గ్రహాణామాదిరాదిత్యో లోకరక్షణకారకః |
విషమస్థానసంభూతాం పీడాం హరతు మే రవిః || ౧ ||
రోహిణీశః సుధామూర్తిః సుధాగాత్రః సుధాశనః |
విషమస్థానసంభూతాం పీడాం హరతు మే విధుః || ౨ ||
భూమిపుత్రో మహాతేజా జగతాం భయకృత్ సదా |
వృష్టికృద్వృష్టిహర్తా చ పీడాం హరతు మే కుజః || ౩ ||
ఉత్పాతరూపో జగతాం చంద్రపుత్రో మహాద్యుతిః |
సూర్యప్రియకరో విద్వాన్ పీడాం హరతు మే బుధః || ౪ ||
దేవమంత్రీ విశాలాక్షః సదా లోకహితే రతః |
అనేకశిష్యసంపూర్ణః పీడాం హరతు మే గురుః || ౫ ||
దైత్యమంత్రీ గురుస్తేషాం ప్రాణదశ్చ మహామతిః |
ప్రభుస్తారాగ్రహాణాం చ పీడాం హరతు మే భృగుః || ౬ ||
సూర్యపుత్రో దీర్ఘదేహో విశాలాక్షః శివప్రియః |
మందచారః ప్రసన్నాత్మా పీడాం హరతు మే శనిః || ౭ ||
మహాశిరా మహావక్త్రో దీర్ఘదంష్ట్రో మహాబలః |
అతనుశ్చోర్ధ్వకేశశ్చ పీడాం హరతు మే శిఖీ || ౮ ||
అనేకరూపవర్ణైశ్చ శతశోఽథ సహస్రశః |
ఉత్పాతరూపో జగతాం పీడాం హరతు మే తమః || ౯ ||
ఇతి నవగ్రహ పీడాహర స్తోత్రమ్ ||