ఆరుద్రానక్షత్రం

మార్గశిరమాసం లో మృగశిరా నక్షత్రం పౌర్ణమి కలసివచ్చిన రోజు రాత్రి శివాలయాలలో నటరాజస్వామి కి అభిషేకపూజలు చేసి, 

ఆ మరునాడు ఆరుద్రా నక్షత్రం రోజున

చేసే ఘనమైన ఉత్సవమే తిరువాదిరై (ఆరుద్రా) నక్షత్ర

ఉత్సవము.

కాలానికి లెక్క కట్టలేనంత యుగాల క్రితం ఈ అఖిలాండ బ్రహ్మాండంలో అతిపెద్ద విస్ఫోటనం జరిగినది.

అప్పుడు చెదిరిపడిన ముక్కల నుండి 

యీ భూమి,అనేక నక్షత్రాలు, గ్రహాలు ఉద్భవించాయని అంటారు.

ఆ సమయంలో ఉదయించిన నక్షత్ర సముదాయానికి

ఆరుద్రా నక్షత్రం అని పేరు. అందుకే ఆరుద్రా నక్షత్రాన్ని సృష్ట్యాది నక్షత్రం అంటారు. ఆ ఆరుద్రా నక్షత్ర సముదాయం పేరుతోనే ఈశ్వరుడు తిరువాదిరైయాన్ అని పిలువబడుతున్నాడు.

ఈ సందర్భంగానే మార్గశిర ఆరుద్రానక్షత్రం రోజున పరమేశ్వరునికి ఉత్సవం జరిపే

సంప్రదాయం ఏర్పడింది. ఆ రోజున

చిదంబరంలో నటరాజస్వామి కి మహా వైభవంగా ఉత్సవాలు జరుపుతారు.

మొదటి రోజు ధ్వజారోహణంతో

ఉత్సవం ఆరంభమౌతుంది.

దక్షిణ దేశపు శివాలయాలన్నిటిలో 

తిరువాదిరై ఉత్సవాలు వైభవోపేతంగా చేస్తారు. పది రోజుల పాటు ఈ బ్రహ్మోత్సవాలు జరుగుతాయి.

చిదంబరంలో మొదటి ఎనిమిది రోజులు సోమస్కందనికి పరివార దేవతలకు ఊరేగింపు సేవ జరుపుతారు.

9 వ రోజు ఉదయాన నటరాజస్వామిని శివకామిదేవిని ఒక పెద్ద రధంలో పురవీధులలో ఊరేగిస్తారు.

  వినాయకుడు,కుమారస్వామి , చండికేశ్వరుడు చిన్నరధాలలో ఊరేగింపుగా వస్తారు. 

ఆ రాత్రంతా తెల్లవారేవరకు బిందెలు బిందెలుగా పాలు , పెరుగు, తేనె , చందనం మొదలైన వాటితో " మహాభిషేకం " చేస్తారు. తరువాత లక్షార్చన జరుగుతుంది.

మధ్యాహ్నం సర్వాలంకారాలతో పరమేశ్వరుడు, అమ్మవారు వేయి కాళ్ళ స్ధంభం నుండి

తాండవం చేస్తూ 

తిరుసభకి వస్తారు.

దానినే తిరువాదిరై దర్శనం అని, ఆరుద్రా

దర్శనం అని అంటారు.

ఆ సమయంలోనే పెరుందతురై ఆలయంలోని ఆత్మనాదర్ కి ఆదిరై ఉత్సవం

జరుపుతారు.

ఆత్మనాదర్, వృషభవాహనం , కైలస పర్వత వాహనం,

భూత వాహనం మొదలైన వాహనాలపై

ఊరేగింపు సేవోత్సవంలో భక్తులకు దర్శనం యిస్తాడు. తిరువారూరు లో ఆదిరై ఉత్సవాలు ఎంతో అమోఘంగా వైభవంగా జరుపుతారు.