ஹரிவராஸநம் விஶ்வமோஹநம்
ஹரித³தீ⁴ஶ்வரம் ஆராத்⁴யபாது³கம் ।
அரிவிமர்த³நம் நித்யநர்தநம்
ஹரிஹராத்மஜம் தே³வமாஶ்ரயே ॥ 1 ॥
ஶரணகீர்தநம் ஶக்தமாநஸம்
ப⁴ரணலோலுபம் நர்தநாலஸம் ।
அருணபா⁴ஸுரம் பூ⁴தநாயகம்
ஹரிஹராத்மஜம் தே³வமாஶ்ரயே ॥ 2 ॥
ப்ரணயஸத்யகம் ப்ராணநாயகம்
ப்ரணதகல்பகம் ஸுப்ரபா⁴ஞ்சிதம் ।
ப்ரணவமந்தி³ரம் கீர்தநப்ரியம்
ஹரிஹராத்மஜம் தே³வமாஶ்ரயே ॥ 3 ॥
துரக³வாஹநம் ஸுந்த³ராநநம்
வரக³தா³யுத⁴ம் வேத³வர்ணிதம் ।
கு³ருக்ருபாகரம் கீர்தநப்ரியம்
ஹரிஹராத்மஜம் தே³வமாஶ்ரயே ॥ 4 ॥
த்ரிபு⁴வநார்சிதம் தே³வதாத்மகம்
த்ரிநயநப்ரபு⁴ம் தி³வ்யதே³ஶிகம் ।
த்ரித³ஶபூஜிதம் சிந்திதப்ரத³ம்
ஹரிஹராத்மஜம் தே³வமாஶ்ரயே ॥ 5 ॥
ப⁴வப⁴யாபஹம் பா⁴வுகாவஹம்
பு⁴வநமோஹநம் பூ⁴திபூ⁴ஷணம் ।
த⁴வளவாஹநம் தி³வ்யவாரணம்
ஹரிஹராத்மஜம் தே³வமாஶ்ரயே ॥ 6 ॥
கலம்ருது³ஸ்மிதம் ஸுந்த³ராநநம்
கலப⁴கோமளம் கா³த்ரமோஹநம் ।
கலப⁴கேஸரீ-வாஜிவாஹநம்
ஹரிஹராத்மஜம் தே³வமாஶ்ரயே ॥ 7 ॥
ஶ்ரிதஜநப்ரியம் சிந்திதப்ரத³ம்
ஶ்ருதிவிபூ⁴ஷணம் ஸாது⁴ஜீவநம் ।
ஶ்ருதிமநோஹரம் கீ³தலாலஸம்
ஹரிஹராத்மஜம் தே³வமாஶ்ரயே ॥ 8 ॥
ஶரணம் அய்யப்பா ஸ்வாமி ஶரணம் அய்யப்பா ।
ஶரணம் அய்யப்பா ஸ்வாமி ஶரணம் அய்யப்பா ।
॥ இதி ஶ்ரீ ஹரிஹராத்மஜாஷ்டகம் ஸம்பூர்ணம் ॥