ವರೇಣ್ಯರೂಪಿಣೀಂ ವಿಧಾಯಿನೀಂ ವಿಧೀಂದ್ರಸೇವಿತಾಮ್ |
ನಿಜಾಂ ಚ ವಿಶ್ವಮಾತರಂ ವಿನಾಯಿಕಾಂ ಭಯಾಪಹಾಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೧ ||
ಅನೇಕಧಾ ವಿವರ್ಣಿತಾಂ ತ್ರಯೀಸುಧಾಸ್ವರೂಪಿಣೀಂ
ಗುಹಾಂತಗಾಂ ಗುಣೇಶ್ವರೀಂ ಗುರೂತ್ತಮಾಂ ಗುರುಪ್ರಿಯಾಮ್ |
ಗಿರೇಶ್ವರೀಂ ಗುಣಸ್ತುತಾಂ ನಿಗೂಢಬೋಧನಾವಹಾಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೨ ||
ಶ್ರುತಿತ್ರಯಾತ್ಮಿಕಾಂ ಸುರಾಂ ವಿಶಿಷ್ಟಬುದ್ಧಿದಾಯಿನೀಂ
ಜಗತ್ಸಮಸ್ತವಾಸಿನೀಂ ಜನೈಃ ಸುಪೂಜಿತಾಂ ಸದಾ |
ಗುಹಸ್ತುತಾಂ ಪರಾಂಬಿಕಾಂ ಪರೋಪಕಾರಕಾರಿಣೀಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೩ ||
ಶುಭೇಕ್ಷಣಾಂ ಶಿವೇತರಕ್ಷಯಂಕರೀಂ ಸಮೇಶ್ವರೀಂ
ಶುಚಿಷ್ಮತೀಂ ಚ ಸುಸ್ಮಿತಾಂ ಶಿವಂಕರೀಂ ಯಶೋಮತೀಮ್ |
ಶರತ್ಸುಧಾಂಶುಭಾಸಮಾನರಮ್ಯವಕ್ತ್ರಮಂಡಲಾಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೪ ||
ಸಹಸ್ರಹಸ್ತಸಂಯುತಾಂ ನು ಸತ್ಯಸಂಧಸಾಧಿತಾಂ
ವಿದಾಂ ಚ ವಿತ್ಪ್ರದಾಯಿನೀಂ ಸಮಾಂ ಸಮೇಪ್ಸಿತಪ್ರದಾಮ್ |
ಸುದರ್ಶನಾಂ ಕಲಾಂ ಮಹಾಲಯಂಕರೀಂ ದಯಾವತೀಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೫ ||
ಸದೀಶ್ವರೀಂ ಸುಖಪ್ರದಾಂ ಚ ಸಂಶಯಪ್ರಭೇದಿನೀಂ
ಜಗದ್ವಿಮೋಹನಾಂ ಜಯಾಂ ಜಪಾಸುರಕ್ತಭಾಸುರಾಮ್ |
ಶುಭಾಂ ಸುಮಂತ್ರರೂಪಿಣೀಂ ಸುಮಂಗಳಾಸು ಮಂಗಳಾಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೬ ||
ಮಖೇಶ್ವರೀಂ ಮುನಿಸ್ತುತಾಂ ಮಹೋತ್ಕಟಾಂ ಮತಿಪ್ರದಾಂ
ತ್ರಿವಿಷ್ಟಪಪ್ರಮೋದದಾಂ ಚ ಮುಕ್ತಿದಾಂ ಜನಾಶ್ರಯಾಮ್ |
ಶಿವಾಂ ಚ ಸೇವಕಪ್ರಿಯಾಂ ಮನೋಮಯೀಂ ಮಹಾಶಯಾಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೭ ||
ಮುದಾಲಯಾಂ ಮುದಾಕರೀಂ ವಿಭೂತಿದಾಂ ವಿಶಾರದಾಂ
ಭುಜಂಗಭೂಷಣಾಂ ಭವಾಂ ಸುಪೂಜಿತಾಂ ಬುಧೇಶ್ವರೀಮ್ |
ಕೃಪಾಭಿಪೂರ್ಣಮೂರ್ತಿಕಾಂ ಸುಮುಕ್ತಭೂಷಣಾಂ ಪರಾಂ
ಸರಸ್ವತೀಮಹಂ ಭಜೇ ಸನಾತನೀಂ ವರಪ್ರದಾಮ್ || ೮ ||
ಇತಿ ಶ್ರೀ ಸರಸ್ವತೀ ಸ್ತವಮ್ ||