ಶ್ರುತ್ವಾ ಚ ಬಗಳಾಪೂಜಾಂ ಸ್ತೋತ್ರಂ ಚಾಪಿ ಮಹೇಶ್ವರ |
ಇದಾನೀಂ ಶ್ರೋತುಮಿಚ್ಛಾಮಿ ಕವಚಂ ವದ ಮೇ ಪ್ರಭೋ || ೧ ||
ವೈರಿನಾಶಕರಂ ದಿವ್ಯಂ ಸರ್ವಾಽಶುಭವಿನಾಶನಮ್ |
ಶುಭದಂ ಸ್ಮರಣಾತ್ ಪುಣ್ಯಂ ತ್ರಾಹಿ ಮಾಂ ದುಃಖನಾಶನಮ್ || ೨ ||
ಶ್ರೀಭೈರವ ಉವಾಚ |
ಕವಚಂ ಶೃಣು ವಕ್ಷ್ಯಾಮಿ ಭೈರವಿ ಪ್ರಾಣವಲ್ಲಭೇ |
ಪಠಿತ್ವಾ ಧಾರಯಿತ್ವಾ ತು ತ್ರೈಲೋಕ್ಯೇ ವಿಜಯೀ ಭವೇತ್ || ೩ ||
ಅಸ್ಯ ಶ್ರೀಬಗಳಾಮುಖೀಕವಚಸ್ಯ ನಾರದ ಋಷಿಃ ಅನುಷ್ಟುಪ್ ಛಂದಃ ಶ್ರೀಬಗಳಾಮುಖೀ ದೇವತಾ ಲಂ ಬೀಜಂ ಈಂ ಶಕ್ತಿಃ ಐಂ ಕೀಲಕಂ ಪುರುಷಾರ್ಥಚತುಷ್ಟಯೇ ಜಪೇ ವಿನಿಯೋಗಃ ||
ಅಥ ಕವಚಮ್ |
ಶಿರೋ ಮೇ ಬಗಳಾ ಪಾತು ಹೃದಯಮೇಕಾಕ್ಷರೀ ಪರಾ |
ಓಂ ಹ್ರೀಂ ಓಂ ಮೇ ಲಲಾಟೇ ಚ ಬಗಳಾ ವೈರಿನಾಶಿನೀ || ೪ ||
ಗದಾಹಸ್ತಾ ಸದಾ ಪಾತು ಮುಖಂ ಮೇ ಮೋಕ್ಷದಾಯಿನೀ |
ವೈರಿಜಿಹ್ವಾಧರಾ ಪಾತು ಕಂಠಂ ಮೇ ಬಗಳಾಮುಖೀ || ೫ ||
ಉದರಂ ನಾಭಿದೇಶಂ ಚ ಪಾತು ನಿತ್ಯಂ ಪರಾತ್ಪರಾ |
ಪರಾತ್ಪರತರಾ ಪಾತು ಮಮ ಗುಹ್ಯಂ ಸುರೇಶ್ವರೀ || ೬ ||
ಹಸ್ತೌ ಚೈವ ತಥಾ ಪಾತು ಪಾರ್ವತೀ ಪರಿಪಾತು ಮೇ |
ವಿವಾದೇ ವಿಷಮೇ ಘೋರೇ ಸಂಗ್ರಾಮೇ ರಿಪುಸಂಕಟೇ || ೭ ||
ಪೀತಾಂಬರಧರಾ ಪಾತು ಸರ್ವಾಂಗಂ ಶಿವನರ್ತಕೀ |
ಶ್ರೀವಿದ್ಯಾ ಸಮಯಂ ಪಾತು ಮಾತಂಗೀ ಪೂರಿತಾ ಶಿವಾ || ೮ ||
ಪಾತು ಪುತ್ರಂ ಸುತಾಂ ಚೈವ ಕಳತ್ರಂ ಕಾಳಿಕಾ ಮಮ |
ಪಾತು ನಿತ್ಯಂ ಭ್ರಾತರಂ ಮೇ ಪಿತರಂ ಶೂಲಿನೀ ಸದಾ || ೯ ||
ಇದಂ ಹಿ ಬಗಳಾದೇವ್ಯಾಃ ಕವಚಂ ಮನ್ಮುಖೋದಿತಮ್ |
ನ ವೈ ದೇಯಮಮುಖ್ಯಾಯ ಸರ್ವಸಿದ್ಧಿಪ್ರದಾಯಕಮ್ || ೧೦ ||
ಪಠನಾದ್ಧಾರಣಾದಸ್ಯ ಪೂಜನಾದ್ವಾಂಛಿತಂ ಲಭೇತ್ |
ಇದಂ ಕವಚಮಜ್ಞಾತ್ವಾ ಯೋ ಜಪೇದ್ಬಗಳಾಮುಖೀಮ್ || ೧೧ ||
ಪಿಬಂತಿ ಶೋಣಿತಂ ತಸ್ಯ ಯೋಗಿನ್ಯಃ ಪ್ರಾಪ್ಯ ಸಾದರಾಃ |
ವಶ್ಯೇ ಚಾಕರ್ಷಣೇ ಚೈವ ಮಾರಣೇ ಮೋಹನೇ ತಥಾ || ೧೨ ||
ಮಹಾಭಯೇ ವಿಪತ್ತೌ ಚ ಪಠೇದ್ವಾ ಪಾಠಯೇತ್ ತು ಯಃ |
ತಸ್ಯ ಸರ್ವಾರ್ಥಸಿದ್ಧಿಃ ಸ್ಯಾದ್ಭಕ್ತಿಯುಕ್ತಸ್ಯ ಪಾರ್ವತೀ || ೧೩ ||
ಇತಿ ಶ್ರೀರುದ್ರಯಾಮಲೇ ವೈರಿನಾಶಕರ ಶ್ರೀ ಬಗಳಾಮುಖೀ ಕವಚಮ್ ||