ஹரிகலப⁴துரங்க³துங்க³வாஹநம்
ஹரிமணிமோஹநஹாரசாருதே³ஹம் ।
ஹரித³தீ⁴பநதம் கி³ரீந்த்³ரகே³ஹம்
ஹரிஹரபுத்ரமுதா³ரமாஶ்ரயாமி ॥ 1 ॥
நிருபம பரமாத்மநித்யபோ³த⁴ம்
கு³ருவரமத்³பு⁴தமாதி³பூ⁴தநாத²ம் ।
ஸுருசிரதரதி³வ்யந்ருத்தகீ³தம்
ஹரிஹரபுத்ரமுதா³ரமாஶ்ரயாமி ॥ 2 ॥
அக³ணிதப²லதா³நலோலஶீலம்
நக³நிலயம் நிக³மாக³மாதி³மூலம் ।
அகி²லபு⁴வநபாலகம் விஶாலம்
ஹரிஹரபுத்ரமுதா³ரமாஶ்ரயாமி ॥ 3 ॥
க⁴நரஸகலபா⁴பி⁴ரம்யகா³த்ரம்
கநககரோஜ்வல கமநீயவேத்ரம் ।
அநக⁴ஸநகதாபஸைகமித்ரம்
ஹரிஹரபுத்ரமுதா³ரமாஶ்ரயாமி ॥ 4 ॥
ஸுக்ருதஸுமநஸாம் ஸதாம் ஶரண்யம்
ஸக்ருது³பஸேவகஸாது⁴ளோகவர்ண்யம் ।
ஸகலபு⁴வநபாலகம் வரேண்யம்
ஹரிஹரபுத்ரமுதா³ரமாஶ்ரயாமி ॥ 5 ॥
விஜயகர விபூ⁴திவேத்ரஹஸ்தம்
விஜயகரம் விவிதா⁴யுத⁴ ப்ரஶஸ்தம் ।
விஜித மநஸிஜம் சராசரஸ்த²ம்
ஹரிஹரபுத்ரமுதா³ரமாஶ்ரயே(அ)ஹம் ॥ 6 ॥
ஸகலவிஷயமஹாருஜாபஹாரம்
ஜக³து³த³யஸ்தி²திநாஶஹேதுபூ⁴தம் ।
அக³நக³ம்ருக³யாமஹாவிநோத³ம்
ஹரிஹரபுத்ரமுதா³ரமாஶ்ரயே(அ)ஹம் ॥ 7 ॥
த்ரிபு⁴வநஶரணம் த³யாபயோதி⁴ம்
ப்ரபு⁴மமராப⁴ரணம் ரிபுப்ரமாதி²ம் ।
அப⁴யவரகரோஜ்ஜ்வலத்ஸமாதி⁴ம்
ஹரிஹரபுத்ரமுதா³ரமாஶ்ரயே(அ)ஹம் ॥ 8 ॥
ஜய ஜய மணிகண்ட² வேத்ரத³ண்ட³
ஜய கருணாகர பூர்ணசந்த்³ரதுண்ட³ ।
ஜய ஜய ஜக³தீ³ஶ ஶாஸிதாண்ட³
ஜய ரிபுக²ண்ட³வக²ண்ட³ சாருக²ண்ட³ ॥ 9 ॥
இதி ஶ்ரீ ஹரிஹரபுத்ராஷ்டகம் ।