ಶ್ರೀಮತ್ತ್ರಿಪುರಸುಂದರ್ಯಾ ವಂದಿತಾಯಾ ಹರಾದಿಭಿಃ || ೧ ||
ಪ್ರಾತಸ್ತ್ರಿಪುರಸುಂದರ್ಯಾಃ ವ್ರಜಾಮಿ ಚರಣಾಂಬುಜಮ್ |
ಹರಿರ್ಹರೋ ವಿರಿಂಚಿಶ್ಚ ಸೃಷ್ಟ್ಯಾದೀನ್ ಕುರುತೇ ಯಯಾ || ೨ ||
ಪ್ರಾತಸ್ತ್ರಿಪುರಸುಂದರ್ಯಾಃ ನಮಾಮಿ ಪದಪಂಕಜಮ್ |
ಯತ್ಪಾದ್ಯಮಂಬು ಶಿರಸಿ ಭಾತಿ ಗಂಗಾ ಮಹೇಶಿತುಃ || ೩ ||
ಪ್ರಾತಃ ಪಾಶಾಂಕುಶ ಶರ ಚಾಪಹಸ್ತಾಂ ನಮಾಮ್ಯಹಮ್ |
ಉದ್ಯದಾದಿತ್ಯಸಂಕಾಶಾಂ ಶ್ರೀಮತ್ತ್ರಿಪುರಸುಂದರೀಮ್ || ೪ ||
ಪ್ರಾತರ್ನಮಾಮಿ ಪಾದಾಬ್ಜಂ ಯಯೇದಂ ಭಾಸತೇ ಜಗತ್ |
ತಸ್ಯಾಸ್ತ್ರಿಪುರಸುಂದರ್ಯಾಃ ಯತ್ಪ್ರಸಾದಾನ್ನಿವರ್ತತೇ || ೫ ||
ಯಃ ಶ್ಲೋಕ ಪಂಚಕಮಿದಂ ಪ್ರಾತರ್ನಿತ್ಯಂ ಪಠೇನ್ನರಃ |
ತಸ್ಮೈ ದದ್ಯಾದಾತ್ಮಪದಂ ಶ್ರೀಮತ್ತ್ರಿಪುರಸುಂದರೀ || ೬ ||
ತ್ರೈಲೋಕ್ಯಚೈತನ್ಯಮಯೇ ಪರೇಶಿ
ಶ್ರೀನಾಥನಿತ್ಯೇ ಭವದಾಜ್ಞಯೈವ |
ಪ್ರಾತಃ ಸಮುತ್ಥಾಯ ತವ ಪ್ರಿಯಾರ್ಥಂ
ಸಂಸಾರಯಾತ್ರಾಮನುವರ್ತಯಿಷ್ಯೇ || ೭ ||
ಸಂಸಾರಯಾತ್ರಾಮನುವರ್ತಮಾನಂ
ತ್ವದಾಜ್ಞಾಯಾ ಶ್ರೀತ್ರಿಪುರೇ ಪರೇಶಿ |
ಸ್ಪರ್ಧಾ ತಿರಸ್ಕಾರ ಕಲಿಪ್ರಮಾದ
ಭಯಾನಿ ಮಾಮಭಿಭವಂತು ಮಾತಃ || ೮ ||
ಜಾನಾಮಿ ಧರ್ಮಂ ನ ಚ ಮೇ ಪ್ರವೃತ್ತಿಃ
ಜಾನಾಮ್ಯಧರ್ಮಂ ನ ಚ ಮೇ ನಿವೃತ್ತಿಃ |
ತ್ವಯಾ ಹೃಷೀಕೇಶಿ ಹೃದಿಸ್ಥಯಾಽಹಂ
ಯಥಾ ನಿಯುಕ್ತೋಽಸ್ಮಿ ತಥಾ ಕರೋಮಿ || ೯ ||
ಇತಿ ಶ್ರೀ ತ್ರಿಪುರಸುಂದರೀ ಪ್ರಾತಃ ಸ್ಮರಣಮ್ |