ಭ್ರಮರಾಭಕಚಾ ಭೂಯಾದ್ಭವ್ಯಾಯ ಭವಸೋದರೀ || ೧ ||
ಕರನಿರ್ಜಿತಪಾಥೋಜಾ ಶರದಭ್ರನಿಭಾಂಬರಾ |
ವರದಾನರತಾ ಭೂಯಾದ್ಭವ್ಯಾಯ ಭವಸೋದರೀ || ೨ ||
ಕಾಮ್ಯಾ ಪಯೋಜಜನುಷಾ ನಮ್ಯಾ ಸುರವರೈರ್ಮುಹುಃ |
ರಭ್ಯಾಬ್ಜವಸತಿರ್ಭೂಯಾದ್ಭವ್ಯಾಯ ಭವಸೋದರೀ || ೩ ||
ಕೃಷ್ಣಾದಿಸುರಸಂಸೇವ್ಯಾ ಕೃತಾಂತಭಯನಾಶಿನೀ |
ಕೃಪಾರ್ದ್ರಹೃದಯಾ ಭೂಯಾದ್ಭವ್ಯಾಯ ಭವಸೋದರೀ || ೪ ||
ಮೇನಕಾದಿಸಮಾರಾಧ್ಯಾ ಶೌನಕಾದಿಮುನಿಸ್ತುತಾ |
ಕನಕಾಭತನುರ್ಭೂಯಾದ್ಭವ್ಯಾಯ ಭವಸೋದರೀ || ೫ ||
ವರದಾ ಪದನಮ್ರೇಭ್ಯಃ ಪಾರದಾ ಭವವಾರಿಧೇಃ |
ನೀರದಾಭಕಚಾ ಭೂಯಾದ್ಭವ್ಯಾಯ ಭವಸೋದರೀ || ೬ ||
ವಿನತಾಘಹಾರಾ ಶೀಘ್ರಂ ವಿನತಾತನಯಾರ್ಚಿತಾ |
ಪೀನತಾಯುಕ್ಕುಚಾ ಭೂಯಾದ್ಭವ್ಯಾಯ ಭವಸೋದರೀ || ೭ ||
ವೀಣಾಲಸತಪಾಣಿಪದ್ಮಾ ಕಾಣಾದಮುಖಶಾಸ್ತ್ರದಾ |
ಏಣಾಂಕಶಿಶುಭೃದ್ಭೂಯಾದ್ಭವ್ಯಾಯ ಭವಸೋದರೀ || ೮ ||
ಅಷ್ಟಕಂ ಭವಸೋದರ್ಯಾಃ ಕಷ್ಟನಾಶಕರಂ ದ್ರುತಮ್ |
ಇಷ್ಟದಂ ಸಂಪಠಂಛೀಘ್ರಮಷ್ಟಸಿದ್ಧೀರವಾಪ್ನುಯಾತ್ || ೯ ||
ಇತಿ ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತಂ ಶ್ರೀ ಭವಸೋದರ್ಯಷ್ಟಕಮ್ ||