ದೇವೇಶಿ ಭಕ್ತ ಸುಲಭೇ ದೇವನಾಯಕವಂದಿತೇ |
ಭಕ್ತಾನಾಂ ಕಾರ್ಯಸಿದ್ಧ್ಯರ್ಥಂ ನಿದಾನ ಬ್ರೂಹಿ ತತ್ತ್ವತಃ || ೧ ||
ವಿನೈವ ನ್ಯಾಸಜಾಲೇನ ಪೂಜನೇನ ವಿನಾ ಭವೇತ್ |
ವಿನಾ ಕಾಯಾದಿಕ್ಲೇಶೇನ ವಿತ್ತವ್ಯಯಂ ವಿನೇಶ್ವರಿ || ೨ ||
ಅಸ್ಯ ಶ್ರೀಬಟುಕಭೈರವ ಸಹಸ್ರನಾಮ ಸ್ತೋತ್ರಮಂತ್ರಸ್ಯ ಬ್ರಹ್ಮಾನಂದಭೈರವ ಋಷಿಃ ತ್ರಿಷ್ಟುಪ್ ಛಂದಃ ಬಟುಕಭೈರವೋ ದೇವತಾ ಬಂ ಬೀಜಂ ಹ್ರೀಂ ಶಕ್ತಿಃ ಸರ್ವಾಭೀಷ್ಟಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ನ್ಯಾಸಃ –
ಕರನ್ಯಾಸಃ –
ಓಂ ಹ್ರಾಂ ಬಾಂ ಅಂಗುಷ್ಠಾಭ್ಯಾಂ ನಮಃ |
ಓಂ ಹ್ರೀಂ ಬೀಂ ತರ್ಜನೀಭ್ಯಾಂ ನಮಃ |
ಓಂ ಹ್ರೂಂ ಬೂಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ರೈಂ ಬೈಂ ಅನಾಮಿಕಾಭ್ಯಾಂ ನಮಃ |
ಓಂ ಹ್ರೌಂ ಬೌಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಹ್ರಃ ಬಃ ಕರತಲಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಓಂ ಹ್ರಾಂ ಬಾಂ ಹೃದಯಾಯ ನಮಃ |
ಓಂ ಹ್ರೀಂ ಬೀಂ ಶಿರಸೇ ಸ್ವಾಹಾ |
ಓಂ ಹ್ರೂಂ ಬೂಂ ಶಿಖಾಯೈ ವಷಟ್ |
ಓಂ ಹ್ರೈಂ ಬೈಂ ಕವಚಾಯ ಹುಮ್ |
ಓಂ ಹ್ರೌಂ ಬೌಂ ನೇತ್ರತ್ರಯಾಯ ವೌಷಟ್ |
ಓಂ ಹ್ರಃ ಬಃ ಅಸ್ತ್ರಾಯ ಫಟ್ |
ಅಥ ಧ್ಯಾನಂ –
ಉದ್ಯದ್ಭಾಸ್ಕರಸನ್ನಿಭಂ ತ್ರಿನಯನಂ ರಕ್ತಾಂಗರಾಗಸ್ರಜಂ
ಸ್ಮೇರಾಸ್ಯಂ ವರದಂ ಕಪಾಲಮಭಯಂ ಶೂಲಂ ದಧಾನಂ ಕರೈಃ |
ನೀಲಗ್ರೀವಮುದಾರಕೌಸ್ತುಭಧರಂ ಶೀತಾಂಶುಚೂಡೋಜ್ಜ್ವಲಂ
ಬಂಧೂಕಾರುಣವಾಸಸಂ ಭಯಹರಂ ದೇವಂ ಸದಾ ಭಾವಯೇತ್ || ೩ ||
ಅಥ ಸ್ತೋತ್ರಂ –
|| ಓಂ ಹ್ರೀಂ ||
ಬಟುಕಃ ಕಾಮದೋ ನಾಥೋಽನಾಥಪ್ರಿಯಪ್ರಭಾಕರಃ |
ಭೈರವೋ ಭೀತಿಹಾ ದರ್ಪಃ ಕಂದರ್ಪೋ ಮೀನಕೇತನಃ || ೪ ||
ರುದ್ರೋ ಬಟುಕಭೂತೀಶೋ ಭೂತನಾಥಃ ಪ್ರಜಾಪತಿಃ |
ದಯಾಲುಃ ಕ್ರೂರ ಈಶಾನೋ ಜನೀಶೋ ಲೋಕವಲ್ಲಭಃ || ೫ ||
ದೇವೋ ದೈತ್ಯೇಶ್ವರೋ ವೀರೋ ವೀರವಂದ್ಯೋ ದಿವಾಕರಃ |
ಬಲಿಪ್ರಿಯಃ ಸುರಶ್ರೇಷ್ಠಃ ಕನಿಷ್ಠೋ ನೈಷ್ಠಿಕಃ ಶಿಶುಃ || ೬ ||
ಮಹಾಬಲೋ ಮಹಾತೇಜಾ ವಿತ್ತೇಜೋ ದ್ಯುತಿವರ್ಧನಃ |
ತೇಜಸ್ವೀ ವೀರ್ಯವಾನ್ ವೃದ್ಧೋ ವಿವೃದ್ಧೋ ಭೂತನಾಯಕಃ || ೭ ||
ಬಾಲಕಃ ಪಾಲಕಃ ಕಾಮೋ ವಿಕಾಮಃ ಕಾಮಮರ್ದನಃ |
ಕಾಳಿಕಾರಮಣಃ ಕಾಳೀನಾಯಕಃ ಕಾಳಿಕಾಪ್ರಿಯಃ || ೮ ||
ಕಾಳೀಶಃ ಕಾಳಿಕಾಕಾಂತಃ ಕಾಳಿಕಾನಂದವರ್ಧನಃ |
ಕಾಳಿಕಾಹೃದಯಜ್ಞಾನೀ ಕಾಳಿಕಾತನಯೋ ನಯಃ || ೯ ||
ಖಗೇಶಃ ಖೇಚರಃ ಖೇಟೋ ವಿಶಿಷ್ಟೋ ಖೇಟಕಪ್ರಿಯಃ |
ಕುಮಾರಃ ಕ್ರೋಧನಃ ಕಾಳಿಪ್ರಿಯಃ ಪರ್ವತರಕ್ಷಕಃ || ೧೦ ||
ಗಣೇಜ್ಯೋ ಗಣಪೋ ಗೂಢೋ ಗೂಢಪ್ರಾಯೋ ಗಣೇಶ್ವರಃ |
ಗಣನಾಥೋ ಗಣಶ್ರೇಷ್ಠೋ ಗಣಮುಖ್ಯೋ ಗಣಪ್ರಿಯಃ || ೧೧ ||
ಘೋರನಾದೋ ಘನಶ್ಯಾಮೋ ಘನಸ್ವಾಮೀ ಘನಾಂತಕಃ |
ಘೋರನಾಶೋ ಘನೇಶಾನೋ ಧನಪತಿರ್ಧನಾತ್ಮಕಃ || ೧೨ ||
ಚಂಪಕಾಭಶ್ಚಿರಂಜೀವೀ ಚಾರುವೇಷಶ್ಚರಾಚರಃ |
ಚಿಂತ್ಯೋಽಚಿಂತ್ಯಗುಣೋ ಧೀಮಾನ್ ಸುಚಿತ್ತಸ್ಥಶ್ಚಿತೀಶ್ವರಃ || ೧೩ ||
ಛತ್ರೀ ಛತ್ರಪತಿಶ್ಛತ್ತಾ ಛಿನ್ನನಾಸಾ ಮನಃ ಪ್ರಿಯಃ |
ಛಿನ್ನಾಭಶ್ಛಿನ್ನಸಂತಾಪಶ್ಛದ್ದೀರಾಚ್ಛರ್ದಿನಾಂತಕಃ || ೧೪ ||
ಜೇತಾ ಜಿಷ್ಣುರ್ಜಹೀಶಾನೋ ಜನಾನಂದೋ ಜನೇಶ್ವರಃ |
ಜನಕೋ ಜನಸಂತೋಷೋ ಜಯಜಾಯವಿನಾಶನಃ || ೧೫ ||
ಜಾಲಂಧರೋ ಜನಾರಾಧ್ಯೋ ಜನಾಧ್ಯಕ್ಷೋ ಜನಪ್ರಿಯಃ |
ಜೀವಹಾ ಜೀವದೋ ಜಂತುರ್ಜೀವನಾಥೋ ಜಲೇಶ್ವರಃ || ೧೬ ||
ಜಯದೋ ಜಿತ್ವರೋ ಜಿಹ್ವೋ ಜಯಶ್ರೀರ್ಜಯವರ್ಧನಃ |
ಜಯಾಭೂಮಿರ್ಜಯಾಕಾರೋ ಜಯಹೇತುರ್ಜಯೇಶ್ವರಃ || ೧೭ ||
ಝಂಕಾರಕೃದನಂತಾತ್ಮಾ ಝಂಕಾರಹೇತುರಾತ್ಮಭೂಃ |
ಝಞ್ಯೋಶ್ಚರೀ ಹರೀಭರ್ತಾ ವಿಭರ್ತಾ ಭೃತ್ಯಕೇಶ್ವರಃ || ೧೮ ||
ಟೀತ್ಕಾರಹೃದಯೇಯಾತ್ಮಾ ಟಂಕೇಶೋ ಠಂಕನಾಯಕಃ |
ಠಕಾರಭೂ ಠರಂಧ್ರೀಶೋ ಗಿರಿಪೃಷ್ಠಕುರಃ ಪತಿಃ || ೧೯ ||
ಢುಂಢಿರ್ಢಕ್ಕಾಪ್ರಿಯಃ ಪಾಂಥೋ ಢುಂಢಿರಾಜೋ ನಿರಂತಕಃ |
ತಾಮ್ರಸ್ತಮೀಶ್ವರಸ್ತೋತಾ ತೀರ್ಥರಾಜಸ್ತಡಿತ್ಪ್ರಭಃ || ೨೦ ||
ತ್ರ್ಯಕ್ಷಸ್ತ್ರ್ಯಕ್ಷಕಸ್ತಂಭಸ್ತಾಕ್ಷಕಸ್ತಂಭಟೇಶ್ವರಃ |
ಸ್ಥಲಸ್ಥಃ ಸ್ಥಾವರಃ ಸ್ಥಾತಾ ಸ್ಥಿರಬುದ್ಧಿಃ ಸ್ಥಿರೇಂದ್ರಿಯಃ || ೨೧ ||
ಸ್ಥಿರಜ್ಞಾನೀ ಸ್ಥಿರಪ್ರೀತಿಃ ಸ್ಥಿರಸ್ಥೀತಿಃ ಸ್ಥಿರಾಶಯಃ |
ದಾಮೋ ದಾಮೋದರೋ ದಂಭೋ ದಾಡಿಮೀಕುಸುಮಪ್ರಿಯಃ || ೨೨ ||
ದಾರಿದ್ರ್ಯಹಾ ದಮೀ ದಿವ್ಯೋ ದಿವ್ಯದೇಹೋ ದಿನಪ್ರಭುಃ |
ದಿನಕರೋ ದಿವಾನಾಥೋ ದಿವಸೇಶೋ ದಿವಾಕರಃ || ೨೩ ||
ದೀರ್ಘಶ್ಚರೋ ದಳಜ್ಯೋತಿರ್ದಳೇಶೋ ದಳಸುಂದರಃ |
ದಳಪ್ರಿಯೋ ದಳಾಭಾಶೋ ದಳಪೂಜ್ಯೋ ದಳಪ್ರಭುಃ || ೨೪ ||
ದಳಕಾತಿರ್ದಳಾಕಾರೋ ದಳಸೇವ್ಯೋ ದಳಾರ್ಚಿತಃ |
ದೀರ್ಘಬಾಹುರ್ದಳಶ್ರೇಷ್ಠೋ ದಳಲುಬ್ಧೋ ದಳಾಕೃತಿಃ || ೨೫ ||
ದಾನವಶ್ಯೋ ದಯಾಸಿಂಧುರ್ದಯಾಳುರ್ದೀಪವಲ್ಲಭಃ |
ಧನೇಶೋ ಧನದೋ ಧರ್ಮೋ ಧನರಾಜೋ ಧನಪ್ರಭುಃ || ೨೬ ||
ಧನಪ್ರದೋ ಧನಾಧ್ಯಕ್ಷೋ ಧನಮಾನ್ಯೋ ಧನಂಜಯಃ |
ಧೀವರೋ ಧಾತುಕೋ ಧಾತಾ ಧ್ರುವೋ ಧೂಮಲವರ್ಧನಃ || ೨೭ ||
ಧನಿಷ್ಠೋ ಧವಳಚ್ಛತ್ರೀ ಧನಕಾಮ್ಯೋ ಧನೇಶ್ವರಃ |
ಧೀರೋ ಧೀರತರೋ ಧೇನುರ್ಧೀರೇಶೋ ಧರಣೀಪ್ರಭುಃ || ೨೮ ||
ಧರಾಧೀಶೋ ಧರಾನಾಥೋ ಧರಣೀನಾಯಕೋ ಧರಃ |
ಧರಾಕಾಂತೋ ಧರಾಪಾಲೋ ಧರಣೀಜನವಲ್ಲಭಃ || ೨೯ ||
ಧರಾಧರೋ ಧರೋ ಧೃಷ್ಟೋ ಧೃತರಾಷ್ಟ್ರೋ ಧನೀಶ್ವರಃ |
ನಾರದೋ ನೀರದೋ ನೇತಾ ನೀತಿಪೂಜ್ಯೋ ನತಿಪ್ರಿಯಃ || ೩೦ ||
ನೀತಿಲಭ್ಯೋ ನತೀಶಾನೋ ನೀತಿಲಬ್ಧೋ ನತೀಶ್ವರಃ |
ಪಾರ್ಥಿವಃ ಪಾರ್ಥಸಂಪೂಜ್ಯಃ ಪಾರ್ಥದಃ ಪ್ರಣತಃ ಪೃಥುಃ || ೩೧ ||
ಪೃಥಿವೀಶಃ ಪೃಥಾಸೂನುಃ ಪೃಥಿವೀಭೃತ್ಯ ಈಶ್ವರಃ |
ಪುರಾಣಃ ಪಾರದಃ ಪಾಂಥಃ ಪಾಂಚಾಲೀಪಾವಕಃ ಪ್ರಭುಃ || ೩೨ ||
ಪೂರ್ವಸುರಪತಿಃ ಶ್ರೇಯಾನ್ ಪ್ರೀತಿದಃ ಪ್ರೀತಿವರ್ಧನಃ |
ಪಾರ್ವತೀಶಃ ಪರೇಶಾನಃ ಪಾರ್ವತೀಹೃದಯಪ್ರಿಯಃ || ೩೩ ||
ಪಾರ್ವತೀರಮಣಃ ಪೂತಃ ಪವಿತ್ರಃ ಪಾಪನಾಶನಃ |
ಪಾತ್ರೀ ಪತ್ರಾಲಿಸಂತುಷ್ಟಃ ಪರಿತುಷ್ಟಃ ಪುಮಾನ್ ಪ್ರಿಯಃ || ೩೪ ||
ಪರ್ವೇಶಃ ಪರ್ವತಾಧೀಶಃ ಪರ್ವತೋ ನಾಯಕಾತ್ಮಜಃ |
ಫಾಲ್ಗುನಸ್ತು ಫಣಾನಾಥಃ ಫಣೀಶಃ ಫಣರಕ್ಷಕಃ || ೩೫ ||
ಫಣೀಪತಿಃ ಫಣೀಶಾನಃ ಫಣರಾಜಃ ಫಣಾಕೃತಿಃ |
ಬಲಭದ್ರೋ ಬಲೀ ಬಾಲೋ ಬಲಧೀರ್ಬಲವರ್ಧನಃ || ೩೬ ||
ಬಲಪ್ರಾಣೋ ಬಲಾಧೀಶೋ ಬಲಿದಾನಪ್ರಿಯಂಕರಃ |
ಬಲಿರಾಜೋ ಬಲಿಪ್ರಾಣೋ ಬಲಿನಾಥೋ ಬಲಪ್ರಿಯಃ || ೩೭ ||
ಬಲೀವರಶ್ಚ ಬಾಲೇಶೋ ಬಾಲಕಪ್ರಿಯದರ್ಶನಃ |
ಭದ್ರೋ ಭದ್ರಪ್ರಭೋ ಭೀಮೋ ಭೀಮಸೇನೋ ಭಯಂಕರಃ || ೩೮ ||
ಭವ್ಯೋ ಭವ್ಯಪ್ರಿಯೋ ಭೂತಪತಿರ್ಭೂತವಿನಾಯಕಃ |
ಭೂತೇಶೋ ಭೂತಿದೋ ಭರ್ಗೋ ಭೂತಭವ್ಯೋ ಭವೇಶ್ವರಃ || ೩೯ ||
ಭವಾನೀಶೋ ಭವೇಶಾನೋ ಭವಾನೀನಾಯಕೋರ್ಭಕಃ |
ಮಕಾರೋ ಮಾಧವೋ ಮೀನೋ ಮೀನಕೇತುರ್ಮಹೇಶ್ವರಃ || ೪೦ ||
ಮಹೇಶುಮರ್ದನೋ ಮಂಥೋ ಮಿಥುನೇಶೋಽಮರಾಧಿಪಃ |
ಮರೀಚಿರ್ಮಂಜುಲೋ ಮೋಹೋ ಮೋಹಹಾ ಮೋಹಮರ್ದನಃ || ೪೧ ||
ಮೋಹಕೋ ಮೋಹನೋ ಮೇಧಾಪ್ರಿಯೋ ಮೋಹವಿನಾಯಕಃ |
ಮಹೀಪತಿರ್ಮಹೇಶಾನೋ ಮಹೀರಾಜೋ ಮನೋಹರಃ || ೪೨ ||
ಮಹೀಶ್ವರೋ ಮಹೀಪಾಲೋ ಮಹೀನಾಥೋ ಮಹೀಪ್ರಿಯಃ |
ಮಹೀಧರೋ ಮಹಾದೇವೋ ಮನುರಾಜೋ ಮನುಪ್ರಿಯಃ || ೪೩ ||
ಮೌನೀ ಮೌನಧರೋ ಮೇಧೋ ಮಂದಾರೋ ಮತಿವರ್ಧನಃ |
ಮತಿದೋ ಮಂಥರೋ ಮಂತ್ರೋ ಮಂತ್ರೀಶೋ ಮಂತ್ರನಾಯಕಃ || ೪೪ ||
ಮೇಧಾವೀ ಮಾನದೋ ಮಾನೀ ಮಾನಹಾ ಮಾನಮರ್ದನಃ |
ಮೀನಗೋ ಮಕರಾಧೀಶೋ ಮಧುರೋ ಮಣಿರಂಜಿತಃ || ೪೫ ||
ಮಣಿರಮ್ಯೋ ಮಣಿಭ್ರಾತಾ ಮಣಿಮಂಡನಮಂಡಿತಃ |
ಮಂತ್ರಪೋ ಮಂತ್ರದೋ ಮುಗ್ಧೋ ಮೋಕ್ಷದೋ ಮೋಕ್ಷವಲ್ಲಭಃ || ೪೬ ||
ಮಲ್ಲೋ ಮಲ್ಲಪ್ರಿಯೋ ಮಂಚೋ ಮಲ್ಲಕೋ ಮೇಲನಪ್ರಭುಃ |
ಮಲ್ಲಿಕೋ ಮಲ್ಲಿಕಾಗಂಧೀ ಮಲ್ಲಿಕಾಕುಸುಮಪ್ರಿಯಃ || ೪೭ ||
ಮಾಲತೀಶೋ ಮಘಾನಾಥೋಽಮೋಘಮೂರ್ತಿರ್ಮಘೇಶ್ವರಃ |
ಮೂಲಾಭೋ ಮೂಲಹಾ ಮೂಲೋ ಮೂಲದೋ ಮೂಲಮತ್ಸರಃ || ೪೮ ||
ಮಾಣಿಕ್ಯರೋಚಿಃ ಸಮ್ಮುಗ್ಧೋ ಮಣಿಕೂಟೋ ಮಣಿಪ್ರಿಯಃ |
ಮುಕುಂದೋ ಮದನೋ ಮಂದೋ ಮದವಂದ್ಯೋ ಮನುಪ್ರಭುಃ || ೪೯ ||
ಮನಸ್ಥೋ ಮೇನಕಾಧೀಶೋ ಮೇನಕಾಪ್ರಿಯದರ್ಶನಃ |
ಯಾಮೋ ಯಾಮೋ ಯಮೀ ದೇವೋ ಯಾದವೋ ಯದುನಾಯಕಃ || ೫೦ ||
ಯಾಚಕೋ ಯಾಜ್ಞಿಕೋ ಯಜ್ಞೋ ಯಜ್ಞೇಶೋ ಯಜ್ಞವರ್ಧನಃ |
ರಮಾಪತೀ ರಮಾಧೀಶೋ ರಮೇಶೋ ರಾಮವಲ್ಲಭಃ || ೫೧ ||
ರಮಾಪತೀ ರಮಾನಾಥೋ ರಮಾಕಾಂತೋ ರಮೇಶ್ವರಃ |
ರೇವತೀರಮಣೋ ರಾಮೋ ರಾಮೇಶೋ ರಾಮನಂದನಃ || ೫೨ ||
ರಮ್ಯಮೂರ್ತೀ ರತೀಶಾನೋ ರಾಕಾಯಾ ನಾಯಕೋ ರವಿಃ |
ಲಕ್ಷ್ಮೀಧರೋ ಲಲಜ್ಜಿಹ್ವೋ ಲಕ್ಷ್ಮೀಬೀಜಜಪೇ ರತಃ || ೫೩ ||
ಲಂಪಟೋ ಲಂಬರಾಜೇಶೋ ಲಂಬದೇಶೋ ಲಕಾರಭೂಃ |
ವಾಮನೋ ವಲ್ಲಭೋ ವಂದ್ಯೋ ವನಮಾಲೀ ವನೇಶ್ವರಃ || ೫೪ ||
ವನಸ್ಥೋ ವನಗೋ ವಿಂಧ್ಯೋ ವಿಂಧ್ಯರಾಜೋ ವನಾಹ್ವಯಃ |
ವನೇಚರೋ ವನಾಧೀಶೋ ವನಮಾಲಾವಿಭೂಷಣಃ || ೫೫ ||
ವೇಣುಪ್ರಿಯೋ ವನಾಕಾರೋ ವನಾರಾಧ್ಯೋ ವನಪ್ರಭುಃ |
ಶಂಭುಃ ಶಂಕರಸಂತುಷ್ಟಃ ಶಂಬರಾರಿಃ ಶರಾಸನಃ || ೫೬ ||
ಶಬರೀಪ್ರಣತಃ ಶಾಲಃ ಶಿಲೀಮುಖಧ್ವನಿಪ್ರಿಯಃ |
ಶಕುಲಃ ಶಲ್ಲಕಃ ಶೀತಃ ಶೀತಿರಶ್ಮಿಃ ಸಿತಾಂಶುಕಃ || ೫೭ ||
ಶೀಲದಃ ಶೀಕರಃ ಶೀಲಃ ಶೀಲಶೀಲೀ ಶನೈಶ್ಚರಃ |
ಸಿದ್ಧಃ ಸಿದ್ಧಿಕರಃ ಸಾಧ್ಯಃ ಸಿದ್ಧಿಭೂಃ ಸಿದ್ಧಿಭಾವನಃ || ೫೮ ||
ಸಿದ್ಧಾಂತವಲ್ಲಭಃ ಸಿಂಧುಃ ಸಿಂಧುತೀರನಿಷೇವಿತಃ |
ಸಿಂಧುಪತಿಃ ಸುರೋಧೀರಃ ಸರಸೀರುಹಲೋಚನಃ || ೫೯ ||
ಸರಿತ್ಪತಿಃ ಸರಿತ್ಸಂಸ್ಥಃ ಸರಃ ಸಿಂಧುಃ ಸರೋವರಃ |
ಸಖಾ ವೀರಪತಿಃ ಸೂತಃ ಸಚೇತಾಃ ಸತ್ಪತಿಃ ಸಿತಃ || ೬೦ ||
ಸಿಂಧುರಾಜಃ ಸದಾಭೂತಃ ಸದಾಶಿವಃ ಸತಾಂಪತಿಃ |
ಸದೀಶಃ ಸದನಃ ಸೂರಿಃ ಸೇವ್ಯಮಾನಸತೀಪತಿಃ || ೬೧ ||
ಸೂರ್ಯಃ ಸೂರ್ಯಪತಿಃ ಸೇವ್ಯಃ ಸೇವಾಪ್ರಿಯಃ ಸನಾತನಃ |
ಸತೀಶಃ ಸರಶೀನಾಥಃ ಸತೀರಾಜಃ ಸತೀಶ್ವರಃ || ೬೨ ||
ಸತೀಪ್ರಾಣಃ ಸತೀನಾಥಃ ಸತೀಸೇವ್ಯಃ ಸತೀಶ್ವರಃ |
ಸಿದ್ಧಿರಾಜಃ ಸತೀತುಷ್ಟಃ ಸಚಿವಃ ಸವ್ಯವಾಹನಃ || ೬೩ ||
ಸತೀನಾಯಕಸಂತುಷ್ಟಃ ಸವ್ಯಸಾಚೀ ಸುಮಂತಕಃ |
ಸಚ್ಚಿತ್ತಃ ಸರ್ವಸಂತೋಷೀ ಸರ್ವಾರಾಮಃ ಸುಸಿದ್ಧಿದಃ || ೬೪ ||
ಸರ್ವಾರಾಧ್ಯಃ ಸಚಿವಾಖ್ಯಃ ಸತೀಪತಿಸುಸೇವಿತಃ |
ಸಾಗರಃ ಸಗರಸಾರ್ಥಃ ಸಮುದ್ರಃ ಸಮುದ್ರಪ್ರಿಯಃ || ೬೫ ||
ಸಮುದ್ರತೀರಸಂತುಷ್ಟಃ ಸಮುದ್ರಪ್ರಿಯದರ್ಶನಃ |
ಸಮುದ್ರೇಶಃ ಸರೋನಾಥಃ ಸರಸಿಜವಿಲೋಚನಃ || ೬೬ ||
ಸರಸೀಜಲದಾಕಾರಃ ಸರಸೀಜಲದಾರ್ಚಿತಃ |
ಸಮುದ್ರಿಕಃ ಸಮುದ್ರಾತ್ಮಾ ಸಾಧ್ಯಮಾನಃ ಸುರೇಶ್ವರಃ || ೬೭ ||
ಸುರಸೇವ್ಯಃ ಸುರೇಶಾನಃ ಸುರನಾಥಃ ಸುರಾರ್ಚಿತಃ |
ಸುರಾಧ್ಯಕ್ಷಃ ಸುರಾರಾಧ್ಯಃ ಸುರವಂದ್ಯವಿಶಾರದಃ || ೬೮ ||
ಸುರಮುಖ್ಯಃ ಸುರಪ್ರಾಯಃ ಸುರಸಿಂಧುನಿವಾಸವಾನ್ |
ಸುಧಾಪ್ರಿಯಃ ಸುಧಾಧೀಶಃ ಸುಧಾರಾಧ್ಯಃ ಸುಧಾಪತಿಃ || ೬೯ ||
ಸುಧಾನಾಥಃ ಸುಧಾಭೂತಃ ಸುಧಾಸಾಗರಸೇವಿತಃ |
ಹಾಟಕೋ ಹೀರಕೋ ಹಂತಾ ಹರಿಕಸ್ಯರುಚಿಃ ಪ್ರಭುಃ || ೭೦ ||
ಹವ್ಯವಾಹೋ ಹರಿದ್ರಾಭೋ ಹರಿದ್ರಾರಸಮರ್ದನಃ |
ಹೇತಿರ್ಹೇತುರ್ಹರಿತ್ರಾತಾ ಹರಿನಾಥೋ ಹರಿಪ್ರಿಯಃ || ೭೧ ||
ಹರಿಪೂಜ್ಯೋ ಹರಿಪ್ರಾಣೋ ಹರಿಹೃಷ್ಟೋ ಹರೀಂದ್ರಕಃ |
ಹರೀಶೋ ಹಂತೃಕೋ ಹೀರೋ ಹರಿನಾಮಪರಾಯಣಃ || ೭೨ ||
ಹರಿಮುಗ್ಧೋ ಹರೀರಮ್ಯೋ ಹರಿದಾಸೋ ಹರೀಶ್ವರಃ |
ಹರೋ ಹರಿಪತಿರ್ಹಾರೋ ಹರಿಣೀಚಿತ್ತಹಾರಕಃ || ೭೩ ||
ಹರಹಿತೋ ಹರಪ್ರಾಣೋ ಹರಿವಾಹನಶೋಭನಃ |
ಹಾಸೋ ಹಾಸಪ್ರಿಯೋ ಹೂಹೂರ್ಹುತಭುಗ್ ಹುತವಾಹನಃ || ೭೪ ||
ಹುತಾಶನೋ ಹಲೀ ಹಕ್ಕೋ ಹಾಲಾಹಲಹಲಾಯುಧಃ |
ಹಲಾಕಾರೋ ಹಲೀಶಾನೋ ಹಲಿಪೂಜ್ಯೋ ಹಲಿಪ್ರಿಯಃ || ೭೫ ||
ಹರಪುತ್ರೋ ಹರೋತ್ಸಾಹೋ ಹರಸೂನುರ್ಹರಾತ್ಮಜಃ |
ಹರವಂದ್ಯೋ ಹರಾಧೀಶೋ ಹರಾಂತಕೋ ಹರಾಕೃತಿಃ || ೭೬ ||
ಹರಮಾನ್ಯೋ ಹರಾಂಕಸ್ಥೋ ಹರವೈರಿವಿನಾಶನಃ |
ಹರಶತ್ರುರ್ಹರಾವರ್ಷೋಽಹಂಕಾರೋ ಹರಿಣೀಪ್ರಿಯಃ || ೭೭ ||
ಹಾಟಕೇಶೋ ಹಟೇಶಾನೋ ಹಾಟಕಪ್ರಿಯದರ್ಶನಃ |
ಹಾಟಕೋ ಹಾಟಕಪ್ರಾಣೋ ಹಾಟಭೂಷಣಭೂಷಿತಃ || ೭೮ ||
ಹೇತಿದೋ ಹಂತಕೋ ಹಂಸೋ ಹಂಸಗತಿರ್ಹಾರಾಹ್ವಯಃ |
ಹಂಸೀಪತಿರ್ಹರೋನ್ಮತ್ತೋ ಹಂಸೀಶೋ ಹರವಲ್ಲಭಃ || ೭೯ ||
ಹರಪುಷ್ಪಪ್ರಭೋ ಹಂಸೀಪ್ರಿಯೋ ಹಂಸವಿಲಾಸಕಃ |
ಹರಬೀಜರತೋ ಹಾರೀ ಹರಿತೋ ಹರಿತಾಂಪತಿಃ || ೮೦ ||
ಹರಿತ್ಪ್ರಭುರ್ಹರಿತ್ಪಾಲೋ ಹರಿರಂತರನಾಯಕಃ |
ಹರಿದ್ದಿಶೋ ಹರಿತ್ಪ್ರಾಣೋ ಹರಿಪ್ರಿಯಪ್ರಿಯೋ ಹಿತಃ || ೮೧ ||
ಹೇರಂಬೋ ಹುಂಕೃತಿಕ್ರುದ್ಧೋ ಹೇರಂಬಾನಂದನೋ ಹಠೀ |
ಹೇರಂಬಪ್ರಾಣಸಂಹರ್ತಾ ಹೇರಂಬಹೃದಯಪ್ರಿಯಃ || ೮೨ ||
ಕ್ಷಮಾಪತಿಃ ಕ್ಷಣಃ ಕ್ಷಾಂತಃ ಕ್ಷುರಧಾರಃ ಕ್ಷಿತೀಶ್ವರಃ |
ಕ್ಷಿತೀಶಃ ಕ್ಷಿತಿತಃ ಕ್ಷೀಣಃ ಕ್ಷಿತಿಪಾಲಃ ಕ್ಷಿತಿಪ್ರಭುಃ || ೮೩ ||
ಕ್ಷಿತೀಶಾನಃ ಕ್ಷಿತಿಪ್ರಾಣಃ ಕ್ಷಿತಿನಾಯಕಸತ್ಪ್ರಿಯಃ |
ಕ್ಷಿತಿರಾಜಃ ಕ್ಷಣಾಧೀಶಃ ಕ್ಷಣಪತಿಃ ಕ್ಷಣೇಶ್ವರಃ || ೮೪ ||
ಕ್ಷಣಪ್ರಿಯಃ ಕ್ಷಮಾನಾಥಃ ಕ್ಷಣದಾನಾಯಕಃಪ್ರಿಯಃ |
ಕ್ಷಣಿಕಃ ಕ್ಷಣದಾಧೀಶಃ ಕ್ಷಣದಾಪ್ರಾಣದಃ ಕ್ಷಮೀ || ೮೫ ||
ಕ್ಷಮಃ ಕ್ಷೋಣಿಪತಿಃ ಕ್ಷೋಭಃ ಕ್ಷೋಭಕಾರೀ ಕ್ಷಮಾಪ್ರಿಯಃ |
ಕ್ಷಮಾಶೀಲಃ ಕ್ಷಮಾರೂಪಃ ಕ್ಷಮಾಮಂಡನಮಂಡಿತಃ || ೮೬ ||
ಕ್ಷಮಾನಾಥಃ ಕ್ಷಮಾಧಾರಃ ಕ್ಷಮಾಕಾರೀ ಕ್ಷಮಾಕರಃ |
ಕ್ಷೇಮಃ ಕ್ಷೀಣರಜಾಃ ಕ್ಷುದ್ರಃ ಕ್ಷುದ್ರಪಾನವಿಶಾರದಃ || ೮೭ ||
ಕ್ಷುದ್ರೇಶಾನಃ ಕ್ಷಣಾಕಾರಃ ಕ್ಷೀರಪಾನಕತತ್ಪರಃ |
ಕ್ಷೀರಶಾಯೀ ಕ್ಷಣೇಶಾನಃ ಕ್ಷೋಣಿಭೃತ್ ಕ್ಷಣದೋತ್ಸವಃ || ೮೮ ||
ಕ್ಷೇಮಂಕರಃ ಕ್ಷಮಾಲುಬ್ಧಃ ಕ್ಷಮಾಶಾಸ್ತ್ರವಿಶಾರದಃ |
ಕ್ಷಮೀಶ್ವರಃ ಕ್ಷಮಾಕಾಮಃ ಕ್ಷಮಾಹೃದಯಮಂಡನಃ || ೮೯ ||
ನೀಲಾದ್ರಿರುಚಿರಾಶೀಶೋ ನೀಲಪರ್ವತಸನ್ನಿಭಃ |
ನೀಲಮಣಿಪ್ರಭಾರಮ್ಯಃ ಶಶಿಭೂಷಣಭೂಷಿತಃ || ೯೦ ||
ಶಶಧರಃ ಶರೀಭೂತೋ ಮುಂಡಮಾಲಾವಿಭೂಷಿತಃ |
ಮುಂಡಸ್ಥೋ ಮುಂಡಸಂತುಷ್ಟೋ ಮುಂಡಮಾಲಾಧರೋಽನಘಃ || ೯೧ ||
ದಿಗ್ವಾಸಾ ವಿದಿಗಾಕಾರೋ ದಿಗಂಬರವರಪ್ರದಃ |
ದಿಗಂಬರೀಶ ಆನಂದೋ ದಿಗಂಬರತನೂದ್ಭವಃ || ೯೨ ||
ಪಿಂಗಳೈಕಜಟೋ ಧೃಷ್ಟೋ ಡಮರೂವಾದನಪ್ರಿಯಃ |
ಸೃಣೀಕರಃ ಸೃಣೀಶಾನಃ ಖಡ್ಗಧೃಕ್ ಖಡ್ಗಪಾಲಕಃ || ೯೩ ||
ಶೂಲಹಸ್ತೋ ಮತಂಗಾಭೋ ಮಾತಂಗೋತ್ಸವಸುಂದರಃ |
ಅಭಯಂಕರ ಊರ್ವಂಗೋ ಲಂಕಾಪತಿವಿನಾಶನಃ || ೯೪ ||
ನಗಾಶಯೋ ನಗೇಶಾನೋ ನಾಗಮಂಡನಮಂಡಿತಃ |
ನಗಾಕಾರೋ ನಗಾಧೀಶೋ ನಗಶಾಯೀ ನಗಪ್ರಿಯಃ || ೯೫ ||
ಘಟೋತ್ಸವೋ ಘಟಾಕಾರೋ ಘಂಟಾವಾದ್ಯವಿಶಾರದಃ |
ಕಪಾಲಪಾಣಿರಂಬೇಶಃ ಕಪಾಲಾಸನಸಾದನಃ || ೯೬ ||
ಪದ್ಮಪಾಣಿಕಪಾಲಶ್ಚ ತ್ರಿನೇತ್ರೋ ನಾಗವಲ್ಲಭಃ |
ಕಿಂಕಿಣೀಜಾಲಸಂತುಷ್ಟೋ ಜಲಪ್ರಾಯೋ ಜಲಾಕರಃ || ೯೭ ||
ಅಪಮೃತ್ಯುಹರೋ ಮಾಯಾಮೋಹಮೂಲವಿನಾಶನಃ |
ಆಯುಧಃ ಕಮಲಾನಾಥಃ ಕಮಲಾಕಾಂತವಲ್ಲಭಃ || ೯೮ ||
ರಾಜ್ಯದೋ ರಾಜರಾಜೇಶೀ ರಾಜೀವಪಟ್ಟಶೋಭನಃ |
ಡಾಕಿನೀನಾಯಕೋ ನಿತ್ಯೋ ನಿತ್ಯಧರ್ಮಪರಾಯಣಃ || ೯೯ ||
ಡಾಕಿನೀಹೃದಯಜ್ಞಾನೀ ಡಾಕಿನೀದೇಹನಾಶಕಃ |
ಡಾಕಿನೀಪ್ರಾಣದಃ ಶುದ್ಧಃ ಶ್ರದ್ಧೇಯಚರಿತೋ ವಿಭುಃ || ೧೦೦ ||
ಹೇಮಪ್ರಭೋ ಹಿಮೇಶಾನೋ ಹಿಮಾನೀಪ್ರಿಯದರ್ಶನಃ |
ಹೇಮದೋ ಮರ್ಮದೋ ನಾಮೀ ನಾಮಧೇಯೋ ನಗಾತ್ಮಜಃ || ೧೦೧ ||
ವೈಕುಂಠೋ ವಾಸುಕೀಪ್ರಾಣೋ ವಾಸುಕೀಕಂಠಭೂಷಣಃ |
ಕುಂಡಲೀಶೋ ಮಖಧ್ವಂಸೀ ಮಖರಾಜೋ ಮಖೇಶ್ವರಃ || ೧೦೨ ||
ಮಖಾಕಾರೋ ಮಖಾಧೀಶೋ ಮಖಮಾಲಾವಿಭೂಷಣಃ |
ಅಂಬಿಕಾವಲ್ಲಭೋ ವಾಣೀಪತಿರ್ವಾಣೀವಿಶಾರದಃ || ೧೦೩ ||
ವಾಣೀಶೋ ವಾಚಃಪ್ರಾಣಶ್ಚ ವಚಸ್ಥೋ ವಚನಪ್ರಿಯಃ |
ವೇಲಾಧರೋ ದಿಶಾಮೀಶೋ ದಿಙ್ನಾಗೋ ಹಿ ದಿಗೀಶ್ವರಃ || ೧೦೪ ||
ದೂರ್ವಾಪ್ರಿಯೋ ದುರಾರಾಧ್ಯೋ ದಾರಿದ್ರ್ಯಭಯಭಂಜನಃ |
ತರ್ಕಸ್ತರ್ಕಪ್ರಿಯಸ್ತರ್ಕ್ಯೋ ವಿತರ್ಕಸ್ತರ್ಕವಲ್ಲಭಃ || ೧೦೫ ||
ತರ್ಕಸಿದ್ಧೋಽತಿಸಿದ್ಧಾತ್ಮಾ ಸಿದ್ಧದೇಹೋ ಗುಹಾಶಯಃ |
ಗ್ರಹಗರ್ಭೋ ಗ್ರಹೇಶಾನೋ ಗಂಧಗಂಧೀ ವಿಶಾರದಃ || ೧೦೬ ||
ಮಂಗಳೋ ಮಂಗಳಾಕಾರೋ ಮಂಗಳವಾದ್ಯವಾದಕಃ |
ಮಂಗಳೀಶೋ ವಿಮಾನಸ್ಥೋ ವಿಮಾನೋ ನೈಕನಾಯಕಃ || ೧೦೭ ||
ಬುಧೇಶೋ ವಿಬುಧಾಧೀಶೋ ಬುಧವಾರೋ ಬುಧಾಕರಃ |
ಬುಧನಾಥೋ ಬುಧಪ್ರೀತೋ ಬುಧವಂದ್ಯೋ ಬುಧಾಧಿಪಃ || ೧೦೮ ||
ಬುಧಸಿದ್ಧೋ ಬುಧಪ್ರಾಣೋ ಬುಧಬುದ್ಧೋ ಬುಧಪ್ರಿಯಃ |
ಸೋಮಪ್ರಭೋ ಮನಃಸಿದ್ಧೋ ಮನೋಜಪ್ರಾಣನಾಶನಃ || ೧೦೯ ||
ಸೋಮೇಶೋ ಮಶಕಾಕಾರೋ ಸೋಮಪಾಃ ಸೋಮನಾಯಕಃ |
ಕಾಮಗಃ ಕಾಮಹಾ ಬೌದ್ಧಃ ಕಾಮನಾಫಲದೋಽಧಿಪಃ || ೧೧೦ ||
ತ್ರಿದಶೋ ದಶರಾತ್ರೇಶೋ ದಶಾನನವಿನಾಶನಃ |
ಲಕ್ಷ್ಮಣೋ ಲಕ್ಷ್ಯಸಂಭರ್ತಾ ಲಕ್ಷ್ಯಸಂಖ್ಯೋ ಮನಃಪ್ರಿಯಃ || ೧೧೧ ||
ವಿಭಾವಸುರ್ನಲೇಶಾನೋ ನಾಯಕೋ ನಗಜಾಪ್ರಿಯಃ |
ನಲಕಾಂತಿರ್ನಲೋತ್ಸಾಹೋ ನರದೇವೋ ನರಾಕೃತಿಃ || ೧೧೨ ||
ನರಪತಿರ್ನರೇಶಾನೋ ನಾರಾಯಣನರೇಶ್ವರಃ |
ಅನಿಲೋ ಮಾರುತೋ ಮಾಂಸೋ ಮಾಂಸೈಕರಸಸೇವಿತಃ || ೧೧೩ ||
ಮರೀಚಿರಮರೇಶಾನೋ ಮಾಗಧೋ ಮಗಧಪ್ರಭುಃ |
ಸುಂದರೀಸೇವಕೋದ್ಧಾರೀ ದ್ವಾರದೇಶನಿವಾಸನಃ || ೧೧೪ ||
ದೇವಕೀಗರ್ಭಸಂಜಾತೋ ದೇವಕೀಸೇವಕಃ ಕುಹೂಃ |
ಬೃಹಸ್ಪತಿಃ ಕವಿಃ ಶುಕ್ರಃ ಶಾರದಾಸಾಧಕಪ್ರಿಯಃ || ೧೧೫ ||
ಶಾರದಾಸಾಧಕಪ್ರಾಣಃ ಶಾರದಾಸೇವಕೋತ್ಸುಕಃ |
ಶಾರದಾಸಾಧಕಶ್ರೇಷ್ಠೋ ವೀತರಾಗೋ ಗಜಪ್ರಭುಃ || ೧೧೬ ||
ಮಾಂಸಪ್ರಿಯೋ ಮಧುಪ್ರಾಣೋ ಮಧುಮಾಂಸಮಹೋತ್ಸವಃ |
ಮಧುಪೋ ಮಧುಪಶ್ರೇಷ್ಠೋ ಮಧುಪಾನಸದಾರತಿಃ || ೧೧೭ ||
ಮೋದಕಾದಾನಸಂಪ್ರೀತೋ ಮೋದಕಾಮೋದಮೋದಿತಃ |
ಆಮೋದಾಮೋದಿತೋ ನಂದೋ ನಂದಿಕೇಶೋ ನದೇಶ್ವರಃ || ೧೧೮ ||
ನದೀಪ್ರಿಯೋ ನದೀನಾಥೋ ನದೀತೀರರುಹಸ್ತಪಾಃ |
ತಪನಸ್ತಾಪನಸ್ತಾಮ್ರತಾಪಹಾ ತಾಪಕಾರಕಃ || ೧೧೯ ||
ಪತಂಗೋ ಗೋಮುಖೋ ಗೌರೋ ಗೋಪಾಲೋ ಗೋಪವರ್ಧನಃ |
ಗೌಪತಿರ್ಗೋಪಸಂಹರ್ತಾ ಗೋವೃಂದೈಕಪ್ರಿಯೋಽತಿಗಃ || ೧೨೦ ||
ಗರ್ವಿಷ್ಠೋ ಗುಣರಮ್ಯಶ್ಚ ಗುಣಸಿಂಧುರ್ಗುರುಪ್ರಿಯಃ |
ಗುಣಪೂಜ್ಯೋ ಗುಣೋಪೇತೋ ಗುಣವಾದ್ಯೋ ಗುಣೋತ್ಸುಕಃ || ೧೨೧ ||
ಗುಣೀಶಃ ಕೇವಲೋ ಗರ್ಭಃ ಸುಗರ್ಭೋ ಗರ್ಭರಕ್ಷಕಃ |
ಗಾಂಭೀರ್ಯಧಾರಕೋ ಧರ್ತಾ ವಿಧರ್ತಾ ಧರ್ಮಪಾಲಕಃ || ೧೨೨ ||
ಜಗದೀಶೋ ಜಗನ್ಮಿತ್ರೋ ಜಗತ್ತ್ರಾತಾ ಜಗತ್ಪ್ರಭುಃ |
ಜಗದ್ಧಾತಾ ಜಗದ್ಭೋಕ್ತಾ ಜಗಜ್ಜಾಡ್ಯವಿನಾಶನಃ || ೧೨೩ ||
ಜಗತ್ಕರ್ತಾ ಜಗದ್ಧರ್ತಾ ಜಗಜ್ಜೀವನಜೀವನಃ |
ಮಾಲತೀಪುಷ್ಪಸುಪ್ರೀತೋ ಮಾಲತೀಕುಸುಮೋತ್ಸವಃ || ೧೨೪ ||
ಮಾಲತೀಕುಸುಮಾಕಾರೋ ಮಾಲತೀಕುಸುಮಪ್ರಭುಃ |
ರಸಾಲಮಂಜರೀರಮ್ಯೋ ರಸಗಂಧನಿಷೇವಿತಃ || ೧೨೫ ||
ರಸಾಲಮಂಜರೀಲುಬ್ಧೋ ರಸಾಲತರುವಲ್ಲಭಃ |
ರಸಾಲತರುವಾಸೀ ವೈ ರಸಾಲಫಲಸುಂದರಃ || ೧೨೬ ||
ರಸಾಲರಸಸಂತುಷ್ಟೋ ರಸಾಲರಸಲಾಲಸಃ |
ಕೇತಕೀಪುಷ್ಪಸಂತುಷ್ಟೋ ಕೇತಕೀಗರ್ಭಸಂಭವಃ || ೧೨೭ ||
ಕೇತಕೀಪತ್ರಸಂಕಾಶಃ ಕೇತಕೀಪ್ರಾಣನಾಶನಃ |
ಗರ್ತಸ್ಥೋ ಗರ್ತಗಂಭೀರೋ ಗರ್ತೇಶೋ ಗರ್ತನಾಯಕಃ || ೧೨೮ ||
ಗರ್ತಗೇಶೋಽತಿಗರ್ತಸ್ಥೋ ಗರ್ತತೀರನಿವಾಸಕಃ |
ಗಣಸೇವ್ಯೋ ಗಣಾಧ್ಯಕ್ಷೋ ಗಣರಾಜೋ ಗಣಾಹ್ವಯಃ || ೧೨೯ ||
ಆನಂದಭೈರವೋ ಭೀರುರ್ಭೈರವೇಶೋ ರುರುರ್ಭಗಃ |
ಸುಬ್ರಹ್ಮಭೈರವೋ ವಾಮಭೈರವೋ ಭೂತಭಾವನಃ || ೧೩೦ ||
ಭೈರವೀತನಯೋ ದೇವೀಪುತ್ರಃ ಪರ್ವತಸಂಭವಃ |
ನಾಮ್ನಾ ಯೇನ ಸಹಸ್ರೇಣ ಸ್ತುತ್ವಾ ಬಟುಕಭೈರವಮ್ || ೧೩೧ ||
ಲಭತೇ ಹ್ಯತುಲಾಂ ಲಕ್ಷ್ಮೀಂ ದೇವಾನಾಮಪಿ ದುರ್ಲಭಾಮ್ |
ಉಪದೇಶಂ ಗುರೋರ್ಲಬ್ಧ್ವಾ ಯೋಗೇ ತ್ರಿಮಂಗಳೀ ಭವೇತ್ || ೧೩೨ ||
ಅಷ್ಟಮ್ಯಾಂ ವಾ ಚತುರ್ದಶ್ಯಾಂ ವಾಸರೇ ಭೂಮಿಸಂಭವೇ |
ಶುಕ್ರೇ ವಾ ರವಿಸಂಕ್ರಾಂತೌ ಯೋಗೋಽಯಮುತ್ತಮಃ ಪ್ರಭೋ || ೧೩೩ ||
ತಸ್ಮಿನ್ ಯೋಗೇ ಮಹೇಶಾನಿ ಸರ್ವಸಿದ್ಧಿಮವಾಪ್ನುಯಾತ್ |
ಲಕ್ಷಮಾವರ್ತಯೇನ್ಮಂತ್ರಂ ಮಂತ್ರರಾಜಂ ನಗೇಶ್ವರಿ || ೧೩೪ ||
ನಿತ್ಯಕರ್ಮಸುಸಿದ್ಧ್ಯರ್ಥಂ ತತ್ಫಲಂ ಲಭತೇ ಧ್ರುವಮ್ |
ಸ್ತವಮೇನಂ ಪಠೇನ್ಮಂತ್ರೀ ಪಾಠಯನ್ ವಾ ಯಥಾವಿಧಿ || ೧೩೫ ||
ದುರ್ಲಭಾಂ ಲಭತೇ ಸಿದ್ಧಿಂ ಸರ್ವದೇವನಮಸ್ಕೃತಾಮ್ |
ನ ಪ್ರಕಾಶ್ಯಂ ಚ ಪುತ್ರೇಷು ಭ್ರಷ್ಟೇಷು ತು ಕದಾಚನ || ೧೩೬ ||
ಅನ್ಯಥಾ ಸಿದ್ಧಿರೋಧಃ ಸ್ಯಾದ್ವಾತುಲೋ ವಾ ಭವೇತ್ಪ್ರಿಯಃ |
ಸ್ತವಸ್ಯಾಸ್ಯ ಪ್ರಸಾದೇನ ದೇವನಾಯಕವತ್ಪ್ರಿಯಃ || ೧೩೭ ||
ಸಂಗ್ರಾಮೇ ವಿಜಯೇಚ್ಛತ್ರೂನ್ ಮಾತಂಗಾನಿವ ಕೇಸರೀ |
ರಾಜಾನಂ ವಶಯೇತ್ ಸದ್ಯೋ ದೇವಾನಪಿ ವಶಂ ನಯೇತ್ || ೧೩೮ ||
ಕಿಂ ವಾ ಪರಂ ಫಲಂ ನಾಥ ಸ್ತವರಾಜಸ್ಯ ಕಥ್ಯತಾಮ್ |
ಯದ್ಯನ್ಮನಸಿ ಸಂಕಲ್ಪ್ಯ ಸ್ತವಮೇನಮುದೀರಯನ್ || ೧೩೯ ||
ತತ್ತದಾಪ್ನೋತಿ ದೇವೇಶಂ ಬಟುಕಸ್ಯ ಪ್ರಸಾದತಃ |
ಆಪದಾಂ ಹಿ ವಿನಾಶಾಯ ಕಾರಣಂ ಕಾಂತ ದುರ್ಲಭಮ್ || ೧೪೦ ||
ದೇವಾಸುರರಣೇ ಘೋರಂ ದೇವಾನಾಮುಪಕಾರಕಮ್ |
ಪ್ರಕಾಶಿತಂ ಮಯಾ ನಾಥ ತಂತ್ರೇ ಭೈರವದೀಪಕೇ || ೧೪೧ ||
ಅಪುತ್ರೋ ಲಭತೇ ಪುತ್ರಂ ಷಣ್ಮಾಸಾನ್ ನಿರತೋ ನರಃ |
ಪಠಿತ್ವಾ ಪಾಠಯಿತ್ವಾಽಪಿ ಸ್ತವರಾಜಮನುತ್ತಮಮ್ || ೧೪೨ ||
ದರಿದ್ರೋ ಲಭತೇ ಲಕ್ಷ್ಮೀಮೀಪ್ಸಿತಾಮಪಿ ನಿಶ್ಚಲಾಮ್ |
ಕನ್ಯಾರ್ಥೀ ಲಭತೇ ಕನ್ಯಾಂ ಸರ್ವರೂಪಸಮನ್ವಿತಾಮ್ || ೧೪೩ ||
ಪ್ರದೋಷೇ ಬಲಿದಾನೇ ಚ ವಶಯೇದಖಿಲಂ ಜಗತ್ |
ವಟೇ ವಾ ಬಿಲ್ವಮೂಲೇ ವಾ ರಂಭಾಯಾಂ ವಿಪಿನೋಽಪಿ ವಾ || ೧೪೪ ||
ಜಪೇತ್ಸತತಮಾಲಕ್ಷಂ ಮಂತ್ರರಾಜಸ್ಯ ಸಿದ್ಧಯೇ |
ವರ್ಣಲಕ್ಷಂ ಜಪೇದ್ವಾಪಿ ದಿಙ್ಮಾತ್ರಂ ಹಿ ಪ್ರದರ್ಶಿತಮ್ || ೧೪೫ ||
ಪೂಜಯೇತ್ತು ತಿಲೈರ್ಮಾಷೈರ್ದುಗ್ಧೈರ್ಮಾಂಸೈರ್ಝಷೈಸ್ತಥಾ |
ಘೃತಪಕ್ವಾನ್ನತೋ ವಾಽಪಿ ಜೇಮನೈ ರಸಸಂಕುಲೈಃ || ೧೪೬ ||
ಪೂಜಯೇದ್ಧಾರಯೇದ್ವಾಽಪಿ ಸ್ತವಮೇನಂ ಸುಸಾಧಕಃ |
ಪಠೇದ್ವಾ ಪಾಠಯೇದ್ವಾಽಪಿ ಯಥಾವಿಧಿ ಸುರಪ್ರಿಯೇ || ೧೪೭ ||
ಶತ್ರುತೋ ನ ಭಯಂ ತಸ್ಯ ನಾಗ್ನಿಚೌರಾಸ್ತ್ರವಜ್ರಜಮ್ |
ಜ್ವರಾದಿಸಂಭವಂ ವಾಪಿ ಸತ್ಯಂ ಸತ್ಯಂ ಮಹೇಶ್ವರಿ || ೧೪೮ ||
ಭೈರವಾರಾಧನಾಶಕ್ತೋ ಯೋ ಭವೇತ್ಸಾಧಕಃ ಪ್ರಭೋ |
ಸದಾಶಿವಃ ಸ ವಿಜ್ಞೇಯೋ ಭೈರವೇಣೇತಿ ಭಾಷಿತಮ್ || ೧೪೯ ||
ಶ್ರೀಮದ್ಭೈರವರಾಜಸೇವನವಿಧೌ ವೈಯ್ಯಗ್ರಮಾಸೇದುಷಃ
ಪುಂಸಃ ಪಂಚವಿಧಾ ಭವಂತಿ ನವಧಾ ಹ್ಯಷ್ಟೌ ತಥಾ ಸಿದ್ಧಯಃ |
ಕ್ಷೋಣೀಪಾಲಕಿರೀಟಕೋಟಿಮಣಿರುನ್ಮಾಲಾಭರೈರ್ಭೂಯಶೋ
ಮೌಗ್ಧ್ಯಂ ಪಾದಪಯೋಜಯೋರ್ವಿಜಯತೇ ಮೂರ್ಧ್ನಿ ಪ್ರಭೋಶ್ಛತ್ರತಾಮ್ || ೧೫೦ ||
ಇತಿ ಶ್ರೀಭೈರವತಂತ್ರೋಕ್ತ ಶ್ರೀ ಬಟುಕಭೈರವ ಸಹಸ್ರನಾಮ ಸ್ತೋತ್ರಮ್ ||