mātarnamāmi kamalē padmā:’:’yatasulōcanē |
śrīviṣṇuhr̥tkamalasthē viśvamātarnamō:’stu tē || 1 ||
kṣīrasāgarasatputri padmagarbhābhasundari |
lakṣmi prasīda satataṁ viśvamātarnamō:’stu tē || 2 ||
mahēndrasadanē tvaṁ śrīḥ rukmiṇī kr̥ṣṇabhāminī |
candrē jyōtsnā prabhā sūryē viśvamātarnamō:’stu tē || 3 ||
smitānanē jagaddhātri śaraṇyē sukhavardhini |
jātavēdasi dahanē viśvamātarnamō:’stu tē || 4 ||
brahmāṇi tvaṁ sarjanā:’si viṣṇau tvaṁ pōṣikā sadā |
śivē saṁhārikā śaktirviśvamātarnamō:’stu tē || 5 ||
tvayā śūrō guṇī vijñō dhanyō mānyaḥ kulīnakaḥ |
kalāśīlakalāpāḍhyō viśvamātarnamō:’stu tē || 6 ||
tvayā gajasturaṅgaśca straiṇastr̥ṇaṁ saraḥ sadaḥ |
dēvō gr̥haṁ kaṇaḥ śrēṣṭhā viśvamātarnamō:’stu tē || 7 ||
tvayā pakṣī paśuḥ śayyā ratnaṁ pr̥thvī narō vadhūḥ |
śrēṣṭhāḥ śuddhā mahālakṣmi viśvamātarnamō:’stu tē || 8 ||
lakṣmi śrī kamalē padmē ramē padmōdbhavē sati |
abdhijē viṣṇupatni tvaṁ prasīda satataṁ priyē || 9 ||
iti śrīlakṣmīnārāyaṇasaṁhitāyāṁ lōpāmudrā kr̥ta śrī lakṣmī stōtram |