ஶ்ரீக³ணேஶாய நம꞉ ..
ஸூத உவாச --
ஶ்ருʼணுத்⁴வம்ʼ முனய꞉ ஸர்வே க³ங்கா³ஸ்தவமனுத்தமம் .
ஶோகமோஹஹரம்ʼ பும்ʼஸாம்ருʼஷிபி⁴꞉ பரிகீர்திதம் .. 1..
ருʼஷய ஊசு꞉ --
இயம்ʼ ஸுரதரங்கி³ணீ ப⁴வனவாரிதே⁴ஸ்தாரிணீ
ஸ்துதா ஹரிபதா³ம்பு³ஜாது³பக³தா ஜக³த்ஸம்ʼஸத³꞉ .
ஸுமேருஶிக²ராமரப்ரியஜலாமலக்ஷாலினீ
ப்ரஸன்னவத³னா ஶுபா⁴ ப⁴வப⁴யஸ்ய வித்³ராவிணீ .. 2..
ப⁴கீ³ரத²ரதா²னுகா³ ஸுரகரீந்த்³ரத³ர்பாபஹா
மஹேஶமுகுடப்ரபா⁴ கி³ரிஶிர꞉பதாகா ஸிதா .
ஸுராஸுரனரோரகை³ரஜப⁴வாச்யுதை꞉ ஸம்ʼஸ்துதா
விமுக்திப²லஶாலினீ கலுஷநாஶினீ ராஜதே .. 3..
பிதாமஹகமண்ட³லுப்ரப⁴வமுக்திபீ³ஜா லதா
ஶ்ருதிஸ்ம்ருʼதிக³ணஸ்துதத்³விஜகுலாலவாலாவ்ருʼதா .
ஸுமேருஶிக²ராபி⁴தா³ நிபதிதா த்ரிலோகாவ்ருʼதா
ஸுத⁴ர்மப²லஶாலினீ ஸுக²பலாஶினீ ராஜதே .. 4..
சரத்³விஹக³மாலினீ ஸக³ரவம்ʼஶமுக்திப்ரதா³
முனீந்த்³ரவரனந்தி³னீ தி³வி மதா ச மந்தா³கினீ .
ஸதா³ து³ரிதநாஶினீ விமலவாரிஸந்த³ர்ஶன-
ப்ரணாமகு³ணகீர்தநாதி³ஷு ஜக³த்ஸு ஸம்ʼராஜதே .. 5..
மஹாபி⁴ஷஸுதாங்க³னா ஹிமகி³ரீஶகூடஸ்தனா
ஸபே²னஜலஹாஸினீ ஸிதமராலஸச்சாரிணீ .
சலல்லஹரிஸத்கரா வரஸரோஜமாலாத⁴ரா
ரஸோல்லஸிதகா³மினீ ஜலதி⁴காமினீ ராஜதே .. 6..
க்வசின்முனிக³ணை꞉ ஸ்துதா க்வசித³னந்தஸம்பூஜிதா
க்வசித்கலகலஸ்வனா க்வசித³தீ⁴ரயாதோ³க³ணா .
க்வசித்³ரவிகரோஜ்ஜ்வலா க்வசிது³த³க்³ரபாதாகுலா
க்வசிஜ்ஜனவிகா³ஹிதா ஜயதி பீ⁴ஷ்மமாதா ஸதீ .. 7..
ஸ ஏவ குஶலீ ஜன꞉ ப்ரணமதீஹ பா⁴கீ³ரதீ²ம்ʼ
ஸ ஏவ தபஸாம்ʼ நிதி⁴ர்ஜபதி ஜாஹ்னவீமாத³ராத் .
ஸ ஏவ புருஷோத்தம꞉ ஸ்மரதி ஸாது⁴ மந்தா³கினீம்ʼ
ஸ ஏவ விஜயீ ப்ரபு⁴꞉ ஸுரதரங்கி³ணீம்ʼ ஸேவதே .. 8..
தவாமலஜலாசிதம்ʼ க²க³ஸ்ருʼகா³லமீனக்ஷதம்ʼ
சலல்லஹரிலோலிதம்ʼ ருசிரதீரஜம்பா³லிதம் .
கதா³ நிஜவபுர்முதா³ ஸுரனரோரகை³꞉ ஸம்ʼஸ்துதோ(அ)ப்யஹம்ʼ
த்ரிபத²கா³மினி ப்ரியமதீவ பஶ்யாம்யஹோ .. 9..
த்வத்தீரே வஸதிம்ʼ தவாமலஜலஸ்னானம்ʼ தவ ப்ரேக்ஷணம்ʼ
த்வந்நாமஸ்மரணம்ʼ தவோத³யகதா²ஸம்ʼலாபனம்ʼ பாவனம் .
க³ங்கே³ மே தவ ஸேவனைகநிபுணோ(அ)ப்யானந்தி³தஶ்சாத்³ருʼத꞉
ஸ்துத்வா சோத்³க³தபாதகோ பு⁴வி கதா³ ஶாந்தஶ்சரிஷ்யாம்யஹம் .. 10..
இத்யேதத்³ருʼஷிபி⁴꞉ ப்ரோக்தம்ʼ க³ங்கா³ஸ்தவனமுத்தமம் .
ஸ்வர்க்³யம்ʼ யஶ்ஸ்யமாயுஷ்யம்ʼ பட²னாச்ச்²ரவணாத³பி .. 11..
ஸர்வபாபஹரம்ʼ பும்ʼஸாம்ʼ ப³லமாயுர்விவர்த⁴னம் .
ப்ராதர்மத்⁴யாஹ்னஸாயாஹ்னே க³ங்கா³ஸாந்நித்⁴யதா ப⁴வேத் .. 12..
இத்யேதத்³பா⁴ர்க³வாக்²யானம்ʼ ஶுகதே³வான்மயா ஶ்ருதம் .
படி²தம்ʼ ஶ்ராவிதம்ʼ சாத்ர புண்யம்ʼ த⁴ன்யம்ʼ யஶஸ்கரம் .. 13..
அவதாரம்ʼ மஹாவிஷ்ணோ꞉ கல்கே꞉ பரமமத்³பு⁴தம் .
பட²தாம்ʼ ஶ்ருʼண்வதாம்ʼ ப⁴க்த்யா ஸர்வாஶுப⁴விநாஶனம் .. 14..
இதி ஶ்ரீகல்கிபுராணே(அ)னுபா⁴க³வதே ப⁴விஷ்யே த்ருʼதீயாம்ʼஶே
ருʼஷிக்ருʼதோ க³ங்கா³ஸ்தவ꞉ ஸம்பூர்ண꞉ ..
Encoded and proofread by Dinesh Agarwal dinesh.garghouse at gmail.com
Proofread by PSA EASWARAN psaeaswaran at gmail.com