-ಜನ್ಮಾವನಿರಪಿ ಪಯೋಜಭವಜಾಯೇ |
ಕಿಂ ಕುರುಷೇ ನ ಕೃಪಾಂ ಮಯಿ
ವದ ವದ ವಾಗ್ವಾದಿನಿ ಸ್ವಾಹಾ || ೧ ||
ಕಿಂ ವಾ ಮಮಾಸ್ತಿ ಮಹತೀ
ಪಾಪತತಿಸ್ತತ್ಪ್ರಭೇದನೇ ತರಸಾ |
ಕಿಂ ವಾ ನ ತೇಽಸ್ತಿ ಶಕ್ತಿರ್ವದ
ವದ ವಾಗ್ವಾದಿನಿ ಸ್ವಾಹಾ || ೨ ||
ಕಿಂ ಜೀವಃ ಪರಮಶಿವಾ-
-ದ್ಭಿನ್ನೋಽಭಿನ್ನೋಽಥ ಭೇದಶ್ಚ |
ಔಪಾಧಿಕಃ ಸ್ವತೋ ವಾ
ವದ ವದ ವಾಗ್ವಾದಿನಿ ಸ್ವಾಹಾ || ೩ ||
ವಿಯದಾದಿಕಂ ಜಗದಿದಂ
ಸರ್ವಂ ಮಿಥ್ಯಾಽಥವಾ ಸತ್ಯಮ್ |
ಮಿಥ್ಯಾತ್ವಧೀಃ ಕಥಂ ಸ್ಯಾ-
-ದ್ವದ ವದ ವಾಗ್ವಾದಿನಿ ಸ್ವಾಹಾ || ೪ ||
ಜ್ಞಾನಂ ಕರ್ಮ ಚ ಮಿಲಿತಂ
ಹೇತುರ್ಮೋಕ್ಷೇಽಥವಾ ಜ್ಞಾನಮ್ |
ತಜ್ಜ್ಞಾನಂ ಕೇನ ಭವೇ-
-ದ್ವದ ವದ ವಾಗ್ವಾದಿನಿ ಸ್ವಾಹಾ || ೫ ||
ಜ್ಞಾನಂ ವಿಚಾರಸಾಧ್ಯಂ
ಕಿಂ ವಾ ಯೋಗೇನ ಕರ್ಮಸಾಹಸ್ರೈಃ |
ಕೀದೃಕ್ಸೋಽಪಿ ವಿಚಾರೋ
ವದ ವದ ವಾಗ್ವಾದಿನಿ ಸ್ವಾಹಾ || ೬ ||
ಇತಿ ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತಂ ಶ್ರೀ ವಾಗ್ವಾದಿನೀ ಷಟ್ಕಮ್ ||