karatalarājacchaktē svaradaparābhūtakundasumagarva |
suravaraniṣēvitāṅghrē śaravaṇabhava pāhi dēvasēnēśa || 1 ||
taṭidābhadēhakāntē kaṭivilasatpītavarṇakauśēya |
pāṭitaśūrāsura bhō śaravaṇabhava pāhi dēvasēnēśa || 2 ||
nīlagrīvatanūdbhava bāladinēśānakōṭinibhadēha |
kālapratibhaṭamōdada śaravaṇabhava pāhi dēvasēnēśa || 3 ||
padajitapaṅkaja paṅkajabhavapaṅkajanētramukhyasuravandya |
padavīṁ prāpaya mahatīṁ śaravaṇabhava pāhi dēvasēnēśa || 4 ||
tārakadaityanivāraka tārāpatigarvahāriṣaḍvaktra |
tāraka bhavāmburāśēḥ śaravaṇabhava pāhi dēvasēnēśa || 5 ||
parvatasutāmanō:’mbujasadyaḥsañjātavāsarēśatatē |
sarvaśrutigītavibhō śaravaṇabhava pāhi dēvasēnēśa || 6 ||
iti śr̥ṅgērijagadguru śrīsaccidānandaśivābhinavanr̥siṁhabhāratī svāmibhiḥ viracitaṁ śrī śaravaṇabhava dēvasēnēśa ṣaṭkam |