వామస్థా గిరిజా ప్రణమ్య కవచం భూతిప్రదం పృచ్ఛతి |
దేవీ శ్రీబగళాముఖీ రిపుకులారణ్యాగ్నిరూపా చ యా
తస్యాశ్చాపవిముక్త మంత్రసహితం ప్రీత్యాఽధునా బ్రూహి మామ్ || ౧ ||
శ్రీశంకర ఉవాచ |
దేవీ శ్రీభవవల్లభే శృణు మహామంత్రం విభూతిప్రదం
దేవ్యా వర్మయుతం సమస్తసుఖదం సామ్రాజ్యదం ముక్తిదమ్ |
తారం రుద్రవధూ విరించిమహిలా విష్ణుప్రియా కామయుక్
కాంతే శ్రీబగళాననే మమ రిపూన్ నాశాయ యుగ్మం త్వితి || ౨ ||
ఐశ్వర్యాణి పదం చ దేహి యుగళం శీఘ్రం మనోవాంఛితం
కార్యం సాధయ యుగ్మయుక్ఛివవధూ వహ్నిప్రియాంతో మనుః |
కంసారేస్తనయం చ బీజమపరా శక్తిశ్చ వాణీ తథా
కీలం శ్రీమితి భైరవర్షిసహితం ఛందో విరాట్ సంయుతమ్ || ౩ ||
స్వేష్టార్థస్య పరస్య వేత్తి నితరాం కార్యస్య సంప్రాప్తయే
నానాఽసాధ్యమహాగదస్య నియతం నాశాయ వీర్యాప్తయే |
ధ్యాత్వా శ్రీబగళాననాం మనువరం జప్త్వా సహస్రాఖ్యకం
దీర్ఘైః షట్కయుతైశ్చ రుద్రమహిలాబీజైర్విన్యస్యాంగకే || ౪ ||
ధ్యానం –
సౌవర్ణాసనసంస్థితాం త్రినయనాం పీతాంశుకోలాసినీం
హేమాభాంగరుచిం శశాంకముకుటాం స్రక్చంపకస్రగ్యుతామ్ |
హస్తైర్మద్గరపాశబద్ధరసనాం సంబిభ్రతీం భూషణై-
-ర్వ్యాప్తాంగీం బగళాముఖీం త్రిజగతాం సంస్తంభినీం చింతయేత్ || ౫ ||
వినియోగః –
అస్య శ్రీబగళాముఖీ బ్రహ్మాస్త్రమంత్ర కవచస్య భైరవ ఋషిః విరాట్ ఛందః శ్రీబగళాముఖీ దేవతా క్లీం బీజం ఐం శక్తిః శ్రీం కీలకం మమ పరస్య చ మనోభిలషితేష్టకార్యసిద్ధయే వినియోగః |
ఋష్యాదిన్యాసః –
భైరవ ఋషయే నమః శిరసి |
విరాట్ ఛందసే నమః ముఖే |
శ్రీబగళాముఖీ దేవతాయై నమః హృది |
క్లీం బీజాయ నమః గుహ్యే |
ఐం శక్తయే నమః పాదయోః |
శ్రీం కీలకాయ నమః సర్వాంగే |
కరన్యాసః –
ఓం హ్రాం అంగుష్ఠాభ్యాం నమః |
ఓం హ్రీం తర్జనీభ్యాం నమః |
ఓం హ్రూం మధ్యమాభ్యాం నమః |
ఓం హ్రైం అనామికాభ్యాం నమః |
ఓం హ్రౌం కనిష్ఠికాభ్యాం నమః |
ఓం హ్రః కరతలకరపృష్ఠాభ్యాం నమః |
అంగన్యాసః –
ఓం హ్రాం హృదయాయ నమః |
ఓం హ్రీం శిరసే స్వాహా |
ఓం హ్రూం శిఖాయై వషట్ |
ఓం హ్రైం కవచాయ హుమ్ |
ఓం హ్రౌం నేత్రత్రయాయ వౌషట్ |
ఓం హ్రః అస్త్రాయ ఫట్ |
మంత్రోద్ధారః –
ఓం హ్రీం ఐం శ్రీం క్లీం శ్రీబగళాననే మమ రిపూన్ నాశయ నాశయ మమైశ్వర్యాణి దేహి దేహి శీఘ్రం మనోవాంఛితకార్యం సాధయ సాధయ హ్రీం స్వాహా |
కవచమ్ –
శిరో మే పాతు ఓం హ్రీం ఐం శ్రీం క్లీం పాతు లలాటకమ్ |
సంబోధనపదం పాతు నేత్రే శ్రీబగళాననే || ౧ ||
శ్రుతౌ మమ రిపూన్ పాతు నాసికాం నాశయద్వయమ్ |
పాతు గండౌ సదా మామైశ్వర్యాణ్యంతం తు మస్తకమ్ || ౨ ||
దేహి ద్వంద్వం సదా జిహ్వాం పాతు శీఘ్రం వచో మమ |
కంఠదేశం మనః పాతు వాంఛితం బాహుమూలకమ్ || ౩ ||
కార్యం సాధయద్వంద్వం తు కరౌ పాతు సదా మమ |
మాయాయుక్తా తథా స్వాహా హృదయం పాతు సర్వదా || ౪ ||
అష్టాధికచత్వారింశద్దండాఢ్యా బగళాముఖీ |
రక్షాం కరోతు సర్వత్ర గృహేఽరణ్యే సదా మమ || ౫ ||
బ్రహ్మాస్త్రాఖ్యో మనుః పాతు సర్వాంగే సర్వసంధిషు |
మంత్రరాజః సదా రక్షాం కరోతు మమ సర్వదా || ౬ ||
ఓం హ్రీం పాతు నాభిదేశం కటిం మే బగళాఽవతు | [హ్లీం]
ముఖివర్ణద్వయం పాతు లింగం మే ముష్కయుగ్మకమ్ || ౭ ||
జానునీ సర్వదుష్టానాం పాతు మే వర్ణపంచకమ్ |
వాచం ముఖం తథా పదం షడ్వర్ణాః పరమేశ్వరీ || ౮ ||
జంఘాయుగ్మే సదా పాతు బగళా రిపుమోహినీ |
స్తంభయేతి పదం పృష్ఠం పాతు వర్ణత్రయం మమ || ౯ ||
జిహ్వాం వర్ణద్వయం పాతు గుల్ఫౌ మే కీలయేతి చ |
పాదోర్ధ్వం సర్వదా పాతు బుద్ధిం పాదతలే మమ || ౧౦ ||
వినాశయపదం పాతు పాదాంగుల్యోర్నఖాని మే |
హ్రీం బీజం సర్వదా పాతు బుద్ధీంద్రియవచాంసి మే || ౧౧ ||
సర్వాంగం ప్రణవః పాతు స్వాహా రోమాణి మేఽవతు |
బ్రాహ్మీ పూర్వదలే పాతు చాగ్నేయాం విష్ణువల్లభా || ౧౨ ||
మాహేశీ దక్షిణే పాతు చాముండా రాక్షసేఽవతు |
కౌమారీ పశ్చిమే పాతు వాయవ్యే చాపరాజితా || ౧౩ ||
వారాహీ చోత్తరే పాతు నారసింహీ శివేఽవతు |
ఊర్ధ్వం పాతు మహాలక్ష్మీః పాతాలే శారదాఽవతు || ౧౪ ||
ఇత్యష్టౌ శక్తయః పాంతు సాయుధాశ్చ సవాహనాః |
రాజద్వారే మహాదుర్గే పాతు మాం గణనాయకః || ౧౫ ||
శ్మశానే జలమధ్యే చ భైరవశ్చ సదాఽవతు |
ద్విభుజా రక్తవసనాః సర్వాభరణభూషితాః || ౧౬ ||
యోగిన్యః సర్వదా పాంతు మహారణ్యే సదా మమ |
ఇతి తే కథితం దేవి కవచం పరమాద్భుతమ్ || ౧౭ ||
శ్రీవిశ్వవిజయం నామ కీర్తిశ్రీవిజయప్రదమ్ |
అపుత్రో లభతే పుత్రం ధీరం శూరం శతాయుషమ్ || ౧౮ ||
నిర్ధనో ధనమాప్నోతి కవచస్యాస్య పాఠతః |
జపిత్వా మంత్రరాజం తు ధ్యాత్వా శ్రీబగళాముఖీమ్ || ౧౯ ||
పఠేదిదం హి కవచం నిశాయాం నియమాత్ తు యః |
యద్యత్కామయతే కామం సాధ్యాసాధ్యే మహీతలే || ౨౦ ||
తత్తత్కామమవాప్నోతి సప్తరాత్రేణ శంకరీ |
గురుం ధ్యాత్వా సురాం పీత్వా రాత్రౌ శక్తిసమన్వితః || ౨౧ ||
కవచం యః పఠేద్దేవి తస్యాఽసాధ్యం న కించన |
యం ధ్యాత్వా ప్రజపేన్మంత్రం సహస్రం కవచం పఠేత్ || ౨౨ ||
త్రిరాత్రేణ వశం యాతి మృత్యుం తం నాత్ర సంశయః |
లిఖిత్వా ప్రతిమాం శత్రోః సతాలేన హరిద్రయా || ౨౩ ||
లిఖిత్వా హ్యది తం నామ తం ధ్యాత్వా ప్రజపేన్మనుమ్ |
ఏకవింశద్దినం యావత్ ప్రత్యహం చ సహస్రకమ్ || ౨౪ ||
జప్త్వా పఠేత్ తు కవచం చతుర్వింశతివారకమ్ |
సంస్తంభం జాయతే శత్రోర్నాత్ర కార్యా విచారణా || ౨౫ ||
వివాదే విజయం తస్య సంగ్రామే జయమాప్నుయాత్ |
శ్మశానే చ భయం నాస్తి కవచస్య ప్రభావతః || ౨౬ ||
నవనీతం చాభిమంత్ర్య స్త్రీణాం దద్యాన్మహేశ్వరి |
వంధ్యాయాం జాయతే పుత్రో విద్యాబలసమన్వితః || ౨౭ ||
శ్మశానాంగారమాదాయ భౌమే రాత్రౌ శనావథ |
పాదోదకేన స్పృష్ట్వా చ లిఖేల్లోహశలాకయా || ౨౮ ||
భూమౌ శత్రోః స్వరూపం చ హృది నామ సమాలిఖేత్ |
హస్తం తద్ధృదయే దత్వా కవచం తిథివారకమ్ || ౨౯ ||
ధ్యాత్వా జపేన్మంత్రరాజం నవరాత్రం ప్రయత్నతః |
మ్రియతే జ్వరదాహేన దశమేఽహ్ని న సంశయః || ౩౦ ||
భూర్జపత్రేష్విదం స్తోత్రమష్టగంధేన సంలిఖేత్ |
ధారయేద్దక్షిణే బాహౌ నారీ వామభుజే తథా || ౩౧ ||
సంగ్రామే జయమాప్నోతి నారీ పుత్రవతీ భవేత్ |
బ్రహ్మాస్త్రాదీని శస్త్రాణి నైవ కృంతతి తం జనమ్ || ౩౨ ||
సంపూజ్య కవచం నిత్యం పూజాయాః ఫలమాలభేత్ |
బృహస్పతిసమో వాపి విభవే ధనదోపమః || ౩౩ ||
కామతుల్యశ్చ నారీణాం శత్రూణాం చ యమోపమః |
కవితాలహరీ తస్య భవేద్గంగాప్రవాహవత్ || ౩౪ ||
గద్యపద్యమయీ వాణీ భవేద్దేవీప్రసాదతః |
ఏకాదశశతం యావత్ పురశ్చరణముచ్యతే || ౩౫ ||
పురశ్చర్యావిహీనం తు న చేదం ఫలదాయకమ్ |
న దేయం పరశిష్యేభ్యో దుష్టేభ్యశ్చ విశేషతః || ౩౬ ||
దేయం శిష్యాయ భక్తాయ పంచత్వం చాన్యథాప్నుయాత్ |
ఇదం కవచమజ్ఞాత్వా భజేద్యో బగళాముఖీమ్ |
శతకోటిం జపిత్వా తు తస్య సిద్ధిర్న జాయతే || ౩౭ ||
దారాఢ్యో మనుజోఽస్య లక్షజపతః ప్రాప్నోతి సిద్ధిం పరాం
విద్యాం శ్రీవిజయం తథా సునియతం ధీరం చ వీరం వరమ్ |
బ్రహ్మాస్త్రాఖ్యమనుం విలిఖ్య నితరాం భూర్జేఽష్టగంధేన వై
ధృత్వా రాజపురం వ్రజంతి ఖలు యే దాసోఽస్తి తేషాం నృపః || ౩౮ ||
ఇతి విశ్వసారోద్ధారతంత్రే పార్వతీశ్వరసంవాదే విశ్వవిజయం నామ శ్రీ బగళాముఖీ కవచమ్ ||