(౩౧-క్రిమిజమ్భనమ్)
[౧-౫ సవితా| పశవః| త్రిష్టుప్, ౩ ఉపరిష్టాద్విరాడ్బృహతీ, ౪ భురిగనుష్టుప్]
ఇన్ద్ర॑స్య॒ యా మ॒హీ దృ॒షత్ క్రిమే॒ర్విశ్వ॑స్య॒ తర్హ॑ణీ |
తయా” పినష్మి॑ సం క్రిమీ”న్ దృ॒షదా॒ ఖల్వా” ఇవ || ౧
దృ॒ష్టమ॒దృష్ట॑మతృహ॒మథో” కు॒రూరు॑మతృహమ్ |
అ॒ల్గణ్డూ॒న్స్థర్వా”న్ ఛ॒లునా॒న్ క్రిమీ॒న్ వచ॑సా జమ్భయామసి || ౨
అ॒ల్గణ్డూ”న్ హన్మి మహ॒తా వ॒ధేన॑ దూ॒నా అదూ”నా అర॒సా అ॑భూవన్ |
శి॒ష్టాన॑శిష్టా॒న్ ని తి॑రామి వా॒చా యథా॒ క్రిమీ”ణా॒o నకి॑రు॒చ్ఛిషా”తై || ౩
అన్వా”న్త్ర్యం శీర్ష॒ణ్య॑౧॒ మథో॒ పార్‍ష్టే”య॒o క్రిమీ”న్ |
అ॒వ॒స్క॒వం వ్య॑ధ్వ॒రం క్రిమీ॒న్ వచ॑సా జమ్భయామసి || ౪
యే క్రిమ॑యః పర్వ॑తేషు॒ వనే॒ష్వోష॑ధీషు ప॒శుష్వ॒ప్స్వ॑౧॒న్తః |
యే అ॒స్మాక”o త॒న్వ॑మావివి॒శు స్సర్వ॒o తద్ధ”న్మి॒ జని॑మ॒ క్రిమీ”ణామ్ || ౫