லோகவீரம் மஹாபூஜ்யம் ஸர்வரக்ஷாகரம் விபு⁴ம் ।
பார்வதீ ஹ்ருத³யாநந்த³ம் ஶாஸ்தாரம் ப்ரணமாம்யஹம் ॥ 1 ॥
விப்ரபூஜ்யம் விஶ்வவந்த்³யம் விஷ்ணுஶம்போ⁴꞉ ப்ரியம் ஸுதம் ।
க்ஷிப்ரப்ரஸாத³நிரதம் ஶாஸ்தாரம் ப்ரணமாம்யஹம் ॥ 2 ॥
மத்தமாதங்க³க³மநம் காருண்யாம்ருதபூரிதம் ।
ஸர்வவிக்⁴நஹரம் தே³வம் ஶாஸ்தாரம் ப்ரணமாம்யஹம் ॥ 3 ॥
அஸ்மத்குலேஶ்வரம் தே³வமஸ்மச்ச²த்ருவிநாஶநம் ।
அஸ்மதி³ஷ்டப்ரதா³தாரம் ஶாஸ்தாரம் ப்ரணமாம்யஹம் ॥ 4 ॥
பாண்ட்³யேஶவம்ஶதிலகம் கேரளே கேலிவிக்³ரஹம் ।
ஆர்தத்ராணபரம் தே³வம் ஶாஸ்தாரம் ப்ரணமாம்யஹம் ॥ 5 ॥
பஞ்சரத்நாக்²யமேதத்³யோ நித்யம் ஶுத்³த⁴꞉ படே²ந்நர꞉ ।
தஸ்ய ப்ரஸந்நோ ப⁴க³வாந் ஶாஸ்தா வஸதி மாநஸே ॥ 6 ॥
இதி ஶ்ரீ ஶாஸ்தா பஞ்சரத்நம் ।
——
அத² ஶாஸ்தா நமஸ்கார ஶ்லோகா꞉ ।
த்ரயம்ப³கபுராதீ⁴ஶம் க³ணாதி⁴பஸமந்விதம் ।
க³ஜாரூட⁴மஹம் வந்தே³ ஶாஸ்தாரம் ப்ரணமாம்யஹம் ॥ 1 ॥
ஶிவவீர்யஸமுத்³பூ⁴தம் ஶ்ரீநிவாஸதநூத்³ப⁴வம் ।
ஶிகி²வாஹாநுஜம் வந்தே³ ஶாஸ்தாரம் ப்ரணமாம்யஹம் ॥ 2 ॥
யஸ்ய த⁴ந்வந்தரிர்மாதா பிதா தே³வோ மஹேஶ்வர꞉ ।
தம் ஶாஸ்தாரமஹம் வந்தே³ மஹாரோக³நிவாரணம் ॥ 3 ॥
பூ⁴தநாத² ஸதா³நந்த³ ஸர்வபூ⁴தத³யாபர ।
ரக்ஷ ரக்ஷ மஹாபா³ஹோ ஶாஸ்த்ரே துப்⁴யம் நமோ நம꞉ ॥ 4 ॥