రావెమ్మ నా తల్లి రావెమ్మ ఎల్లమ్మ
పోచమ్మ కనుగొని పులకరించంగా
మైసమ్మ నిన్ను చూసి పరవశించంగా
పెద్దమ్మ నీ రాక వేడుక చూడా
ఎల్లమ్మ నా తల్లి ఎల్లిపోతావా
ఈ వీధిలో నీకు గుడి లేదమ్మా
ఈ మనసులో నిన్ను మరువలేమమ్మా
పసుపు కొమ్ముల తోటి నిను కొలిచెదమమ్మా
కుంకుమ బొట్టు తోటి నీ దయ పొందెదమమ్మా
బోనాలు నెత్తినెట్టి నీ బాటలో నడవంగ
వేపమండల చేత పట్టి నిన్ను వేడంగా
ఎల్లమ్మ నా తల్లి రావమ్మా వీధికి
చల్లని దీవెనలు ఇవ్వమ్మా ఊరికి