అస్య శ్రీబాలాత్రిపురసుందరీ త్రిశతనామ స్తోత్రమహామంత్రస్య ఆనందభైరవ ఋషిః, అనుష్టుప్ ఛందః, శ్రీబాలాత్రిపురసుందరీ దేవతా, ఐం బీజం, సౌః శక్తిః, క్లీం కీలకం, శ్రీబాలాత్రిపురసుందరీ ప్రీత్యర్థం శ్రీబాలాత్రిపురసుందరీ త్రిశతనామస్తోత్ర పారాయణే వినియోగః |
కరన్యాసః –
ఐం అంగుష్ఠాభ్యాం నమః |
క్లీం తర్జనీభ్యాం నమః |
సౌః మధ్యమాభ్యాం నమః |
ఐం అనామికాభ్యాం నమః |
క్లీం కనిష్ఠికాభ్యాం నమః |
సౌః కరతలకరపృష్ఠాభ్యాం నమః |
హృదయాదిన్యాసః –
ఐం హృదయాయ నమః |
క్లీం శిరసే స్వాహా |
సౌః శిఖాయై వషట్ |
ఐం కవచాయ హుమ్ |
క్లీం నేత్రత్రయాయ వౌషట్ |
సౌః అస్త్రాయ ఫట్ |
భూర్భువస్సువరోం ఇతి దిగ్బంధః ||
ధ్యానమ్ –
రక్తాంబరాం చంద్రకలావతంసాం
సముద్యదాదిత్యనిభాం త్రినేత్రామ్ |
విద్యాక్షమాలాభయదామహస్తాం
ధ్యాయామి బాలామరుణాంబుజస్థామ్ ||
స్తోత్రమ్ –
ఐంకారరూపా ఐంకారనిలయా ఐంపదప్రియా |
ఐంకారరూపిణీ చైవ ఐంకారవరవర్ణినీ || ౧ ||
ఐంకారబీజసర్వస్వా ఐంకారాకారశోభితా |
ఐంకారవరదానాఢ్యా ఐంకారవరరూపిణీ || ౨ ||
ఐంకారబ్రహ్మవిద్యా చ ఐంకారప్రచురేశ్వరీ |
ఐంకారజపసంతుష్టా ఐంకారామృతసుందరీ || ౩ ||
ఐంకారకమలాసీనా ఐంకారగుణరూపిణీ |
ఐంకారబ్రహ్మసదనా ఐంకారప్రకటేశ్వరీ || ౪ ||
ఐంకారశక్తివరదా ఐంకారాప్లుతవైభవా |
ఐంకారామితసంపన్నా ఐంకారాచ్యుతరూపిణీ || ౫ ||
ఐంకారజపసుప్రీతా ఐంకారప్రభవా తథా |
ఐంకారవిశ్వజననీ ఐంకారబ్రహ్మవందితా || ౬ ||
ఐంకారవేద్యా ఐంకారపూజ్యా ఐంకారపీఠికా |
ఐంకారవాచ్యా ఐంకారచింత్యా ఐం ఐం శరీరిణీ || ౭ ||
ఐంకారామృతరూపా చ ఐంకారవిజయేశ్వరీ |
ఐంకారభార్గవీవిద్యా ఐంకారజపవైభవా || ౮ ||
ఐంకారగుణరూపా చ ఐంకారప్రియరూపిణీ |
క్లీంకారరూపా క్లీంకారనిలయా క్లీంపదప్రియా || ౯ ||
క్లీంకారకీర్తిచిద్రూపా క్లీంకారకీర్తిదాయినీ |
క్లీంకారకిన్నరీపూజ్యా క్లీంకారకింశుకప్రియా || ౧౦ ||
క్లీంకారకిల్బిషహరీ క్లీంకారవిశ్వరూపిణీ |
క్లీంకారవశినీ చైవ క్లీంకారానంగరూపిణీ || ౧౧ ||
క్లీంకారవదనా చైవ క్లీంకారాఖిలవశ్యదా |
క్లీంకారమోదినీ చైవ క్లీంకారహరవందితా || ౧౨ ||
క్లీంకారశంబరరిపుః క్లీంకారకీర్తిదా తథా |
క్లీంకారమన్మథసఖీ క్లీంకారవంశవర్ధినీ || ౧౩ ||
క్లీంకారపుష్టిదా చైవ క్లీంకారకుధరప్రియా |
క్లీంకారకృష్ణసంపూజ్యా క్లీం క్లీం కింజల్కసన్నిభా || ౧౪ ||
క్లీంకారవశగా చైవ క్లీంకారనిఖిలేశ్వరీ |
క్లీంకారధారిణీ చైవ క్లీంకారబ్రహ్మపూజితా || ౧౫ ||
క్లీంకారాలాపవదనా క్లీంకారనూపురప్రియా |
క్లీంకారభవనాంతస్థా క్లీం క్లీం కాలస్వరూపిణీ || ౧౬ ||
క్లీంకారసౌధమధ్యస్థా క్లీంకారకృత్తివాసినీ |
క్లీంకారచక్రనిలయా క్లీం క్లీం కింపురుషార్చితా || ౧౭ ||
క్లీంకారకమలాసీనా క్లీం క్లీం గంధర్వపూజితా |
క్లీంకారవాసినీ చైవ క్లీంకారక్రుద్ధనాశినీ || ౧౮ ||
క్లీంకారతిలకామోదా క్లీంకారక్రీడసంభ్రమా |
క్లీంకారవిశ్వసృష్ట్యంబా క్లీంకారవిశ్వమాలినీ || ౧౯ ||
క్లీంకారకృత్స్నసంపూర్ణా క్లీం క్లీం కృపీటవాసినీ |
క్లీం మాయాక్రీడవిద్వేషీ క్లీం క్లీంకారకృపానిధిః || ౨౦ ||
క్లీంకారవిశ్వా క్లీంకారవిశ్వసంభ్రమకారిణీ |
క్లీంకారవిశ్వరూపా చ క్లీంకారవిశ్వమోహినీ || ౨౧ ||
క్లీం మాయాకృత్తిమదనా క్లీం క్లీం వంశవివర్ధినీ |
క్లీంకారసుందరీరూపా క్లీంకారహరిపూజితా || ౨౨ ||
క్లీంకారగుణరూపా చ క్లీంకారకమలప్రియా |
సౌఃకారరూపా సౌఃకారనిలయా సౌఃపదప్రియా || ౨౩ ||
సౌఃకారసారసదనా సౌఃకారసత్యవాదినీ |
సౌఃప్రాసాదసమాసీనా సౌఃకారసాధనప్రియా || ౨౪ ||
సౌఃకారకల్పలతికా సౌఃకారభక్తతోషిణీ |
సౌఃకారసౌభరీపూజ్యా సౌఃకారప్రియసాధినీ || ౨౫ ||
సౌఃకారపరమాశక్తిః సౌఃకారరత్నదాయినీ |
సౌఃకారసౌమ్యసుభగా సౌఃకారవరదాయినీ || ౨౬ ||
సౌఃకారసుభగానందా సౌఃకారభగపూజితా |
సౌఃకారసంభవా చైవ సౌఃకారనిఖిలేశ్వరీ || ౨౭ ||
సౌఃకారవిశ్వా సౌఃకారవిశ్వసంభ్రమకారిణీ |
సౌఃకారవిభవానందా సౌఃకారవిభవప్రదా || ౨౮ ||
సౌఃకారసంపదాధారా సౌః సౌః సౌభాగ్యవర్ధినీ |
సౌఃకారసత్త్వసంపన్నా సౌఃకారసర్వవందితా || ౨౯ ||
సౌఃకారసర్వవరదా సౌఃకారసనకార్చితా |
సౌఃకారకౌతుకప్రీతా సౌఃకారమోహనాకృతిః || ౩౦ ||
సౌఃకారసచ్చిదానందా సౌఃకారరిపునాశినీ |
సౌఃకారసాంద్రహృదయా సౌఃకారబ్రహ్మపూజితా || ౩౧ ||
సౌఃకారవేద్యా సౌఃకారసాధకాభీష్టదాయినీ |
సౌఃకారసాధ్యసంపూజ్యా సౌఃకారసురపూజితా || ౩౨ ||
సౌఃకారసకలాకారా సౌఃకారహరిపూజితా |
సౌఃకారమాతృచిద్రూపా సౌఃకారపాపనాశినీ || ౩౩ ||
సౌఃకారయుగలాకారా సౌఃకారసూర్యవందితా |
సౌఃకారసేవ్యా సౌఃకారమానసార్చితపాదుకా || ౩౪ ||
సౌఃకారవశ్యా సౌఃకారసఖీజనవరార్చితా |
సౌఃకారసంప్రదాయజ్ఞా సౌః సౌః బీజస్వరూపిణీ || ౩౫ ||
సౌఃకారసంపదాధారా సౌఃకారసుఖరూపిణీ |
సౌఃకారసర్వచైతన్యా సౌః సర్వాపద్వినాశినీ || ౩౬ ||
సౌఃకారసౌఖ్యనిలయా సౌఃకారసకలేశ్వరీ |
సౌఃకారరూపకల్యాణీ సౌఃకారబీజవాసినీ || ౩౭ ||
సౌఃకారవిద్రుమారాధ్యా సౌః సౌః సద్భిర్నిషేవితా |
సౌఃకారరససల్లాపా సౌః సౌః సౌరమండలగా || ౩౮ ||
సౌఃకారరససంపూర్ణా సౌఃకారసింధురూపిణీ |
సౌఃకారపీఠనిలయా సౌఃకారసగుణేశ్వరీ || ౩౯ ||
సౌః సౌః పరాశక్తిః సౌః సౌః సామ్రాజ్యవిజయప్రదా |
ఐం క్లీం సౌః బీజనిలయా ఐం క్లీం సౌః పదభూషితా || ౪౦ ||
ఐం క్లీం సౌః ఐంద్రభవనా ఐం క్లీం సౌః సఫలాత్మికా |
ఐం క్లీం సౌః సంసారాంతస్థా ఐం క్లీం సౌః యోగినీప్రియా || ౪౧ ||
ఐం క్లీం సౌః బ్రహ్మపూజ్యా చ ఐం క్లీం సౌః హరివందితా |
ఐం క్లీం సౌః శాంతనిర్ముక్తా ఐం క్లీం సౌః వశ్యమార్గగా || ౪౨ ||
ఐం క్లీం సౌః కులకుంభస్థా ఐం క్లీం సౌః పటుపంచమీ |
ఐం క్లీం సౌః పైలవంశస్థా ఐం క్లీం సౌః కల్పకాసనా || ౪౩ ||
ఐం క్లీం సౌః చిత్ప్రభా చైవ ఐం క్లీం సౌః చింతితార్థదా |
ఐం క్లీం సౌః కురుకుల్లాంబా ఐం క్లీం సౌః ధర్మచారిణీ || ౪౪ ||
ఐం క్లీం సౌః కుణపారాధ్యా ఐం క్లీం సౌః సౌమ్యసుందరీ |
ఐం క్లీం సౌః షోడశకలా ఐం క్లీం సౌః సుకుమారిణీ || ౪౫ ||
ఐం క్లీం సౌః మంత్రమహిషీ ఐం క్లీం సౌః మంత్రమందిరా |
ఐం క్లీం సౌః మానుషారాధ్యా ఐం క్లీం సౌః మాగధేశ్వరీ || ౪౬ ||
ఐం క్లీం సౌః మౌనివరదా ఐం క్లీం సౌః మంజుభాషిణీ |
ఐం క్లీం సౌః మధురారాధ్యా ఐం క్లీం సౌః శోణితప్రియా || ౪౭ ||
ఐం క్లీం సౌః మంగళాకారా ఐం క్లీం సౌః మదనావతీ |
ఐం క్లీం సౌః సాధ్యగమితా ఐం క్లీం సౌః మానసార్చితా || ౪౮ ||
ఐం క్లీం సౌః రాజ్యరసికా ఐం క్లీం సౌః రామపూజితా |
ఐం క్లీం సౌః రాత్రిజ్యోత్స్నా చ ఐం క్లీం సౌః రాత్రిలాలినీ || ౪౯ ||
ఐం క్లీం సౌః రథమధ్యస్థా ఐం క్లీం సౌః రమ్యవిగ్రహా |
ఐం క్లీం సౌః పూర్వపుణ్యేశా ఐం క్లీం సౌః పృథుకప్రియా || ౫౦ ||
ఐం క్లీం సౌః వటుకారాధ్యా ఐం క్లీం సౌః వటవాసినీ |
ఐం క్లీం సౌః వరదానాఢ్యా ఐం క్లీం సౌః వజ్రవల్లకీ || ౫౧ ||
ఐం క్లీం సౌః నారదనతా ఐం క్లీం సౌః నందిపూజితా |
ఐం క్లీం సౌః ఉత్పలాంగీ చ ఐం క్లీం సౌః ఉద్భవేశ్వరీ || ౫౨ ||
ఐం క్లీం సౌః నాగగమనా ఐం క్లీం సౌః నామరూపిణీ |
ఐం క్లీం సౌః సత్యసంకల్పా ఐం క్లీం సౌః సోమభూషణా || ౫౩ ||
ఐం క్లీం సౌః యోగపూజ్యా చ ఐం క్లీం సౌః యోగగోచరా |
ఐం క్లీం సౌః యోగివంద్యా చ ఐం క్లీం సౌః యోగిపూజితా || ౫౪ ||
ఐం క్లీం సౌః బ్రహ్మగాయత్రీ ఐం క్లీం సౌః బ్రహ్మవందితా |
ఐం క్లీం సౌః రత్నభవనా ఐం క్లీం సౌః రుద్రపూజితా || ౫౫ ||
ఐం క్లీం సౌః చిత్రవదనా ఐం క్లీం సౌః చారుహాసినీ |
ఐం క్లీం సౌః చింతితాకారా ఐం క్లీం సౌః చింతితార్థదా || ౫౬ ||
ఐం క్లీం సౌః వైశ్వదేవేశీ ఐం క్లీం సౌః విశ్వనాయికా |
ఐం క్లీం సౌః ఓఘవంద్యా చ ఐం క్లీం సౌః ఓఘరూపిణీ || ౫౭ ||
ఐం క్లీం సౌః దండినీపూజ్యా ఐం క్లీం సౌః దురతిక్రమా |
ఐం క్లీం సౌః మంత్రిణీసేవ్యా ఐం క్లీం సౌః మానవర్ధినీ || ౫౮ ||
ఐం క్లీం సౌః వాణీవంద్యా చ ఐం క్లీం సౌః వాగధీశ్వరీ |
ఐం క్లీం సౌః వామమార్గస్థా ఐం క్లీం సౌః వారుణీప్రియా || ౫౯ ||
ఐం క్లీం సౌః లోకసౌందర్యా ఐం క్లీం సౌః లోకనాయికా |
ఐం క్లీం సౌః హంసగమనా ఐం క్లీం సౌః హంసపూజితా || ౬౦ ||
ఐం క్లీం సౌః మదిరామోదా ఐం క్లీం సౌః మహదర్చితా |
ఐం క్లీం సౌః జ్ఞానగమ్యా ఐం క్లీం సౌః జ్ఞానవర్ధినీ || ౬౧ ||
ఐం క్లీం సౌః ధనధాన్యాఢ్యా ఐం క్లీం సౌః ధైర్యదాయినీ |
ఐం క్లీం సౌః సాధ్యవరదా ఐం క్లీం సౌః సాధువందితా || ౬౨ ||
ఐం క్లీం సౌః విజయప్రఖ్యా ఐం క్లీం సౌః విజయప్రదా |
ఐం క్లీం సౌః వీరసంసేవ్యా ఐం క్లీం సౌః వీరపూజితా || ౬౩ ||
ఐం క్లీం సౌః వీరమాతా చ ఐం క్లీం సౌః వీరసన్నుతా |
ఐం క్లీం సౌః సచ్చిదానందా ఐం క్లీం సౌః సద్గతిప్రదా || ౬౪ ||
ఐం క్లీం సౌః భండపుత్రఘ్నీ ఐం క్లీం సౌః దైత్యమర్దినీ |
ఐం క్లీం సౌః భండదర్పఘ్నీ ఐం క్లీం సౌః భండనాశినీ || ౬౫ ||
ఐం క్లీం సౌః శరభదమనా ఐం క్లీం సౌః శత్రుమర్దినీ |
ఐం క్లీం సౌః సత్యసంతుష్టా ఐం క్లీం సౌః సర్వసాక్షిణీ || ౬౬ ||
ఐం క్లీం సౌః సంప్రదాయజ్ఞా ఐం క్లీం సౌః సకలేష్టదా |
ఐం క్లీం సౌః సజ్జననుతా ఐం క్లీం సౌః హతదానవా || ౬౭ ||
ఐం క్లీం సౌః విశ్వజననీ ఐం క్లీం సౌః విశ్వమోహినీ |
ఐం క్లీం సౌః సర్వదేవేశీ ఐం క్లీం సౌః సర్వమంగళా || ౬౮ ||
ఐం క్లీం సౌః మారమంత్రస్థా ఐం క్లీం సౌః మదనార్చితా |
ఐం క్లీం సౌః మదఘూర్ణాంగీ ఐం క్లీం సౌః కామపూజితా || ౬౯ ||
ఐం క్లీం సౌః మంత్రకోశస్థా ఐం క్లీం సౌః మంత్రపీఠగా |
ఐం క్లీం సౌః మణిదామాఢ్యా ఐం క్లీం సౌః కులసుందరీ || ౭౦ ||
ఐం క్లీం సౌః మాతృమధ్యస్థా ఐం క్లీం సౌః మోక్షదాయినీ |
ఐం క్లీం సౌః మీననయనా ఐం క్లీం సౌః దమనపూజితా || ౭౧ ||
ఐం క్లీం సౌః కాలికారాధ్యా ఐం క్లీం సౌః కౌలికప్రియా |
ఐం క్లీం సౌః మోహనాకారా ఐం క్లీం సౌః సర్వమోహినీ || ౭౨ ||
ఐం క్లీం సౌః త్రిపురాదేవీ ఐం క్లీం సౌః త్రిపురేశ్వరీ |
ఐం క్లీం సౌః దేశికారాధ్యా ఐం క్లీం సౌః దేశికప్రియా || ౭౩ ||
ఐం క్లీం సౌః మాతృచక్రేశీ ఐం క్లీం సౌః వర్ణరూపిణీ |
ఐం క్లీం సౌః త్రిబీజాత్మకబాలాత్రిపురసుందరీ || ౭౪ ||
ఇత్యేవం త్రిశతీస్తోత్రం పఠేన్నిత్యం శివాత్మకమ్ |
సర్వసౌభాగ్యదం చైవ సర్వదౌర్భాగ్యనాశనమ్ || ౭౫ ||
ఆయుష్కరం పుష్టికరం ఆరోగ్యం చేప్సితప్రదమ్ |
ధర్మజ్ఞత్వ ధనేశత్వ విశ్వాద్యత్వ వివేకదమ్ || ౭౬ ||
విశ్వప్రకాశదం చైవ విజ్ఞానవిజయప్రదమ్ |
విధాతృత్వం వైష్ణవత్వం శివత్వం లభతే యతః || ౭౭ ||
సర్వమంగళమాంగళ్యం సర్వమంగళదాయకమ్ |
సర్వదారిద్ర్యశమనం సర్వదా తుష్టివర్ధనమ్ || ౭౮ ||
పూర్ణిమాయాం దినే శుక్రే ఉచ్చరేచ్చ విశేషతః |
అథో విశేషపూజాం చ పౌష్యస్నానం సమాచరేత్ || ౭౯ ||
సాయాహ్నేఽప్యథ మధ్యాహ్నే దేవీం ధ్యాత్వా మనుం జపేత్ |
జపేత్సూర్యాస్తపర్యంతం మౌనీ భూత్వా మహామనుమ్ || ౮౦ ||
పరేఽహని తు సంతర్ప్య ఏలావాసితసజ్జలైః |
జుహుయాత్సర్వసామగ్ర్యా పాయసాన్నఫలైః సుమైః || ౮౧ ||
దధ్నా మధుఘృతైర్యుక్తలాజైః పృథుకసంయుతైః |
బ్రాహ్మణాన్ భోజయేత్పశ్చాత్ సువాసిన్యా సమన్వితాన్ || ౮౨ ||
సంపూజ్య మంత్రమారాధ్య కులమార్గేణ సంభ్రమైః |
ఏవమారాధ్య దేవేశీం యం యం కామమభీచ్ఛతి || ౮౩ ||
తత్తత్సిద్ధిమవాప్నోతి దేవ్యాజ్ఞాం ప్రాప్య సర్వదా |
త్రిశతీం యః పఠేద్భక్త్యా పౌర్ణమాస్యాం విశేషతః || ౮౪ ||
గ్రహణే సంక్రమే చైవ శుక్రవారే శుభే దినే |
సుందరీం చక్రమధ్యే తు సమారాధ్య సదా శుచిః || ౮౫ ||
సువాసిన్యర్చనం కుర్యాత్కన్యాం వా సమవర్ణినీమ్ |
చక్రమధ్యే నివేశ్యాథ ఘటీం కరతలే న్యసేత్ || ౮౬ ||
సంపూజ్య పరయా భక్త్యా సాంగైః సావరణైః సహ |
షోడశైరుపచారైశ్చ పూజయేత్పరదేవతామ్ || ౮౭ ||
సంతర్ప్య కౌలమార్గేణ త్రిశతీపాదపూజనే |
సర్వసిద్ధిమవాప్నోతి సాధకోఽభీష్టమాప్నుయాత్ || ౮౮ ||
ఉత్తర కరన్యాసః –
ఐం అంగుష్ఠాభ్యాం నమః |
క్లీం తర్జనీభ్యాం నమః |
సౌః మధ్యమాభ్యాం నమః |
ఐం అనామికాభ్యాం నమః |
క్లీం కనిష్ఠికాభ్యాం నమః |
సౌః కరతలకరపృష్ఠాభ్యాం నమః |
ఉత్తర హృదయాదిన్యాసః –
ఐం హృదయాయ నమః |
క్లీం శిరసే స్వాహా |
సౌః శిఖాయై వషట్ |
ఐం కవచాయ హుమ్ |
క్లీం నేత్రత్రయాయ వౌషట్ |
సౌః అస్త్రాయ ఫట్ |
భూర్భువస్సువరోం ఇతి దిగ్విమోకః ||
ఇతి శ్రీకులావర్ణవతంత్రే యోగినీరహస్యే శ్రీ బాలా త్రిశతీ స్తోత్రమ్ |