ದೇವದೇವ ಜಗನ್ನಾಥ ತ್ರಿನಾಥ ಶ್ರೀತ್ರಿಲೋಚನ |
ಭವತ್ ಪ್ರಸಾದಾದ್ಭಗವನ್ ಭೈರವಸ್ಯ ಮಹಾತ್ಮನಃ |
ಕವಚಂ ಶ್ರೋತುಮಿಚ್ಛಾಮಿ ತ್ವತ್ಸ್ನೇಹಾತಿಶಯಾದಹಮ್ || ೧ ||
ಶಿವ ಉವಾಚ |
ಪ್ರಾಣಿನಾಂ ರಕ್ಷಣಾರ್ಥಂ ಚ ಬ್ರವೀಮಿ ಸುಮುಖೇ ಗುಣಾನ್ |
ವರ್ಮಣೋ ಭೈರವಸ್ಯಾಸ್ಯ ಶಿವಬ್ರಹ್ಮಾ ಋಷಿಃ ಸ್ಮೃತಃ || ೨ ||
ಛಂದೋಽನುಷ್ಟುಪ್ ತಥಾ ದೇವೋ ಭೈರವೋ ಬಟುಕಾತ್ಮಜಃ |
ಐಶ್ವರ್ಯಸ್ಯಾಭಿವೃದ್ಧ್ಯರ್ಥಮಿಷ್ಟಾರ್ಥಂ ಚ ನಿಯುಜ್ಯತೇ || ೩ ||
ಧ್ಯಾನಂ –
ಶೂಲಖಡ್ಗಡಮರೂಲಸತ್ಕರಂ
ಸವ್ಯಹಸ್ತಮಪರಂ ಕರೋಜ್ಜ್ವಲಮ್ |
ಸಂತತಂ ಹೃದಿ ಭಜಾಮಿ ಭೈರವಂ
ಸ್ವಾಧಿರೂಢಮಧಿಕಾರಸಿದ್ಧಯೇ || ೪ ||
ದಿಗ್ವಾಸಸಂ ಕಮಲಪತ್ರವಿಶಾಲನೇತ್ರಂ
ಭಸ್ಮಾಂಗರಾಗಮಭಯಂ ಪ್ರಭುಮಾದಿದೇವಮ್ |
ಧ್ಯಾಯಾಮಿ ತಂ ಬಟುಕನಾಥಮಹರ್ನಿಶಂ ಮೇ
ಸರ್ವಾರ್ಥಸಿದ್ಧಿಮತುಲಾಂ ಕೃಪಯಾ ದಿಶಂತಮ್ || ೫ ||
ಏವಂ ಧ್ಯಾತ್ವಾ ತು ದೇವೇಶಂ ಬಟುಕಾಖ್ಯಂ ಮಹಾಬಲಮ್ |
ಉಚ್ಚರೇತ್ಕವಚಂ ಪಶ್ಚಾದ್ದೇವತಾಭೀಷ್ಟಸಿದ್ಧಿದಮ್ || ೬ ||
ಕವಚಂ –
ಶಿರೋ ಮೇ ಭೈರವಃ ಪಾತು ಭಾಲಂ ಪುರನಿಷೂದನಃ |
ದೃಶೌ ಪಾತು ತ್ರಿನೇತ್ರೋ ಮೇ ಶ್ರವಣಂ ನೀಲಕಂಠಕಃ || ೭ ||
ದಿಗ್ವಾಸಾ ಮೇ ಪಾತು ಕಂಠಂ ನಾಸಿಕಾಭಗಕನ್ಯಭಾಕ್ |
ಓಷ್ಠೌ ತ್ರಿಪುರಘಾತೀ ಮೇ ಜಿಹ್ವಾಂ ಪಾತು ಕಪಾಲಧೃಕ್ || ೮ ||
ದಂತಾನ್ ಪಾತು ಕ್ರತುಧ್ವಂಸೀ ಚಿಬುಕಂ ಭೂತವಾಸಕಃ |
ಕಪಾಲೀ ಪಾತು ಮೇ ಗ್ರೀವಾಂ ಸ್ಕಂಧೌ ಪಾತು ಗಜಾಂತಕಃ || ೯ ||
ಭುಜೌ ಮೇ ಪಾತು ಕೌಮಾರೋ ಹೃದಯಂ ಕ್ಷೇತ್ರಪಾಲಕಃ |
ಅಭೀರುರ್ಮೇ ಸ್ತನೌ ಪಾತು ವಕ್ಷಃ ಪಾತು ಮಹೇಶ್ವರಃ || ೧೦ ||
ಕುಕ್ಷೌ ಮೇ ಪಾತು ಸಂಹರ್ತಾ ನಾಭಿಂ ಮೇ ಷಣ್ಮುಖಪ್ರಿಯಃ |
ಭೂತನಾಥಃ ಕಟಿಂ ಪಾತು ಗುಹ್ಯಂ ಪಾತು ಜಟಾಧರಃ || ೧೧ ||
ಊರೂ ಪಾತು ವೃಷಾರೂಢೋ ಜಾನುನೀ ಭೂತಭಾವನಃ |
ಶ್ಮಶಾನವಾಸೀ ಮೇ ಪಾತು ಪಾತು ಸರ್ವಾಂಗಮೀಶ್ವರಃ || ೧೨ ||
ಫಲಶ್ರುತಿಃ –
ಯ ಇದಂ ಕವಚಂ ದೇವಿ ಪಠೇತ್ ಪ್ರಯತಮಾನಸಃ |
ತಸ್ಯೈಶ್ವರ್ಯಾಭಿವೃದ್ಧ್ಯರ್ಥಮಿಷ್ಟಾನ್ನಂ ಚ ದದಾಮ್ಯಹಮ್ || ೧೩ ||
ರೋಗಾರ್ತೋ ಮುಚ್ಯತೇ ರೋಗಾತ್ಪುತ್ರಾರ್ಥೀ ಲಭತೇ ಸುತಾನ್ |
ಜಪಿತ್ವಾ ಶ್ರದ್ಧಯಾ ಕನ್ಯಾ ಆಯುಷ್ಮಂತಂ ಪತಿಂ ಲಭೇತ್ || ೧೪ ||
ವಿದ್ಯಾವಿನಯಸಂಪನ್ನಂ ಸುಕುಲೀನಂ ಸುರೂಪಿಣಮ್ |
ಜಪಿತ್ವಾ ವಿಧವಾ ನಾರೀ ವೈಧವ್ಯಂ ನಾಪ್ನುಯಾತ್ಕ್ವಚಿತ್ || ೧೫ ||
ಜಪಿತ್ವಾ ಕವಚಂ ಪ್ರಾತರ್ಮುಚ್ಯತೇ ನಾತ್ರ ಸಂಶಯಃ |
ನಾಸ್ತಿ ತಸ್ಯಾಪಮೃತ್ಯುಶ್ಚಾಕಾಲಮೃತ್ಯುಃ ಕದಾಚನ || ೧೬ ||
ಇಹಲೋಕೇ ಸುಖಂ ಭುಕ್ತ್ವಾ ಪುತ್ರಪೌತ್ರೈಃ ಸುಬಾಂಧವೈಃ |
ಅಂತೇ ಕೈಲಾಸಮಾವಿಶ್ಯ ಮಮ ಪಾದತಲಂ ವ್ರಜೇತ್ |
ತಸ್ಮಾತ್ಸರ್ವಪ್ರಯತ್ನೇನ ಜಪೇನ್ನಿತ್ಯಮತಂದ್ರಿತಃ || ೧೭ ||
ಯೇ ಭಕ್ತಿಯುಕ್ತಾಃ ಕವಚಂ ಪಠಂತಿ
ತೇ ವೈ ಕುಲೇ ಸ್ವೇ ಕುಲಿನೋ ವಸಂತಿ |
ತೇಜೋಽಧಿಕಂ ವಿಂಶತಿಸಂಖ್ಯಯಾ ದಿನೇ
ಕೈಲಾಸಮಾಪ್ನೋತಿ ಮಮ ಪ್ರಸಾದಾತ್ || ೧೮ ||
ಏತತ್ತೇ ಕಥಿತಂ ದೇವಿ ಯನ್ಮಾಂ ತ್ವಂ ಪರಿಪೃಚ್ಛಸಿ |
ತ್ವತ್ಸ್ನೇಹಾತಿಶಯಾದುಕ್ತಂ ಕವಚಂ ಭೈರವಾತ್ಮಕಮ್ || ೧೯ ||
ಇತಿ ಶ್ರೀ ಬಟುಕಭೈರವ ಕವಚಮ್ ||