– pūrvapīṭhikā –
śrīpārvatyuvāca |
dēvēśa śrōtumicchāmi rahasyātirahasyakam |
suguptamapi mē dēva kathayasva mahēśvara || 1 ||
īśvara uvāca |
rahasyātirahasyaṁ ca gōpyādgōpyaṁ mahattaram |
na kutrāpi mayā prōktaṁ sarvasvamapi pārvati || 2 ||
kathyatē sārabhūtaṁ hi sarvatantrēṣu durlabham |
tava prītyai mahēśāni yathāvadavadhāraya || 3 ||
purā kailāsaśikharē viśvarūpō virāṭchivaḥ |
dakṣiṇāmūrtirūpaṁ tu kr̥tvā vaṭatalē sthitaḥ || 4 ||
r̥ṣīśvarāṇāṁ dēvānāṁ jñānārthaṁ paramēśvari |
dakṣiṇāmūrtirūpō hi sarvadēvasvarūpadhr̥t || 5 ||
avatīrṇō mahēśāni saccidānandavigrahaḥ |
śrīvīradakṣiṇāmūrtistataścaiva vaṭābhidhaḥ || 6 ||
śrīlakṣmīdakṣiṇāmūrtirmēdhākhyastu turīyakaḥ |
tasya nāma sahasraṁ ca vēdasārarahasyakam || 7 ||
yadēkavārapaṭhanādbrahmā vēdārthapāragaḥ |
viṣṇurviṣṇutvamētēna dēvā dēvatvamāpnuyuḥ || 8 ||
yatsakr̥tpaṭhanādēva pāṇḍityaṁ syāccaturvidham |
trailōkyarājyaṁ satkāvyaṁ mahāśrutiparamparā || 9 ||
śāpānugrahasāmarthyaṁ pāṇḍityaṁ syāccaturvidham |
bhavatyēva mahēśāni mahābhāṣyādikārakaḥ || 10 ||
kiṁ punarbahunōktēna brahmatvaṁ bhavati kṣaṇāt |
ētasmādadhikā siddhiḥ brahmāṇḍaṁ gōlakādiṣu || 11 ||
brahmāṇḍagōlakē yāśca yāḥ kāścijjagatītalē |
samastasiddhayō dēvi vācakasya karē sthitāḥ || 12 ||
kaivalyaṁ labhatē yōgī nāmasāhasrapāṭhakaḥ |
śrīmēdhādakṣiṇāmūrtināmasāhasrakasya ca || 13 ||
brahmā r̥ṣirmahēśāni gāyatrī chanda īritam |
dēvatā dakṣiṇāmūrtiḥ praṇavō bījamucyatē || 14 ||
svāhā śaktirmahēśāni namaḥ kīlakamīritam |
mātr̥kādīrghaṣaṭkaistu ṣaḍaṅganyāsa īritaḥ || 15 ||
vaṭamūlē mahacchidraṁ sundaraḥ paramaḥ śivaḥ |
taruṇō maunayukchambhurmunayaḥ paṇḍitōttamāḥ |
iti sañcintya dēvasya nāmasāhasrakaṁ paṭhēt || 16 ||
asya śrīdakṣiṇāmūrti divyasahasranāmastōtra mahāmantrasya brahmā r̥ṣiḥ, gāyatrī chandaḥ, śrīdakṣiṇāmūrtirdēvatā, ōṁ bījaṁ, svāhā śaktiḥ, namaḥ kīlakaṁ, mama śrīdakṣiṇāmūrti prasādasiddhyarthē japē viniyōgaḥ ||
āmityādiṣaḍaṅganyāsaḥ ||
dhyānam –
vaṭamūlē mahaccitraṁ sundaraḥ paramaḥ śivaḥ |
taruṇō maunayukchambhurmunayaḥ paṇḍitōttamāḥ ||
stōtram –
ōm | dakṣiṇō dakṣiṇāmūrtirdayālurdīnavallabhaḥ |
dīnārtihr̥ddīnabandhurdīnanāthō dayāparaḥ || 1 ||
dāridryaśamanō:’dīnō dārḍhyō dānavanāśakaḥ |
danujārirduḥkhahantā duṣṭabhūtaniṣūdanaḥ || 2 ||
dīnōrudāyakō dāntō dīptimān divyalōcanaḥ |
dēdīpyamānō durgēśaḥ śrīdurgāvaradāyakaḥ || 3 ||
darīsaṁsthō dānarūpō dānasanmānatōṣitaḥ |
dātā dāḍimapuṣpābhō dāḍimīpuṣpabhūṣitaḥ || 4 ||
dainyahā duritaghnaśca diśāvāsō digambaraḥ |
dikpatirdīrghasūtraśca daladambujalōcanaḥ || 5 ||
dakṣiṇāprēmasantuṣṭō dāridryabaḍabānalaḥ |
dakṣiṇāvaradō dakṣō dakṣādhvaravināśanaḥ || 6 ||
dāmōdarapriyō dīrghō dīrghikājalamadhyagaḥ |
dharmō dhanapradō dhyēyō dhīmān dhairyavibhūṣitaḥ || 7 ||
dharaṇīdhārakō dhātā dhanādhyakṣō dhurandharaḥ |
dhīrdhāraṇō dhindhimikr̥nnagnō nārāyaṇō naraḥ || 8 ||
naranāthapriyō nāthō nadīpulinasaṁsthitaḥ |
nānārūpadharō namyō nāndīśrāddhapriyō naṭaḥ || 9 ||
naṭācāryō naṭavarō nārīmānasamōhanaḥ |
nītipriyō nītidharō nānāmantrarahasyavit || 10 ||
nāradō nāmarahitō naukārūḍhō naṭapriyaḥ |
paramaḥ paramārthaśca paravidyāprakarṣaṇaḥ || 11 ||
patiḥ pātityasaṁhartā paramēśaḥ purātanaḥ |
purāṇapuruṣaḥ puṇyaḥ padyagadyaviśāradaḥ || 12 ||
padmapriyaḥ pāśahastaḥ paramārthaḥ parāyaṇaḥ |
prītaḥ purāṇapuruṣaḥ purāṇāgamasūcakaḥ || 13 ||
purāṇavēttā pāpaghnaḥ pārvatīśaḥ parārthavit |
padmāvatīpriyaḥ pāpahārī pararahasyavit || 14 ||
pārvatīramaṇaḥ pīnaḥ pītavāsāḥ parātparaḥ |
paśūpahārarasikaḥ pāśī paśupatiḥ patiḥ || 15 ||
pakṣīndravāhanaḥ pātā putradaḥ putrapūjitaḥ |
phaṇināthaḥ phūtkr̥tiśca phaṭkāraḥ phēṁ parāyaṇaḥ || 16 ||
phēṁ bījajapasantuṣṭaḥ phūtkāraḥ phaṇibhūṣitaḥ |
phaṇividyāmayaḥ phrēṁ phrēṁ phraiṁ phraiṁ śabdaparāyaṇaḥ || 17 ||
ṣaḍastrajapasantuṣṭō balibhugbāṇabhūṣitaḥ |
bāṇapūjāratō blūntō blūmbījajapatōṣitaḥ || 18 ||
barhirmukhō bālamatirbālēśō bālabhāvadhr̥t |
bālapriyō bālagatirbalīvardapriyō balaḥ || 19 ||
bālacandrapriyō bālō bālāśabdaparāyaṇaḥ |
brahmāsthibhēdakō brahmajñānī brāhmaṇapālakaḥ || 20 ||
bhagavān bhūpatirbhadrō bhadradō bhadravāhanaḥ |
bhūtādhyakṣō bhūtapatirbhūtōbhītinivāraṇaḥ || 21 ||
bhīmō bhayānakō bhrātā bhrāntō bhasmāsurapriyaḥ |
bhasmabhūṣō bhasmasaṁsthō bhaikṣakarmaparāyaṇaḥ || 22 ||
bhānubhūṣō bhānurūpō bhavānīprītidō bhavaḥ |
bhargō dēvō bhagāvāsō bhagapūjāparāyaṇaḥ || 23 ||
bhāvapriyō bhāvaratō bhāvābhāvavivarjitaḥ |
bhargō bhāryāsandhiyuktō bhā bhī śabdaparāyaṇaḥ || 24 ||
bhrāṁ bījajapasantuṣṭō bhaṭṭārō bhadravāhanaḥ |
bhaṭṭārakō bhīmagarbhō bhīmāsaṅgamalōlupaḥ || 25 ||
bhadradō bhrāntirahitō bhīmacaṇḍīpatirbhavān |
bhavānījapasantuṣṭō bhavānīpūjanōtsukaḥ || 26 ||
bhramarō bhramarīyuktō bhramarāmbāprapūjitaḥ |
mahādēvō mahānāthō mahēśō mādhavapriyaḥ || 27 ||
madhupuṣpapriyō mādhvīpānapūjāparāyaṇaḥ |
madhurmādhvīpriyō mīnō mīnākṣīnāyakō mahān || 28 ||
mārīharō madanahr̥nmānanīyō madōddhataḥ |
mādhavō mānarahitō mrīṁ bījajapatōṣitaḥ || 29 ||
madhupānaratō maunī maharṣirmōhanāstravit |
mahātāṇḍavakr̥nmantrō mantrapūjāparāyaṇaḥ || 30 ||
mūrtirmudrāpriyō mitrō mitrasantuṣṭamānasaḥ |
mrīṁ mrīṁ madhumatīnāthō mahādēvapriyō mr̥ḍaḥ || 31 ||
yādōnidhiryajñapatiryatiryajñaparāyaṇaḥ |
yajvā yāgaparō yāyī yāyībhāvapriyō yujaḥ || 32 ||
yātāyātādirahitō yatidharmaparāyaṇaḥ |
yatnasādhvī yaṣṭidharō yajamānapriyō yaduḥ || 33 ||
yajurvēdapriyō yāmī yamasamyamanō yamaḥ |
yamapīḍāharō yuktō yōgī yōgīśvarālayaḥ || 34 ||
yājñavalkyapriyō yōniryōnidōṣavivarjitaḥ |
yāminīnāthabhūṣī ca yaduvaṁśasamudbhavaḥ || 35 ||
yakṣō yakṣapriyō ramyō rāmō rājīvalōcanaḥ |
rātriñcarō rātricarō rāmēśō rāmapūjitaḥ || 36 ||
ramāpūjyō ramānāthō ratnadō ratnahārakaḥ |
rājyadō rāmavaradō rañjakō rītimārgavit || 37 ||
ramaṇīyō raghūnāthō raghuvaṁśapravartakaḥ |
rāmānandamayō rājā rājarājēśvarō rasaḥ || 38 ||
ratnamandiramadhyasthō ratnapūjāparāyaṇaḥ |
ratnākarō lakṣaṇēśō lakṣyadō lakṣyalakṣaṇaḥ || 39 ||
lakṣmīnāthapriyō lālī lambikāyōgamārgavit |
labdhilakṣyō labdhisiddhō labhyō lākṣāruṇēkṣaṇaḥ || 40 ||
lōlākṣīnāyakō lōbhō lōkanāthō latāmayaḥ |
latāpuñjāmarō lōlō lakṣamantrajapapriyaḥ || 41 ||
lambikāmārganiratō lakṣakōṭyarbudāntakaḥ |
vāṇīpriyō vāvadūkō vādī vādaparāyaṇaḥ || 42 ||
vīramārgaratō vīrō vīracaryāparāyaṇaḥ |
varēṇyō varadō vāmō vāmamārgapravartakaḥ || 43 ||
vāmadēvō vāgadhīśō vīṇāḍhyō vēṇutatparaḥ |
vidyāpriyō vītihōtrō vīravidyāviśāradaḥ || 44 ||
vargyō vargapriyō vāyū vāyuvēgaparāyaṇaḥ |
vārtājñaśca vaśīkārī variṣṭhō vāmavr̥ttakaḥ || 45 ||
vasiṣṭhō vākpatirvaidyō vāmanō vasudō virāṭ |
vārāhīpālakō vanyō vanavāsī vanapriyaḥ || 46 ||
vanadurgāpatirvārī dhārī vārāṅganāpriyaḥ |
vanēcarō vanacaraḥ śaktipūjyaḥ śikhīsakhaḥ || 47 ||
śamyākamauliḥ śāntātmā śaktimārgaparāyaṇaḥ |
śaraccandranibhaḥ śāntaḥ śaktiḥ saṁśayavarjitaḥ || 48 ||
śacīpatiḥ śakrapūjyaḥ śarasthaḥ śāpavarjitaḥ |
śāpānugrahadaḥ śaṅkhapriyaḥ śatruniṣūdanaḥ || 49 ||
śarīrayōgī śītāriḥ śaktiḥ śarmagataḥ śubhaḥ |
śukrapūjyaḥ śukrabhōgī śukrabhakṣaṇatatparaḥ || 50 ||
śāradānāyakaḥ śauriḥ ṣaṇmukhaḥ ṣaḍbhujaḥ ṣaḍaḥ |
ṣaṇḍaḥ ṣaḍaṅgaḥ ṣaṭkōśaḥ ṣaḍadhvayagatatparaḥ || 51 ||
ṣaḍāmnāyarahasyajñaḥ ṣaṣṭijīvaparāyaṇaḥ |
ṣaṭcakrabhēdanaḥ ṣaṣṭhīnāthaḥ ṣaḍdarśanāhvayaḥ || 52 ||
ṣaṣṭhīdōṣaharaḥ ṣaṭkaḥ ṣaṭchāstrārtharahasyavit |
ṣaḍūrmiścaiva ṣaḍvargaḥ ṣaḍaiśvaryaphalapradaḥ || 53 ||
ṣaḍguṇaḥ ṣaṇmukhōpētaḥ ṣaṣṭhibālaḥ ṣaḍātmakaḥ |
ṣaṭkr̥ttikāsamājasthaḥ ṣaḍādhāranivāsakaḥ || 54 ||
ṣōḍhānyāsapriyaḥ sindhuḥ sundaraḥ surasundaraḥ |
surārādhyaḥ surapatiḥ sumukhaḥ sumanāḥ suraḥ || 55 ||
subhagaḥ sarvavitsaumyaḥ siddhimārgapravartakaḥ |
sahajānandanaḥ sōmaḥ sarvaśāstrarahasyavit || 56 ||
samiddhōmapriyaḥ sarvaḥ sarvaśaktisupūjitaḥ |
suradēvaḥ sudēvaśca sanmārgaḥ siddhidarśakaḥ || 57 ||
sarvajitsarvadiksādhuḥ sarvadharmasamanvitaḥ |
sarvādhyakṣaḥ sarvadēvaḥ sanmārgaḥ sūcanārthavit || 58 || [sarvavēdyaḥ]
hārī harirharō hr̥dyō harō harṣapradō hariḥ |
haṭhayōgī haṭharatō harivāhī haridhvajaḥ || 59 ||
harimārgaratō hrīṁ ca harītavaradāyakaḥ |
harītavaradō hīnō hitakr̥ddhiṅkr̥tirhaviḥ || 60 || [-kr̥ta]
haviṣyabhugghaviṣyāśī haridvarṇō harātmakaḥ |
haihayēśō hrīṅkr̥tiśca haramānasatōṣaṇaḥ || 61 ||
huṅkārajapasantuṣṭō hrauṁ bījajapacintitaḥ |
hitakārī hariṇadr̥ggharitō haranāyakaḥ || 62 ||
haripriyō hariratō hāhāśabdaparāyaṇaḥ |
kṣēmakāripriyaḥ kṣaumyaḥ kṣmābhr̥t kṣapaṇakaḥ kṣaraḥ || 63 ||
kṣāṅkārabījanilayaḥ kṣamāvān kṣōbhavarjitaḥ |
kṣōbhahārī kṣōbhakārī kṣmābījaḥ kṣmāsvarūpadhr̥t || 64 ||
kṣēṅkārabījanirataḥ kṣaumāmbaravibhūṣaṇaḥ |
kṣōṇīpatipriyakaraḥ kṣapāpālaḥ kṣapākaraḥ || 65 ||
kṣētrajñaḥ kṣētrapālaśca kṣayarōgakṣayaṅkaraḥ |
kṣāmōdaraḥ kṣāmagātraḥ kṣayamāsaḥ kṣayānugaḥ || 66 ||
abhūtō:’nantavaradō hyanasūyāpriyaṅkaraḥ | [adbhutō]
atriputrō:’gnigarbhaścāpyacyutō:’nantavikramaḥ || 67 ||
ādimadhyāntarahitaścāṇimādiguṇākaraḥ |
akṣarō:’nuguṇaiśvaryaścārhēvācyastvahaṁmatiḥ || 68 ||
ādityō:’ṣṭaguṇaścātmā cādhyātmaprītamānasaḥ |
ādyaścājyapriyaścātmā tvāmrapuṣpavibhūṣaṇaḥ || 69 ||
āmrapuṣpapriyaḥ prāṇa ārṣa āmrātakēśvaraḥ |
iṅgitajñastathēṣṭajña iṣṭabhūta iṣustathā || 70 ||
iṣṭāpūrtapriyaścēṣṭa īśvaraścēśavallabhaḥ |
īkāraścēśvarādhīna īkṣitaścēśavācakaḥ || 71 ||
utkaścōkāragarbhaścāpyukārāya namō namaḥ |
ūhāpōhavinirmuktaścōṣā cōṣāmaṇistathā || 72 ||
r̥ddhikārī r̥ddhirūpī r̥ddhiprāvartakēśvaraḥ |
r̥̄kāravarṇabhūṣāḍhya r̥̄kārāya namō namaḥ || 73 ||
lu*kāragarbhasamyukta lū*kārāya namō namaḥ |
ēkāragarbhaścaikasya ēṣaścaitatpravartakaḥ || 74 ||
ēka ēkākṣaraścaikavīrapriyatarāya tē |
ēkavīrāpatiścaiva aiṁ aiṁ śabdaparāyaṇaḥ || 75 ||
aindrapriyaścaikyakārī aiṁ bījajapatatparaḥ |
ōghaścaukārabījaśca ōṅkārāya namō namaḥ || 76 ||
ōṅkārabījanilayaścauṅkārēśvarapūjitaḥ |
antikō:’ntimavarṇaśca aṁ aḥ varṇāñcitō:’ñcitaḥ || 77 ||
kalaṅkahīnaḥ kaṅkālaḥ krūraḥ kukkuṭavāhanaḥ |
kāminīvallabhaḥ kāmī kāmārtaḥ kamanīyakaḥ || 78 ||
kalānidhiḥ kīrtināthaḥ kāmēśīhr̥dayaṅgamaḥ |
kāmēśvaraḥ kāmarūpaḥ kālakālaḥ kalānidhiḥ || 79 ||
kr̥ṣṇaḥ kāśīpatiḥ kālaḥ kulacūḍāmaṇiḥ karaḥ |
kēśavaḥ kēvalaḥ kāntaḥ kālikāvaradāyakaḥ || 80 ||
kāśmīrasampradāyajñaḥ kālaḥ kāmakalātmakaḥ |
khaṭvāṅgapāṇiḥ khātītaḥ kharaśūraḥ kharāntakr̥t || 81 ||
khēlanaḥ khēṭakaḥ khaḍgaḥ khaḍganāthaḥ khagēśvaraḥ |
khēcaraḥ khēcaranāthō gaṇanāthasahōdaraḥ || 82 ||
gāḍhō gaganagambhīrō gōpālō gūrjarō guruḥ |
gaṇēśō gāyakō gōptā gāyatrīvallabhō garut || 83 ||
gōmatō garuḍō gaurō gōpīśō giriśō guhaḥ |
gatirgamyō gōpanīyō gōmayō gōcarō gaṇaḥ || 84 ||
gōrambhāpuṣparucirō gāṇāpatyō gaṇapriyaḥ |
ghaṇṭākarṇō gharmaraśmirghr̥ṇirghaṇṭāpriyō ghaṭaḥ || 85 ||
ghaṭasarpō ghūrṇitaśca ghr̥maṇirghr̥takambalaḥ |
ghaṇṭāninādarucirō ghr̥ṇālajjāvivarjitaḥ || 86 ||
ghr̥ṇimantrajapaprītaḥ ghr̥tayōnirghr̥tapriyaḥ |
ghargharō ghōranādaśca ghōraśāstrapravartakaḥ || 87 ||
ghanāghanō ghōṣayuktō ghōṭakō ghōṭakēśvaraḥ |
ghanō ghanarucirghrāṁ ghrīṁ ghrūṁ ghraiṁ ghrauṁ mantrarūpadhr̥t || 88 ||
ghanaśyāmō ghaṭajanuḥ ghaṭōtkīrṇō ghaṭātmakaḥ |
ghaṭōtha ghughukō ghūkō caturaścañcalaścalaḥ || 89 ||
cakrī cakradharaścakraścimbījajapatatparaḥ |
caṇḍaścaṇḍīśvaraścāruścakrapāṇiścarācaraḥ || 90 ||
carācaramayaścintāmaṇiścintitasārathiḥ |
caṇḍaraśmiścandramauliścaṇḍīhr̥dayanandanaḥ || 91 ||
cakrāṅkitaścaṇḍadēvapriyaścaṇḍālaśēkharaḥ |
caṇḍaścaṇḍāladamanaścitritaścintitārthavit || 92 ||
citrārpitaścitramayaścidvidyaścinmayaśca cit |
cicchaktiścētanaścityaścidābhāsaścidātmakaḥ || 93 ||
chadmacārī chadmagatiśchātraśchatrapriyacchaviḥ |
chēdakaśchēdanaśchandaśchandaḥ śāstraviśāradaḥ || 94 ||
chandōmayaśca chandajñaśchandasāṁ patirityapi |
chandaśchēdaśchādanīyaśchannaśchadmarahasyavit || 95 ||
chatradhārī chatrapatiśchatradaśchatrapālakaḥ |
chinnāpriyaśchinnamastaśchinnamantraprasādakaḥ || 96 ||
chinnatāṇḍavasantuṣṭaśchinnayōgaviśāradaḥ |
jābālipūjyō janmādyō janitānāmajāpakaḥ || 97 || [janmanāśakaḥ]
jamalārjunanirnāśī jamalārjunatāḍanaḥ |
janmabhūmirjarāhīnō jāmātr̥varadō japaḥ || 98 ||
japāpuṣpapriyakarō japādāḍimarāgadhr̥t |
jainamārgaratō jainō jitakrōdhō jitāmayaḥ || 99 ||
jūṁ jūṁ jaṭābhasmadharō jaṭādhārō jaṭādharaḥ |
jarādharō jaratkārō jāmitravaradō jarvaḥ || 100 ||
jīvanō jīvanādhārō jyōtiḥśāstraviśāradaḥ |
jyōtirjyōtsnāmayō jētā jayō janmakr̥tādaraḥ || 101 ||
jyōtirliṅgō jyōtirūpō jīmūtavaradāyakaḥ |
jitō jētā janmapārō jyōtsnājālapravartakaḥ || 102 ||
janmādhvanāśanō jīvō jīvāturjīvanauṣadhaḥ |
jarāharō jāḍyaharō janmājanmavivarjitaḥ || 103 ||
janakō jananīnāthō jīmūtō jūṁ manurjayaḥ |
japamālī jagannāthō jagatsthāvarajaṅgamaḥ || 104 ||
jaṭharō jāravijjārō jaṭharāgnipravartakaḥ |
jāmitrō jaiminiprītō jitaśāstrapravartakaḥ || 105 ||
jīrṇō jīrṇatarō jātirjātināthō jaganmayaḥ |
jagatprītō jagattrātā jagajjīvanakautukaḥ || 106 ||
jharirjharjhurikō jhañjhāvāyurjhiñjhiṅkr̥jjhiṅkr̥tiḥ |
jñānēśvarō jñānagamyō jñānamārgaparāyaṇaḥ || 107 ||
jñānakāṇḍī jñēyakāṇḍī jñēyō jñēyavivarjitaḥ |
ṭaṅkāstradhārī ṭitkāraṣṭīkāṭippaṇakārakaḥ || 108 ||
ṭāṁ ṭīṁ ṭūṁ japasantuṣṭaṣṭiṭṭibhaṣṭiṭṭibhāsanaḥ |
ṭiṭṭibhānantyasahitaṣṭakārākṣarabhūṣitaḥ || 109 ||
ṭakārakārī ṭāsiddhaṣṭamūrtiṣṭākr̥tiṣṭadaḥ |
ṭhākuraṣṭhakuraṣṭhaṇṭhaṣṭhaṭhabījārthavācakaḥ || 110 ||
ṭhāṁ ṭhīṁ ṭhūṁ japayōgāḍhyō ḍāmarō ḍākinīmayaḥ |
ḍākinīnāyakō ḍāṁ ḍīṁ ḍūṁ ḍaiṁ śabdaparāyaṇaḥ || 111 ||
ḍakārātmā ḍāmayaśca ḍāmarīśaktirañjitaḥ |
ḍākarō ḍāṅkarō ḍiṁ ḍiṁ ḍiṁ ḍiṁ vādanatatparaḥ || 112 ||
ḍakārāḍhyō ḍāṅkahīnō ḍamarūvādyatatparaḥ |
ḍāmarēśō ḍāṅkanāthō ḍhakkāvādanatatparaḥ || 113 ||
ḍhāṅkr̥tirḍhapatirḍhāṁ ḍhīṁ ḍhūṁ ḍhaiṁ ḍhauṁ śabdatatparaḥ |
ḍhīḍhībhūṣaṇabhūṣāḍhyō ḍhīṁ ḍhīṁ pālō ḍhapārajaḥ || 114 ||
tarasthastaramadhyasthaḥ taradantaramadhyagaḥ |
tārakastāratamyaśca taranāthastanāstanaḥ || 115 ||
taruṇastāmracūḍaśca tamisrānāyakastamī |
tōtradastāladastīvrastīvravēgastaśabdadhr̥t || 116 ||
tālīmatastāladharastapaḥsārastrapākaraḥ |
tantramārgaratastantrī tāntrikastāntrikōttamaḥ || 117 ||
tuṣārācalamadhyasthastuṣāravanabhūṣaṇaḥ |
turyastumbīphalaprāṇastulajāpuranāyakaḥ || 118 ||
tīvrayajñakarastīvramūḍhayajñasamājagaḥ |
trivargayajñadastārastryambakastripurāntakaḥ || 119 ||
tripurāntastrisaṁhārakārakastaittirīyakaḥ |
trilōkamudrikābhūṣastripañcanyāsasamyutaḥ || 120 ||
triṣugrandhistrimātraśca triśirastrimukhastrikaḥ |
trayīmayaśca triguṇaḥ tripādaśca trihastakaḥ || 121 ||
tantrirūpastrikōṇēśastrikālajñastrayīmayaḥ |
trisandhyaśca tritāraśca tāmraparṇījalapriyaḥ || 122 ||
tōmarastumulastūlastūlāpuruṣarūpadhr̥t |
tarī tantrī tantritantrī tr̥tīyastaruśēkharaḥ || 123 ||
taruṇēnduśirāstāpastripathātōyaśēkharaḥ |
tribījēśastrisvarūpastitīśabdaparāyaṇaḥ || 124 ||
tāranāyakabhūṣaśca titīvādanacañcalaḥ |
tīkṣṇastrairāśikastryakṣastārastāṭaṅkavādanaḥ || 125 ||
tr̥tīyastārakastambhastambhamadhyakr̥tādaraḥ |
tattvarūpastalastālastōlakastantrabhūṣaṇaḥ || 126 ||
tatastōmamayaḥ stautya sthūlabuddhistrapākaraḥ |
tuṣṭistuṣṭimayaḥ stōtrapāṭhaḥ stōtraratastr̥ṭī || 127 ||
triśarāśca tribinduśca tīvrāstārastrayīgatiḥ |
trikālajñastrikālaśca trijanmā ca trimēkhalaḥ || 128 ||
tridōṣaghnastrivargaśca traikālikaphalapradaḥ |
tattvaśuddhastattvamantrastattvamantraphalapradaḥ || 129 ||
tripurāristrimadhurastriśaktīśastritattvadhr̥t |
tīrthaprītastīrtharatastīrthōdānaparāyaṇaḥ || 130 ||
trimallēśastrintriṇīśastīrthaśrāddhaphalapradaḥ |
tīrthabhūmiratastīrthī tittirīphalabhōjanaḥ || 131 ||
tittirīphalabhūṣāḍhyastāmranētravibhūṣitaḥ |
takṣaḥ stōtramayaḥ stōtraḥ stōtraprītaḥ stutipriyaḥ || 132 ||
stavarājapriyaprāṇaḥ stavarājajapapriyaḥ |
tēmanānnapriyastigmastigmaraśmistithipriyaḥ || 133 ||
tailaprītastailamālāstailabhōjanatatparaḥ |
tailadīpapriyastailamardakānantaśaktidhr̥t || 134 ||
tailapakvānnasantuṣṭastilacarvaṇalālasaḥ |
tailābhiṣēkasantuṣṭastilatarpaṇatatparaḥ || 135 ||
tilāhārapriyaprāṇastilamōdakatōṣaṇaḥ |
tilapiṣṭānnabhōjī ca tilaparvatarūpadhr̥t || 136 ||
tiladānapriyaścaiva tilahōmaprāsādakaḥ |
tilavratapriyaprāṇastilamiśrānnabhōjanaḥ || 137 ||
tiladānastilānandastilabhōjītilapriyaḥ |
tilabhakṣapriyaścaiva tilabhōgaratastathā || 138 ||
thakārakūṭanilayaḥ thaithaithaiśabdatatparaḥ |
thimīthimīthimīrūpaḥ thaithaithaināṭyanāyakaḥ || 139 ||
uttarapīṭhikā –
sthāṇurūpō mahēśāni prōktaṁ nāmasahasrakam |
gōpyādgōpyaṁ mahēśāni sārāt sārataraṁ param || 140 ||
jñānakaivalyanāmākhyaṁ nāmasāhasrakaṁ śivē |
yaḥ paṭhēt prayatō bhūtvā bhasmabhūṣitavigrahaḥ || 141 ||
rudrākṣamālābharaṇō bhaktimān japatatparaḥ |
sahasranāma prapaṭhēt jñānakaivalyakābhidham || 142 ||
sarvasiddhimavāpnōti sākṣātkāraṁ ca vindati |
yasyaikavārapaṭhanaṁ kiṁ tasya narakē sthitam || 143 ||
prātarmadhyāhnakālē ca sandhyāyāṁ ca viśēṣataḥ |
anantamahimākhyaṁ ca jñānakaivalakābhidham || 144 ||
stauti śrīdakṣiṇāmūrtiṁ śāstravidhiṁ ca vindati |
tattvamudrāṁ vāmakarē kr̥tvā nāmasahasrakam || 145 ||
prapaṭhētpañcasāhasraṁ puraścaraṇamucyatē |
caturdaśyāmathāṣṭamyāṁ pradōṣē ca viśēṣataḥ || 146 ||
śanipradōṣē dēvēśi tathā sōmasya vāsarē |
naktabhōjī haviṣyāśī nāmasāhasrapāṭhakaḥ || 147 ||
sarvasiddhimavāpnōti cāntē kaivalyamaśnutē |
śivanāmnā jātabhōdhō vāṅmanaḥ kāyakarmabhiḥ || 148 ||
śivō:’hamiti vai dhyāyan nāmasāhasrakaṁ paṭhēt |
sarvasiddhimavāpnōti sarvaśāstrārthavidbhavēt || 149 ||
rājyārthī rājyamāpnōti dhanārthī dhanamakṣayam |
yaśō:’rthī kīrtimāpnōti nāmasāhasrapāṭhakaḥ || 150 ||
rōgārtō mucyatē rōgādbaddhō mucyēta bandhanāt |
agniḥ stambhaṁ jalastambhaṁ vāyustambhaṁ vivasvataḥ || 151 ||
gatēstambhaṁ karōtyēva nātra kāryā vicāraṇā |
abhimantrya jalaṁ dēvi mātr̥kābījayōgataḥ || 152 ||
ayutaṁ prajapēddēvi tatō nāmasahasrakam |
prapaṭhēt paramēśāni sarvavāksiddhimāpnuyāt || 153 ||
jalapānavidhānēna yatkāryaṁ jāyatē śr̥ṇu |
ādau mantraśataṁ japtvā tatō nāma sahasrakam || 154 ||
punaḥ śataṁ japēnmantraṁ jalaṁ cānēna mantrayēt |
trivāramēvaṁ kr̥tvā tu nityaṁ syājjalapānakaḥ || 155 ||
jalapānavidhānēna mūkō:’pi sukavirbhavēt |
vinā:’:’yāsairvinā:’:’bhyāsairvinā pāṭhādibhiḥ priyē || 156 ||
caturvidhaṁ ca pāṇḍityaṁ tasya hastagataṁ priyē |
sarvatra jayamāpnōti mantrasiddhiṁ ca vindati || 157 ||
rudravāraṁ japēnnityaṁ ēkaviṁśadinaṁ priyē |
sarvatra jayamāpnōti nātra kāryā vicāraṇā || 158 ||
athavā dēvadēvēśi paṭhēnnāmasahasrakam |
yatkr̥tvā dēvadēvēśi kiṁ tadyanna karōti hi || 159 ||
gōmūtrajaṁ caruṁ kr̥tvā trisahasraṁ manuṁ japēt |
tadantē nāmasāhasraṁ tāvadvāraṁ japēcchivē || 160 ||
māsamātraprayōgēṇa rājarājasamō bhavēt |
kramavr̥ddhyā kumbhakāni mantrāṇāṁ śatasaṅkhyayā || 161 ||
kr̥tvā yaḥ prapaṭhēddēvi na sādhyaṁ tasya vidyatē |
brahmacaryaratō mantrī madhūkaraparāyaṇaḥ || 162 ||
sahasraṁ prajapēnnityaṁ tatō nāma sahasrakam |
prapaṭhēt paramēśāni sākṣācchivasamō bhavēt || 163 ||
gurubhaktāya dātavyaṁ nābhaktāya kadācana |
paranindā paradrōhi paravādaratāya ca || 164 ||
parastrīniratayā ca na dēyaṁ sarvadā priyē |
śiṣyāya gurubhaktāya śivādvaitaparāya ca || 165 ||
upāsakāya dēyaṁ hi nānyathā naśyati dhr̥vam |
gōpanīyaṁ gōpanīyaṁ gōpanīyaṁ prayatnataḥ || 166 ||
svayōniriva gōptavyaṁ na dēyaṁ yasya kasya tu |
iti saṅkṣēpataḥ prōktaṁ kimanyacchrōtumicchasi || 167 ||
iti śrīcidambaranaṭatantrē umāmahēśvarasaṁvādē śrī dakṣiṇāmūrti sahasranāma stōtram ||