ಓಂಕಾರನಗರಸ್ಥಂ ತಂ ನಿಗಮಾಂತವನೇಶ್ವರಮ್ |
ನಿತ್ಯಮೇಕಂ ಶಿವಂ ಶಾಂತಂ ವಂದೇ ಗುಹಮುಮಾಸುತಮ್ || ೧ ||
ವಾಚಾಮಗೋಚರಂ ಸ್ಕಂದಂ ಚಿದುದ್ಯಾನವಿಹಾರಿಣಮ್ |
ಗುರುಮೂರ್ತಿಂ ಮಹೇಶಾನಂ ವಂದೇ ಗುಹಮುಮಾಸುತಮ್ || ೨ ||
ಸಚ್ಚಿದನಂದರೂಪೇಶಂ ಸಂಸಾರಧ್ವಾಂತದೀಪಕಮ್ |
ಸುಬ್ರಹ್ಮಣ್ಯಮನಾದ್ಯಂತಂ ವಂದೇ ಗುಹಮುಮಾಸುತಮ್ || ೩ ||
ಸ್ವಾಮಿನಾಥಂ ದಯಾಸಿಂಧುಂ ಭವಾಬ್ಧೇಃ ತಾರಕಂ ಪ್ರಭುಮ್ |
ನಿಷ್ಕಳಂಕಂ ಗುಣಾತೀತಂ ವಂದೇ ಗುಹಮುಮಾಸುತಮ್ || ೪ ||
ನಿರಾಕಾರಂ ನಿರಾಧಾರಂ ನಿರ್ವಿಕಾರಂ ನಿರಾಮಯಮ್ |
ನಿರ್ದ್ವಂದ್ವಂ ಚ ನಿರಾಲಂಬಂ ವಂದೇ ಗುಹಮುಮಾಸುತಮ್ || ೫ ||
ಇತಿ ಗುಹಪಂಚರತ್ನಮ್ ||