శ్రీ సరస్వతీ విద్యాపీఠం - అర్చన - 12. భారత మాతృస్తవః - Indian motherhood -

1. శ్రీ చక్రాంకిత విశ్వదివ్యనగరీ సింహాసనాధ్యాసినీం
అంకే లాలితరామకృష్ణచరితాం, బౌద్ధిర్జినైర్మండితామ్ । 

ఆచార్యప్రవరైశ్చ, నానకదయానందాదిభిర్నందితాం 

వందే భారతమాతరం, సురవరాం, వాత్సల్యపూర్ణాం ధరామ్ ॥


2. ప్రాలేయాద్రి యశస్సుధాధవలితోదీచీదిశాభూషితాం 

గంగా, హైందవ, సింధు వార్దిలహరీ గుంజద్గుణాశాత్రయీమ్। 

మాంగల్యాం, మలయాచలానిలచలన్మాధ్వీసుమాలంకృతాం 

వందే భారతమాతరం, సురవరాం, వాత్సల్యపూర్ణాం ధరామ్ ||


3. ఉర్వీహీరకతారహారతరలాం, సర్వారి పర్వామలాం 

సస్యశ్యామలసుందరాం, ఫలభరాం సర్వార్థసంసాధికామ్|| సత్యజ్ఞానపరాక్రమైకనిలయాం స్వర్గాపవర్గాస్పదాం 

వందే భారతమాతరం, సురవరాం, వాత్సల్యపూర్ణాం ధరామ్||


4. త్వాం దుర్గాం దశశస్త్రధారణకరాం, త్వామేవ లక్ష్మీం, వరాం 

బ్రాహ్మీం, త్వాం, నిగమాగమాంచితపథాంప్రస్థాన విస్తారితామ్| 

త్రింశత్కోటి సురేశ్వరైకపదవీం తీర్థాలయాలంకృతాం 

వందే భారతమాతరం, సురవరాం, వాత్సల్యపూర్ణాం ధరామ్||

5. జోత్స్నా శుభ్రవితాన దీప్తవిపినే దివ్యేత్పురే కంధరే 

మృత్స్నామోద సుగంధ బంధుర తనూ రాజత్ప్రజారంజితామ్ 

హిందూ జీవన తత్త్వభావన కలా సాహిత్య సంపద్యుతాం 

వందే భారతమాతరం, సురవరాం, వాత్సల్యపూర్ణాం ధరామ్॥


6. ద్వారే, శ్రీహరిపాదవారిముఖరే దౌతాలయాధిష్ఠితాం కన్యాపాదశిలావిలోలలహరీ గాయద్వివేకోదయామ్। కాషాయాంబరచుంబితాంబర యశః కాదంబరీకేతనాం। 

వందే భారతమాతరం, సురవరాం, వాత్సల్యపూర్ణా ధరామ్||


7. శ్రీమద్విశ్వగురుత్వ సత్త్వ పదవీ విభ్రాజితాం విశ్రుతామ్ 

ఆర్యం కర్తుమశేషవిశ్వమనిశం, కార్యం కరే కల్పితాం| సర్వోర్వీశరణాగతార్తిహరణాం, సర్వారిగర్వాపహాం 

వందే భారతమాతరం, సురవరాం, వాత్సల్యపూర్ణాం ధరామ్||


8. విశ్వాజేయబలౌఘసాధనరతాం సౌశీల్యసంపూజితాం 

శ్రీమోదాయకమోక్ష సాధకఫలే వీరవ్రతే సంస్థితామ్! 

స్వేన స్వీకృతకార్యసాధకమతిం సద్ధర్మహృద్దీపితాం 

వందే భారతమాతరం, సురవరాం, వాత్సల్యపూర్ణాం ధరామ్||


9. అష్టకం, భారతీధాత్ర్యాః నిత్యం భక్త్యా పఠన్తి యే 

సద్ధర్మా చరణే తేషాం బుద్ధిస్సిద్ధిశ్చ జాయతే||

భారత్ మాతాకీ జయ్