ಮಂತ್ರಃ –
ಓಂ ಪ್ರತ್ಯಂಗಿರಾಯೈ ನಮಃ | ಪ್ರತ್ಯಂಗಿರೇ ಸಕಲ ಕಾಮಾನ್ ಸಾಧಯ ಮಮ ರಕ್ಷಾಂ ಕುರು ಕುರು ಸರ್ವಾನ್ ಶತ್ರೂನ್ ಖಾದಯ ಖಾದಯ ಮಾರಯ ಮಾರಯ ಘಾತಯ ಘಾತಯ ಓಂ ಹ್ರೀಂ ಫಟ್ ಸ್ವಾಹಾ ||
ಕವಚಮ್ –
ಭ್ರಾಮಿಣೀ ಸ್ತಂಭಿನೀ ದೇವೀ ಕ್ಷೋಭಿಣೀ ಮೋಹಿನೀ ತಥಾ |
ಸಂಹಾರಿಣೀ ದ್ರಾವಿಣೀ ಚ ಜೃಂಭಿಣೀ ರೌದ್ರರೂಪಿಣೀ || ೧ ||
ಇತ್ಯಷ್ಟೌ ಶಕ್ತಯೋ ದೇವಿ ಶತ್ರುಪಕ್ಷೇ ನಿಯೋಜಿತಾಃ |
ಧಾರಯೇತ್ ಕಂಠದೇಶೇ ಚ ಸರ್ವಶತ್ರುವಿನಾಶಿನೀ || ೨ ||
ಓಂ ಹ್ರೀಂ ಭ್ರಾಮಿಣೀ ಮಮ ಶತ್ರೂನ್ ಭ್ರಾಮಯ ಭ್ರಾಮಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ಸ್ತಂಭಿನೀ ಮಮ ಶತ್ರೂನ್ ಸ್ತಂಭಯ ಸ್ತಂಭಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ಕ್ಷೋಭಿಣೀ ಮಮ ಶತ್ರೂನ್ ಕ್ಷೋಭಯ ಕ್ಷೋಭಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ಮೋಹಿನೀ ಮಮ ಶತ್ರೂನ್ ಮೋಹಯ ಮೋಹಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ಸಂಹಾರಿಣೀ ಮಮ ಶತ್ರೂನ್ ಸಂಹಾರಯ ಸಂಹಾರಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ದ್ರಾವಿಣೀ ಮಮ ಶತ್ರೂನ್ ದ್ರಾವಯ ದ್ರಾವಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ಜೃಂಭಿಣೀ ಮಮ ಶತ್ರೂನ್ ಜೃಂಭಯ ಜೃಂಭಯ ಓಂ ಹ್ರೀಂ ಸ್ವಾಹಾ |
ಓಂ ಹ್ರೀಂ ರೌದ್ರೀ ಮಮ ಶತ್ರೂನ್ ಸಂತಾಪಯ ಸಂತಾಪಯ ಓಂ ಹ್ರೀಂ ಸ್ವಾಹಾ || ೩ ||
ಫಲಶ್ರುತಿಃ –
ಇಯಂ ವಿದ್ಯಾ ಮಹಾವಿದ್ಯಾ ಸರ್ವಶತ್ರುನಿವಾರಿಣೀ |
ಧಾರಿತಾ ಸಾಧಕೇಂದ್ರೇಣ ಸರ್ವಾನ್ ದುಷ್ಟಾನ್ ವಿನಾಶಯೇತ್ || ೪ ||
ತ್ರಿಸಂಧ್ಯಮೇಕಸಂಧ್ಯಂ ವಾ ಯಃ ಪಠೇತ್ ಸ್ಥಿರಮಾನಸಃ |
ನ ತಸ್ಯ ದುರ್ಲಭಂ ಲೋಕೇ ಕಲ್ಪವೃಕ್ಷ ಇವ ಸ್ಥಿತಃ || ೫ ||
ಯಂ ಯಂ ಸ್ಪೃಶತಿ ಹಸ್ತೇನ ಯಂ ಯಂ ಪಶ್ಯತಿ ಚಕ್ಷುಷಾ |
ಸ ಏವ ದಾಸತಾಂ ಯಾತಿ ಸಾರಾತ್ಸಾರಾಮಿಮಂ ಮನುಮ್ || ೬ ||
ಇತಿ ಶ್ರೀರುದ್ರಯಾಮಲೇ ಶಿವಪಾರ್ವತಿಸಂವಾದೇ ಶ್ರೀ ಬಗಳಾ ಪ್ರತ್ಯಂಗಿರಾ ಕವಚಮ್ ||