ಪ್ರಥಮೋ ಬಾಲವಿಘ್ನೇಶೋ ದ್ವಿತೀಯಸ್ತರುಣೋ ಭವೇತ್ |
ತೃತೀಯೋ ಭಕ್ತವಿಘ್ನೇಶಶ್ಚತುರ್ಥೋ ವೀರವಿಘ್ನಪಃ || ೧ ||
ಪಂಚಮಃ ಶಕ್ತಿವಿಘ್ನೇಶಃ ಷಷ್ಠೋ ಧ್ವಜಗಣಾಧಿಪಃ |
ಸಪ್ತಮಃ ಸಿದ್ಧಿರುದ್ದಿಷ್ಟಃ ಉಚ್ಛಿಷ್ಟಶ್ಚಾಷ್ಟಮಃ ಸ್ಮೃತಃ || ೨ ||
ನವಮೋ ವಿಘ್ನರಾಜಃ ಸ್ಯಾದ್ದಶಮಃ ಕ್ಷಿಪ್ರನಾಯಕಃ |
ಹೇರಂಬಶ್ಚೈಕಾದಶಃ ಸ್ಯಾದ್ದ್ವಾದಶೋ ಲಕ್ಷ್ಮಿನಾಯಕಃ || ೩ ||
ತ್ರಯೋದಶೋ ಮಹಾವಿಘ್ನೋ ವಿಜಯಾಖ್ಯಶ್ಚತುರ್ದಶಃ |
ನೃತ್ತಾಖ್ಯಃ ಪಂಚದಶಃ ಸ್ಯಾತ್ ಷೋಡಶಶ್ಚೋರ್ಧ್ವನಾಯಕಃ || ೪ ||
ಏತತ್ ಷೋಡಶಕಂ ನಾಮ ಸ್ತೋತ್ರಂ ಸರ್ವಾರ್ಥಸಾಧಕಮ್ |
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ಸ ಸುಖೀ ಸರ್ವತೋ ಜಯೀ || ೫ ||
ತಸ್ಯ ವಿಘ್ನಾಃ ಪಲಾಯಂತೇ ವೈನತೇಯಾದ್ಯಥೋರಗಾಃ |
ಗಣೇಶ್ವರಪ್ರಸಾದೇನ ಮಹಾಜ್ಞಾನೀ ಭವೇದ್ಧ್ರುವಮ್ || ೬ ||
ಇತಿ ಷೋಡಶಗಣಪತಿ ಸ್ತವಮ್ |