ಶನಿಬಾಧಾವಿನಾಶಾಯ ಘೋರಸಂತಾಪಹಾರಿಣೇ |
ಕಾನನಾಲಯವಾಸಾಯ ಭೂತನಾಥಾಯ ತೇ ನಮಃ || ೧ ||
ದಾರಿದ್ರ್ಯಜಾತಾನ್ ರೋಗಾದೀನ್ ಬುದ್ಧಿಮಾಂದ್ಯಾದಿ ಸಂಕಟಾನ್ |
ಕ್ಷಿಪ್ರಂ ನಾಶಯ ಹೇ ದೇವಾ ಶನಿಬಾಧಾವಿನಾಶಕ || ೨ ||
ಭೂತಬಾಧಾ ಮಹಾದುಃಖ ಮಧ್ಯವರ್ತಿನಮೀಶ ಮಾಮ್ |
ಪಾಲಯ ತ್ವಂ ಮಹಾಬಾಹೋ ಸರ್ವದುಃಖವಿನಾಶಕ || ೩ ||
ಅವಾಚ್ಯಾನಿ ಮಹಾದುಃಖಾನ್ಯಮೇಯಾನಿ ನಿರಂತರಮ್ |
ಸಂಭವಂತಿ ದುರಂತಾನಿ ತಾನಿ ನಾಶಯ ಮೇ ಪ್ರಭೋ || ೪ ||
ಮಾಯಾಮೋಹಾನ್ಯನಂತಾನಿ ಸರ್ವಾಣಿ ಕರುಣಾಕರ |
ದೂರೀಕುರು ಸದಾ ಭಕ್ತಹೃದಯಾನಂದದಾಯಕ || ೫ ||
ಅನೇಕಜನ್ಮಸಂಭೂತಾನ್ ತಾಪಪಾಪಾನ್ ಗುಹೇಶ್ವರ |
ಚೂರ್ಣೀಕುರು ಕೃಪಾಸಿಂಧೋ ಸಿಂಧುಜಾಕಾಂತ ಸಂತತೇ || ೬ ||
ಉನ್ಮತ್ತೋದ್ಭೂತಸಂತಾಪಾಽಗಾಧಕೂಪಾಃ ಮಹೇಶ್ವರ |
ಹಸ್ತಾವಲಂಬಂ ದತ್ತ್ವಾ ಮಾಂ ರಕ್ಷ ರಕ್ಷ ಶನೈಶ್ಚರ || ೭ ||
ದೇಹಿ ಮೇ ಬುದ್ಧಿವೈಶಿಷ್ಟ್ಯಂ ದೇಹಿ ಮೇ ನಿತ್ಯಯೌವನಮ್ |
ದೇಹಿ ಮೇ ಪರಮಾನಂದಂ ದೇವ ದೇವ ಜಗತ್ಪತೇ || ೮ ||
ಇತಿ ಶನಿಬಾಧಾ ವಿಮೋಚನ ಶ್ರೀ ಶಬರೀಶ್ವರಾಷ್ಟಕಮ್ |