సహస్రాదిత్యసంకాశం శివం సాంబం సనాతనమ్ |
ప్రణమ్య నారదః ప్రాహ వినమ్రో నతకంధరః || ౧ ||
శ్రీనారద ఉవాచ |
భగవన్ సాంబ తత్త్వజ్ఞ సర్వదుఃఖాపహారక |
శ్రీమత్పీతాంబరాదేవ్యాః పంజరం పుణ్యదం సతామ్ || ౨ ||
ప్రకాశయ విభో నాథ కృపాం కృత్వా మమోపరి |
యద్యహం తవ పాదాబ్జధూళిధూసరితోఽభవత్ || ౩ ||
వినియోగః –
అస్య శ్రీమద్బగళాముఖీ పీతాంబరా పంజరరూపస్తోత్రమంత్రస్య భగవాన్ నారద ఋషిః అనుష్టుప్ ఛందః జగద్వశ్యకరీ శ్రీపీతాంబరాబగళాముఖీ దేవతా హ్లీం బీజం స్వాహా శక్తిః క్లీం కీలకం మమ పరసైన్య మంత్ర తంత్ర యంత్రాది కృత్యక్షయార్థం శ్రీమత్పీతాంబరాబగళాముఖీ దేవతా ప్రీత్యర్థే జపే వినియోగః ||
ఋష్యాది న్యాసః –
భగవాన్ నారద ఋషయే నమః శిరసి |
అనుష్టుప్ ఛందసే నమః ముఖే |
జగద్వశ్యకరీ శ్రీపీతాంబరా బగళాముఖీ దేవతాయై నమః హృదయే |
హ్లీం బీజాయ నమః దక్షిణస్తనే |
స్వాహా శక్తయే నమో వామస్తనే |
క్లీం కీలకాయ నమో నాభౌ |
మమ పరసైన్య మంత్ర తంత్ర యంత్రాది కృత్యక్షయార్థం శ్రీమత్పీతాంబరాబగళాముఖీ దేవతా ప్రీత్యర్థే జపే వినియోగః నమః సర్వాంగే |
కరన్యాసః –
హ్లాం అంగుష్ఠాభ్యాం నమః |
హ్లీం తర్జనీభ్యాం నమః |
హ్లూం మధ్యమాభ్యాం నమః |
హ్లైం అనామికాభ్యాం నమః |
హ్లౌం కనిష్ఠికాభ్యాం నమః |
హ్లః కరతలకరపృష్ఠాభ్యాం నమః |
అంగన్యాసః –
హ్లాం హృదయాయ నమః |
హ్లీం శిరసే స్వాహా |
హ్లూం శిఖాయై వషట్ |
హ్లైం కవచాయ హుమ్ |
హ్లౌం నేత్రత్రయాయ వౌషట్ |
హ్లః అస్త్రాయ ఫట్ |
మూలమంత్రేణ కరన్యాసః –
ఓం హ్లీం అంగుష్ఠాభ్యాం నమః |
ఓం బగళాముఖి తర్జనీభ్యాం నమః |
ఓం సర్వదుష్టానాం మధ్యమాభ్యాం నమః |
ఓం వాచం ముఖం పదం స్తంభయ అనామికాభ్యాం నమః |
ఓం జిహ్వాం కీలయ కనిష్ఠికాభ్యాం నమః |
ఓం బుద్ధిం వినాశయ హ్లీం ఓం స్వాహా కరతలకరపృష్ఠాభ్యాం నమః ||
మూలమంత్రేణ అంగన్యాసః –
ఓం హ్లీం హృదయాయ నమః |
ఓం బగళాముఖి శిరసే స్వాహా |
ఓం సర్వదుష్టానాం శిఖాయై వషట్ |
ఓం వాచం ముఖం పదం స్తంభయ కవచాయ హుమ్ |
ఓం జిహ్వాం కీలయ నేత్రత్రయాయ వౌషట్ |
ఓం బుద్ధిం వినాశయ హ్లీం ఓం స్వాహా అస్త్రాయ ఫట్ ||
ధ్యానమ్ –
మధ్యే సుధాబ్ధిమణిమండపరత్నవేద్యాం
సింహాసనోపరిగతాం పరిపీతవర్ణామ్ |
పీతాంబరాభరణమాల్యవిభూషితాంగీం
దేవీం స్మరామి ధృతముద్గరవైరిజిహ్వామ్ ||
మానసోపచారపూజా –
శ్రీపీతాంబరాయై నమః లం పృథివ్యాత్మకం గంధం పరికల్పయామి |
శ్రీపీతాంబరాయై నమః హం ఆకాశాత్మకం పుష్పం పరికల్పయామి |
శ్రీపీతాంబరాయై నమః యం వాయ్వాత్మకం ధూపం పరికల్పయామి |
శ్రీపీతాంబరాయై నమః రం వహ్న్యాత్మకం దీపం పరికల్పయామి |
శ్రీపీతాంబరాయై నమః వం అమృతాత్మకం నైవేద్యం పరికల్పయామి ||
ఇతి సంపూజ్య యోనిముద్రాం ఏవం ముద్గరముద్రాం ప్రదర్శ్య పంజరం న్యసేత్ ||
పంజర స్తోత్రమ్-
శ్రీశివ ఉవాచ |
పంజరం తత్ ప్రవక్ష్యామి దేవ్యాః పాపప్రణాశనమ్ |
యం ప్రవిశ్య చ బాధంతే బాణైరపి నరాః క్వచిత్ || ౧ ||
ఓం ఐం హ్లీం శ్రీం శ్రీమత్ పీతాంబరాదేవీ బగళా బుద్ధివర్ధినీ |
పాతు మామనిశం సాక్షాత్ సహస్రార్కసమద్యుతిః || ౨ ||
ఓం ఐం హ్లీం శ్రీం శిఖాదిపాదపర్యంతం వజ్రపంజరధారిణీ |
బ్రహ్మాస్త్రసంజ్ఞా యా దేవీ పీతాంబరవిభూషితా || ౩ ||
ఓం ఐం హ్లీం శ్రీం బగళా మామవత్యత్ర మూర్ధభాగం మహేశ్వరీ |
కామాంకుశకళా పాతు బగళా శాస్త్రబోధినీ || ౪ ||
ఓం ఐం హ్లీం శ్రీం పీతాంబరా సహస్రాక్షా లలాటం కామితార్థదా |
పాతు మాం బగళా నిత్యం పీతాంబరసుధారిణీ || ౫ ||
ఓం ఐం హ్లీం శ్రీం కర్ణయోశ్చైవ యుగపద్ అతిరత్నప్రపూజితా |
పాతు మాం బగళాదేవీ నాసికాం మే గుణాకరా || ౬ ||
ఓం ఐం హ్లీం శ్రీం పీతపుష్పైః పీతవస్త్రైః పూజితా వేదదాయినీ |
పాతు మాం బగళా నిత్యం బ్రహ్మవిష్ణ్వాదిసేవితా || ౭ ||
ఓం ఐం హ్లీం శ్రీం పీతాంబరా ప్రసన్నాస్యా నేత్రయోర్యుగపద్ భ్రువౌ |
పాతు మాం బగళా నిత్యం బలదా పీతవస్త్రధృక్ || ౮ ||
ఓం ఐం హ్లీం శ్రీం అధరోష్ఠౌ తథా దంతాన్ జిహ్వాం చ ముఖగాం మమ |
పాతు మాం బగళాదేవీ పీతాంబరసుధారిణీ || ౯ ||
ఓం ఐం హ్లీం శ్రీం గలే హస్తే తథా బాహ్వోః యుగపద్ బుద్ధిదా సతామ్ |
పాతు మాం బగళాదేవీ దివ్యస్రగనులేపనా || ౧౦ ||
ఓం ఐం హ్లీం శ్రీం హృదయే చ స్తనౌ నాభౌ కరావపి కృశోదరీ |
పాతు మాం బగళా నిత్యం పీతవస్త్రఘనావృతా || ౧౧ ||
జంఘాయాం చ తథా చోర్వోర్గుల్ఫయోశ్చాతివేగినీ |
అనుక్తమపి యత్ స్థానం త్వక్ కేశ నఖ లోమకమ్ || ౧౨ ||
అసృఙ్ మాంసం తథాఽస్థీని సంధయశ్చాపి మే పరా |
తాః సర్వా బగళాదేవీ రక్షేన్మే చ మనోహరా || ౧౩ ||
ఫలశ్రుతిః –
ఇత్యేతద్వరదం గోప్యం కలావపి విశేషతః |
పంజరం బగలాదేవ్యాః ఘోరదారిద్ర్యనాశనమ్ |
పంజరం యః పఠేద్భక్త్యా స విఘ్నైర్నాభిభూతయే || ౧౪ ||
అవ్యాహతగతిశ్చాస్య బ్రహ్మవిష్ణ్వాదిసత్పురే |
స్వర్గే మర్త్యే చ పాతాలే నాఽరయస్తం కదాచన || ౧౫ ||
న బాధంతే నరవ్యాఘ్రం పంజరస్థం కదాచన |
అతో భక్తైః కౌలికైశ్చ స్వరక్షార్థం సదైవ హి || ౧౬ ||
పఠనీయం ప్రయత్నేన సర్వాఽనర్థవినాశనమ్ |
మహాదారిద్ర్యశమనం సర్వమాంగళ్యవర్ధనమ్ || ౧౭ ||
విద్యావినయసత్సౌఖ్యం మహాసిద్ధికరం పరమ్ |
ఇదం బ్రహ్మాస్త్రవిద్యాయాః పంజరం సాధు గోపితమ్ || ౧౮ ||
పఠేత్ స్మరేద్ధ్యానసంస్థః స జయేన్మరణం నరః |
యః పంజరం ప్రవిశ్యైవ మంత్రం జపతి వై భువి || ౧౯ ||
కౌలికోఽకౌలికో వాఽపి వ్యాసవద్విచరేద్భువి |
చంద్రసూర్యసమో భూత్వా వసేత్కల్పాయుతం దివి || ౨౦ ||
శ్రీసూత ఉవాచ |
ఇతి కథితమశేషం శ్రేయసామాదిబీజం
భవశతదురితఘ్నం ధ్వస్తమోహాంధకారమ్ |
స్మరణమతిశయేన ప్రాప్తిరేవాత్ర మర్త్యః
యది విశతి సదా వై పంజరం పండితః స్యాత్ || ౨౧ ||
ఇతి శ్రీ పీతాంబరా పంజర స్తోత్రమ్ ||