దత్తాత్రేయం మహాత్మానం వరదం భక్తవత్సలమ్ |
ప్రపన్నార్తిహరం వందే స్మర్తృగామీ స నోఽవతు || ౧ ||
దీనబంధుం కృపాసింధుం సర్వకారణకారణమ్ |
సర్వరక్షాకరం వందే స్మర్తృగామీ స నోఽవతు || ౨ ||
శరణాగతదీనార్త పరిత్రాణపరాయణమ్ |
నారాయణం విభుం వందే స్మర్తృగామీ స నోఽవతు || ౩ ||
సర్వానర్థహరం దేవం సర్వమంగళమంగళమ్ |
సర్వక్లేశహరం వందే స్మర్తృగామీ స నోఽవతు || ౪ ||
బ్రహ్మణ్యం ధర్మతత్త్వజ్ఞం భక్తకీర్తివివర్ధనమ్ |
భక్తాభీష్టప్రదం వందే స్మర్తృగామీ స నోఽవతు || ౫ ||
శోషణం పాపపంకస్య దీపనం జ్ఞానతేజసః |
తాపప్రశమనం వందే స్మర్తృగామీ స నోఽవతు || ౬ ||
సర్వరోగప్రశమనం సర్వపీడానివారణమ్ |
విపదుద్ధరణం వందే స్మర్తృగామీ స నోఽవతు || ౭ ||
జన్మసంసారబంధఘ్నం స్వరూపానందదాయకమ్ |
నిఃశ్రేయసపదం వందే స్మర్తృగామీ స నోఽవతు || ౮ ||
జయలాభయశస్కామదాతుర్దత్తస్య యః స్తవమ్ |
భోగమోక్షప్రదస్యేమం ప్రపఠేత్ సుకృతీ భవేత్ ||౯ ||
ఇతి శ్రీ దత్త స్తవమ్ |