#ശ്രീനർമദാസഹസ്രനാമസ്തോത്രം

 

ശ്രീ ഗുരുഭ്യോ നമഃ .
ഓം ശ്രീ ഗണേശായ നമഃ .
ശ്രീ നർമദായൈ നമഃ .
വിനിയോഗഃ
അസ്യ ശ്രീനർമദാസഹസ്രനാമസ്തോത്രമാലാമന്ത്രസ്യ രുദ്ര ഋഷിർവിരാട്ഛന്ദഃ
ശ്രീനർമദാദേവതാ ഹ്രീം ബീജം ശ്രീശക്തിഃ സ്വാഹാകീലകം
ശ്രീനർമദാപ്രസാദസിദ്ധ്യർഥേ പഠനേ പൂജനേ സഹസ്രാർചനേ ച വിനിയോഗഃ .

ഋഷ്യാദി ന്യാസഃ
രുദ്രഋഷയേ നമഃ . ശിരസി
വിരാട്ഛന്ദസേ നമഃ . മുഖേ
ശ്രീനർമദാദേവതായൈ നമഃ . ഹൃദയേ
ഹ്രീം ബീജായൈ നമഃ . ഗുഹ്യേ
ശ്രീം ശക്തയേ നമഃ . പാദയോഃ
സ്വാഹാ കീലകായ നമഃ . നാഭൗ
ശ്രീനർമദാപ്രസാദസിദ്ധയർഥേ വിനിയോഗായ നമഃ . സർവാംഗേ

കരാംഗന്യാസഃ
ഓം ഹ്രീം ശ്രീം നർമദായൈ സ്വാഹാ ഇതി നവാർണമന്ത്രണേ .
അഥവാ
ഓം നമഃ അംഗുഷ്ഠാഭ്യാം നമഃ . ഹൃദയായ നമഃ .
ഹ്രീം നമഃ തർജനീഭ്യാം നമഃ . ശിരസേ സ്വാഹാ .
ഓം നമഃ മധ്യമാഭ്യാം നമഃ . ശിഖായൈ വഷട് .
നർമദായൈ നമഃ അനാമികാഭ്യാം നമഃ . കവചായ ഹും .
സ്വാഹാ നമഃ കനിഷ്ഠികാഭ്യാം നമഃ . നേത്രത്രയായ വൗഷട് .
ഓം ഹ്രീം ശ്രീം നർമദായൈ സ്വാഹാ
കരതലകരപൃഷ്ഠാഭ്യാം നമഃ . അസ്ത്രായ ഫട് .
മൂലേന ത്രിർവ്യാപകം .

ധ്യാനം
ധ്യായേ ശ്രീ സിദ്ധനാഥാം ഗണവഹസരിതാം നർമദാം ശർമ്മദാത്രീം
ശ്യാമാം ബാലേവ നീലാംബരമുഖനയനാംഭോജയുഗ്മൈകമിന്ദും .
ചൂഡാഞ്ചാഭീതിമാലാം വരജലകരകാം ഹസ്തയുഗ്മേ ദധാനാം
തീർഥസ്ഥാം ഛത്രഹസ്താം ഝഷവരനൃപഗാം ദേശികസ്യാസനാഗ്രേ .. 1..

നർമദേ ഹരസംഭൂതേ ഹരലിംഗാർചനപ്രിയേ .
ഹരലിംഗാഞ്ചിതതടേ ജയാഘം ഹര നർമദേ .. 2..

ഇതി ധ്യാത്വാ യന്ത്രേഽഥവാ പ്രവാഹേ മാനസോപചാരൈഃ സമ്പൂജ്യ
നാമസ്തോത്രപാഠം പ്രത്യേക നാമമന്ത്രേണ പൂജനം
വാ സമാചരേത്, യന്ത്രസ്വരൂപം യഥാ
ശ്രീനർമദായൈ നമഃ .

അഥ സഹസ്രനാമസ്തോത്രം .
നർമദാ നമനീയാ ച നഗേജ്യാ നഗരേശ്വരീ .
നഗമാലാവൃതതടാ നഗേന്ദ്രോദരസംസൃതാ .. 1..

നദീശസംഗതാ നന്ദാ നന്ദിവാഹനസന്നതാ .
നരേന്ദ്രമാലിനീ നവ്യാ നക്രാസ്യാ നർമഭാഷിണീ .. 2..

നരാർതിഘ്നാ നരേശാനീ നരാന്തകഭയാപഹാ .
നരകാസുരഹന്ത്രീ ച നക്രവാഹനശോഭനാ .. 3..

നരപ്രിയാ നരേന്ദ്രാണീ നരസൗഖ്യവിവർധിനീ .
നമോരൂപാ ച നക്രേശീ നഗജാ നടനപ്രിയാ .. 4..

നന്ദികേശ്വരസമ്മാന്യാ നന്ദികേശാനമോഹിനീ .
നാരായണീ നാഗകന്യാ നാരായണപരായണാ .. 5..

നാഗസന്ധാരിണീ നാരീ നാഗാസ്യാ നാഗവല്ലഭാ .
നാകിനീ നാകഗമനാ നാരികേലഫലപ്രിയാ .. 6..

നാദേയജലസംവാസാ നാവികൈരഭിസംശ്രിതാ .
നിരാകാരാ നിരാലംബാ നിരീഹാ ച നിരഞ്ജനാ .. 7..

നിത്യാനന്ദാ നിർവികാരാ നിഃശങ്കാ നിശ്രയാത്മികാ .
നിത്യരൂപാ നിഃസ്പൃഹാ ച നിർലോഭാ നിഷ്കലേശ്വരീ .. 8..

നിർലേപാ നിശ്ചലാ നിത്യാ നിർധൂതാനനുമോദിനീ .
നിർമലാ നിർമലഗതിർനിരാമയസുവാരിണീ .. 9..

നിതംബിനീ ച നിർദംഷ്ട്രാ നിർധനത്വനിവാരിണീ .
നിർവികാരാ നിശ്ചയിനീ നിർഭ്രമാ നിർജരാർഥദാ .. 10..

നിഷ്കലങ്കാ നിർജരാ ച നിർദോഷാ നിർഝരാ നിജാ .
നിശുംഭശുംഭദമനീ നിഘ്നനിഗ്രഹകാരിണീ .. 11..

നീപപ്രിയാ നീപരതാ നീചാചരണനിർദയാ .
നീലക്രാന്താ നീരവാഹാ നീലാലകവിലാസിനീ .. 12..

നുതിപാത്രാ നുതിപ്രിയാ നുതപാപനിവാരിണീ .
നൂതനാലങ്കാരസന്ധാത്രീ നൂപുരാഭരണപ്രിയാ .. 13..

നേപഥ്യരഞ്ജിതാ നേത്രീ നേദീയഃസ്വരഭാജിനീ .
നൈസർഗികാനന്ദദാത്രീ നൈരുജ്യകാരിവാരിണീ .. 14..

നന്ദവർധിനീ നന്ദയിത്രീ നന്ദകീ നന്ദരൂപിണീ .
പരമാ പരമേശാനാ പരാധാരാ പരമേശ്വരീ .. 15..

പദ്മാഭാ പദ്യനയനാ പദ്മാ പദ്മദലപ്രിയാ .
പദ്മാക്ഷീ പദ്മവദനാ പദ്മമാലാവിമൂഷിണീ .. 16..

പക്ഷാധാരാ പക്ഷിണീ ച പക്ഷേജ്യാ പരമേശ്വരീ .
പശുപ്രിയാ പശുരതാ പയഃസമ്മോഹകാരിണീ .. 17..

പഥിപ്രിയാ പഥിരതാ പഥിനീ പഥിരക്ഷിണീ .
പങ്കകർകരകൂലാ ച പങ്കഗ്രാഹസുസംയുതാ .. 18..

പ്രഭാവതീ പ്രഗൽഭാ ച പ്രഭാജിതജഗത്തമാ .
അകൃത്രിമപ്രഭാരൂപാ പരബ്രഹ്മസ്വരൂപിണീ .. 19..

പാപാത്മാനാം പാവയിത്രീ പാപജാലനിവാരിണീ .
പാകശാസനവന്ദ്യാ ച പാപസന്താപഹാരിണീ .. 20..

പികരൂപാ പികേശീ ച പികവാക് പികവല്ലഭാ .
പീയൂഷാഢ്യപ്രപാനീയാ പീതശ്വേതാദിവർണിനീ .. 21..

പുരന്ദരീ പുണ്ഡ്രധാരീ പുരുഹൂതാഭിവന്ദിതാ .
പുണ്ഡരീകവിശാലാക്ഷീ പുരുഷാർഥപ്രദായിനീ .. 22..

പൂതാ പൂതോദകാ പൂർണാ പൂർവഗംഗാ ച പൂരിതാ .
പഞ്ചമീ പഞ്ചപ്രേമാ ച പണ്ഡിതാ പങ്കജേശ്വരീ .. 23..

ഫലദാ ഫലരൂപാ ച ഫലേജ്യാ ഫലവർധിനീ .
ഫണിപാലാ ഫലേശീ ച ഫലാവർജ്യാ ഫണിപ്രിയാ .. 24..

ബലാ ബാലാ ബ്രഹ്മരൂപാ ബ്രഹ്മവിഷ്ണുശിവാത്മികാ .
ബദരീഫലസന്ദോഹസംസ്ഥിതാ ബദരീപ്രിയാ .. 25..

ബദര്യാശ്രമസംസ്ഥാ ച ബകദാൽഭ്യപ്രപൂജിതാ .
ബദരീഫലസംസ്നേഹാ ബദരീഫലതോഷിണീ .. 26..

ബദരീഫലസമ്പൂജ്യാ ബദരീഫലഭാവിതാ .
ബർഹിഭീരഞ്ജിതാ ചൈവ വഹുലാ വഹുമാർഗഗാ .. 27..

ബാഹുദണ്ഡവിലാസിനീ ബ്രാഹ്മീ ബുദ്ധിവിവർധിനീ .
ഭവാനീ ഭയഹർത്രീ ച ഭവപാശവിമോചിനീ .. 28..

ഭസ്മചന്ദനസംയുക്താ ഭയശോകവിനാശിനീ .
ഭഗാ ഭഗവതീ ഭവ്യാ ഭഗേജ്യാ ഭഗപൂജിതാ .. 29..

ഭാവുകാ ഭാസ്വതീ ഭാമാ ഭ്രാമരീ ഭാസകാരിണീ .
ഭാരദ്വാജർഷിസമ്പൂജ്യാ ഭാസുരാ ഭാനുപൂജിതാ .. 30..

ഭാലിനീ ഭാർഗവീ ഭാസാ ഭാസ്കരാനന്ദദായിനീ .
ഭിക്ഷുപ്രിയാ ഭിക്ഷുപാലാ ഭിക്ഷുവൃന്ദസുവന്ദിതാ .. 31..

ഭീഷണാ ഭീമശൗര്യാ ച ഭീതിദാ ഭീതിഹാരിണീ .
ഭുജഗേന്ദ്രശയപ്രീതാ ഭുവിഷ്ഠാ ഭുവനേശ്വരീ .. 32..

ഭൂതാത്മികാ ഭൂതപാലാ ഭൂതിദാ ഭൂതലേശ്വരീ .
ഭൂതഭവ്യാത്മികാ ഭൂരിദാ ഭൂർഭൂരിവാരിണീ . 33..

ഭൂമിഭോഗരതാ ഭുമിർഭൂമിസ്ഥാ ഭൂധരാത്മജാ .
ഭൂതനാഥസദാപ്രീതാ ഭൂതനാഥസുപൂജിതാ .. 34..

ഭൂദേവാർചിതപാദാബ്ജാ ഭൂധരാവൃതസത്തടാ .
ഭൂതപ്രിയാ ഭൂപശ്രീർഭൂപരക്ഷിണീ ഭൂരിഭൂഷണാ .. 35..

ഭൃശപ്രവാഹാ ഭൃതിദാ ഭൃതകാശാപ്രപൂരിതാ .
ഭേദയിത്രീ ഭേദകർത്രീ ഭേദാഭേദവിവർജിതാ .. 36..

ഭൈരവപ്രീതിപാത്രീ ച ഭൈരവാനന്ദവർധിനീ .
ഭോഗിനീ ഭോഗദാത്രീ ച ഭോഗകൃദ്ഭോഗവർധിനീ .. 37..

ഭൗമപ്രാണിഹിതാകാങ്ക്ഷീ ഭൗമൗഷധിവിവർധിനീ .
മഹാമായാ മഹാദേവീ മഹിലാ ച മഹേശ്വരീ .. 38..

മഹാമോഹാപഹന്ത്രീ ച മഹായോഗപരായണാ .
മഖാനുകൂലാ മഖിനീ മഖഭൂസ്തരഭൂഷണാ .. 39..

മനസ്വിനീ മഹാപ്രജ്ഞാ മനോജ്ഞാ മനോമോഹിനീ .
മനശ്ചാഞ്ചല്യസംഹർത്രീ മനോമലവിനാശിനീ .. 40..

മദഹന്ത്രീ മഥുമതീ മധുരാ മദിരേക്ഷണാ .
മണിപ്രിയാ മനഃസംസ്ഥാ മദനായുധരൂപിണീ .. 41.. var  മനീഷിണീ
മത്സ്യോദരീ മഹാഗർതാ മകരാവാസരൂപിണീ .
മാനിനീ മാനദാ മാന്യാ മാനൈക്യാ മാനമാനിനീ .. 42..

മാർഗദാ മാർജനരതാ മാർഗിണീ 200 മാർഗണപ്രിയാ .
മിതാമിതസ്വരൂപിണീ മിഹികാ മിഹിരപ്രിയാ .. 43..

മീഢുഷ്ടമസ്തുതപദാ മീഢുഷ്ടാ മീരഗാമിനീ .
മുക്തപ്രവാഹാ മുഖരാ മുക്തിദാ മുനിസേബിതാ .. 44..

മൂല്യവദ്വസ്തുഗർഭാ ച മൂലികാ മൂർതരൂപിണീ .
മൃഗദൃഷ്ടിർമൃദുരവാ മൃതസഞ്ജീവവാരിണീ .. 45..

മേധാവിനീ മേഘപുഷ്ടിർമേഘമാനാതിഗാമിനീ .
മോഹിനീ മോഹഹന്ത്രീ ച മോദിനീ മോക്ഷദായിനീ .. 46..

മന്ത്രരൂപാ മന്ത്രഗർഭാ മന്ത്രവിജ്ജനസേവിതാ .
യക്ഷിണീ യക്ഷപാലാ ച യക്ഷപ്രീതിവിവദ്ധിനീ .. 47..

യക്ഷവാരണദക്ഷാ ച യക്ഷസമ്മോഹകാരിണീ .
യശോധരാ യശോദാ ച യദുനാഥവിമോഹിനീ .. 48..

യജ്ഞാനുകൂലാ യജ്ഞാംഗാ യജ്ഞേജ്യാ യജ്ഞവർധിനീ .
യാജ്യൗഷധിസുസമ്പന്നാ യായജൂകജനൈഃശ്രിതാ .. 49..

യാത്രാപ്രിയാ യാത്രികൈഃ സംവ്യാപ്തഭൂര്യാത്രികാർഥദാ .
യുവതീ യുക്തപദവീ യുവതീജനസന്നുതാ .. 50..

യോഗമായാ യോഗസിദ്ധാ യോഗിനീ യോഗവർധിനീ .
യോഗിസംശ്രിതകൂലാ ച യോഗിനാം ഗതിദായിനീ .. 51..

യന്ത്രതന്ത്രജ്ഞസഞ്ജുഷ്ടാ യന്ത്രിണീ യന്ത്രരൂപിണീ .
രമാരൂപാ ച രമണീ രതിഗർവവിഭഞ്ജിനീ .. 52..

രതിപൂജ്യാ രക്ഷികാ ച രക്ഷോഗണവിമോഹിനീ .
രമണീയവിശാലാംഗാ രംഗിണീ രഭസോഗമാ .. 53..

രഘുരാജാർചിതപദാ രഘുവംശവിവർധിനീ .
രാകേശവദനാ രാജ്ഞീ രാജഭോഗവിലാസിനീ .. 54..

രാജകേലിസമാക്രാന്താ രാഗിണീ രാജതപ്രമാ .
രസപ്രിയാ രാസകേലിവർധിനീ രാസരഞ്ജിനീ .. 55..

രിക്ഥരേണുകണാകീർണാ രഞ്ജിനീ രതിഗാമിനീ .
രുചിരാംഗാ രുച്യനീരാ രുക്മാഭരണമൂഷിതാ .. 56..

രൂപാതിസുന്ദരാ രേവാ രൈഃപ്രദായിനീ രൈണവീ .
രോചിഷ്മതീ രോഗഹർത്രീ രോഗിണാമമൃതോപമാ .. 57..

രൗക്ഷ്യഹർത്രീ രൗദ്രരൂപാ രംഹഗാ രംഹണപ്രിയാ .
ലക്ഷ്മണാ ലക്ഷിണീ ലക്ഷ്മീർലക്ഷണാ ലലിതാംബികാ .. 58..

ലലിതാലാപസംഗീതാ ലവണാംബുധിസംഗതാ .
ലാക്ഷാരുണപദാ ലാസ്യാ ലാവണ്യപൂർണരൂപിണീ .. 59..

ലാലസാധികചാർവംഗീ ലാലിത്യാന്വിതഭാഷിണീ .
ലിപ്സാപൂർണകരാ ലിപ്സുവരദാ ച ലിപിപ്രിയാ .. 60..

ലീലാവപുർധരാ ലീലാ ലീലാലാസ്യവിഹാരിണീ .
ലലിതാദ്രിശിരഃപങ്ക്തിർലൂതാദിഹാരിവാരിണീ .. 61..

ലേഖാപ്രിയാ ലേഖനികാ ലേഖ്യചാരിത്രമണ്ഡിതാ .
ലോകമാതാ ലോകരക്ഷാ-ലോകസംഗ്രഹകാരിണീ .. 62..

ലോലേക്ഷണാ ച ലോലാംഗാ ലോകപാലാഭിപൂജിതാ .
ലോഭനീയസ്വരൂപാ ച ലോഭമോഹനിവാരിണീ .. 63.
ലോകേശമുഖ്യവന്ദ്യാ ച ലോകബന്ധുപ്രഹർഷിണീ .
വപുഷ്മദ്വരരൂപാ ച വത്സലാ വരദായിനീ .. 64..

വർധിഷ്ണുവാരിനിവഹാ വക്രാവക്രസ്വരൂപിണീ .
വരണ്ഡകസുപാത്രാ ച വനൗഷധിവിവർധിനീ .. 65..

വജ്രഗർമാ വജ്രധരാ വശിഷ്ഠാദിമുനിസ്തുതാ .
വാമാ വാചസ്പതിനുതാ വാഗ്മിനീ വാഗ്വികാസിനീ .. 66.. var  വാഗ്ദേവീ
വാദ്യപ്രിയാ ച വാരാഹീ വാഗ്യതപ്രിയകൂലിനീ .
വാദ്യവർധനപാനീയാ വാടികാവർധിനീതടാ .. 67..

വാനപ്രസ്ഥജനാവാസാ വാർവടശ്രേണിരഞ്ജിതാ .
വിക്രയാ വികസദ്വക്ത്രാ വികടാ ച വിലക്ഷണാ .. 68..

വിദ്യാ വിഷ്ണുപ്രിയാ വിശ്വംഭരാ വിശ്വവിമോഹിനീ .
വിശ്വാമിത്രസമാരാധ്യാ വിഭീഷണവരപ്രദാ .. 69..

വിന്ധ്യാചലോദ്ഭവാ വിഷ്ടികർത്രീ ച വിബുധസ്തുതാ .
വീണാസ്യവർണിതയശാ വീചിമാലാവിലോലിതാ .. 70..

വീരവ്രതരതാ വീരാ വീതരാഗിജനൈർനുതാ .
വേദിനീ വേദവന്ദ്യാ ച വേദവാദിജനൈഃ സ്തുതാ .. 71..

വേണുവേലാസമാകീർണാ വേണുസംവാദനപ്രിയാ .
വൈകുണ്ഠപതിസമ്പ്രീതാ വൈകുണ്ഠലഗ്നവാമികാ .. 72..

വൈജ്ഞാനികധിയോർലക്ഷ്യാ വൈതൃഷ്ണ്യകാരിവാരിണീ .
വൈധാത്രനുതപാദാബ്ജാ വൈവിധ്യപ്രിയമാനസാ .. 73..

ശർവരീ ശവരീപ്രീതാ ശയാലുഃ ശയനപ്രിയാ .
ശത്രുസമ്മോഹിനീ ശത്രുബുദ്ധിഘ്നീ ശത്രുഘാതിനീ .. 74..

ശാൻഭവീ ശ്യാമലാ ശ്യാമാ ശാരദാംബാ ച ശാർങ്ഗിണീ .
ശിവാ ശിവപ്രിയാ ശിഷ്ടാ ശിഷ്ടാചാരാനുമോദിനീ .. 75..

ശീഘ്രാ ച ശീതലാ ശീതഗന്ധപുഷ്പാദിമണ്ഡിതാ .
ശുഭാന്വിതജനൈർലഭ്യാ ശുനാസീരാദിസേവിതാ .. 76..

ശൂലിനീ ശൂലഘൃക്പൂജ്യാ ശൂലാദിഹരവാരിണീ .
ശൃംഗാരരഞ്ജിതാംഗാ ച ശൃംഗാരപ്രിയനിമ്നഗാ .. 77..

ശൈവലിനീ ശേഷരൂപാ ശേഷശായ്യഭിപൂജിതാ .
ശോഭനാ ശോഭനാംഗാ ച ശോകമോഹനിവാരിണീ .. 78..

ശൗചപ്രിയാ ശൗരിമായാ ശൗനകാദിമുനിസ്തുതാ .
ശംസാപ്രിയാ ശങ്കരീ ശങ്കരാചാര്യാദിസേവിതാ .. 72..

ശംവർധിനീ ഷഡാരാതിനിഹന്ത്രീ ഷട്കർമിസംശ്രയാ .
സർവദാ സഹജാ സന്ധ്യാ സഗുണാ സർവപാലികാ .. 80..

സർവസ്വരൂപാ സർവേജ്യാ സർവമാന്യാ സദാശിവാ .
സർവകർത്രീം സർവപാത്രീ സർവസ്ഥാ സർവധാരിണീ .. 81..

സർവധർമസുസന്ധാത്രീ സർവവന്ദ്യപദാംബുജാ .
സർവകിൽബിഷഹന്ത്രീ ച സർവഭീതിനിവാരിണീ .. 82..

സാവിത്രീ സാത്ത്വികാ സാധ്വീ സാധുശീലാ ച സാക്ഷിണീ .
സിതാശ്മരപ്രതീരാ ച സിതകൈരവമണ്ഡിതാ .. 83..

സീമാന്വിതാ സീകരാംഭഃസീത്കാരാശ്രയകൂലിനീ .
സുന്ദരീ സുഗമാ സുസ്ഥാ സുശീലാ ച സുലോചനാ .. 84..

സുകേശീ സുഖദാത്രീ ച സുലഭാ സുസ്ഥലാ സുധാ .
സുവാചിനീ സുമായാ ച സുമുഖാ സുവ്രതാ സുരാ .. 85..

സുധാർണവസ്വരൂപാ ച സുധാപൂർണാ സുദർശനാ .
സൂക്ഷ്മാംബരധരാ സൂതവർണിതാ സൂരിപൂജിതാ .. 86..

സൃഷ്ടിവർധിനീ ച സൃഷ്ടികർതൃഭിഃ പരിപൂജിതാ .
സേവാപ്രിയാ സേവധിനീ സേതുബന്ധാദിമണ്ഡിതാ .. 87..

സൈകതക്ഷോണികൂലാ ച സൈരിഭാദിസുഖപ്രിയാ .
സോമരൂപാ സോമദാത്രീ സോമശേഖരമാനിതാ .. 88..

സൗരസ്യപൂർണസലിലാ സൗമേധികജനാശ്രയാ .
സൗശീല്യമണ്ഡിതാ സൗമ്യാ സൗരാജ്യസുഖദായിനീ .. 89..

സൗജന്യയുക്തസുലഭാ സൗമംഗല്യാദിവർധിനീ .
സൗഭാഗ്യദാനനിപുണാ സൗഖ്യസിന്ധുവിഹാരിണീ .. 90..

സംവിധാനപരാ സംവിത്സംഭാവ്യപദദായിനീ .
സംശ്ലിഷ്ടാംബുധിസർവാംഗാ സന്നിധേയജലാശ്രയാ .. 91..

ഹരിപ്രിയാ ഹംസരൂപാ ഹർവസംവർധിനീ ഹരാ .
ഹനുമത്പ്രീതിമാപന്നാ ഹരിദ്ഭൂമിവിരാജിതാ .. 92..

ഹാടകാലങ്കാരഭൂഷാ ച ഹാര്യസദ്ഗുണമണ്ഡിതാ .
ഹിതസംസ്പർശസലിലാ ഹിമാംശുപ്രതിബിംബിതാ .. 93..

ഹീരകദ്യുതിയുക്താ ച ഹീനകർമവിഗർഹിതാ .
ഹുതികർതൃദ്വിജാധാരാ ഹൂശ്ഛർദനക്ഷയകാരിണീ .. 94..

ഹൃദയാലുസ്വഭാവാ ച ഹൃദ്യസദ്ഗുണമണ്ഡിതാ .
ഹേമവർണാഭവസനാ ഹേമകഞ്ചുകിധാരിണീ .. 95..

ഹോതൃണാം പ്രിയകൂലാ ച ഹോമ്യദ്രവ്യസുഗർഭിതാ .
ഹംസാ ഹംസസ്വരൂപാ ച ഹംസികാ ഹംസഗാമിനീ .. 96..

ക്ഷമാരൂപാ ക്ഷമാപൂജ്യാ ക്ഷമാപൃഷ്ഠപ്രവാഹിനീ .
ക്ഷമാകർത്രീ ക്ഷമോദ്ധർത്രീ ക്ഷമാദിഗുണമണ്ഡിതാ .. 97..

ക്ഷരരൂപാ ക്ഷരാ ചൈവ ക്ഷരവസ്ത്വാശ്രയാ തഥാ .
ക്ഷപാകരകരോല്ലാസിനീ ക്ഷപാചരഹാരിണീ .. 98..

ക്ഷാന്താ ക്ഷാന്തിഗുണോപേതാ ക്ഷാമാദിപരിഹാരിണീ .
ക്ഷിപ്രഗാ ക്ഷിത്യലങ്കാരാ ക്ഷിതിപാലസമാഹിതാ .. 99..

ക്ഷീണായുർജനപീയൂഷാ ക്ഷീണകിൽബിഷസേവിതാ .
ക്ഷേത്രിയാദിനിയന്ത്രീ ച ക്ഷേമകാര്യസുതത്പരാ .. 100..

ക്ഷേത്രസംവർധിനീ ചൈവ ക്ഷേത്രൈകജീവനാശ്രയാ .
ക്ഷോണീഭൃദാവൃതപദാ ക്ഷൗമാംബരവിഭൂഷിതാ .. 101..

ക്ഷന്തവ്യഗുണഗംഭീരാ ക്ഷന്തുകർമൈകതത്പരാ .
ജ്ഞപ്തിവർധനശീലാ ച ജ്ഞസ്വരൂപാ ജ്ഞമാതൃകാ .. 102..

ജ്ഞാനസ്വരൂപവ്യക്താ ച ജ്ഞാതൃസംവർധിനീ തഥാ .
അംബാശോകാഽഞ്ജനാ ചൈവ അനിരുദ്ധാഗ്നിസ്വരൂപിണീ .. 103..

അനേകാത്മസ്വരൂപാ ചാമരേശ്വരസുപൂജിതാ .
അവ്യയാക്ഷരരൂപാ ചാപാരാഽഗാധസ്വരൂപിണീ .. 104..

അവ്യാഹതപ്രവാഹാ ച ഹ്യവിശ്രാന്തക്രിയാത്മികാ .
ആദിശക്തിരാദിമായാ ആകീർണനിജരൂപിണീ .. 105..

ആദൃതാത്മസ്വരൂപാ ചാമോദപൂർണവപുഷ്മതീ .
ആസമന്താദാർഷപാദാ ഹ്യാമോദനസുപൂർണഭൂഃ .. 106..

ആതങ്കദാരണഗതിരാലസ്യവാഹനസ്ഥിതാ .
ഇഷ്ടദാനമഹോദാരാ ഇഷ്ടയോഗ്യസുഭൂസ്തുതാ .. 107..

ഇന്ദിരാരമണാരാധ്യാ ഇന്ദുധൃക്പൂജനാരതാ .
ഇന്ദ്രാദ്യമരവന്ദ്യാംഘ്രിരിംഗിതാർഥപ്രദായിനീ .. 108..

ഈശ്വരീ ചേതിഹന്ത്രീ ച ഈതിഭീതിനിവാരിണീ .
ഈപ്സൂനാം കല്പവല്ലരിരുക്ഥശീലവതീ തഥാ .. 109..

ഉത്താനഗതിവാഹാ ചോച്ചോച്ചാവചപദാപഗാ .
ഉത്സാഹിജനസംസേവ്യാ ചോത്ഫുല്ലതരുകൂലിനീ .. 110..

ഊർജസ്വിനീ ചോർജിതാ ച ഊർധ്വലോകപ്രദായിനീ .
ഋണഹർതൃസ്തോത്രതുഷ്ടാ ഋദ്ധിതാർണനിവാരിണീ .. 111..

ഐഷ്ടവ്യപദസന്ധാത്രീ ഐഹികാമുഷ്മികാർഥദാ .
ഓജസ്വിനീ ഹ്യോജോവതീ ഹ്യൗദാര്യഗുണഭാജിനീ .. 112..

കല്യാണീ കമലാ കഞ്ജധാരിണീ കമലാവതീ .
കമനീയസ്വരൂപാ ച കടകാഭരണാന്യിതാ .. 113..

കാശീ കാഞ്ചീ ച കാവേരീ കാമദാ കാര്യവർധിനീ .
കാമാക്ഷീ കാമിനീ കാന്തിഃ കാമാതിസുന്ദരാംഗികാ .. 114..

കാർതവീര്യക്രീഡിതാംഗാ കാർതവീര്യപ്രബോധിനീ .
കിരീടകുണ്ഡലാലങ്കാരാർചിതാ കിങ്കരാർഥദാ .. 115..

കീർതനീയഗുണാഗാരാ കീർതനപ്രിയമാനസാ .
കുശാവർതനിവാസാ ച കുമാരീ കുലപാലികാ .. 116..

കുരുകുല്ലാ കുണ്ഡലിനീ കുംഭാ കുംഭീരവാഹിനീ .
കൂപികാ കൂർദനവതീ കൂപാ കൂപാരസംഗതാ .. 117..

കൃതവീര്യവിലാസാഢ്യാ കൃഷ്ണാ കൃഷ്ണഗതാശ്രയാ .
കേദാരാവൃതമൂഭാഗാ കേകീശുകപികാശ്രയാ .. 118..

കൈലാസനാഥസന്ധാത്രീ കൈവല്യദാ ച കൈടഭാ .
കോശലാ കോവിദനുതാ കോമലാ കോകിലസ്വനാ .. 119..

കൗശേയീ കൗശികപ്രീതാ കൗശികാഗാരവാസിനീ .
കഞ്ജാക്ഷീ കഞ്ജവദനാ കഞ്ജപുഷ്പസദാപ്രിയാ .. 120..

കഞ്ജകാനനസഞ്ചാരീ കഞ്ജമാലാസുസന്ധൃതാ ..

ഖഗാസനപ്രിയാ ഖഡ്ഗപാണിനീ ഖർപരായുധാ .. 121..

ഖലഹന്ത്രീ ച ഖട്വാംഗധാരിണീ ഖഗഗാമിനീ .
ഖാദിപഞ്ചമഹാഭൂതരൂപാ ഖവർധനക്ഷമാ .. 122..

ഗണതോഷിണീ ഗംഭീരാ ഗണമാന്യാ ഗണാധിപാ .
ഗണസംരക്ഷണപരാ ഗണസ്ഥാ ഗണയന്ത്രിണീ .. 123..

ഗണ്ഡകീ ഗന്ധസലിലാ ഗംഗാ ച ഗരുഡപ്രിയാ .
ഗലഗണ്ഡാപഹർത്രീ ച ഗദഹാരിസുവാരിണീ .. 124..

ഗായത്രീ ചൈവ തസ്യാഗ്രേ ഗാധേയാർചിതസത്പദാ .
ഗാഥാപ്രിയാ ഗാഢവഹാ ഗാരുത്മതതടാകിനീ .. 125..

ഗിരിജാ ഗിരീശതനയാ ഗിരീശപ്രേമവർധിനീ .
ഗീർവാണീ ഗീഷ്പതിനുതാ ഗീതികാപ്രിയമാനസാ .. 126..

ഗുഡാകേശാർചനപരാ ഗുരൂരഹഃപ്രവാഹിനീ .
ഗേഹീ സർവാർഥദാത്രീ ച ഗേയോത്തമഗുണാന്യിതാ .. 127..

ഗോധനാ ഗോപനാ ഗോപീ ഗോപാലകസദാപ്രിയാ .
ഗോത്രപ്രിയാ ഗോപവൃതാ ഗോകുലാവൃതസത്തടാ .. 128..

ഗൗരീ ഗൗരാംഗിണീ ഗൗരാ ഗൗതമീ ഗൗതമപ്രിയാ .
ഘനപ്രിയാ ഘനരവാ ഘനൗഘാ ഘനവർധിനീ .. 129..

ഘനാർതിഹർത്രീ ഘനരുക്പരിഹർത്രീ ഘനദ്യുതിഃ .
ഘനപാപൗഘസംഹർത്രീ ഘനക്ലേശനിവാരിണീ .. 130..

ഘനസാരാർതികപ്രീതാ ഘനസമ്മോഹഹാരിണീ .
ഘർമാംബുപരിഹർത്രീ ച ഘർമാന്തഘർമഹാരിണീ .. 131..

ഘർമാന്തകാലസങ്ക്ഷീണാ ഘനാഗമസുഹർഷിണീ .
ഘട്ടദ്വിപാർശ്വാനുഗതാ ഘട്ടിനീ ഘട്ടഭൂഷിതാ .. 132..

ചതുരാ ചന്ദ്രവദനാ ചന്ദ്രികോല്ലാസചഞ്ചലാ .
ചമ്പകാദർശചാർവംഗീ ചപലാ ചമ്പകപ്രിയാ .. 133..

ചലത്കുണ്ഡലചിന്മൗലിചക്ഷുഷീ ചന്ദനപ്രിയാ .
ചണ്ഡമുണ്ഡനിഹന്ത്രീ ച ചണ്ഡികാ ചണ്ഡവിക്രമാ .. 134..

ചാരുരൂപാ ചാരുഗാത്രീ ചാരുചന്ദ്രസമാനനാ .
ചാർവീക്ഷണാ ചാരുനാസാ ചാരുപട്ടാംശുകാവൃതാ .. 135..

ചാരുചന്ദനലിപ്താംഗാ ചാർവലങ്കാരമണ്ഡിതാ .
ചാമീകരസുശോഭാഢ്യാ ചാപഖർപരധാരിണീ .. 136..

ചാരുനക്രവരസ്ഥാ ച ചാതുരാശ്രമ്യജീവിനീ .
ചിത്രിതാംബരസംഭൂഷാ ചിത്രാ ചിത്രകലാപ്രിയാ .. 137..

ചീനകാർതിക്യസമ്പ്രീതാ ചീർണചാരിത്രമണ്ഡനാ .
ചുലുംബകരണാസക്താ ചുംബനാസ്വാദതത്പരാ .. 138..

ചൂഡാമണിസുശോഭാഢ്യാ ചൂഡാലങ്കൃതപാണിനീ .
ചൂലകാദിസുഭക്ഷ്യാ ച ചൂഷ്യാസ്വാദനതത്പരാ .. 139..

ചേതോഹരസ്വരൂപാ ച ചേതോവിസ്മയകാരിണീ .
ചേതസാം മോദയിത്രീ ച ചേതസാമതിപാരഗാ .. 140..

ചൈതന്യഘടിതാംഗാ ച ചൈതന്യലീനഭാവിനീ .
ചോക്ഷ്യവ്യവഹാരവതീ ചോദ്യപ്രകൃതിരൂപിണീ .. 141..

ചോക്ഷ്യസ്വരൂപാ ചോക്ഷ്യാംഗീ ചോക്ഷ്യാത്മനാം സമീപിനീ .
ഛത്രരൂപാ ഛടാകാരാ ഛർദിനീ ഛത്രകാന്വിതാ .. 142..

ഛത്രപ്രിയാ ഛന്നമുഖീ ഛന്ദോനുതയശസ്വിനീ .
ഛാന്ദസാശ്രിതസത്കൂലാ ഛായാഗ്രാഹ്യാ ഛിദ്രാത്മികാ .. 143.. var  ചിദാത്മികാ
ജനയിത്രീ ച ജനനീ ജഗന്മാതാ ജനാർതിഹാ .
ജയരൂപാ ജഗദദ്ധാത്രീ ജവനാ ജനരഞ്ജനാ .. 144..

ജഗജ്ജേത്രീ ച ജഗദാനന്ദിനീ ജഗദംബികാ .
ജനശോകഹരാ ജന്തുജീവിനീ ജലദായിനീ .. 145..

ജഡതാഘപ്രശമനീ ജഗച്ഛാന്തിവിധായിനീ .
ജനേശ്വരനിവാസിനീ ജലേന്ധനസമന്വിതാ .. 146..

ജലകണ്ടകസംയുക്താ ജലസങ്ക്ഷോഭകാരിണീ .
ജലശായിപ്രിയാ ജന്മപാവിനീ ജലമൂർതിനീ .. 147..

ജലായുതപ്രപാതാ ച ജഗത്പാലനതത്പരാ .
ജാനകീ ജാഹ്നവീ ജാഡ്യഹന്ത്രീ ജാനപദാശ്രയാ .. 148..

ജിജ്ഞാസുജനജിജ്ഞാസ്യാ ജിതേന്ദ്രിയസുഗോചരാ .
ജീവാനാം ജന്മഹേതുശ്ച ജീവനാധാരരൂപിണീ .. 149..

ഝഷസംഖ്യാകുലാധാനീ ഝഷരാജായുതാകുലാ .
ഝഞ്ഝനധ്യനിപ്രീതാ ച ഝഞ്ഝാനിലസമർദിതാ .. 150..

ടട്ടരശ്രവണപ്രീതാ ഠക്കുരശ്രവണപ്രിയാ .
ഡയനാരോഹസഞ്ചാരീ ഡമരീവാദ്യസത്പ്രിയാ .. 151..

ഡാങ്കൃതധ്വനിസമ്പ്രീതാ ഡിംബികാഗ്രഹണോദ്യതാ .
ഢുണ്ഢിരാജപ്രിയകരാ ഢുണ്ഢിരാജപ്രപൂജിതാ .. 152..

തന്തുവാദ്യപ്രിയാ തന്ത്രീ തന്ത്രിണീ തപമാനിനീ .
തരംഗിണീ ച തടിനീ തരുണീ ച തപസ്വിനീ .. 153..

തപിനീ ച തമോഹന്ത്രീ തപതീ തത്ത്വവേദിനീ .
തത്ത്വപ്രിയാ ച തന്വംഗീ തപോഽർഥീയസുഭൂമികാ .. 154..

തപശ്ചര്യാവതാം ത്രാത്രീ തപിഷ്ണുജനവാരിണീ .
തന്ദ്രാദിവിഘ്നസംഹർത്രീ തമോജാലനിവാരിണീ .. 155..

താപത്രിതയസംഹർത്രീ താപാപഹാരിവാരിണീ .
തിതിക്ഷുജനസംവാസാ തിതിക്ഷാവൃത്തിവർധിനീ .. 156..

തീവ്രസ്യന്ദാ തീവ്രഗാ ച തീർഥഭൂസ്തീർഥികാശ്രയാ .
തുംഗകേശരകൂലാഢ്യാ തുരാസാഹാദിഭിർനുതാ .. 157..

തുര്യാർഥദാനനിപുണാ തൂർണിനീ തൂർണരംഹിണീ .
തേജോമയീ തേജസോഽബ്ധിരിതി നാമസമർചിതാ .. 158..

തൈജസാനാമഥിഷ്ഠാത്രീ തൈതിക്ഷൂണാം സഹായികാ .
തോഷവാർധിശ്ച തോഷൈകഗുണിനീ തോഷഭാജിനീ .. 159..

തോഷികാന്വിതഭൂയുക്തപൃഷ്ഠിനീപദസംയുതാ .
ദത്തഹസ്താ ദർപഹരാ ദമയന്തീ ദയാർണവാ .. 160..

ദർശനീയാ ദർശയിത്രീ ദക്ഷിണോത്തരകൂലിനീ .
ദസ്യുഹന്ത്രീ ദുർഭരിണീ ദയാദക്ഷാ ച ദർശിനീ .. 161..

ദാനപൂജ്യാ തഥാ ചൈവ ദാനമാനസുതോഷിതാ .
ദാരകൗഘവതീ ദാത്രീ ദാരുണാർതിനിവാരിണീ .. 162..

ദാരിദ്ര്യദുഃഖസംഹർത്രീ ദാനവാനീകനാശിനീ .
ദിണ്ഡീരസ്വനസന്തുഷ്ടാ ദിവൗകസസമർചിതാ .. 163..

ദീനാനാം ധനസന്ദാത്രീ ദീനദൈന്യനിവാരിണീ .
ദീപ്തദീപോല്ലാസവതീ ദീപാരാധനസത്പ്രിയാ .. 164..

ദുരാരാതിഹരാ ദുഃഖഹന്ത്രീ ദുർവാസഃസന്നുതാ .
ദുർലഭാ ദുർഗതിഹരാ ദുഃഖാർതിവിനിവാരിണീ .. 165..

ദുർവാരവാരിനിവഹാ ദുർഗാ ദുർഭിക്ഷഹാരിണീ .
ദുർഗരൂപാ ച ദുരന്തദൂരാ ദുഷ്കൃതിഹാരിണീ .. 166..

ദൂനദുഃഖനിഹന്ത്രീ ച ദൂരദർശിനിഷേവിതാ .
ധന്യാ ധനേശമാന്യാ ച ധനദാ ധനവർധിനീ .. 167..

ധരണീധരമാന്യാ ച ധർമകർമസുവർധിനീ .
ധാമിനീ ധാമപൂജ്യാ ച ധാരിണീ ധാതുജീവിനീ .. 168..

ധാരാധരീ ധാവകാ ച ധാർമികാ ധാതുവർധിനീ .
ധാത്രീ ച ധാരണാരൂപാ ധാവല്യപൂർണവാരിണീ .. 169..

ധിപ്സുകാപട്യഹന്ത്രീ ച ധിഷണേന സുപൂജിതാ .
ധിഷ്ണ്യവതീ ധിക്കൃതാംഹാ ധിക്കൃതാതതകർദമാ .. 170..

ധീരാ ച ധീമതീ ധീദാ ധീരോദാത്തഗുണാന്വിതാ .
ധുതകല്മഷജാലാ ച ധുരീണാ ധുർവഹാ ധുനീ .. 171..

ധൂർതകൈതവഹാരിണീ ധൂലിവ്യൂഹപ്രവാഹിനീ .
ധൂമ്രാക്ഷഹാരിണീ ധൂമാ ധൃഷ്ടഗർവാപഹാ ധൃതിഃ .. 172..

ധൃതാത്മനീ ധൃതിമതീ ധൃതിപൂജ്യശിവോദരാ .
ധേനുസംഗതസർവാംഗാ ധ്യേയാ ധേനുകജീവിനീ .. 173..

നാനാരൂപവതീ നാനാധർമകർമസ്വരൂപിണീ .
നാനാർഥപൂർണാവതാരാ സർവനാമസ്വരൂപിണീ .. 174..

.. ഓം ശ്രീനർമദാർപണമസ്തു ..


Proofread by PSA Easwaran psaeaswaran at gmail.com