పామాయిల్ ప్రతిచోటా ఉంది , మీ ఆహారంలో, మీ సబ్బులలో, సౌందర్య సాధనాలలో, మీ స్నాక్స్లో, కొన్నిసార్లు మీ చాక్లెట్లో కూడా.
ఇది ఒక అద్భుత పదార్ధంగా లేబుల్ చేయబడింది. పామాయిల్ మన సబ్బును మరింత బబ్లీగా చేస్తుంది, చిప్స్ను మరింత క్రిస్పీగా చేస్తుంది. అది మన కొవ్వొత్తులకు వాటి జ్వాలని ఇవ్వగలదు, అది మన లిప్స్టిక్ను సున్నితంగా చేస్తుంది.భారతదేశంలోని ప్రతి వీధి మూలలో పామాయిల్ ఉంది. మీకు ఇష్టమైన స్నాక్స్, బర్గర్ల నుండి వేయించిన చిప్స్, సమోసా పామాయిల్తో తయారు చేయబడింది.పామాయిల్ను అత్యధికంగా దిగుమతి చేసుకునే దేశం భారత్ అని మీకు తెలుసా? పామాయిల్ గుండె జబ్బులను ప్రోత్సహిస్తుందని నిపుణులు భావిస్తున్నారు మరియు ఇది క్యాన్సర్తో ముడిపడి ఉంది. ఇది ఆచరణాత్మకంగా మీరు బయట తినే ప్రతిదానిలో కనిపిస్తుంది, అందుకే ఇంటి ఆహారం ఆరోగ్య ఆహారం, బయట ఎక్కువగా తినడం ఆరోగ్యానికి హానికరం. కాబట్టి వైద్యులు ఏమి చెబుతున్నారు? మీరు ఏమి చేయాలి?ఇది ప్రపంచంలో అత్యధికంగా ఉత్పత్తి చేయబడిన, అత్యధికంగా వినియోగించబడే కూరగాయల నూనెలలో ఒకటి. ఇది ఆయిల్ పామ్ చెట్టు పండు నుండి తీయబడుతుంది. అవి ఉష్ణమండల వాతావరణంలో కనిపిస్తాయి. 150 దేశాలలో 3 బిలియన్ల మంది ప్రజలు పామాయిల్తో ఉత్పత్తులను ఉపయోగిస్తున్నారు. సగటున, 1 వ్యక్తి 1 సంవత్సరంలో 8 కిలోల పామాయిల్ను తీసుకుంటాడు. మనలో చాలా మంది దానిని ఎలా, ఎంత వినియోగిస్తున్నామో కూడా గుర్తించo.తక్కువ ధర, అధిక వాల్యూమ్లు మనం ఉపయోగించే దాదాపు ప్రతి ఉత్పత్తిలో అవి ఉండటానికి కారణం. ఆయిల్ పామ్ అధిక ఉత్పాదకతను కలిగి ఉంటుంది కాబట్టి సరఫరా సమృద్ధిగా ఉంది. ఇతర విషయం ఏమిటంటే ఇది 50% సంతృప్త కొవ్వు. మనకు అవసరమైన దానికంటే చాలా ఎక్కువ స్థాయి సంతృప్తత.2021లో, భారతదేశం 9 మిలియన్ మెట్రిక్ టన్నుల పామాయిల్ను ఉపయోగించింది. 2018లో వినియోగం దాదాపు 230% పెరిగింది. భారతదేశంలో ఉపయోగించే కూరగాయల నూనె 70% దిగుమతి అవుతుంది ఐతే ఇందులో 60% పామాయిల్.అయితే ఈ వినియోగాన్ని ఎలా నియంత్రించవచ్చు? కొన్ని సంవత్సరాల క్రితం స్టాన్ఫోర్డ్ విశ్వవిద్యాలయం ఒక అధ్యయనాన్ని ప్రచురించింది. పామాయిల్పై 20% పన్ను విధించే అవకాశాన్ని పరిశీలించింది. పామాయిల్పై 20% పన్ను విధిస్తే 3,50,00 మందికి పైగా ప్రాణాలు కాపాడవచ్చని పరిశోధకులు కనుగొన్నారు. 3,50,000 మందికి గుండెపోటు మరియు పక్షవాతం వచ్చే ప్రమాదం తగ్గుతుంది. ఇది సంతృప్త కొవ్వు ఆమ్లాలు మరియు పాల్మిటిక్ ఆమ్లాల యొక్క అధిక కూర్పును కలిగి ఉంటుంది. అవి రక్త కొలెస్ట్రాల్ స్థాయిలను పెంచుతాయి, గుండె జబ్బులను ప్రోత్సహిస్తాయి.దీనికి ఒక కేస్ స్టడీ ఉంది. 1980లలో మారిషస్ పామాయిల్ సబ్సిడీ ఇచ్చింది కాబట్టి అది చౌకగా మారింది. కొత్త గుండె జబ్బుల కేసులు పెరగడంతో మారిషస్ ప్రజలు ఈ సబ్సిడీకి భారీ మూల్యం చెల్లించుకున్నారు. సమస్య చాలా పెద్దదిగా మారడంతో పామాయిల్కు బదులుగా సోయాబీన్ ఆయిల్ సబ్సిడీ చేసారు.ప్రపంచ ఆరోగ్య సంస్థ వారు మారిషస్లో పామాయిల్ నుండి సోయాకు మారడాన్ని అధ్యయనం చేశారు. ప్రజల కొలెస్ట్రాల్ స్థాయిలలో 15% తగ్గుదలని కనుగొన్నారు.అధిక ఉష్ణోగ్రత పై పామాయిల్ను వాడితే అది క్యాన్సర్కు కారణమవుతుందని యూరోపియన్ ఫుడ్ సేఫ్టీ అథారిటీ కనుగొంది. పామాయిల్ వేడి చేసినప్పుడు అది గ్లైసిడైల్ ఫ్యాటీ యాసిడ్స్ ఈస్టర్లను విడుదల చేస్తుంది. మానవ శరీరం ద్వారా జీర్ణమైనప్పుడు గ్లైసిడైల్ ఫ్యాటీ యాసిడ్ ఈస్టర్లు గ్లైసిడాల్గా మారుతాయి.శాస్త్రవేత్తలు గ్లైసిడోల్ను విస్తృతంగా అధ్యయనం చేశారు వారు దానిని ఎలుకల పై పరీక్షించారు. గ్లైసిడోల్ ప్రాణాంతక మరియు నిరపాయమైన ట్యూమర్లను ప్రేరేపించింది. ఇందులో కొన్ని వాదనలు అతిశయోక్తి అని విమర్శకులు అంటున్నారు. నమూనా పరిమాణం చాలా తక్కువగా ఉందని వారు అంటున్నారు. పామాయిల్ ఎంత మోతాదులో ఉపయోగించాలి అనే దానిపై తక్కువ రీసెర్చ్ వుంది అని అంటున్నారు. కానీ పామాయిల్ ఉన్న ప్రతి ఉత్పత్తిని నివారించడం సాధ్యమేనా. మరింత పరిశోధన అందుబాటులోకి వచ్చే వరకు మనం ఏం చేయాలి? మీరు ఏమి వినియోగిస్తున్నారో తనిఖీ చేయండి. సాధ్యమైనంత వరుకు బయట తక్కువ తినండి. నూనె వాడకాన్ని పరిమితం చేయండి.