర॑మిష్యా॒మః |
మి॒త్రశ్చ॒ వరు॑ణశ్చ |
ధా॒తా చా”ర్యా॒మా చ॑ |
అగ్‍ంశ॑శ్చ॒ భగ॑శ్చ |
ఇన్ద్రశ్చ వివస్వాగ్॑ంశ్చేత్యే॒తే |
హి॒ర॒ణ్య॒గ॒ర్భో హ॒గ్॒ంసశ్శు॑చి॒షత్ |
బ్రహ్మ॑జజ్ఞా॒నమ్ తదిత్ప॒దమితి॑ |
గ॒ర్భః ప్రా॑జాప॒త్యః |
అథ॒ పురు॑షః స॒ప్తపురు॑షః || ౬౩ || ౧-౧౩-౩
యోఽసౌ॑ త॒పన్ను॒దేతి॑ |
స సర్వే॑షాం భూ॒తానా”o ప్రా॒ణానా॒దాయో॒దేతి॑ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణానా॒దాయోద॑గాః |
అ॒సౌ యో”ఽస్త॒మేతి॑ |
స సర్వే॑షాం భూ॒తానా”o ప్రా॒ణానా॒దాయా॒స్తమేతి॑ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణానా॒దాయాఽస్త॑ఙ్గాః |
అ॒సౌ య ఆ॒పూర్య॑తి |
స సర్వే॑షాం భూ॒తానా”o ప్రా॒ణైరా॒పూర్య॑తి || ౬౪ || ౧-౧౪-౧
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరా॒పూరి॑ష్ఠాః |
అ॒సౌ యో॑ఽప॒క్షీయ॑తి |
స సర్వే॑షాం భూ॒తానా”o ప్రా॒ణైరప॑క్షీయతి |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑క్షేష్ఠాః |
అ॒మూని॒ నక్ష॑త్రాణి |
సర్వే॑షాం భూ॒తానా”o ప్రా॒ణైరప॑ప్రసర్పన్తి॒ చోథ్స॑ర్పన్తి చ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑ప్రసృపత॒ మోథ్సృ॑పత || ౬౫ || ౧-౧౪-౨
ఇ॒మే మాసా”శ్చార్ధమా॒సాశ్చ॑ |
సర్వే॑షాం భూ॒తానా”o ప్రా॒ణైరప॑ప్రసర్పన్తి॒ చోథ్స॑ర్పన్తి చ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑ప్రసృపత॒ మోథ్సృ॑పత |
ఇ॒మ ఋ॒తవ॑: |
సర్వే॑షాం భూ॒తానా”o ప్రా॒ణైరప॑ప్రసర్పన్తి॒ చోథ్స॑ర్పన్తి చ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑ప్రసృపత॒ మోథ్సృ॑పత |
అ॒యగ్‍ం స॑oవథ్స॒రః |
సర్వే॑షాం భూ॒తానా”o ప్రా॒ణైరప॑ప్రసర్పతి॒ చోథ్స॑ర్పతి చ || ౬౬ || ౧-౧౪-౩
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑ప్రసృప॒ మోథ్సృ॑ప |
ఇ॒దమహ॑: |
సర్వే॑షాం భూ॒తానా”o ప్రా॒ణైరప॑ప్రసర్పతి॒ చోథ్స॑ర్పతి చ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑ప్రసృప॒ మోథ్సృ॑ప |
ఇ॒యగ్‍ంరాత్రి॑: |
సర్వే॑షాం భూ॒తానా”o ప్రా॒ణైరప॑ప్రసర్పతి॒ చోథ్స॑ర్పతి చ |
మా మే” ప్ర॒జయా॒ మా ప॑శూ॒నామ్ |
మా మమ॑ ప్రా॒ణైరప॑ప్రసృప॒ మోథ్సృ॑ప |
ఓం భూర్భువ॒స్స్వ॑: |
ఏతద్వో మిథునం మానో మిథు॑నగ్‍ం రీ॒ఢ్వమ్ || ౬౭ || ౧-౧౪-౪
అథాదిత్యస్యాష్టపు॑రుష॒స్య |
వసూనామాదిత్యానాగ్‍ స్థానే స్వతేజ॑సా భా॒ని |
రుద్రాణామాదిత్యానాగ్‍ స్థానే స్వతేజ॑సా భా॒ని |
ఆదిత్యానామాదిత్యానాగ్‍ స్థానే స్వతేజ॑సా భా॒ని |
సతాగ్॑ంసత్యా॒నామ్ |
ఆదిత్యానాగ్‍ స్థానే స్వతేజ॑సా భా॒ని |
అభిధూన్వతా॑మభి॒ఘ్నతామ్ |
వాతవ॑తాం మ॒రుతామ్ |
ఆదిత్యానాగ్‍ స్థానే స్వతేజ॑సా భా॒ని |
ఋభూణామాదిత్యానాగ్‍ స్థానే స్వతేజ॑సా భా॒ని |
విశ్వేషా”న్దేవా॒నామ్ |
ఆదిత్యానాగ్‍ స్థానే స్వతేజ॑సా భా॒ని |
సంవథ్సర॑స్య స॒వితుః |
ఆదిత్యస్య స్థానే స్వతేజ॑సా భా॒ని |
ఓం భూర్భువ॒స్స్వ॑: |
రశ్మయో వో మిథునం మా నో మిథు॑నగ్‍ం రీ॒ఢ్వమ్ || ౬౮ || ౧-౧౫-౧
ఆరోగస్య స్థానే స్వతేజ॑సా భా॒ని |
భ్రాజస్య స్థానే స్వతేజ॑సా భా॒ని |
పటరస్య స్థానే స్వతేజ॑సా భా॒ని |
పతఙ్గస్య స్థానే స్వతేజ॑సా భా॒ని |
స్వర్ణరస్య స్థానే స్వతేజ॑సా భా॒ని |
జ్యోతిషీమతస్య స్థానే స్వతేజ॑సా భా॒ని |
విభాసస్య స్థానే స్వతేజ॑సా భా॒ని |
కశ్యపస్య స్థానే స్వతేజ॑సా భా॒ని |
ఓం భూర్భువ॒స్స్వ॑: |
ఆపో వో మిథునం మా నో మిథు॑నగ్‍ం రీ॒ఢ్వమ్ || ౬౯ || ౧-౧౬-౧
అథ వాయోరేకాదశపురుషస్యైకాదశ॑స్త్రీక॒స్య |
ప్రభ్రాజమానానాగ్‍ం రుద్రాణాగ్ స్థానే స్వతేజ॑సా భా॒ని |
వ్యవదాతానాగ్‍ం రుద్రాణాగ్ స్థానే స్వతేజ॑సా భా॒ని |
వాసుకివైద్యుతానాగ్‍ం రుద్రాణాగ్ స్థానే స్వతేజ॑సా భా॒ని |
రజతానాగ్‍ం రుద్రాణాగ్ స్థానే స్వతేజ॑సా భా॒ని |
పరుషాణాగ్‍ం రుద్రాణాగ్ స్థానే స్వతేజ॑సా భా॒ని |
శ్యామానాగ్‍ం రుద్రాణాగ్ స్థానే స్వతేజ॑సా భా॒ని |
కపిలానాగ్‍ం రుద్రాణాగ్ స్థానే స్వతేజ॑సా భా॒ని |
అతిలోహితానాగ్‍ం రుద్రాణాగ్ స్థానే స్వతేజ॑సా భా॒ని |
ఊర్ధ్వానాగ్‍ం రుద్రాణాగ్ స్థానే స్వతేజ॑సా భా॒ని || ౭౦ || ౧-౧౭-౧
అవపతన్తానాగ్‍ం రుద్రాణాగ్ స్థానే స్వతేజ॑సా భా॒ని |
వైద్యుతానాగ్‍ం రుద్రాణాగ్ స్థానే స్వతేజ॑సా భా॒ని |
ప్రభ్రాజమానీనాగ్‍ం రుద్రాణీనాగ్ స్థానే స్వతేజ॑సా భా॒ని |
వ్యవదాతీనాగ్‍ం రుద్రాణీనాగ్ స్థానే స్వతేజ॑సా భా॒ని |
వాసుకివైద్యుతీనాగ్‍ం రుద్రాణీనాగ్ స్థానే స్వతేజ॑సా భా॒ని |
రజతానాగ్‍ం రుద్రాణీనాగ్ స్థానే స్వతేజ॑సా భా॒ని |
పరుషాణాగ్‍ం రుద్రాణీనాగ్ స్థానే స్వతేజ॑సా భా॒ని |
శ్యామానాగ్‍ం రుద్రాణీనాగ్ స్థానే స్వతేజ॑సా భా॒ని |
కపిలానాగ్‍ం రుద్రాణీనాగ్ స్థానే స్వతేజ॑సా భా॒ని |
అతిలోహితీనాగ్‍ం రుద్రాణీనాగ్ స్థానే స్వతేజ॑సా భా॒ని |
ఊర్ధ్వానాగ్‍ం రుద్రాణీనాగ్ స్థానే స్వతేజ॑సా భా॒ని |
అవపతన్తీనాగ్‍ం రుద్రాణీనాగ్ స్థానే స్వతేజ॑సా భా॒ని |
వైద్యుతీనాగ్‍ం రుద్రాణీనాగ్ స్థానే స్వతేజ॑సా భా॒ని |
ఓం భూర్భువ॒స్స్వ॑: |
రూపాణి వో మిథునం మా నో మిథు॑నగ్‍ం రీ॒ఢ్వమ్ || ౭౧ || ౧-౧౭-౨
అథాగ్నే॑రష్టపు॑రుష॒స్య |
అగ్నేః పూర్వదిశ్యస్య స్థానే స్వతేజ॑సా భా॒ని |
జాతవేదస ఉపదిశ్యస్య స్థానే స్వతేజ॑సా భా॒ని |
సహోజసో దక్షిణదిశ్యస్య స్థానే స్వతేజ॑సా భా॒ని |
అజిరాప్రభవ ఉపదిశ్యస్య స్థానే స్వతేజ॑సా భా॒ని |
వైశ్వానరస్యాపరదిశ్యస్య స్థానే స్వతేజ॑సా భా॒ని |
నర్యాపస ఉపదిశ్యస్య స్థానే స్వతేజ॑సా భా॒ని |
పఙ్క్తిరాధస ఉదగ్దిశ్యస్య స్థానే స్వతేజ॑సా భా॒ని |
విసర్పిణ ఉపదిశ్యస్య స్థానే స్వతేజ॑సా భా॒ని |
ఓం భూర్భువ॒స్స్వ॑: |
దిశో వో మిథునం మా నో మిథు॑నగ్‍ం రీ॒ఢ్వమ్ || ౭౨ || ౧-౧౮-౧
దక్షిణపూర్వస్యాన్దిశి విస॑ర్పీ న॒రకః |
తస్మాన్నః ప॑రిపా॒హి |
దక్షిణాస్యాన్దిశ్యవిస॑ర్పీ న॒రకః |
తస్మాన్నః ప॑రిపా॒హి |
ఉత్తరపూర్వస్యాన్దిశి విషా॑దీ న॒రకః |
తస్మాన్నః ప॑రిపా॒హి |
ఉత్తరాపరస్యాన్దిశ్యవిషా॑దీ న॒రకః |
తస్మాన్నః ప॑రిపా॒హి |
ఆయస్మిన్థ్సప్త వాసవా ఇన్ద్రియాణి శతక్రత॑విత్యే॒తే || ౭౩ || ౧-౧౯-౧
ఇ॒న్ద్ర॒ఘో॒షా వో॒ వసు॑భిః పు॒రస్తా॒దుప॑దధతామ్ |
మనో॑జవసో వః పి॒తృభి॑ర్దక్షిణ॒త ఉప॑దధతామ్ |
ప్రచే॑తా వో రు॒ద్రైః ప॒శ్చాదుప॑దధతామ్ |
వి॒శ్వక॑ర్మా వ ఆది॒త్యైరు॑త్తర॒త ఉప॑దధతామ్ |
త్వష్టా॑ వో రూ॒పైరు॒పరి॑ష్టా॒దుప॑దధతామ్ |
సంజ్ఞానం వః ప॑శ్చాది॒తి |
ఆ॒ది॒త్యస్సర్వో॒ఽగ్నిః పృ॑థి॒వ్యామ్ |
వా॒యుర॒న్తరి॑క్షే |
సూర్యో॑ ది॒వి |
చ॒న్ద్రమా॑ ది॒క్షు |
నక్ష॑త్రాణి॒ స్వలో॒కే |
ఏ॒వా హ్యే॑వ |
ఏ॒వా హ్య॑గ్నే |
ఏ॒వా హి వా॑యో |
ఏ॒వా హీ”న్ద్ర |
ఏ॒వా హి పూ॑షన్ |
ఏ॒వా హి దే॑వాః || ౭౪ || ౧-౨౦-౧
ఆప॑మాపామ॒పః సర్వా”: |
అ॒స్మాద॒స్మాది॒తోఽముత॑: |
అ॒గ్నిర్వా॒యుశ్చ॒ సూర్య॑శ్చ |
స॒హ స॑ఞ్చస్క॒రర్ద్ధి॑యా |
వా॒య్వశ్వా॑ రశ్మి॒పత॑యః |
మరీ”చ్యాత్మానో॒ అద్రు॑హః |
దే॒వీర్భు॑వన॒సూవ॑రీః |
పు॒త్ర॒వ॒త్త్వాయ॑ మే సుత |
మహానామ్నీర్మ॑హామా॒నాః |
మ॒హ॒సో మ॑హస॒స్స్వ॑: || ౭౫ || ౧-౨౧-౧
దే॒వీః ప॑ర్జన్య॒సూవ॑రీః |
పు॒త్ర॒వ॒త్త్వాయ॑ మే సుత |
అ॒పాఽశ్న్యు॑ష్ణిమ॒పారక్ష॑: |
అ॒పాఽశ్న్యు॑ష్ణిమ॒పారఘమ్” |
అపా”ఘ్రా॒మప॑చా॒ఽవర్తిమ్” |
అప॑దే॒వీరి॒తో హి॑త |
వజ్ర॑న్దే॒వీరజీ॑తాగ్‍ంశ్చ |
భువ॑నన్దేవ॒సూవ॑రీః |
ఆ॒ది॒త్యానది॑తిన్దే॒వీమ్ |
యోని॑నోర్ధ్వము॒దీష॑త || ౭౬ || ౧-౨౧-౨
భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ం స॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
కే॒తవో॒ అరు॑ణాసశ్చ |
ఋ॒ష॒యో వాత॑రశ॒నాః |
ప్ర॒తి॒ష్ఠాగ్‍ం శ॒తధా॑ హి |
స॒మాహి॑తాసో సహస్ర॒ధాయ॑సమ్ |
శి॒వా న॒శ్శన్త॑మా భవన్తు |
ది॒వ్యా ఆప॒ ఓష॑ధయః |
సు॒మృ॒డీ॒కా సర॑స్వతి |
మా తే॒ వ్యో॑మ స॒oదృశి॑ || ౭౭ || ౧-౨౧-౩
యో॑ఽపాం పుష్ప॒o వేద॑ |
పుష్ప॑వాన్ ప్ర॒జావా”న్ పశు॒మాన్ భ॑వతి |
చ॒న్ద్రమా॒ వా అ॒పాం పుష్పమ్” |
పుష్ప॑వాన్ ప్ర॒జావా”న్ పశు॒మాన్ భ॑వతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
అ॒గ్నిర్వా అ॒పామా॒యత॑నమ్ |
ఆ॒యత॑నవాన్ భవతి |
యో”ఽగ్నేరా॒యత॑న॒o వేద॑ || ౭౮ || ౧-౨౨-౧
ఆ॒యత॑నవాన్ భవతి |
ఆపో॒ వా అ॒గ్నేరా॒యత॑నమ్ |
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
వా॒యుర్వా అ॒పామా॒యత॑నమ్ |
ఆ॒యత॑నవాన్ భవతి |
యో వా॒యోరా॒యత॑న॒o వేద॑ |
ఆ॒యత॑నవాన్ భవతి || ౭౯ || ౧-౨౨-౨
ఆపో॒ వై వా॒యోరా॒యత॑నమ్ |
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
అ॒సౌ వై తప॑న్న॒పామా॒యత॑నమ్ |
ఆ॒యత॑నవాన్ భవతి |
యో॑ఽముష్య॒ తప॑త ఆ॒యత॑న॒o వేద॑ |
ఆ॒యత॑నవాన్ భవతి |
ఆపో॒ వా అ॒ముష్య॒ తప॑త ఆ॒యత॑నమ్ || ౮౦ || ౧-౨౨-౩
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
చ॒న్ద్రమా॒ వా అ॒పామా॒యత॑నమ్ |
ఆ॒యత॑నవాన్ భవతి |
యశ్చ॒న్ద్రమ॑స ఆ॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై చ॒న్ద్రమ॑స ఆ॒యత॑నమ్|
ఆ॒యత॑నవాన్ భవతి || ౮౧ || ౧-౨౨-౪
య ఏ॒వం వేద॑ |
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
నక్ష॑త్రాణి॒ వా అ॒పామా॒యత॑నమ్ |
ఆ॒యత॑నవాన్ భవతి |
యో నక్ష॑త్రాణామా॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై నక్ష॑త్రాణామా॒యత॑నమ్ |
ఆ॒యత॑నవాన్ భవతి |
య ఏ॒వం వేద॑ || ౮౨ || ౧-౨౨-౫
యో॑ఽపామా॒యత॑న॒o వేద॑ |
ఆ॒యత॑నవాన్ భవతి |
ప॒ర్జన్యో॒ వా అ॒పామా॒యత॑నమ్ |
ఆ॒యత॑నవాన్ భవతి |
యః ప॒ర్జన్య॑స్యా॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై ప॒ర్జన్య॑స్యా॒ఽఽయత॑నమ్ |
ఆ॒యత॑నవాన్ భవతి |
య ఏ॒వం వేద॑ |
యో॑ఽపామా॒యత॑న॒o వేద॑ || ౮౩ || ౧-౨౨-౬
ఆ॒యత॑నవాన్ భవతి |
స॒oవ॒థ్స॒రో వా అ॒పామా॒యత॑నమ్ |
ఆ॒యత॑నవాన్ భవతి |
యస్స॑oవథ్స॒రస్యా॒యత॑న॒o వేద॑ |
ఆ॒యత॑నవాన్ భవతి |
ఆపో॒ వై స॑oవథ్స॒రస్యా॒ఽఽయత॑నమ్ |
ఆ॒యత॑నవాన్ భవతి |
య ఏ॒వం వేద॑ |
యో”ఽప్సు నావ॒o ప్రతి॑ష్ఠితా॒o వేద॑ |
ప్రత్యే॒వ తి॑ష్ఠతి || ౮౪ || ౧-౨౨-౭
ఇ॒మే వై లో॒కా అ॒ప్సు ప్రతి॑ష్ఠితాః |
తదే॒షాఽభ్యనూ”క్తా |
అ॒పాగ్‍ం రస॒ముద॑యగ్‍ం సన్ |
సూర్యే॑ శు॒క్రగ్‍ం స॒మాభృ॑తమ్ |
అ॒పాగ్‍ం రస॑స్య॒ యో రస॑: |
తం వో॑ గృహ్ణామ్యుత్త॒మమితి॑ |
ఇ॒మే వై లో॒కా అ॒పాగ్‍ం రస॑: |
తే॑ఽముష్మి॑న్నాది॒త్యే స॒మాభృ॑తాః |
జా॒ను॒ద॒ఘ్నీము॑త్తరవే॒దీఙ్ఖా॒త్వా |
అ॒పాం పూ॑రయి॒త్వా గు॑ల్ఫద॒ఘ్నమ్ || ౮౫ || ౧-౨౨-౮
పుష్కరపర్ణైః పుష్కరదణ్డైః పుష్కరైశ్చ॑ సగ్గ్‍స్తీ॒ర్య |
తస్మి॑న్విహా॒యసే |
అ॒గ్నిం ప్ర॒ణీయో॑పసమా॒ధాయ॑ |
బ్ర॒హ్మ॒వా॒దినో॑ వదన్తి |
కస్మా”త్ప్రణీ॒తేఽయమ॒గ్నిశ్చీ॒యతే” |
సాప్ర॑ణీ॒తేఽయమ॒ప్సు హ్యయ॑ఞ్చీ॒యతే” |
అ॒సౌ భువ॑నే॒ఽప్యనా॑హితాగ్నిరే॒తాః |
తమ॒భిత॑ ఏ॒తా అ॒బీష్ట॑కా॒ ఉప॑దధాతి |
అ॒గ్ని॒హో॒త్రే ద॑ర్శపూర్ణమా॒సయో”: |
ప॒శు॒బ॒న్ధే చా॑తుర్మా॒స్యేషు॑ || ౮౬ || ౧-౨౨-౯
అథో॑ ఆహుః |
సర్వే॑షు యజ్ఞక్ర॒తుష్వితి॑ |
ఏ॒తద్ధ॑ స్మ॒ వా ఆ॑హుశ్శణ్డి॒లాః |
కమ॒గ్నిఞ్చి॑నుతే |
స॒త్రి॒యమ॒గ్నిఞ్చి॑న్వా॒నః |
స॒oవ॒థ్స॒రం ప్ర॒త్యక్షే॑ణ |
కమ॒గ్నిఞ్చి॑నుతే |
సా॒వి॒త్రమ॒గ్నిఞ్చి॑న్వా॒నః |
అ॒ముమా॑ది॒త్యం ప్ర॒త్యక్షే॑ణ |
కమ॒గ్నిఞ్చి॑నుతే || ౮౭ || ౧-౨౨-౧౦
నా॒చి॒కే॒తమ॒గ్నిఞ్చి॑న్వా॒నః |
ప్రా॒ణాన్ప్ర॒త్యక్షే॑ణ |
కమ॒గ్నిఞ్చి॑నుతే |
చా॒తు॒ర్హో॒త్రి॒యమ॒గ్నిఞ్చి॑న్వా॒నః |
బ్రహ్మ॑ ప్ర॒త్యక్షే॑ణ |
కమ॒గ్నిఞ్చి॑నుతే |
వై॒శ్వ॒సృ॒జమ॒గ్నిఞ్చి॑న్వా॒నః |
శరీ॑రం ప్ర॒త్యక్షే॑ణ |
కమ॒గ్నిఞ్చి॑నుతే |
ఉ॒పా॒ను॒వా॒క్య॑మా॒శుమ॒గ్నిఞ్చి॑న్వా॒నః || ౮౮ || ౧-౨౨-౧౧
ఇ॒మాఁల్లో॒కాన్ప్ర॒త్యక్షే॑ణ |
కమ॒గ్నిఞ్చి॑నుతే |
ఇ॒మమా॑రుణకేతుకమ॒గ్నిఞ్చి॑న్వా॒నః ఇతి॑ |
య ఏ॒వాసౌ |
ఇ॒తశ్చా॒ముత॑శ్చాఽవ్యతీపా॒తీ |
తమితి॑ |
యో”ఽగ్నేర్మి॑థూ॒యా వేద॑ |
మి॒థు॒న॒వాన్భ॑వతి |
ఆపో॒ వా అ॒గ్నేర్మి॑థూ॒యాః |
మి॒థు॒న॒వాన్భ॑వతి |
య ఏ॒వం వేద॑ || ౮౯ || ౧-౨౨-౧౨
ఆపో॒ వా ఇ॒దమా॑సన్థ్సలి॒లమే॒వ |
స ప్ర॒జాప॑తి॒రేక॑: పుష్కరప॒ర్ణే సమ॑భవత్ |
తస్యాన్త॒ర్మన॑సి కామ॒స్సమ॑వర్తత |
ఇ॒దగ్‍ం సృ॑జేయ॒మితి॑ |
తస్మా॒ద్యత్పురు॑షో॒ మన॑సాఽభి॒గచ్ఛ॑తి |
తద్వా॒చా వ॑దతి |
తత్కర్మ॑ణా కరోతి |
తదే॒షాఽభ్యనూ”క్తా |
కామ॒స్తదగ్రే॒ సమ॑వర్త॒తాధి॑ |
మన॑సో॒ రేత॑: ప్రథ॒మం యదాసీ”త్ || ౯౦ || ౧-౨౩-౧
స॒తో బన్ధు॒మస॑తి॒ ని॑రవిన్దన్ |
హృ॒ది ప్ర॒తీష్యా॑ క॒వయో॑ మనీ॒షేతి॑ |
ఉపై॑న॒న్తదుప॑నమతి |
యత్కా॑మో॒ భవ॑తి |
య ఏ॒వం వేద॑ |
స తపో॑ఽతప్యత |
స తప॑స్త॒ప్త్వా |
శరీ॑రమధూనుత |
తస్య॒ యన్మా॒గ్॒ంసమాసీ”త్ |
తతో॑ఽరు॒ణాః కే॒తవో॒ వాత॑రశ॒నా ఋష॑య॒ ఉద॑తిష్ఠన్ || ౯౧ || ౧-౨౩-౨
యే నఖా”: |
తే వై॑ఖాన॒సాః |
యే వాలా”: |
తే వా॑లఖి॒ల్యాః |
యో రస॑: |
సో॑ఽపామ్ |
అ॒న్త॒ర॒తః కూ॒ర్మం భూ॒తగ్‍ం సర్ప॑న్తమ్ |
తమ॑బ్రవీత్ |
మమ॒ వైత్వఙ్మా॒గ్॒ంసా |
సమ॑భూత్ || ౯౨ || ౧-౨౩-౩
నేత్య॑బ్రవీత్ |
పూర్వ॑మే॒వాహమి॒హాస॒మితి॑ |
తత్పురు॑షస్య పురుష॒త్వమ్ |
స స॒హస్ర॑శీర్షా॒ పురు॑షః |
స॒హ॒స్రా॒క్షస్స॒హస్ర॑పాత్ |
భూ॒త్వోద॑తిష్ఠత్ |
తమ॑బ్రవీత్ |
త్వం వై పూర్వగ్॑ం సమ॑భూః |
త్వమి॒దం పూర్వ॑: కురు॒ష్వేతి॑ |
స ఇ॒త ఆ॒దాయాప॑: || ౯౩ || ౧-౨౩-౪
అ॒ఞ్జ॒లినా॑ పు॒రస్తా॑దు॒పాద॑ధాత్ |
ఏ॒వాహ్యే॒వేతి॑ |
తత॑ ఆది॒త్య ఉద॑తిష్ఠత్ |
సా ప్రాచీ॒ దిక్ |
అథా॑రు॒ణః కే॒తుర్ద॑క్షిణ॒త ఉ॒పాద॑ధాత్ |
ఏ॒వాహ్యగ్న॒ ఇతి॑ |
తతో॒ వా అ॒గ్నిరుద॑తిష్ఠత్ |
సా ద॑క్షి॒ణా దిక్ |
అథా॑రు॒ణః కే॒తుః ప॒శ్చాదు॒పాద॑ధాత్ |
ఏ॒వాహి వాయో॒ ఇతి॑ || ౯౪ || ౧-౨౩-౫
తతో॑ వా॒యురుద॑తిష్ఠత్ |
సా ప్ర॒తీచీ॒ దిక్ |
అథా॑రు॒ణః కే॒తురు॑త్తర॒త ఉ॒పాద॑ధాత్ |
ఏ॒వాహీన్ద్రేతి॑ |
తతో॒ వా ఇన్ద్ర॒ ఉద॑తిష్ఠత్ |
సోదీ॑చీ॒ దిక్ |
అథా॑రు॒ణః కే॒తుర్మధ్య॑ ఉ॒పాద॑ధాత్ |
ఏ॒వాహి పూష॒న్నితి॑ |
తతో॒ వై పూ॒షోద॑తిష్ఠత్ |
సేయన్దిక్ || ౯౫ || ౧-౨౩-౬
అథా॑రు॒ణః కే॒తురు॒పరి॑ష్టాదు॒పాద॑ధాత్ |
ఏ॒వాహి దే॒వా ఇతి॑ |
తతో॑ దేవమను॒ష్యాః పి॒తర॑: |
గ॒న్ధ॒ర్వా॒ప్స॒రస॒శ్చోద॑తిష్ఠన్ |
సోర్ధ్వా దిక్ |
యా వి॒ప్రుషో॑ వి॒పరా॑పతన్ |
తాభ్యోఽసు॑రా॒ రక్షాగ్॑ంసి పిశా॒చాశ్చోద॑తిష్ఠన్ |
తస్మా॒త్తే పరా॑భవన్ |
వి॒ప్రుడ్భ్యో॒ హి తే సమ॑భవన్ |
తదే॒షాఽభ్యనూ”క్తా || ౯౬ || ౧-౨౩-౭
ఆపో॑ హ॒ యద్బృ॑హ॒తీర్గర్భా॒మాయన్॑ |
దక్ష॒న్దధా॑నా జ॒నయ॑న్తీస్స్వయ॒oభుమ్ |
తత॑ ఇ॒మేఽద్ధ్యసృ॑జ్యన్త॒ సర్గా”: |
అద్భ్యో॒ వా ఇ॒దగ్‍ం సమ॑భూత్ |
తస్మా॑ది॒దగ్‍ం సర్వ॒o బ్రహ్మ॑ స్వయ॒oభ్వితి॑ |
తస్మా॑ది॒దగ్‍ం సర్వ॒గ్॒ం శిథి॑లమి॒వాద్ధ్రువ॑మివాభవత్ |
ప్ర॒జాప॑తి॒ర్వావ తత్ |
ఆ॒త్మనా॒త్మాన॑o వి॒ధాయ॑ |
తదే॒వాను॒ప్రావి॑శత్ |
తదే॒షాఽభ్యనూ”క్తా || ౯౭ || ౧-౨౩-౮
వి॒ధాయ॑ లో॒కాన్వి॒ధాయ॑ భూ॒తాని॑ |
వి॒ధాయ॒ సర్వా”: ప్ర॒దిశో॒ దిశ॑శ్చ |
ప్ర॒జాప॑తిః ప్రథమ॒జా ఋ॒తస్య॑ |
ఆ॒త్మనా॒త్మాన॑మ॒భిసంవి॑వే॒శేతి॑ |
సర్వ॑మే॒వేదమా॒ప్త్వా |
సర్వ॑మవ॒రుద్ధ్య॑ |
తదే॒వాను॒ప్రవి॑శతి |
య ఏ॒వం వేద॑ || ౯౮ || ౧-౨౩-౯
చతు॑ష్టయ్య॒ ఆపో॑ గృహ్ణాతి |
చ॒త్వారి॒ వా అ॒పాగ్‍ం రూ॒పాణి॑ |
మేఘో॑ వి॒ద్యుత్ |
స్త॒న॒యి॒త్నుర్వృ॒ష్టిః |
తాన్యే॒వావ॑రున్ధే |
ఆ॒తప॑తి॒ వర్ష్యా॑ గృహ్ణాతి |
తాః పు॒రస్తా॒దుప॑దధాతి |
ఏ॒తా వై బ్ర॑హ్మవర్చ॒స్యా ఆప॑: |
ము॒ఖ॒త ఏ॒వ బ్ర॑హ్మవర్చ॒సమవ॑రున్ధే |
తస్మా”న్ముఖ॒తో బ్ర॑హ్మవర్చ॒సిత॑రః || ౯౯ || ౧-౨౪-౧
కూప్యా॑ గృహ్ణాతి |
తా ద॑క్షిణ॒త ఉప॑దధాతి |
ఏ॒తా వై తే॑జ॒స్వినీ॒రాప॑: |
తేజ॑ ఏ॒వాస్య॑ దక్షిణ॒తో ద॑ధాతి |
తస్మా॒ద్దక్షి॒ణోఽర్ధ॑స్తేజ॒స్విత॑రః |
స్థా॒వ॒రా గృ॑హ్ణాతి |
తాః ప॒శ్చాదుప॑దధాతి |
ప్రతి॑ష్ఠితా॒ వై స్థా॑వ॒రాః |
ప॒శ్చాదే॒వ ప్రతి॑తిష్ఠతి |
వహ॑న్తీర్గృహ్ణాతి || ౧౦౦ || ౧-౨౪-౨
తా ఉ॑త్తర॒త ఉప॑దధాతి |
ఓజ॑సా॒ వా ఏ॒తా వహ॑న్తీరి॒వోద్గ॑తీరి॒వ ఆకూజ॑తీరి॒వ ధావ॑న్తీః |
ఓజ॑ ఏ॒వాస్యో”త్తర॒తో ద॑ధాతి |
తస్మా॒దుత్త॒రోఽర్ధ॑ ఓజ॒స్విత॑రః |
స॒oభా॒ర్యా గృ॑హ్ణాతి |
తా మధ్య॒ ఉప॑దధాతి |
ఇ॒యం వై స॑oభా॒ర్యాః |
అ॒స్యామే॒వ ప్రతి॑తిష్ఠతి |
ప॒ల్వ॒ల్యా గృ॑హ్ణాతి |
తా ఉ॒పరి॑ష్టాదు॒పాద॑ధాతి || ౧౦౧ || ౧-౨౪-౩
అ॒సౌ వై ప॑ల్వ॒ల్యాః |
అ॒ముష్యా॑మే॒వ ప్రతి॑తిష్ఠతి |
ది॒క్షూప॑దధాతి |
ది॒క్షు వా ఆప॑: |
అన్న॒o వా ఆప॑: |
అ॒ద్భ్యో వా అన్న॑ఞ్జాయతే |
యదే॒వాద్భ్యోఽన్న॒ఞ్జాయ॑తే |
తదవ॑రున్ధే |
తం వా ఏ॒తమ॑రు॒ణాః కే॒తవో॒ వాత॑రశ॒నా ఋష॑యోఽచిన్వన్ |
తస్మా॑దారుణకే॒తుక॑: || ౧౦౨ || ౧-౨౪-౪
తదే॒షాఽభ్యనూ”క్తా |
కే॒తవో॒ అరు॑ణాసశ్చ |
ఋ॒ష॒యో వాత॑రశ॒నాః |
ప్ర॒తి॒ష్ఠాగ్‍ం శ॒తధా॑హి |
స॒మాహి॑తాసో సహస్ర॒ధాయ॑స॒మితి॑ |
శ॒తశ॑శ్చై॒వ స॒హస్ర॑శశ్చ॒ ప్రతి॑తిష్ఠతి |
య ఏ॒తమ॒గ్నిఞ్చి॑నుతే |
య ఉ॑చైనమే॒వం వేద॑ || ౧౦౩ || ౧-౨౪-౫
జా॒ను॒ద॒ఘ్నీము॑త్తరవే॒దీఙ్ఖా॒త్వా |
అ॒పాం పూ॑రయతి |
అ॒పాగ్‍ం స॑ర్వ॒త్వాయ॑ |
పు॒ష్క॒ర॒ప॒ర్ణగ్‍ం రు॒క్మం పురు॑ష॒మిత్యుప॑దధాతి |
తపో॒ వై పు॑ష్కరప॒ర్ణమ్ |
స॒త్యగ్ం రు॒క్మః |
అ॒మృత॒o పురు॑షః |
ఏ॒తావ॒ద్వావా”స్తి |
యావ॑దే॒తత్ |
యావ॑దే॒వాస్తి॑ || ౧౦౪ || ౧-౨౫-౧
తదవ॑రున్ధే |
కూ॒ర్మముప॑దధాతి |
అ॒పామే॒వ మేధ॒మవ॑రున్ధే |
అథో” స్వ॒ర్గస్య॑ లో॒కస్య॒ సమ॑ష్ట్యై |
ఆప॑మాపామ॒పస్సర్వా”: |
అ॒స్మాద॒స్మాది॒తోఽముత॑: |
అ॒గ్నిర్వా॒యుశ్చ॒ సూర్య॑శ్చ |
స॒హస॑ఞ్చస్క॒రర్ద్ధి॑యా॒ ఇతి॑ |
వా॒య్వశ్వా॑ రశ్మి॒పత॑యః |
లో॒కం పృ॑ణచ్ఛి॒ద్రం పృ॑ణ || ౧౦౫ || ౧-౨౫-౨
యాస్తి॒స్రః ప॑రమ॒జాః |
ఇ॒న్ద్ర॒ఘో॒షా వో॒ వసు॑భిరే॒వాహ్యే॒వేతి॑ |
పఞ్చ॒చిత॑య॒ ఉపద॑ధాతి |
పాఙ్క్తో॒ఽగ్నిః |
యావ॑నే॒వాగ్నిః |
తఞ్చి॑నుతే |
లో॒కంపృ॑ణయా ద్వి॒తీయా॒ముప॑దధాతి |
పఞ్చ॑పదా॒ వై వి॒రాట్ |
తస్యా॒ వా ఇ॒యం పాద॑: |
అ॒న్తరి॑క్ష॒o పాద॑: |
ద్యౌః పాద॑: |
దిశ॒: పాద॑: |
ప॒రోర॑జా॒: పాద॑: |
వి॒రాజ్యే॒వ ప్రతి॑తిష్ఠతి |
య ఏ॒తమ॒గ్నిఞ్చి॑ను॒తే |
య ఉ॑చైనమే॒వం వేద॑ || ౧౦౬ || ౧-౨౫-౩
అ॒గ్నిం ప్ర॒ణీయో॑పసమా॒ధాయ॑ |
తమ॒భిత॑ ఏ॒తా అ॒బీష్ట॑కా॒ ఉప॑దధాతి |
అ॒గ్ని॒హో॒త్రే ద॑ర్శపూర్ణమా॒సయో”: |
ప॒శు॒బ॒న్ధే చా॑తుర్మా॒స్యేషు॑ |
అథో॑ ఆహుః |
సర్వే॑షు యజ్ఞక్ర॒తుష్వితి॑ |
అథ॑ హస్మాహారు॒ణస్స్వా॑య॒oభువ॑: |
సా॒వి॒త్రః సర్వో॒ఽగ్నిరిత్యన॑నుషఙ్గం మన్యామహే |
నానా॒ వా ఏ॒తేషా”o వీ॒ర్యా॑ణి |
కమ॒గ్నిఞ్చి॑నుతే || ౧౦౭ || ౧-౨౬-౧
స॒త్రి॒యమ॒గ్నిఞ్చి॑న్వా॒నః |
కమ॒గ్నిఞ్చి॑నుతే |
సా॒వి॒త్రమ॒గ్నిఞ్చి॑న్వా॒నః |
కమ॒గ్నిఞ్చి॑నుతే |
నా॒చి॒కే॒తమ॒గ్నిఞ్చి॑న్వా॒నః |
కమ॒గ్నిఞ్చి॑నుతే |
చా॒తు॒ర్హో॒త్రి॒యమ॒గ్నిఞ్చి॑న్వా॒నః |
కమ॒గ్నిఞ్చి॑నుతే |
వై॒శ్వ॒సృ॒జమ॒గ్నిఞ్చి॑న్వా॒నః |
కమ॒గ్నిఞ్చి॑నుతే || ౧౦౮ || ౧-౨౬-౨
ఉ॒పా॒ను॒వా॒క్య॑మా॒శుమ॒గ్నిఞ్చి॑న్వా॒నః |
కమ॒గ్నిఞ్చి॑నుతే |
ఇ॒మమా॑రుణకేతుకమ॒గ్నిఞ్చి॑న్వా॒న ఇతి॑ |
వృషా॒ వా అ॒గ్నిః |
వృషా॑ణో॒ సగ్గ్‍స్ఫా॑లయేత్ |
హ॒న్యేతా”స్య య॒జ్ఞః |
తస్మా॒న్నాను॒షజ్య॑: |
సోత్త॑రవే॒దిషు॑ క్ర॒తుషు॑ చిన్వీత |
ఉ॒త్త॒ర॒వే॒ద్యాగ్‍ం హ్య॑గ్నిశ్చీ॒యతే” |
ప్ర॒జాకా॑మశ్చిన్వీత || ౧౦౯ || ౧-౨౬-౩
ప్రా॒జా॒ప॒త్యో వా ఏ॒షో”ఽగ్నిః |
ప్రా॒జా॒ప॒త్యాః ప్ర॒జాః |
ప్ర॒జావా”న్భవతి |
య ఏ॒వం వేద॑ |
ప॒శుకా॑మశ్చిన్వీత |
స॒oజ్ఞాన॒o వా ఏ॒తత్ప॑శూ॒నామ్ |
యదాప॑: |
ప॒శూ॒నామే॒వ స॒oజ్ఞానే॒ఽగ్నిఞ్చి॑నుతే |
ప॒శు॒మాన్భ॑వతి |
య ఏ॒వం వేద॑ || ౧౧౦ || ౧-౨౬-౪
వృష్టి॑కామశ్చిన్వీత |
ఆపో॒ వై వృష్టి॑: |
ప॒ర్జన్యో॒ వర్షు॑కో భవతి |
య ఏ॒వం వేద॑ |
ఆ॒మ॒యా॒వీ చి॑న్వీత |
ఆపో॒ వై భే॑ష॒జమ్ |
భే॒ష॒జమే॒వాస్మై॑ కరోతి |
సర్వ॒మాయు॑రేతి |
అ॒భి॒చరగ్గ్॑శ్చిన్వీత |
వజ్రో॒ వా ఆప॑: || ౧౧౧ || ౧-౨౬-౫
వజ్ర॑మే॒వ భ్రాతృ॑వ్యేభ్య॒: ప్రహ॑రతి |
స్తృ॒ణు॒త ఏ॑నమ్ |
తేజ॑స్కామో॒ యశ॑స్కామః |
బ్ర॒హ్మ॒వ॒ర్చ॒సకా॑మస్స్వ॒ర్గకా॑మశ్చిన్వీత |
ఏ॒తావ॒ద్వా వా”స్తి |
యావ॑దే॒తత్ |
యావ॑దే॒వాస్తి॑ |
తదవ॑రున్ధే |
తస్యై॒తద్వ్ర॒తమ్ |
వర్ష॑తి॒ న ధా॑వేత్ || ౧౧౨ || ౧-౨౬-౬
అ॒మృత॒o వా ఆప॑: |
అ॒మృత॒స్యాన॑న్తరిత్యై |
నాప్సు మూత్ర॑పురీ॒షఙ్కు॑ర్యాత్ |
న నిష్ఠీ॑వేత్ |
న వి॒వస॑నస్స్నాయాత్ |
గుహ్యో॒ వా ఏ॒షో”ఽగ్నిః |
ఏ॒తస్యా॒గ్నేరన॑తిదాహాయ |
న పు॑ష్కరప॒ర్ణాని॒ హిర॑ణ్య॒o వాఽధి॒తిష్ఠే”త్ |
ఏ॒తస్యా॒గ్నేరన॑భ్యారోహాయ |
న కూర్మ॒స్యాశ్నీ॑యాత్ |
నోద॒కస్యా॒ఘాతు॑కా॒న్యేన॑మోద॒కాని॑ భవన్తి |
అ॒ఘాతు॑కా॒ ఆప॑: |
య ఏ॒తమ॒గ్నిఞ్చి॑ను॒తే |
య ఉ॑చైనమే॒వం వేద॑ || ౧౧౩ || ౧-౨౬-౭
ఇ॒మాను॑క॒o భువ॑నా సీషధేమ |
ఇన్ద్ర॑శ్చ॒ విశ్వే॑ చ దే॒వాః |
య॒జ్ఞఞ్చ॑ నస్త॒న్వఞ్చ॑ ప్ర॒జాఞ్చ॑ |
ఆ॒ది॒త్యైరిన్ద్ర॑స్స॒హ సీ॑షధాతు |
ఆ॒ది॒త్యైరిన్ద్ర॒స్సగ॑ణో మ॒రుద్భి॑: |
అ॒స్మాక॑o భూత్వవి॒తా త॒నూనా”మ్ |
ఆప్ల॑వస్వ॒ ప్రప్ల॑వస్వ |
ఆ॒ణ్డీ భ॑వ జ॒ మా ము॒హుః |
సుఖాదీన్దు॑:ఖని॒ధనామ్ |
ప్రతి॑ముఞ్చస్వ॒ స్వాం పు॒రమ్ || ౧౧౪ || ౧-౨౭-౧
మరీ॑చయస్స్వాయంభు॒వాః |
యే శ॑రీ॒రాణ్య॑కల్పయన్ |
తే తే॑ దే॒హఙ్క॑ల్పయన్తు |
మా చ॑ తే॒ ఖ్యా స్మ॑ తీరిషత్ |
ఉత్తి॑ష్ఠత॒ మా స్వ॑ప్త |
అ॒గ్నిమి॑చ్ఛధ్వ॒o భార॑తాః |
రాజ్ఞ॒స్సోమ॑స్య తృ॒ప్తాస॑: |
సూర్యే॑ణ స॒యుజో॑షసః |
యువా॑ సు॒వాసా”: |
అ॒ష్టాచ॑క్రా॒ నవ॑ద్వారా || ౧౧౫ || ౧-౨౭-౨
దే॒వానా॒o పూర॑యో॒ధ్యా |
తస్యాగ్॑ం హిరణ్మ॑యః కో॒శః |
స్వ॒ర్గో లో॒కో జ్యోతి॒షాఽఽవృ॑తః |
యో వై తా”o బ్రహ్మ॑ణో వే॒ద |
అ॒మృతే॑నాఽఽవృ॒తాం పు॑రీమ్ |
తస్మై” బ్రహ్మ చ॑ బ్రహ్మా॒ చ |
ఆ॒యుః కీర్తి॑o ప్ర॒జాన్ద॑దుః |
వి॒భ్రాజ॑మానా॒గ్॒ం హరి॑ణీమ్ |
య॒శసా॑ సంప॒రీవృ॑తామ్ |
పురగ్॑ం హిరణ్మ॑యీం బ్ర॒హ్మా || ౧౧౬ || ౧-౨౭-౩
వి॒వేశా॑ఽప॒రాజి॑తా |
పరాఙేత్య॑జ్యామ॒యీ |
పరాఙేత్య॑నాశ॒కీ |
ఇ॒హ చా॑ముత్ర॑ చాన్వే॒తి |
వి॒ద్వాన్దే॑వాసు॒రాను॑భ॒యాన్ |
యత్కు॑మా॒రీ మ॒న్ద్రయ॑తే |
య॒ద్యో॒షద్యత్ప॑తి॒వ్రతా” |
అరి॑ష్ట॒o యత్కిఞ్చ॑ క్రి॒యతే” |
అ॒గ్నిస్తదను॑వేధతి |
అ॒శృతా॑సశ్శృ॑తాస॒శ్చ || ౧౧౭ || ౧-౨౭-౪
య॒జ్వానో॒ యేఽప్య॑య॒జ్వన॑: |
స్వ॑ర్యన్తో॒ నాపే”క్షన్తే |
ఇన్ద్ర॑మ॒గ్నిఞ్చ॑ యే వి॒దుః |
సిక॑తా ఇవ స॒oయన్తి॑ |
ర॒శ్మిభి॑స్సము॒దీరి॑తాః |
అ॒స్మాల్లో॒కాద॑ముష్మా॒చ్చ |
ఋ॒షిభి॑రదాత్పృ॒శ్నిభి॑ |
అపే॑త॒ వీత॒ వి చ॑ సర్ప॒తాత॑: |
యేఽత్ర॒ స్థ పు॑రా॒ణా యే చ॒ నూత॑నాః |
అహో॑భిర॒ద్భిర॒క్తుభి॒ర్వ్య॑క్తమ్ || ౧౧౮ || ౧-౨౭-౫
య॒మో ద॑దాత్వవ॒సాన॑మస్మై |
నృ ము॑ణన్తు నృ పా॒త్వర్య॑: |
అ॒కృ॒ష్టా యే చ॒ కృష్ట॑జాః |
కు॒మారీ॑షు క॒నీనీ॑షు |
జా॒రిణీ॑షు చ॒ యే హి॒తాః |
రేత॑: పీతా॒ ఆణ్డ॑పీతాః |
అఙ్గా॑రేషు చ॒ యే హు॒తాః |
ఉ॒భయా”న్ పుత్ర॑పౌత్ర॒కాన్ |
యు॒వే॒ఽహం య॒మరాజ॑గాన్ |
శ॒తమిన్ను శ॒రద॑: || ౧౧౯ || ౧-౨౭-౬
అదో॒ యద్బ్రహ్మ॑ విల॒బమ్ |
పి॒తృ॒ణాఞ్చ॑ య॒మస్య॑ చ |
వరు॑ణ॒స్యాశ్వి॑నోర॒గ్నేః |
మ॒రుతా”ఞ్చ వి॒హాయ॑సామ్ |
కా॒మ॒ప్ర॒యవ॑ణం మే అస్తు |
స హ్యే॑వాస్మి॑ స॒నాత॑నః |
ఇతి నాకో బ్రహ్మిశ్రవో॑ రాయో॒ ధనమ్ |
పు॒త్రానాపో॑ దే॒వీరి॒హాహి॑తా || ౧౨౦ || ౧-౨౭-౭
విశీ”ర్ష్ణీ॒o గృధ్ర॑శీర్ష్ణీఞ్చ |
అపేతో॑ నిరృ॒తిగ్‍ం హ॑థః |
పరిబాధగ్గ్ శ్వే॑తకు॒క్షమ్ |
ని॒జఙ్ఘగ్॑ం శబ॒లోద॑రమ్ |
స॒ తాన్వా॒చ్యాయ॑యా స॒హ |
అగ్నే॒ నాశ॑య స॒oదృశ॑: |
ఈ॒ర్ష్యా॒సూ॒యే బు॑భు॒క్షామ్ |
మ॒న్యుం కృ॒త్యాఞ్చ॑ దీధిరే |
రథే॑న కిగ్‍ంశు॒కావ॑తా |
అగ్నే॒ నాశ॑య స॒oదృశ॑: || ౧౨౧ || ౧-౨౮-౧
ప॒ర్జన్యా॑య॒ ప్రగా॑యత |
ది॒వస్పు॒త్రాయ॑ మీ॒ఢుషే” |
స నో॑ య॒వస॑మిచ్ఛతు |
ఇ॒దం వచ॑: ప॒ర్జన్యా॑య స్వ॒రాజే” |
హృ॒దో అ॒స్త్వన్త॑ర॒న్తద్యు॑యోత |
మ॒యో॒భూర్వాతో॑ వి॒శ్వకృ॑ష్టయస్సన్త్వ॒స్మే |
సు॒పి॒ప్ప॒లా ఓష॑ధీర్దే॒వగో॑పాః |
యో గర్భ॒మోష॑ధీనామ్ |
గవా”ఙ్కృ॒ణోత్యర్వ॑తామ్ |
ప॒ర్జన్య॑: పురు॒షీణా”మ్ || ౧౨౨ || ౧-౨౯-౧
పున॑ర్మామైత్త్విన్ద్రి॒యమ్ |
పున॒రాయు॒: పున॒ర్భగ॑: |
పున॒ర్బ్రాహ్మ॑ణమైతు మా |
పున॒ర్ద్రవి॑ణమైతు మా |
యన్మే॒ఽద్య రేత॑: పృథి॒వీమస్కాన్॑ |
యదోష॑ధీర॒ప్యస॑ర॒ద్యదాప॑: |
ఇ॒దన్తత్పున॒రాద॑దే |
దీ॒ర్ఘా॒యు॒త్త్వాయ॒ వర్చ॑సే |
యన్మే॒ రేత॒: ప్రసి॑చ్యతే |
యన్మ॒ ఆజా॑యతే॒ పున॑: |
తేన॑ మామ॒మృత॑ఙ్కురు |
తేన॑ సుప్ర॒జస॑ఙ్కురు || ౧౨౩ || ౧-౩౦-౧
అ॒ద్భ్యస్తిరో॒ధాఽజా॑యత |
తవ॑ వైశ్రవ॒ణస్స॑దా |
తిరో॑ధేహి సప॒త్నాన్న॑: |
యే అపో॒ఽశ్నన్తి॑ కేచ॒న |
త్వా॒ష్ట్రీం మా॒యాం వై”శ్రవ॒ణః |
రథగ్॑ం సహస్ర॒వన్ధు॑రమ్ |
పు॒రు॒శ్చ॒క్రగ్‍ం సహ॑స్రాశ్వమ్ |
ఆస్థా॒యాయా॑హి నో బ॒లిమ్ |
యస్మై॑ భూ॒తాని॑ బ॒లిమావ॑హన్తి |
ధన॒ఙ్గావో॒ హస్తి॒హిర॑ణ్య॒మశ్వాన్॑ || ౧౨౪ || ౧-౩౧-౧
అసా॑మ సుమ॒తౌ య॒జ్ఞియ॑స్య |
శ్రియ॒o బిభ్ర॒తోఽన్న॑ముఖీం వి॒రాజ”మ్ |
సు॒ద॒ర్శ॒నే చ॑ క్రో॒ఞ్చే చ॑ |
మై॒నా॒గే చ॑ మ॒హాగి॑రౌ |
స॒తద్వా॒ట్టార॑గమ॒న్తా |
స॒గ్॒ంహార్య॒న్నగ॑ర॒o తవ॑ |
ఇతి మన్త్రా”: |
కల్పో॑ఽత ఊ॒ర్ధ్వమ్ |
యది॒ బలి॒గ్॒ం హరే”త్ |
హి॒ర॒ణ్య॒నా॒భయే॑ వితు॒దయే॑ కౌబే॒రాయా॒యం బ॑లిః || ౧౨౫ || ౧-౩౧-౨
సర్వభూతధిపతయే న॑మ ఇ॒తి |
అథ బలిగ్‍ం హృత్వోప॑తిష్ఠే॒త |
క్ష॒త్త్రం క్ష॒త్త్రం వై”శ్రవ॒ణః |
బ్రాహ్మణా॑ వయ॒గ్గ్॒స్మః |
నమ॑స్తే అస్తు॒ మా మా॑ హిగ్‍ంసీః |
అస్మాత్ప్రవిశ్యాన్న॑మద్ధీ॒తి |
అథ తమగ్నిమా॑దధీ॒త |
యస్మిన్నేతత్కర్మ ప్ర॑యుఞ్జీ॒త |
తి॒రోధా॒ భూః |
తి॒రోధా॒ భువ॑: || ౧౨౬ || ౧-౩౧-౩
తి॒రోధా॒స్స్వ॑: |
తి॒రోధా॒ భూర్భువ॒స్స్వ॑: |
సర్వేషాం లోకానామాధిపత్యే॑ సీదే॒తి |
అథ తమగ్ని॑మిన్ధీ॒త |
యస్మిన్నేతత్కర్మ ప్ర॑యుఞ్జీ॒త |
తి॒రోధా॒ భూస్స్వాహా” |
తి॒రోధా॒ భువ॒స్స్వాహా” |
తి॒రోధా॒ స్వ॑స్స్వాహా” |
తి॒రోధా॒ భూర్భువ॒స్స్వ॑స్స్వాహా” |
యస్మిన్నస్య కాలే సర్వా ఆహుతీర్హుతా॑ భవే॒యుః || ౧౨౭ || ౧-౩౧-౪
అపి బ్రాహ్మణ॑ముఖీ॒నాః |
తస్మిన్నహ్నః కాలే ప్ర॑యుఞ్జీ॒త |
పర॑స్సు॒ప్తజ॑నాద్వే॒పి |
మాస్మ ప్రమాద్యన్త॑మాధ్యా॒పయేత్ |
సర్వార్థా”: సిద్ధ్య॒న్తే |
య ఏ॑వం వే॒ద |
క్షుధ్యన్నిద॑మజా॒నతామ్ |
సర్వార్థా న॑ సిద్ధ్య॒న్తే |
యస్తే॑ వి॒ఘాతు॑కో భ్రా॒తా |
మమాన్తర్హృ॑దయే॒ శ్రితః || ౧౨౮ || ౧-౩౧-౫
తస్మా॑ ఇ॒మమగ్ర॒పిణ్డ॑ఞ్జుహోమి |
స మే”ఽర్థా॒న్మా వివ॑ధీత్ |
మయి॒ స్వాహా” |
రా॒జా॒ధి॒రా॒జాయ॑ ప్రసహ్యసా॒హినే” |
నమో॑ వ॒యం వై”శ్రవ॒ణాయ॑ కుర్మహే |
స మే॒ కామా॒న్కామ॒కామా॑య॒ మహ్యమ్” |
కా॒మే॒శ్వ॒రో వై”శ్రవ॒ణో ద॑దాతు |
కు॒బే॒రాయ॑ వైశ్రవ॒ణాయ॑ |
మ॒హా॒రా॒జాయ॒ నమ॑: |
కే॒తవో॒ అరు॑ణాసశ్చ |
ఋ॒ష॒యో వాత॑రశ॒నాః |
ప్ర॒తి॒ష్ఠాగ్‍ం శ॒తధా॑ హి |
స॒మాహి॑తాసో సహస్ర॒ధాయ॑సమ్ |
శి॒వా న॒శ్శన్త॑మా భవన్తు |
ది॒వ్యా ఆప॒ ఓష॑ధయః |
సు॒మృ॒డీ॒కా సర॑స్వతి |
మా తే॒ వ్యో॑మ స॒oదృశి॑ || ౧౨౯ || ౧-౩౧-౬
సంవత్సరమేత॑ద్వ్రత॒ఞ్చరేత్ |
ద్వౌ॑ వా మా॒సౌ |
నియమస్స॑మాసే॒న |
తస్మిన్నియమ॑విశే॒షాః |
త్రిషవణముదకో॑పస్ప॒ర్శీ |
చతుర్థకాలపాన॑భక్త॒స్స్యాత్ |
అహరహర్వా భైక్ష॑మశ్నీ॒యాత్ |
ఔదుమ్బరీభిః సమిద్భిరగ్ని॑o పరి॒చరేత్ |
పునర్మా మైత్త్విన్ద్రియమిత్యేతేనాఽను॑వాకే॒న |
ఉద్ధృతపరిపూతాభిరద్భిః కార్య॑ఙ్కుర్వీ॒త || ౧౩౦ || ౧-౩౨-౧
అ॑సఞ్చ॒యవాన్ |
అగ్నయే వాయవే॑ సూర్యా॒య |
బ్రహ్మణే ప్ర॑జాప॒తయే |
చన్ద్రమసే న॑క్షత్రే॒భ్యః |
ఋతుభ్యస్సంవ॑థ్సరా॒య |
వరుణాయారుణాయేతి వ్ర॑తహో॒మాః |
ప్ర॒వ॒ర్గ్యవ॑దాదే॒శః |
అరుణాః కా”ణ్డఋ॒షయః |
అరణ్యే॑ఽధీయీ॒రన్ |
భద్రం కర్ణేభిరితి ద్వే॑ జపి॒త్వా || ౧౩౧ || ౧-౩౨-౨
మహానామ్నీభిరుదకగ్‍ం స॑గ్గ్‍స్ప॒ర్శ్య |
తమాచా”ర్యో ద॒ద్యాత్ |
శివా నశ్శన్తమేత్యోశధీ॑రాల॒భతే |
సుమృడీకే॑తి భూ॒మిమ్ |
ఏవమ॑పవ॒ర్గే |
ధే॑నుర్ద॒క్షిణా |
కగ్‍ంసం వాస॑శ్చ క్షౌ॒మమ్ |
అన్య॑ద్వాశు॒క్లమ్ |
య॑థాశ॒క్తి వా |
ఏవగ్గ్‍ స్వాధ్యాయ॑ధర్మే॒ణ |
అరణ్యే॑ఽధీయీ॒త |
తపస్వీ పుణ్యో భవతి తపస్వీ పు॑ణ్యో భ॒వతి || ౧౩౨ || ౧-౩౨-౩
భ॒ద్రం కర్ణే॑భిః శృణు॒యామ॑ దేవాః |
భ॒ద్రం ప॑శ్యేమా॒క్షభి॒ర్యజ॑త్రాః |
స్థి॒రైరఙ్గై”స్తుష్టు॒వాగ్ంస॑స్త॒నూభి॑: |
వ్యశే॑మ దే॒వహి॑త॒o యదాయు॑: |
స్వ॒స్తి న॒ ఇన్ద్రో॑ వృ॒ద్ధశ్ర॑వాః |
స్వ॒స్తి న॑: పూ॒షా వి॒శ్వవే॑దాః |
స్వ॒స్తి న॒స్తార్క్ష్యో॒ అరి॑ష్టనేమిః |
స్వ॒స్తి నో॒ బృహ॒స్పతి॑ర్దధాతు ||
ఓం శాన్తి॒: శాన్తి॒: శాన్తి॑: ||