హారతులిచ్చే పూజలు చేసేరు కొండగట్టు అంజన్న నీకు
ముడుపులు కట్టి మొక్కులు పెట్టేరు కొండగట్టు అంజన్న నీకు
వందనాలు వందనాలు వందనాలయ్యో వాయుపుత్ర ఆంజనేయ వందనాలయ్యో
వందనాలు వందనాలు వందనాలయ్యో వాయుపుత్ర ఆంజనేయ వందనాలయ్యో
చల్లని అంజన్నవాని ముల్లెమూటలు కట్టుకొని
మల్లేపూలు, బంతిపూలు, గంపెడు పూలు పట్టుకొని
మా పిల్లజెల్లు నెత్తుకున్నాము కొండగట్టు అంజన్న స్వామి
జెల్లిజెల్లి వత్తావున్నము కొండగట్టు అంజన్న స్వామి
మాట మాటను పాటలు చేసి నీ పాటలే పాడుకుంటా
ఘల్లు ఘల్లున ఘజ్జెలు కట్టి చెంగు చెంగున చిందులు వేసి
నీ పాటలే పాడుకుంటాము కొండగట్టు అంజన్న స్వామి
నీ భజనలే చేతవుంటాము కొండగట్టు అంజన్న స్వామి
మా గుండెల్లోన గుడినేకట్టి గుడిలోన నిన్నే పెట్టి
భక్తితోటి నిన్నే కొలిచి బాధలన్ని చెప్పుకోని
అంజన్నా ధనము ధాన్యాలు వద్దయ్యో కొండగట్టు అంజన్న స్వామి
నీ పూజలు మాకు ముద్దయ్యో కొండగట్టు అంజన్న స్వామి