నమస్తే శంభవే తుభ్యం నమస్తే శశిశేఖర |
త్వత్ప్రసాదాచ్ఛ్రుతం సర్వమధునా కవచం వద || ౧ ||
శ్రీశివ ఉవాచ |
శృణు దేవి ప్రవక్ష్యామి కవచం పరమాద్భుతమ్ |
యస్య స్మరణమాత్రేణ రిపోః స్తంభో భవేత్ క్షణాత్ || ౨ ||
కవచస్య చ దేవేశి మహామాయాప్రభావతః |
పంక్తిశ్ఛందః సముద్దిష్టం దేవతా బగళాముఖీ || ౩ ||
ధర్మార్థకామమోక్షేషు వినియోగః ప్రకీర్తితః |
ఓంకారో మే శిరః పాతు హ్లీంకారో వదనేఽవతు || ౪ ||
బగళాముఖి దోర్యుగ్మం కంఠే సర్వ సర్వదాఽవతు |
దుష్టానాం పాతు హృదయం వాచం ముఖం తతః పదమ్ || ౫ ||
ఉదరే సర్వదా పాతు స్తంభయేతి సదా మమ |
జిహ్వాం కీలయ మే మాతర్బగళా సర్వదాఽవతు || ౬ ||
బుద్ధిం వినాశయ పాదౌ తు హ్లీం ఓం మే దిగ్విదిక్షు చ |
స్వాహా మే సర్వదా పాతు సర్వత్ర సర్వసంధిషు || ౭ ||
ఇతి తే కథితం దేవి కవచం పరమాద్భుతమ్ |
యస్య స్మరణమాత్రేణ సర్వస్తంభో భవేత్ క్షణాత్ || ౮ ||
యద్ధృత్వా వివిధా దైత్యా వాసవేన హతాః పురా |
యస్య ప్రసాదాత్ సిద్ధోఽహం హరిః సత్త్వగుణాన్వితః || ౯ ||
వేధా సృష్టిం వితనుతే కామః సర్వజగజ్జయీ |
లిఖిత్వా ధారయేద్యస్తు కంఠే వా దక్షిణే భుజే || ౧౦ ||
షట్కర్మసిద్ధిస్తస్యాశు మమ తుల్యో భవేద్ధ్రువమ్ |
అజ్ఞాత్వా కవచం దేవి తస్య మంత్రో న సిధ్యతి || ౧౧ ||
ఇతి శత్రువినాశక శ్రీ బగళాముఖీ కవచమ్ ||