விமலநிஜபதா³ப்³ஜம் வேத³வேதா³ந்தவேத்³யம்
மம குலகு³ருநாத²ம் வாத்³யகா³நப்ரமோத³ம் ।
ரமணஸுகு³ணஜாலம் ரங்க³ராட்³பா⁴கி³நேயம்
கமலஜநுதபாத³ம் கார்திகேயம் நமாமி ॥ 1 ॥
ஶிவஶரவணஜாதம் ஶைவயோக³ப்ரபா⁴வம்
ப⁴வஹிதகு³ருநாத²ம் ப⁴க்தப்³ருந்த³ப்ரமோத³ம் ।
நவரஸம்ருது³பாத³ம் நாத² ஹ்ரீங்காரரூபம்
கவநமது⁴ரஸாரம் கார்திகேயம் ப⁴ஜாமி ॥ 2 ॥
பாகாராதிஸுதாமுகா²ப்³ஜமது⁴பம் பா³லேந்து³மௌளீஶ்வரம்
லோகாநுக்³ரஹகாரணம் ஶிவஸுதம் லோகேஶதத்த்வப்ரத³ம் ।
ராகாசந்த்³ரஸமாநசாருவத³நம் ரம்போ⁴ருவல்லீஶ்வரம்
ஹ்ரீங்காரப்ரணவஸ்வரூபலஹரீம் ஶ்ரீகார்திகேயம் ப⁴ஜே ॥ 3 ॥
மஹாதே³வாஜ்ஜாதம் ஶரவணப⁴வம் மந்த்ரஶரப⁴ம்
மஹத்தத்த்வாநந்த³ம் பரமலஹரீ மந்த்ரமது⁴ரம் ।
மஹாதே³வாதீதம் ஸுரக³ணயுதம் மந்த்ரவரத³ம்
கு³ஹம் வல்லீநாத²ம் மம ஹ்ருதி³ ப⁴ஜே க்³ருத்⁴ரகி³ரிஶம் ॥ 4 ॥
நித்யாகாரம் நிகி²லவரத³ம் நிர்மலம் ப்³ரஹ்மதத்த்வம்
நித்யம் தே³வைர்விநுதசரணம் நிர்விகல்பாதி³யோக³ம் ।
நித்யாநந்த³ம் நிக³மவிதி³தம் நிர்கு³ணம் தே³வதே³வம்
நித்யம் வந்தே³ மம கு³ருவரம் நிர்மமம் கார்திகேயம் ॥ 5 ॥
பஞ்சகம் கார்திகேயஸ்ய ய꞉ படே²ச்ச்²ருணுயாத³பி ।
கார்திகேய ப்ரஸாதா³த்ஸ ஸர்வாபீ⁴ஷ்டமவாப்நுயாத் ॥ 6 ॥
இதி ஶ்ரீ கார்திகேய பஞ்சகம் ॥