ஓங்காரநக³ரஸ்த²ம் தம் நிக³மாந்தவநேஶ்வரம் ।
நித்யமேகம் ஶிவம் ஶாந்தம் வந்தே³ கு³ஹமுமாஸுதம் ॥ 1 ॥
வாசாமகோ³சரம் ஸ்கந்த³ம் சிது³த்³யாநவிஹாரிணம் ।
கு³ருமூர்திம் மஹேஶாநம் வந்தே³ கு³ஹமுமாஸுதம் ॥ 2 ॥
ஸச்சித³நந்த³ரூபேஶம் ஸம்ஸாரத்⁴வாந்ததீ³பகம் ।
ஸுப்³ரஹ்மண்யமநாத்³யந்தம் வந்தே³ கு³ஹமுமாஸுதம் ॥ 3 ॥
ஸ்வாமிநாத²ம் த³யாஸிந்து⁴ம் ப⁴வாப்³தே⁴꞉ தாரகம் ப்ரபு⁴ம் ।
நிஷ்களங்கம் கு³ணாதீதம் வந்தே³ கு³ஹமுமாஸுதம் ॥ 4 ॥
நிராகாரம் நிராதா⁴ரம் நிர்விகாரம் நிராமயம் ।
நிர்த்³வந்த்³வம் ச நிராளம்ப³ம் வந்தே³ கு³ஹமுமாஸுதம் ॥ 5 ॥
இதி கு³ஹபஞ்சரத்நம் ॥