స్వరూపరూపాయ సహస్రబాహవే |
సహస్రరశ్మిప్రభవాయ వేధసే
విశాలదేహాయ విశుద్ధకర్మణే || ౧ ||
సమస్తవిశ్వార్తిహరాయ శంభవే
సమస్తసూర్యానలతిగ్మతేజసే |
నమోఽస్తు విద్యావితతాయ చక్రిణే
సమస్తధీస్థానకృతే సదా నమః || ౨ ||
అనాదిదేవాచ్యుతశేఖరప్రభో
భావ్యుద్భవద్భూతపతే మహేశ్వర |
మరుత్పతే సర్వపతే జగత్పతే
భువస్పతే భువనపతే సదా నమః || ౩ ||
యజ్ఞేశ నారాయణ జిష్ణు శంకర
క్షితీశ విశ్వేశ్వర విశ్వలోచన |
శశాంకసూర్యాచ్యుత వీరవిశ్వ-
-ప్రవృత్తమూర్తేఽమృతమూర్త అవ్యయ || ౪ ||
జ్వలద్ధుతాశర్చినిరుద్ధమండల
ప్రదేశనారాయణ విశ్వతోముఖ |
సమస్తదేవార్తిహరామృతావ్యయ
ప్రపాహి మాం శరణగతం తథా విభో || ౫ ||
వక్త్రాణ్యనేకాని విభో తవాహం
పశ్యామి యజ్ఞస్య గతిం పురాణమ్ |
బ్రహ్మాణమీశం జగతాం ప్రసూతిం
నమోఽస్తు తుభ్యం ప్రపితామహాయ || ౬ ||
సంసారచక్రక్రమణైరనేకైః
క్వచిద్భవాన్ దేవవరాధిదేవః |
తత్సర్వవిజ్ఞానవిశుద్ధసత్వై-
-రుపాస్యసే కిం ప్రణమామ్యహం త్వామ్ || ౭ ||
ఏవం భవంతం ప్రకృతేః పురస్తా-
-ద్యో వేత్త్యసౌ సర్వవిదాంవరిష్ఠః |
గుణాన్వితేషు ప్రసభం వివేద్యో
విశాలమూర్తిస్త్విహ సూక్ష్మరూపః || ౮ ||
వాక్పాణిపాదైర్విగతేంద్రియోపి
కథం భవాన్వై సుగతిః సుకర్మా |
సంసారబంధే నిహితేంద్రియోఽపి
పునః కథం దేవవరోసి వేద్యః || ౯ ||
మూర్తాదమూర్తం న తు లభ్యతే పరం
పరం వపుర్దేవవిశుద్ధభావైః |
సంసారవిచ్ఛిత్తికరైర్యజద్భి-
-రతోఽవసీయేత చతుర్ముఖ త్వమ్ || ౧౦ ||
పరం న జానంతి యతో వపుస్తే
దేవాదయోఽప్యద్భుతరూపధారిన్ |
విభోవతారేఽగ్రతరం పురాణ-
-మారాధయేద్యత్కమలాసనస్థమ్ || ౧౧ ||
న తే తత్త్వం విశ్వసృజోపి యోని-
-మేకాంతతో వేత్తి విశుద్ధభావః |
పరం త్వహం వేద్మి కథం పురాణం
భవంతమాద్యం తపసా విశుద్ధమ్ || ౧౨ ||
పద్మాసనో వై జనకః ప్రసిద్ధ
ఏవం ప్రసిద్ధిర్హ్యసకృత్ పురాణాత్ |
సంచింత్య తే నాథ విభుం భవంతం
జానాతి నైవం తపసావిహీనః || ౧౩ ||
అస్మాదృశైశ్చ ప్రవరైర్విబోధ్యం
త్వాం దేవమూర్ఖాః స్వమతిం విభజ్య |
ప్రబోద్ధుమిచ్ఛంతి న తేషు బుద్ధి-
-రుదారకీర్తిష్వపి వేదహీనాః || ౧౪ ||
జన్మాంతరైర్వేదవివేకబుద్ధి-
-ర్భవేద్యథా వా యది వా ప్రకాశః |
తల్లాభలుబ్ధస్య న మానుషత్వం
న దేవగంధర్వపతిః శివః స్యాత్ || ౧౫ ||
న విష్ణురూపో భగవాన్ సుసూక్ష్మః
స్థూలోఽసి దేవః కృతకృత్యతాయాః |
స్థూలోఽపి సూక్ష్మః సులభోఽసి దేవ
త్వద్బాహ్యకృత్యా నరకే పతంతి || ౧౬ ||
విముచ్యతే వా భవతి స్థితేస్మిన్
దస్రేందువహ్న్యర్కమరున్మహీభిః |
తత్వైః స్వరూపైః సమరూపధారిభి-
-రాత్మస్వరూపే వితత స్వభావః || ౧౭ ||
ఇతి స్తుతిం మే భగవన్ హ్యనంత
జుషస్వ భక్తస్య విశేషతశ్చ |
సమాధియుక్తస్య విశుద్ధచేతస-
-స్త్వద్భావభావైకమనోనుగస్య || ౧౮ ||
సదా హృదిస్థో భగవన్నమస్తే
నమామి నిత్యం భగవన్ పురాణ |
ఇతి ప్రకాశం తవ మే తదీశ
స్తవం మయా సర్వగతిప్రబుద్ధ |
సంసారచక్రే భ్రమణాదియుక్తాం
భీతిం పునర్నః ప్రతిపాలయస్వ || ౯ ||
ఇతి శ్రీపద్మమహాపురాణే సృష్టిఖండే చతుస్త్రింశత్తమోఽధ్యాయే విష్ణు కృత శ్రీ బ్రహ్మ స్తవమ్ ||