ōṁ namaḥ praṇavārthāya śuddhajñānaikamūrtayē |
nirmalāya praśāntāya dakṣiṇāmūrtayē namaḥ || 1 ||
īśvarō gururātmēti mūrtibhēdavibhāginē |
vyōmavadvyāptadēhāya dakṣiṇāmūrtayē namaḥ || 2 ||
śrīkailāsanivāsāya bālaśītāṁśumaulayē |
munibhiḥ sēvyamānāya dakṣiṇāmūrtayē namaḥ || 3 ||
sarvajñāya triṇētrāya śaṅkarāya kapardinē |
gaṅgādharāya śarvāya dakṣiṇāmūrtayē namaḥ || 4 ||
pravilambita rukmābha jaṭāmaṇḍaladhāriṇē |
muktāyajñōpavītāya dakṣiṇāmūrtayē namaḥ || 5 ||
vinyastasavyagulphāya dakṣiṇōrupadēśakē |
nāsāgranyastanētrāya dakṣiṇāmūrtayē namaḥ || 6 ||
snigdhakalmāṣakarṣāya kāruṇyāmr̥tasindhavē |
smr̥timātrāghanāśāya dakṣiṇāmūrtayē namaḥ || 7 ||
kalaśaṁ cākṣamālāṁ ca jñānamudrāṁ ca pustakam |
karaiścaturbhirdadhatē dakṣiṇāmūrtayē namaḥ || 8 ||
cidghanāya mahēśāya vaṭamūlanivāsinē |
saccidānandarūpāya dakṣiṇāmūrtayē namaḥ || 9 ||
guravē sarvalōkānāṁ bhiṣajē bhavarōgiṇām |
nidhayē sarvavidyānāṁ śrīdakṣiṇāmūrtayē namaḥ || 10 ||
iti śrīśaṅkarācārya viracitaṁ śrī dakṣiṇāmūrti stōtram ||