గణేశవిష్ణుసూర్యేశదుర్గాఖ్యం దేవపఞ్చకమ్ ||
వన్దే విశుద్ధమనసా జనసాయుజ్యదాయకమ్ ||౧||
ఏకరూపాన్ భిన్నమూర్తీన్ పఞ్చదేవాన్నమస్కృతాన్ ||
వన్దే విశుద్ధభావేనేశామ్బేనైకరదాచ్యుతాన్ ||౨||
కల్యాణదాయినో దేవాన్నమస్కార్యాన్మహౌజసః ||
విష్ణుశమ్భుశివాసూర్యగణేశాఖ్యాన్నమామ్యహమ్ ||౩||
ఏకాత్మనో భిన్నరూపాన్ లోకరక్షణతత్పరాన్ ||
శివవిష్ణుశివాసూర్యహేరమ్బాన్ ప్రణమామ్యహమ్ ||౪||
దివ్యరూపానేకరూపాన్నానారూపాన్నమస్కృతాన్ ||
శివాశఙ్కరహేరమ్బవిష్ణుసూర్యాన్నమామ్యహమ్ ||౫||
నిత్యానానన్దసన్దోహదాయినో దీనపాలకాన్ ||
శివాచ్యుతగణేశేన దుర్గాఖ్యాన్ నౌమ్యహం సురాన్ ||౬||
కమనీయతనూన్దేవాన్ సేవావశ్యాన్ కృపావతః ||
శఙ్కరేణ శివావిష్ణుగణేశాఖ్యాన్నమామ్యహమ్ ||౭||
సూర్యవిష్ణుశివాశంభువిఘ్నరాజాభిధాన్సురాన్ ||
ఏకరూపాన్ సదా వన్దే సుఖసన్దోహసిద్ధయే ||౮||
హరౌ హరే తీక్ష్ణకరే గణేశే శక్తౌ న భేదో జగదాదిహేతుషు ||
అధః పతన్త్యేషు భిదాం దధానా భాషాన్త ఏవంయతయోఽచ్యుతాశ్రమాః ||౯||
ఇతి శ్రీమదచ్యుతాశ్రమవిరచితం పఞ్చదేవతాస్తోత్రం సంపూర్ణమ్