ಪ್ರಶ್ನಾನಾಂ ದುಸ್ತರಾಣಾಮಪಿ ಲಘು ಸುಸಮಾಧಾನಮಾಶ್ವೇವ ವಕ್ತುಮ್ |
ವಾಗೀಶಾದ್ಯೈಃ ಸುರಾಗ್ರ್ಯೈರ್ವಿವಿಧಫಲಕೃತೇ ಸಂತತಂ ಪೂಜ್ಯಮಾನಾ
ವಾಗ್ದೇವೀ ವಾಂಛಿತಂ ಮೇ ವಿತರತು ತರಸಾ ಶೃಂಗಭೂಭೃನ್ನಿವಾಸಾ || ೧ ||
ವ್ಯಾಖ್ಯಾಮುದ್ರಾಕ್ಷಮಾಲಾಕಲಶಸುಲಿಖಿತೈ ರಾಜದಂಭೋಜಪಾಣಿಃ
ಕಾವ್ಯಾಲಂಕಾರಮುಖ್ಯೇಷ್ವಪಿ ನಿಶಿತಧಿಯಂ ಸರ್ವಶಾಸ್ತ್ರೇಷು ತೂರ್ಣಮ್ |
ಮೂಕೇಭ್ಯೋಽಪ್ಯಾರ್ದ್ರಚಿತ್ತಾ ದಿಶತಿ ಕರುಣಯಾ ಯಾ ಜವಾತ್ಸಾ ಕೃಪಾಬ್ಧಿ-
-ರ್ವಾಗ್ದೇವೀ ವಾಂಛಿತಂ ಮೇ ವಿತರತು ತರಸಾ ಶೃಂಗಭೂಭೃನ್ನಿವಾಸಾ || ೨ ||
ಜಾಡ್ಯಧ್ವಾಂತಾರ್ಕಪಂಕ್ತಿಸ್ತನುಜಿತರಜನೀಕಾಂತಗರ್ವಾಗಮಾನಾಂ
ಶೀರ್ಷೈಃ ಸಂಸ್ತೂಯಮಾನಾ ಮುನಿವರನಿಕರೈಃ ಸಂತತಂ ಭಕ್ತಿನಮ್ರೈಃ |
ಕಾರುಣ್ಯಾಪಾರವಾರಾಂನಿಧಿರಗತನಯಾಸಿಂಧುಕನ್ಯಾಭಿವಾದ್ಯಾ
ವಾಗ್ದೇವೀ ವಾಂಛಿತಂ ಮೇ ವಿತರತು ತರಸಾ ಶೃಂಗಭೂಭೃನ್ನಿವಾಸಾ || ೩ ||
ಇತಿ ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತಃ ಶ್ರೀ ವಾಗ್ದೇವೀ ಸ್ತವಃ ||