శృణు దేవి ప్రవక్ష్యామి స్వరహస్యం చ కామదమ్ |
శ్రుత్వా గోప్యం గుప్తతమం కురు గుప్తం సురేశ్వరి || ౧ ||
కవచం బగళాముఖ్యాః సకలేష్టప్రదం కలౌ |
తత్సర్వస్వం పరం గుహ్యం గుప్తం చ శరజన్మనా || ౨ ||
త్రైలోక్యవిజయం నామ కవచేశం మనోరమమ్ |
మంత్రగర్భం బ్రహ్మమయం సర్వవిద్యావినాయకమ్ || ౩ ||
రహస్యం పరమం జ్ఞేయం సాక్షాదమృతరూపకమ్ |
బ్రహ్మవిద్యామయం వర్మ దుర్లభం ప్రాణినాం కలౌ || ౪ ||
పూర్ణమేకోనపంచాశద్వర్ణైరుక్తం మహేశ్వరి |
త్వద్భక్త్యా వచ్మి దేవేశి గోపనీయం స్వయోనివత్ || ౫ ||
శ్రీదేవ్యువాచ |
భగవన్ కరుణాసార విశ్వనాథ సురేశ్వర |
కర్మణా మనసా వాచా న వదామి కదాచన || ౧ ||
శ్రీభైరవ ఉవాచ |
త్రైలోక్యవిజయాఖ్యస్య కవచాస్యాస్య పార్వతి |
మనుగర్భస్య గుప్తస్య ఋషిర్దేవోఽస్య భైరవః || ౧ ||
ఉష్ణిక్ఛందః సమాఖ్యాతం దేవీ శ్రీబగళాముఖీ |
బీజం హ్లీం ఓం శక్తిః స్యాత్ స్వాహా కీలకముచ్యతే || ౨ ||
వినియోగః సమాఖ్యాతః త్రివర్గఫలప్రాప్తయే |
దేవి త్వం పఠ వర్మైతన్మంత్రగర్భం సురేశ్వరి || ౩ ||
వినా ధ్యానం కుతః సిద్ధిః సత్యమేతచ్చ పార్వతి |
చంద్రోద్భాసితమూర్ధజాం రిపురసాం ముండాక్షమాలాకరామ్ || ౪ ||
బాలాంసత్స్రకచంచలాం మధుమదాం రక్తాం జటాజూటినీమ్ |
శత్రుస్తంభనకారిణీం శశిముఖీం పీతాంబరోద్భాసినీమ్ || ౫ ||
ప్రేతస్థాం బగళాముఖీం భగవతీం కారుణ్యరూపాం భజే |
ఓం హ్లీం మమ శిరః పాతు దేవీ శ్రీబగళాముఖీ || ౬ ||
ఓం ఐం క్లీం పాతు మే ఫాలం దేవీ స్తంభనకారిణీ |
ఓం అం ఇం హం భ్రువోర్దేశం పాతు మే క్లేశహారిణీ || ౭ ||
ఓం హం పాతు మే నేత్రే నారసింహీ శుభంకరీ |
ఓం హ్లీం శ్రీం పాతు మే గండౌ అం ఆం ఇం భువనేశ్వరీ || ౮ ||
ఓం ఐం క్లీం సౌః శ్రుతౌ పాతు ఈం ఉం ఊం చ పరేశ్వరీ |
ఓం హ్లీం హ్లూం హ్లీం సదావ్యాన్మే నాసాం ఋం ౠం సరస్వతీ || ౯ ||
ఓం హ్రాం హ్రీం మే ముఖం పాతు లుం ఏం ఐం ఛిన్నమస్తికా |
ఓం శ్రీం వం మేఽధరౌ పాతు ఓం ఔం దక్షిణకాళికా || ౧౦ ||
ఓం క్లీం శ్రీం శిరసః పాతు అం అః కం ఖం చ సారికా |
ఓం హ్రీం హ్రూం భైరవీ పాతు గం ఘం ఙం త్రిపురేశ్వరీ || ౧౧ ||
ఓం ఐం సౌః మే హనుం పాతు చం ఛం జం చ మనోన్మనీ |
ఓం శ్రీం శ్రీం మే గళం పాతు ఝం ఞం టం ఠం గణేశ్వరీ || ౧౨ ||
ఓం స్కంధౌ మేఽవ్యాద్ డం ఢం ణం హూం హూం చైవ తు తోతలా |
ఓం హ్రీం శ్రీం మే భుజౌ పాతు తం థం దం వరవర్ణినీ || ౧౩ ||
ఓం ఐం క్లీం సౌః స్తనౌ పాతు ధం నం పం పరమేశ్వరీ |
క్రోం క్రోం మే రక్షయేద్ వక్షః ఫం బం భం భగవాసినీ || ౧౪ ||
ఓం హ్రీం రాం పాతు కక్షి మే మం యం రం వహ్నివల్లభా |
ఓం శ్రీం హ్రూం పాతు మే పార్శ్వౌ లం బం లంబోదర ప్రసూః || ౧౫ ||
ఓం శ్రీం హ్రీం పాతు మే నాభిం శం షం షణ్ముఖపాలినీ |
ఓం ఐం సౌః పాతు మే పృష్ఠం సం హం హాటకరూపిణీ || ౧౬ ||
ఓం క్లీం ఐం కటి పాతు పంచాశద్వర్ణమాలికా |
ఓం ఐం క్లీం పాతు మే గుహ్యం అం ఆం కం గుహ్యకేశ్వరీ || ౧౭ ||
ఓం శ్రీం ఊం ఋం సదావ్యాన్మే ఇం ఈం ఖం ఖాం స్వరూపిణీ |
ఓం జూం సః పాతు మే జంఘే రుం రూం ధం అఘహారిణీ || ౧౮ ||
ఓం శ్రీం హ్రీం పాతు మే జానూ ఉం ఊం ణం గణవల్లభా |
ఓం శ్రీం సః పాతు మే గుల్ఫౌ లిం లీం ఊం చం చ చండికా || ౧౯ ||
ఓం ఐం హ్రీం పాతు మే వాణీ ఏం ఐం ఛం జం జగత్ప్రియా |
ఓం శ్రీం క్లీం పాతు పాదౌ మే ఝం ఞం టం ఠం భగోదరీ || ౨౦ ||
ఓం హ్రీం సర్వం వపుః పాతు అం అః త్రిపురమాలినీ |
ఓం హ్రీం పూర్వే సదాఽవ్యాన్మే ఝం ఝాం డం ఢం శిఖాముఖీ || ౨౧ ||
ఓం సౌః యామ్యం సదావ్యాన్మే ఇం ఈం ణం తం చ తారిణీ |
ఓం వారుణ్యాం చ వారాహీ ఉం థం దం ధం చ కంపిలా || ౨౨ ||
ఓం శ్రీం మాం పాతు చైశాన్యాం పాతు ఓం నం జనేశ్వరీ |
ఓం శ్రీం మాం పాతు చాగ్నేయాం ఋం భం మం ధం చ యోగినీ || ౨౩ ||
ఓం ఐం మాం పాతు నైరృత్యాం లుం లం రాజేశ్వరీ తథా |
ఓం శ్రీం మాం పాతు వాయవ్యాం లూం లం చ వీతకేశినీ || ౨౪ ||
ఓం ప్రభాతే చ మాం పాతు లీం లం వాగీశ్వరీ సదా |
ఓం మధ్యాహ్నే చ మాం పాతు ఐం క్షం శంకరవల్లభా || ౨౫ ||
ఓం శ్రీం హ్రీం క్లీం పాతు సాయం ఐం ఆం శాకంబరీ సదా |
ఓం హ్రీం నిశాదౌ మాం పాతు ఓం సం సాగరవాసినీ || ౨౬ ||
క్లీం నిశీథే చ మాం పాతు ఓం హం హరిహరేశ్వరీ |
ఓం క్లీం బ్రాహ్మే ముహూర్తేఽవ్యాద్ లం లాం త్రిపురసుందరీ || ౨౭ ||
విసర్గా తు యత్ స్థానం వర్జితం కవచేన తు |
క్లీం తన్మే సకలం పాతు అం క్షం హ్రీం బగళాముఖీ || ౨౮ ||
ఫలశ్రుతిః –
ఇతీదం కవచం దివ్యం మంత్రాక్షరమయం పరమ్ |
త్రైలోక్యవిజయం నామ సర్వవర్ణమయం స్మృతమ్ || ౨౯ ||
అప్రకాశ్యం సదా దేవి శ్రోతవ్యం వా చ వాచికమ్ |
దుర్జనాయాకులీనాయ దీక్షాహీనాయ పార్వతి || ౩౦ ||
న దాతవ్యం న దాతవ్యమిత్యాజ్ఞా పరమేశ్వరీ |
దీక్షాకార్యవిహీనాయ శక్తిభక్తివిరోధినే || ౩౧ ||
కవచస్యాస్య పఠనాత్ సాధకో దీక్షితో భవేత్ |
కవచేశమిదం గోప్యం సిద్ధవిద్యామయం పరమ్ || ౩౨ ||
బ్రహ్మవిద్యామయం గోప్యం యథేష్టఫలదం శివే |
న కస్య కథితం చైతద్ త్రైలోక్యవిజయేశ్వరమ్ || ౩౩ ||
అస్య స్మరణమాత్రేణ దేవీ సద్యో వశీ భవేత్ |
పఠనాద్ధారణాదస్య కవచేశస్య సాధకః || ౩౪ ||
కలౌ విచరతే వీరో యథా శ్రీబగళాముఖీ |
ఇదం వర్మ స్మరేన్మంత్రీ సంగ్రామే ప్రవిశేద్యదా || ౩౫ ||
యుయుత్సుః పఠన్ కవచం సాధకో విజయీ భవేత్ |
శత్రుం కాలసమానం తు జిత్వా స్వగృహమేతి సః || ౩౬ ||
మూర్ధ్ని ధృత్వా యః కవచం మంత్రగర్భం సుసాధకః |
బ్రహ్మాద్యమరాన్ సర్వాన్ సహసా వశమానయేత్ || ౩౭ ||
ధృత్వా గళే తు కవచం సాధకస్య మహేశ్వరి |
వశమాయాంతి సహసా రంభాద్యప్సరసాం గణాః || ౩౮ ||
ఉత్పాతేషు చ ఘోరేషు భయేషు వివిధేషు చ |
రోగేషు చ కవచేశం మంత్రగర్భం పఠేన్నరః || ౩౯ ||
కర్మణా మనసా వాచా తద్భయం శాంతిమేష్యతి |
శ్రీదేవ్యా బగళాముఖ్యాః కవచేశం మయోదితమ్ || ౪౦ ||
త్రైలోక్యవిజయం నామ పుత్రపౌత్రధనప్రదమ్ |
ఋణం చ హరతే సమ్యక్ లక్ష్మీర్భోగవివర్ధినీ || ౪౧ ||
వంధ్యా జనయతే కుక్షౌ పుత్రరత్నం న చాన్యథా |
మృతవత్సా చ విభూయాత్ కవచం చ గళే సదా || ౪౨ ||
దీర్ఘాయుర్వ్యాధిహీనశ్చ తత్పుత్రో వర్ధతేఽనిశమ్ |
ఇతీదం బగళాముఖ్యాః కవచేశం సుదుర్లభమ్ || ౪౩ ||
త్రైలోక్యవిజయం నామ న దేయం యస్యకస్యచిత్ |
అకులీనాయ మూఢాయ భక్తిహీనాయ దంభినే || ౪౪ ||
లోభయుక్తాయ దేవేశి న దాతవ్యం కదాచన |
లోభదంభవిహీనాయ కవచేశం ప్రదీయతామ్ || ౪౫ ||
అభక్తేభ్యో అపుత్రేభ్యో దత్త్వా కుష్ఠీ భవేన్నరః |
రవౌ రాత్రౌ చ సుస్నాతః పూజాగృహగతః సుధీః || ౪౬ ||
దీపముజ్జ్వాల్య మూలేన పఠేద్ధర్మేదముత్తమమ్ |
ప్రాప్తౌ సత్యాం త్రిరాత్రౌ హి రాజా తద్గృహమేష్యతి |
మండలేశో మహేశాని దేవి సత్యం న సంశయః || ౪౭ ||
ఇదం తు కవచేశం తు మయా ప్రోక్తం నగాత్మజే |
గోప్యం గుహ్యతరం దేవి గోపనీయం స్వయోనివత్ || ౪౮ ||
ఇతి శ్రీవిశ్వయామలే త్రైలోక్యవిజయం నామ శ్రీ బగళాముఖీ కవచమ్ ||