ಹಸ್ತಾಂಬುಜೇ ಸಂದಧತಂ ತ್ರಿಣೇತ್ರಮ್ |
ದಿಗಂಬರಂ ಭಸ್ಮವಿಭೂಷಿತಾಂಗಂ
ನಮಾಮ್ಯಹಂ ಭೈರವಮಿಂದುಚೂಡಮ್ || ೧ ||
ಕವಿತ್ವದಂ ಸತ್ವರಮೇವ ಮೋದಾ-
-ನ್ನತಾಲಯೇ ಶಂಭುಮನೋಽಭಿರಾಮಮ್ |
ನಮಾಮಿ ಯಾನೀಕೃತಸಾರಮೇಯಂ
ಭವಾಬ್ಧಿಪಾರಂ ಗಮಯಂತಮಾಶು || ೨ ||
ಜರಾದಿದುಃಖೌಘವಿಭೇದದಕ್ಷಂ
ವಿರಾಗಿಸಂಸೇವ್ಯಪದಾರವಿಂದಮ್ |
ನರಾಧಿಪತ್ವಪ್ರದಮಾಶು ನಂತ್ರೇ
ಸುರಾಧಿಪಂ ಭೈರವಮಾನತೋಽಸ್ಮಿ || ೩ ||
ಶಮಾದಿಸಂಪತ್ಪ್ರದಮಾನತೇಭ್ಯೋ
ರಮಾಧವಾದ್ಯರ್ಚಿತಪಾದಪದ್ಮಮ್ |
ಸಮಾಧಿನಿಷ್ಠೈಸ್ತರಸಾಧಿಗಮ್ಯಂ
ನಮಾಮ್ಯಹಂ ಭೈರವಮಾದಿನಾಥಮ್ || ೪ ||
ಗಿರಾಮಗಮ್ಯಂ ಮನಸೋಽಪಿ ದೂರಂ
ಚರಾಚರಸ್ಯ ಪ್ರಭವಾದಿಹೇತುಮ್ |
ಕರಾಕ್ಷಿಪಚ್ಛೂನ್ಯಮಥಾಪಿ ರಮ್ಯಂ
ಪರಾವರಂ ಭೈರವಮಾನತೋಽಸ್ಮಿ || ೫ ||
ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತಾ ಶ್ರೀ ಕಾಲಭೈರವ ಪಂಚರತ್ನ ಸ್ತುತಿಃ ||