౨) పఞ్చముఖ ధ్యానమ్ –
ఓం భూర్భువ॒స్సువ॑: | ఓం నం |
తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా”త్ ||
సంవర్తాగ్నితటిత్ప్రదీప్తకనకప్రస్పర్ధితేజోమయం
గమ్భీరధ్వనిమిశ్రితోగ్రదహనప్రోద్భాసితామ్రాధరమ్ | [సామవేదజనకం, సున్దరమ్]
అర్ధేన్దుద్యుతిలోలపిఙ్గలజటాభారప్రబద్ధోరగం
వన్దే సిద్ధసురాసురేంద్రనమితం పూర్వం ముఖం శూలినః ||
ఓం అం కం ఖం గం ఘం ఙం ఆం ఓం |
ఓం నమో భగవతే॑ రుద్రా॒య | నం ఓం |
పూర్వముఖాయ నమః || ౧ ||
// పదపాఠః = తత్, పురుషాయ, విద్మహే, మహా-దేవాయ, ధీమహి, తత్, నః, రుద్రః, ప్రచోదయాత్ //
ఓం భూర్భువ॒స్సువ॑: | ఓం మం |
అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
కాలాభ్రభ్రమరాఞ్జనద్యుతినిభం వ్యావృత్తపిఙ్గేక్షణం
కర్ణోద్భాసితభోగిమస్తకమణి ప్రోద్భిన్నదంష్ట్రాఙ్కురమ్ |
సర్పప్రోతకపాలశుక్తిశకల వ్యాకీర్ణసంచారగం [సచ్ఛేఖరం]
వన్దే దక్షిణమీశ్వరస్య కుటిలభ్రూభఙ్గరౌద్రం ముఖమ్ ||
ఓం ఇం చం ఛం జం ఝం ఞం ఈం ఓం |
ఓం నమో భగవతే॑ రుద్రా॒య | మం ఓం |
దక్షిణముఖాయ నమః || ౨ ||
// పదపాఠః = అఘోరేభ్యః, అథ, ఘోరేభ్యః, ఘోర-ఘోరతరేభ్యః, సర్వేభ్యః, సర్వ-శర్వేభ్యః, నమః, తే, అస్తు, రుద్ర-రూపేభ్యః //
ఓం భూర్భువ॒స్సువ॑: | ఓం శిం |
స॒ద్యోజా॒తం ప్ర॑పద్యా॒మి॒ స॒ద్యోజా॒తాయ॒ వై నమో॒ నమ॑: |
భ॒వేభ॑వే॒ నాతి॑భవే భవస్వ॒ మామ్ | భ॒వోద్భ॑వాయ॒ నమ॑: ||
ప్రాలేయాచలచన్ద్రకున్దధవలం గోక్షీరఫేనప్రభం [మిందు]
భస్మాభ్యక్తమనఙ్గదేహదహన జ్వాలావలీలోచనమ్ |
బ్రహ్మేన్ద్రాదిమరుద్గణైః స్తుతిపరైరభ్యర్చితం యోగిభిః [పదై]
వన్దేఽహం సకలం కలఙ్కరహితం స్థాణోర్ముఖం పశ్చిమమ్ ||
ఓం ఉం టం ఠం డం ఢం ణం ఊం ఓం |
ఓం నమో భగవతే॑ రుద్రా॒య | శిం ఓం |
పశ్చిమముఖాయ నమః || ౩ ||
// పదపాఠః = సద్యః-జాతం, ప్రపద్యామి, సద్యః-జాతాయ, వై, నమః, నమః, భవే, భవే, న-అతిభవే, భవస్వ, మామ్, భవ-ఉద్భవాయ, నమః //
ఓం భూర్భువ॒స్సువ॑: | ఓం వాం |
వా॒మ॒దే॒వాయ॒ నమో” జ్యే॒ష్ఠాయ॒ నమ॑: శ్రే॒ష్ఠాయ॒ నమో॑ రు॒ద్రాయ॒ నమ॒: కాలా॑య॒ నమ॒: కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒: సర్వ॑భూతదమనాయ॒ నమో॑ మ॒నోన్మ॑నాయ॒ నమ॑: ||
గౌరం కుఙ్కుమపఙ్కిలం సుతిలకం వ్యాపాణ్డుగణ్డస్థలం
భ్రూవిక్షేపకటాక్షవీక్షణలసత్సంసక్తకర్ణోత్పలమ్ |
స్నిగ్ధం బిమ్బఫలాధరప్రహసితం నీలాలకాలఙ్కృతం
వన్దే పూర్ణశశాఙ్కమణ్డలనిభం వక్త్రం హరస్యోత్తరమ్ ||
ఓం ఏం తం థం దం ధం నం ఐం ఓం |
ఓం నమో భగవతే॑ రుద్రా॒య | వాం ఓం |
ఉత్తరముఖాయ నమః || ౪ ||
// పదపాఠః = వామదేవాయ, నమః, జ్యేష్ఠాయ, నమః, శ్రేష్ఠాయ, నమః, రుద్రాయ, నమః, కాలాయ, నమః, కల-వికరణాయ, నమః, బల-వికరణాయ, నమః, బలాయ, నమః, బల-ప్రమథనాయ, నమః, సర్వభూత-దమనాయ, నమః, మనోన్మనాయ, నమః //
ఓం భూర్భువ॒స్సువ॑: | ఓం యం |
ఈశానః సర్వ॑విద్యా॒నా॒మీశ్వరః సర్వ॑భూతా॒నా॒o బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||
వ్యక్తావ్యక్తగుణేతరం సువిమలం షట్త్రింశతత్త్వాత్మకం [పరతరం]
తస్మాదుత్తరతత్త్వమక్షరమితి ధ్యేయం సదా యోగిభిః ||
వన్దే తామసవర్జితం త్రినయనం సూక్ష్మాతిసూక్ష్మాత్పరం
శాన్తం పఞ్చమమీశ్వరస్య వదనం ఖవ్యాపితేజోమయమ్ ||
ఓం ఓం పం ఫం బం భం మం ఔం ఓం |
ఓం నమో భగవతే॑ రుద్రా॒య | యం ఓం |
ఊర్ధ్వముఖాయ నమః || ౫ ||
// పదపాఠః = ఈశానః, సర్వ-విద్యానాం, ఈశ్వరః, సర్వ-భూతానాం, బ్రహ్మ-అధిపతి, బ్రహ్మణః-అధిపతిః, బ్రహ్మా, శివః, మే, అస్తు, సదా-శివోం //