விக்⁴நேஶ விக்⁴நசயக²ண்ட³நநாமதே⁴ய
ஶ்ரீஶங்கராத்மஜ ஸுராதி⁴பவந்த்³யபாத³ ।
து³ர்கா³மஹாவ்ரதப²லாகி²லமங்க³ளாத்மந்
விக்⁴நம் மமாபஹர ஸித்³தி⁴விநாயக த்வம் ॥ 1 ॥
ஸத்பத்³மராக³மணிவர்ணஶரீரகாந்தி꞉
ஶ்ரீஸித்³தி⁴பு³த்³தி⁴பரிசர்சிதகுங்குமஶ்ரீ꞉ ।
வக்ஷ꞉ஸ்த²லே வலயிதாதிமநோஜ்ஞஶுண்டோ³
விக்⁴நம் மமாபஹர ஸித்³தி⁴விநாயக த்வம் ॥ 2 ॥
பாஶாங்குஶாப்³ஜபரஶூம்ஶ்ச த³த⁴ச்சதுர்பி⁴-
-ர்தோ³ர்பி⁴ஶ்ச ஶோணகுஸுமஸ்ரகு³மாங்க³ஜாத꞉ ।
ஸிந்தூ³ரஶோபி⁴தலலாடவிது⁴ப்ரகாஶோ
விக்⁴நம் மமாபஹர ஸித்³தி⁴விநாயக த்வம் ॥ 3 ॥
கார்யேஷு விக்⁴நசயபீ⁴தவிரிஞ்சமுக்²யை꞉
ஸம்பூஜித꞉ ஸுரவரைரபி மோத³காத்³யை꞉ ।
ஸர்வேஷு ச ப்ரத²மமேவ ஸுரேஷு பூஜ்யோ
விக்⁴நம் மமாபஹர ஸித்³தி⁴விநாயக த்வம் ॥ 4 ॥
ஶீக்⁴ராஞ்சநஸ்க²லநதுங்க³ரவோர்த்⁴வகண்ட²-
-ஸ்தூ²லேந்து³ருத்³ரக³ணஹாஸிததே³வஸங்க⁴꞉ ।
ஶூர்பஶ்ருதிஶ்ச ப்ருது²வர்துலதுங்க³துந்தோ³
விக்⁴நம் மமாபஹர ஸித்³தி⁴விநாயக த்வம் ॥ 5 ॥
யஜ்ஞோபவீதபத³ளம்பி⁴தநாக³ராஜ
மாஸாதி³புண்யத³த்³ருஶீக்ருதருக்ஷராஜ꞉ ।
ப⁴க்தாப⁴யப்ரத³ த³யாளய விக்⁴நராஜ
விக்⁴நம் மமாபஹர ஸித்³தி⁴விநாயக த்வம் ॥ 6 ॥
ஸத்³ரத்நஸாரததிராஜிதஸத்கிரீட꞉
கௌஸும்ப⁴சாருவஸநத்³வய ஊர்ஜிதஶ்ரீ꞉ ।
ஸர்வத்ரமங்க³ளகரஸ்மரணப்ரதாபோ
விக்⁴நம் மமாபஹர ஸித்³தி⁴விநாயக த்வம் ॥ 7 ॥
தே³வாந்தகாத்³யஸுரபீ⁴தஸுரார்திஹர்தா
விஜ்ஞாநபோ³த⁴நவரேண தமோ(அ)பஹர்தா ।
ஆநந்தி³தத்ரிபு⁴வநேஶ குமாரப³ந்தோ⁴
விக்⁴நம் மமாபஹர ஸித்³தி⁴விநாயக த்வம் ॥ 8 ॥
இதி ஶ்ரீமுத்³க³ளபுராணே ஶ்ரீஸித்³தி⁴விநாயக ஸ்தோத்ரம் ஸம்பூர்ணம் ।
மேலும் ஶ்ரீ கணேஶ ஸ்தோத்திரங்கள் பார்க்க.
-----> மேரே வ்ஹாட்ஸ் மற்றும் சேனல்கள்